YouTube Update: ಯೂಟ್ಯೂಬ್​ ಮ್ಯೂಸಿಕ್​ ಬಳಕೆದಾರರಿಗೆ ಗುಡ್​ ನ್ಯೂಸ್​! ಇನ್ಮುಂದೆ ಆಫ್​​ಲೈನ್​ನಲ್ಲೂ ಹಾಡು ಕೇಳ್ಬಹುದು

ಜನಪ್ರಿಯ ವಿಡಿಯೋ ಸ್ಟ್ರೀಮಿಂಗ್ (Video Streaming) ಅಪ್ಲಿಕೇಶನ್ ಆಗಿರುವ ಯೂಟ್ಯೂಬ್ (YouTube)​ ತನ್ನ ಬಳಕೆದಾರರಿಗಾಗಿ ಇತ್ತೀಚೆಗೆ ಹೊಸ ಹೊಸ ಫೀಚರ್​​ಗಳನ್ನು ನೀಡುತ್ತಲೇ ಇದೆ. ಏಕೆಂದರೆ ಇತ್ತೀಚೆಗೆ ಈ ಅಪ್ಲಿಕೇಶನ್​​ಗಳ ಬಳಕೆ ವ್ಯಾಪಕವಾಗಿ ಹಬ್ಬಿದೆ. ಜೊತೆಗೆ ಯೂಟ್ಯೂಬ್​ ತನ್ನ ಬಳಕೆದಾರರಿಗಾಗಿ ಯೂಟ್ಯೂಬ್​ ಮ್ಯೂಸಿಕ್ (Youtube Music)​ ವಿಭಾಗವನ್ನು ಆರಂಭಿಸಿತ್ತು. ಅದೇ ರೀತಿ ಬಳಕೆದಾರರು ಸಹ ಎಲ್ಲಿಗಾದ್ರೂ ಹೋಗ್ಬೇಕಂದ್ರೂ ಯೂಟ್ಯೂಬ್​​ನಲ್ಲಿ ಹಾಡು ಕೇಳ್ತಾ ಹೋಗ್ತಿದ್ರು. ಈ ಸಂದರ್ಭದಲ್ಲಿ ಯೂಟ್ಯೂಬ್​ ತನ್ನ ಯೂಸರ್ಸ್​​ಗೆ ಹೊಸ ಫೀಚರ್​ ಅನ್ನು ಪರಿಚಯಿಸಲು ಸಿದ್ಧವಾಗಿದೆ. ಈ ಮೂಲಕ ಬಳಕೆದಾರರು ಇನ್ಮುಂದೆ ಆಫ್​ಲೈನ್​​ನಲ್ಲಿಯೂ ಮ್ಯೂಸಿಕ್ ಕೇಳಬಹುದಾಗಿದೆ.

ಹೆಚ್ಚಿನ ಜನರು ಯೂಟ್ಯೂಬ್​ನಲ್ಲಿ ಮ್ಯೂಸಿಕ್​ ವಿಭಾಗ ಬಂದ ಮೇಲೆ ಮ್ಯೂಸಿಕ್​ ಕೇಳಲು ಯೂಟ್ಯೂಬ್​ ಅನ್ನೇ ಬಳಸುತ್ತಿದ್ದರು. ಇದೀಗ ಯೂಟ್ಯೂಬ್ ಬಳಕೆದಾರರ ಸಂಖ್ಯೆ ಹೆಚ್ಚಾಗುತ್ತಿದ್ದಂತೆ ಬಳಕೆದಾರರಿಗೆ ಗುಡ್​ ನ್ಯೂಸ್​ ಅನ್ನು ನೀಡಿದೆ.

