Google Chrome: 4ನೇ ಬಾರಿಗೆ ಲೋಗೋ ಬದಲಿಸಿಕೊಂಡ ಗೂಗಲ್ ಕ್ರೋಮ್..! ಹೊಸ ಐಕಾನ್ ಹೇಗಿದೆ ಗೊತ್ತಾ?

ವಿಶ್ವದ ಪ್ರಮುಖ ಇಂಟರ್ನೆಟ್ ಬ್ರೌಸರ್ (Internet Browser) ಎಂಬ ಹೆಗ್ಗಳಿಕೆ ಪಾತ್ರವಾಗಿರುವ ಕ್ರೋಮ್ (Chrome) ಇದೀಗ ತನ್ನ ಲೋಗೋವನ್ನು (Logo) ಬದಲಾಯಿಸಿಕೊಳ್ಳಲಿದೆ. 8 ವರ್ಷಗಳ ನಂತರ ಮೊದಲ ಬಾರಿಗೆ ಗೂಗಲ್ (Google) ತನ್ನ ಕ್ರೋಮ್ ಬ್ರೌಸರ್ ಲೋಗೋವನ್ನು ಬದಲಾಯಿಸುತ್ತಿದೆ. ಈ ಬಗ್ಗೆ ಟ್ವೀಟ್  (Tweet) ಮಾಡಿರುವ ಗೂಗಲ್ ಕ್ರೋಮ್‌ ವಿನ್ಯಾಸಕ ಎಲ್ವಿನ್ ಹೂ (Elvin Hu), ಟ್ವಿಟ್ಟರ್‌ನಲ್ಲಿ ಲೋಗೋ ಮರುವಿನ್ಯಾಸದ ಮೊದಲ ನೋಟವನ್ನು ಹಂಚಿಕೊಂಡಿದ್ದಾರೆ.ಗೂಗಲ್ ಕ್ರೋಮ್ ಬ್ರೌಸರ್ ಲೋಗೋ ಬದಲಾವಣೆ ಬಗ್ಗೆ ಎಲ್ವಿನ್ ಹೂ ಟ್ವೀಟ್ ಮೂಲಕ ಮಾಹಿತಿ ನೀಡಿದ್ದಾರೆ. "ನಿಮ್ಮಲ್ಲಿ ಕೆಲವರು ಇಂದು ಕ್ರೋಮ್‌ನ ಕ್ಯಾನರಿ ಅಪ್ಡೇಟ್‌ನಲ್ಲಿ ಹೊಸ ಐಕಾನ್ ಅನ್ನು ಗಮನಿಸಿರಬಹುದು. ಹೌದು, ನಾವು 8 ವರ್ಷಗಳಲ್ಲಿ ಮೊದಲ ಬಾರಿಗೆ ಕ್ರೋಮ್‌ನ ಬ್ರ್ಯಾಂಡ್ ಐಕಾನ್‌ಗಳನ್ನು ರಿಫ್ರೆಶ್ (Icon Refressh) ಮಾಡುತ್ತಿದ್ದೇವೆ. ಹೊಸ ಐಕಾನ್‌ಗಳು ನಿಮ್ಮ ಡಿವೈಸ್‌ನಲ್ಲಿ ಶೀಘ್ರದಲ್ಲೇ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ" ಎಂದು ಹೂ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.

ಎಲ್ವಿನ್ ಹೂ, ಟ್ವಿಟರ್​ನಲ್ಲಿ 2008ರಿಂದ 2022ರವರೆಗೆ ಆಗಿರುವ ಐಕಾನ್ ಬದಲಾವಣೆಯನ್ನು ಫೋಟೋಗಳ ಮೂಲಕ ಹಂಚಿಕೊಂಡಿದ್ದಾರೆ. ಈ ಹಿಂದೆ ಅಂದರೆ 2008, 2011, 2014 ಮತ್ತು 2022ರಲ್ಲಿ ಬದಲಾಗುವ ಲೋಗೋವನ್ನು ಟ್ವಿಟ್ಟರ್ ನಲ್ಲಿ ಶೇರ್ ಮಾಡಿದ್ದಾರೆ.

ಹೊಸ ಕ್ರೋಮ್ ಬ್ರೌಸರ್ ಲೋಗೋ ವಿಶೇಷತೆ ಏನು?