ಯೂಟ್ಯೂಬ್​ ಮ್ಯೂಸಿಕ್​ನಲ್ಲಿ ಹೊಸ ಫೀಚರ್

ಇದುವರೆಗೆ ಯೂಟ್ಯೂಬ್​ ಮ್ಯೂಸಿಕ್​ನಲ್ಲಿ ಯಾವುದೇ ಮ್ಯೂಸಿಕ್​ ಕೇಳ್ಬೇಕಂದ್ರು ಇಂಟರ್ನೆಟ್​ ಸೌಲಭ್ಯ ಅಗತ್ಯವಾಗಿರುತ್ತದೆ. ಆದರೆ ಇನ್ಮುಂದೆ ಯಾವುದೇ ಹಾಡನ್ನು ಕೇಳಿದ್ರು ಅದ ಸ್ವಯಂ ಚಾಲಿತವಾಗಿ ಡೌನ್​ಲೋಡ್​ ಆಗಿರುತ್ತದೆ. ಇದನ್ನು ಯೂಟ್ಯೂಬ್​ ಮ್ಯೂಸಿಕ್​ನಲ್ಲಿ ಡಿಫಾಲ್ಟ್​​ ಆಗಿ ಆನ್​ ಮಾಡಲಾಗಿದ್ದು, ಮ್ಯೂಸಿಕ್​ ಕೇಳುಗರಿಗೆ ಇನ್ನಷ್ಟು ಸಹಕಾರಿಯಾಗಲಿದೆ.

ಇದನ್ನೂ ಓದಿ: ಗ್ರೂಪ್​ ಅಡ್ಮಿನ್​​ಗಳಿಗಾಗಿ ವಾಟ್ಸಾಪ್​ನಿಂದ ಹೊಸ ಅಪ್ಡೇಟ್​! ಹೇಗಿದೆ ಗೊತ್ತಾ ಫೀಚರ್ಸ್?

ಇನ್ನು ಈ ಫೀಚರ್​​ ಮೂಲಕ ಆಟೋಮ್ಯಾಟಿಕ್ ಆಗಿ 200 ಹಾಡುಗಳು ಡೌನ್​ಲೋಡ್​ ಆಗುತ್ತದೆ. ಇದರಲ್ಲಿ ನೀವು ಇತ್ತೀಚೆಗೆ ಕೇಳಿರುವ ಅಥವಾ ಪ್ಲೇ ಮಾಡಿರುವ ಹಾಡುಗಳು ಸೇರಿರುತ್ತದೆ.

ಹಾಗೆಯೇ ಡೌನ್​​ಲೋಡ್ ಆದಂತಹ ಮ್ಯೂಸಿಕ್​ಗಳು ಯೂಟ್ಯೂಬ್​ನ ಸೆಟ್ಟಿಂಗ್ಸ್​ನಲ್ಲಿ ಡೌನ್​ಲೋಡ್​ ಮತ್ತು ಸ್ಟೋರೇಜ್​ ವಿಭಾಗದ ಕೆಳಗೆ ಕಾಣಿಸಿಕೊಳ್ಳುತ್ತದೆ. ಇನ್ನು ಈ ಫೀಚರ್​ ಪ್ರೀಮಿಯಂ ಚಂದಾದಾರಿಕೆ ಹೊಂದಿರುವವರಿಗೆ ಮಾತ್ರ ಲಭ್ಯವಿರುತ್ತದೆ.

ಇನ್ಮುಂದೆ ಯೂಟ್ಯೂಬ್​ನಲ್ಲಿ ಈ ರೀತಿಯ ಜಾಹೀರಾತುಗಳು ಬರಲ್ಲ

ಇತ್ತೀಚೆಗೆ ಸ್ಮಾರ್ಟ್​​ಫೋನ್​ ಬಳಕೆ ಹೆಚ್ಚಾಗಿದೆ. ಇದರ ಜೊತೆಗೆ ಓಟಿಟಿ ಪ್ಲಾಟ್​​ಫಾರ್ಮ್​ಗಳ ಬಳಕೆಯೂ ಹೆಚ್ಚುತ್ತಲೇ ಇದೆ. ಉಚಿತವಾಗಿ ವಿಡಿಯೋ ಸ್ಟ್ರೀಮಿಂಗ್​ ಮಾಡುವಂತಹ ಒಂದು ಅಪ್ಲಿಕೇಶನ್ ಇದ್ದರೆ ಅದು ಯೂಟ್ಯೂಬ್. ಆದರೆ ಈಗ ಇದರಲ್ಲೂ ಜಾಹೀರಾತು ಹೆಚ್ಚಾಗಿದೆ. ಸಾಮಾನ್ಯವಾಗಿ ಪ್ರತಿಯೊಬ್ಬರು ಯೂಟ್ಯೂಬ್ ಬಳಕೆ ಮಾಡೇ ಮಾಡುತ್ತಾರೆ. ಇದರ ನಡುವೆ ಏನಾದರೂ ಇಂಟ್ರೆಸ್ಟಿಂಗ್‌ ಮಾಹಿತಿಯನ್ನು ವೀಕ್ಷಣೆ ಮಾಡುವಾಗ ಕೆಲವು ಜಾಹೀರಾತುಗಳು ಕಾಣಿಸಿಕೊಂಡು ಭಾರೀ ಕಿರಿಕಿರಿ ಉಂಟು ಮಾಡುತ್ತವೆ. ಆದರೆ, ಯೂಟ್ಯೂಬ್‌ನ ಈ ಹೊಸ ನಿರ್ಧಾರದಿಂದ ಇನ್ಮುಂದೆ ಯಾವುದೇ ಸಮಸ್ಯೆ ಇಲ್ಲದೆ ವಿಡಿಯೋಗಳನ್ನು ವೀಕ್ಷಣೆ ಮಾಡಬಹುದು.