ಕ್ರೋಮ್ ಬ್ರೌಸರ್ ಲೋಗೋವು 2014ರಿಂದ 2022ರವರೆಗೆ ತನ್ನ ಲೋಗೋವನ್ನು ಬದಲಿಸಿಕೊಂಡಿರಲಿಲ್ಲ. ಪ್ರಸ್ತುತ 8 ವರ್ಷಗಳ ಬಳಿಕ ಲೋಗೋದಲ್ಲಿ ಸ್ವಲ್ಪ ಮಟ್ಟಿಗೆ ಬದಲಾವಣೆ ಮಾಡಿಕೊಳ್ಳಲು ಸಜ್ಜಾಗಿದೆ, ಹಿಂದೆ ಇದ್ದ ಲೋಗೋಕ್ಕಿಂತ ಭಿನ್ನವಾಗಿಸಲು ತಯಾರಿ ನಡೆಸಿದೆ. ಈ ಬಾರಿಯ ಹೊಸ ಐಕಾನ್ ಅನ್ನು ಸರಳೀಕರಿಸಲಾಗಿದೆ, ಚಪ್ಪಟೆಗೊಳಿಸಲಾಗಿದೆ. ಬಣ್ಣಗಳು ಪ್ರಕಾಶಮಾನವಾಗಿರುತ್ತವೆ ಮತ್ತು ಪ್ರಮಾಣಗಳು ವಿಭಿನ್ನವಾಗಿವೆ, ಮಧ್ಯದಲ್ಲಿ ದೊಡ್ಡ ನೀಲಿ ಚೆಂಡನ್ನು ಗಮನಾರ್ಹವಾಗಿ ದೊಡ್ಡದಾಗಿಸಲಾಗಿದೆ ಮತ್ತು ನೆರಳನ್ನು ತೆಗೆದು ಹಾಕಲಾಗಿದೆ.

ನೆರಳುಗಳನ್ನು ತೆಗೆದುಹಾಕುವ ಮೂಲಕ ಐಕಾನ್ ಅನ್ನು ಸರಳೀಕರಿಸಲಾಗಿದೆ/ಚಪ್ಪಟೆಗೊಳಿಸಲಾಗಿದೆ. ಬಣ್ಣಗಳು ಪ್ರಕಾಶಮಾನವಾಗಿರುತ್ತವೆ ಮತ್ತು ಪ್ರಮಾಣಗಳು ವಿಭಿನ್ನವಾಗಿವೆ, ಮಧ್ಯದಲ್ಲಿ ದೊಡ್ಡ ನೀಲಿ ಚೆಂಡನ್ನು ಗಮನಾರ್ಹವಾಗಿ ದೊಡ್ಡದಾಗಿಸುತ್ತದೆ.

“ನಾವು OS-ನಿರ್ದಿಷ್ಟ ಗ್ರಾಹಕೀಕರಣಗಳನ್ನು ರಚಿಸಿದ್ದೇವೆ. ಐಕಾನ್‌ಗಳು ಕ್ರೋಮ್ ಅನ್ನು ಗುರುತಿಸಲು ನಾವು ಬಯಸುತ್ತೇವೆ, ಅದರಂತೆ ಪ್ರತಿ OS ಗೆ ಉತ್ತಮವಾಗಿ ರಚಿಸಲಾಗಿದೆ. ಉದಾಹರಣೆಗೆ, ವಿಂಡೋಸ್‌ನಲ್ಲಿ, ಐಕಾನ್‌ಗಳು ನಿಸ್ಸಂಶಯವಾಗಿ ಶ್ರೇಣೀಕೃತ ನೋಟವನ್ನು ಪಡೆದುಕೊಳ್ಳುತ್ತವೆ, ವಿಂಡೋಸ್ 10 ಮತ್ತು 11 ನಲ್ಲಿ ಕಾಣಿಸಿಕೊಳ್ಳುತ್ತವೆ, " ಎಂದು ಎಲ್ವಿನ್ ಹೂ ತಿಳಿಸಿದ್ದಾರೆ.

ಹೊಸ Google Chrome ಲೋಗೋ ಶೀಘ್ರದಲ್ಲೇ Chrome 100 ಬಿಡುಗಡೆಯೊಂದಿಗೆ ಎಲ್ಲಾ ಡಿವೈಸ್‌ಗಳಾದ್ಯಂತ ಬಳಕೆದಾರರಿಗೆ ಕಾಣಲಿದೆ.

ಎಲ್ವಿನ್ ಹೂ ಪ್ರಕಾರ, ಬಳಕೆದಾರರು ಕ್ರೋಮ್ ಕ್ಯಾನರಿ (ಕ್ರೋಮ್‌ನ ಡೆವಲಪರ್ ಆವೃತ್ತಿ) ಅನ್ನು ಬಳಸಿದರೆ ಈಗ ಹೊಸ ಐಕಾನ್ ಅನ್ನು ನೋಡಲು ಪ್ರಾರಂಭಿಸುತ್ತಿರಿ. ಆದರೆ ಮುಂದಿನ ಕೆಲವು ತಿಂಗಳುಗಳಲ್ಲಿ ಇದು ಎಲ್ಲರಿಗೂ ಕಾಣಲು ಪ್ರಾರಂಭಿಸುತ್ತದೆ ಎಂದಿದ್ದಾರೆ.

ಇದನ್ನು ಓದಿ: ಆನ್​ಲೈನ್​ನಲ್ಲಿ iPhone 13 Pro Max ಆರ್ಡರ್​ ಮಾಡಿದ ಮಹಿಳೆ.. ಆದರೆ ಬಂದಿದ್ದು ಮಾತ್ರ ಬೇರೇನೇ..!

ಗೂಗಲ್ ಕ್ರೋಮ್ ಬ್ರೌಸರ್ ಇತಿಹಾಸ

ಗೂಗಲ್ ಅಭಿವೃದ್ಧಿಪಡಿಸಿದ ವೆಬ್ ಬ್ರೌಸರ್ ಗೂಗಲ್ ಕ್ರೋಮ್ ಹೆಚ್ಚಾಗಿ ವೆಬ್‌ಕಿಟ್‌ ಲೇಔಟ್ ಎಂಜಿನ್ ಹಾಗೂ ಅಪ್ಲಿಕೇಷನ್ ಫ್ರೇಮ್‌ವರ್ಕ್‌ ಅನ್ನು ಬಳಸುತ್ತದೆ. ಇದು ಮೊದಲ ಬಾರಿಗೆ ಮೈಕ್ರೋಸಾಫ್ಟ್ ವಿಂಡೋಸ್‌ನ ಬೀಟಾ ಆವೃತ್ತಿಯ ರೂಪದಲ್ಲಿ 2008 ಸೆಪ್ಟೆಂಬರ್ 2ರಂದು ಬಿಡುಗಡೆಯಾಯಿತಾದರೂ, ಸಾರ್ವಜನಿಕರ ಬಳಕೆಗೆ ಲಭ್ಯವಾಗಿದ್ದು ಮಾತ್ರ 2008 ಡಿಸೆಂಬರ್ 11ರಂದು. ’ಕ್ರೋಮ್’ ಎಂಬ ಹೆಸರನ್ನು ವೆಬ್ ಬ್ರೌಸರ್‌ನ ಗ್ರಾಫಿಕಲ್ ಬಳಕೆದಾರ ಅಂತರಸಂಪರ್ಕ ಫ್ರೇಮ್, ಅಥವಾ “ಕ್ರೋಮ್”ನಿಂದ ಪಡೆದುಕೊಳ್ಳಲಾಯಿತು.

Some of you might have noticed a new icon in Chrome’s Canary update today. Yes! we’re refreshing Chrome’s brand icons for the first time in 8 years. The new icons will start to appear across your devices soon. pic.twitter.com/aaaRRzFLI1

— Elvin 🌈 (@elvin_not_11) February 4, 2022

Googleನ Chrome 64.06 ಪ್ರತಿಶತದಷ್ಟು ಜಾಗತಿಕ ಮಾರುಕಟ್ಟೆ ಪಾಲನ್ನು ಹೊಂದಿರುವ ವಿಶ್ವದ ಪ್ರಮುಖ ಇಂಟರ್ನೆಟ್ ಬ್ರೌಸರ್ ಆಗಿದೆ. ಸರಳವಾಗಿ ಹೇಳುವುದಾದರೆ, ಹತ್ತರಲ್ಲಿ ಆರಕ್ಕೂ ಹೆಚ್ಚು ಜನರು ಇಂಟರ್ನೆಟ್ ಬ್ರೌಸ್ ಮಾಡಲು ಕ್ರೋಮ್ ಅನ್ನು ಬಳಸುತ್ತಾರೆ.