ಸಾಂಕೇತಿಕ ಚಿತ್ರ

ಯಾವುದೇ ಆ್ಯಪ್​ಗಳಾಗಲಿ ಅಥವಾ ಪ್ಲಾಟ್‌ಫಾರ್ಮ್‌ಗಳಾಗಲಿ ತನ್ನ ಬ್ರಾಂಡ್​​ನ ಆದಾಯ ಗಳಿಸುವ ಉದ್ದೇಶದಿಂದ ಜಾಹೀರಾತನ್ನೇ ಅವಲಂಬಿಸಿಕೊಂಡಿರುತ್ತವೆ. ಅದರಂತೆ ಯೂಟ್ಯೂಬ್‌ನಲ್ಲಿ ಯಾವುದಾದರೂ ಒಂದು ವಿಡಿಯೋ ಪ್ಲೇ ಮಾಡಿದರೆ ವಿವಿಧ ರೀತಿಯ ಜಾಹೀರಾತುಗಳು ಕಾಣಿಸಿಕೊಂಡು ನೋಡುಗರ ಸಮಯವನ್ನು ವ್ಯರ್ಥ ಮಾಡುತ್ತದೆ. ಆದರೆ, ಇನ್ಮುಂದೆ ಈ ಸಮಸ್ಯೆ ಇರುವುದಿಲ್ಲ. ಯಾಕೆಂದರೆ ಯೂಟ್ಯೂಬ್‌ ಓವರ್‌ಲೇ ಜಾಹೀರಾತುಗಳ ಪ್ರಸಾರ ನಿಲ್ಲಿಸಲು ಮುಂದಾಗಿದೆ.

ಓವರ್​ಲೇ ಜಾಹೀರಾತು ಎಂದರೇನು?:

ಜಾಹೀರಾತು ವಿಭಾಗದಲ್ಲಿ ಹಲವು ರೀತಿಯ ಜಾಹೀರಾತುಗಳಿದ್ದು, ಅದರಲ್ಲಿ ಓವರ್‌ಲೇ ಜಾಹೀರಾತು ಸಹ ಒಂದಾಗಿದೆ. ಈ ರೀತಿಯ ಜಾಹೀರಾತುಗಳು ಹೆಚ್ಚಾಗಿ ವಿಡಿಯೋ ಸ್ಟ್ರೀಮಿಂಗ್‌ ಪ್ಲಾಟ್‌ಫಾರ್ಮ್‌ನಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತವೆ. ಇವು ವಿಡಿಯೋ ಪ್ಲೇ ಆಗುವಾಗ ವಿಡಿಯೋದ ಕೆಳಭಾಗದಲ್ಲಿ ಪಾಪ್-ಅಪ್ ಕಾರ್ಡ್‌ಗಳಂತೆ ಗೋಚರಿಸುತ್ತವೆ. ಇದರಲ್ಲಿ ಚಿತ್ರ ಹಾಗೂ ಟೆಕ್ಸ್ಟ್‌ ಇರುವ ಮಾಹಿತಿ ಇರುತ್ತದೆ. ಇದನ್ನು ಅನಗತ್ಯ ಎಂದಲ್ಲಿ ಆ ಫೋಟೋದ ಮೇಲೆ ಕಾಣಿಸಿಕೊಳ್ಳುವ 'x' ಎಂಬ ಐಕಾನ್ ಅನ್ನು ಕ್ಲಿಕ್ ಮಾಡುವ ಮೂಲಕ ಕ್ಯಾನ್ಸಲ್​ ಮಾಡ್ಬಹುದು.