WhatsApp Update: ವಾಟ್ಸಾಪ್​ ಬಳಕೆದಾರರಿಗೆ ಗುಡ್​ನ್ಯೂಸ್​! ಮತ್ತೊಂದು ಹೊಸ ಫೀಚರ್​ ಬಿಡುಗಡೆ ಮಾಡಿದ ಕಂಪೆನಿ

ವಾಟ್ಸಾಪ್ (WhatsApp)​ ದೇಶದಲ್ಲಿ ಅತೀ ಹೆಚ್ಚು ಬಳಕೆಯಲ್ಲಿರುವ ಮೆಸೇಜಿಂಗ್ ಅಪ್ಲಿಕೇಶನ್ (Messaging Application) ಆಗಿದೆ. ಇದು ಮೆಟಾ ಒಡೆತನದಲ್ಲಿರುವ ಅಪ್ಲಿಕೇಶನ್ ಆಗಿದ್ದು, ದಿನದಿಂದ ದಿನಕ್ಕೆ ತನ್ನ ಬಳಕೆದಾರರಿಗಾಗಿ ಹೊಸ ಹೊಸ ಫೀಚರ್ಸ್​ಗಳನ್ನು ಬಿಡುಗಡೆ ಮಾಡುತ್ತಲೇ ಇದೆ. ವಾಟ್ಸಾಪ್​ ಅಪ್ಲಿಕೇಶನ್​ ಬಗ್ಗೆ ಕಳೆದ ವರ್ಷವನ್ನು ಮೆಲುಕು ಹಾಕುವುದಾದರೆ, ವಾಟ್ಸಾಪ್​ 2022 ರಲ್ಲಿ ತನ್ನ ಬಳಕೆದಾರರಿಗಾಗಿ ಹಲವಾರು ಅಪ್ಡೇಟ್​​​ಗಳನ್ನು (Updates) ನೀಡಿದೆ. ಇವೆಲ್ಲವೂ ಗ್ರಾಹಕರಿಗೆ ಅನುಕೂಲವಾಗುವಂತಹ ಫೀಚರ್ಸ್​ಗಳಾಗಿದ್ದು, ಜನರಿಂದ ಕೂಡ ಬಹಳಷ್ಟು ಮನ್ನಣೆಯನ್ನು ಪಡೆದಿದೆ. ಇನ್ನು2023ರಲ್ಲಿ ಇನ್ನೂ ಹಲವಾರು ಫೀಚರ್ಸ್​ಗಳು ಬರಲಿವೆ ಎಂದು ಕಳೆದ ವರ್ಷವೇ ವಾಟ್ಸಾಪ್ ಘೋಷಣೆ ಮಾಡಿತ್ತು. ಅದೇ ರೀತಿ ಈಗ ಮತ್ತೊಂದು ಫೀಚರ್​​ ಬಿಡುಗಡೆ ಮಾಡಿದೆ.

ಇದೀಗ ವಾಟ್ಸಾಪ್​ ತನ್ನ ಬಳಕೆದಾರರಿಗಾಗಿ ಟೆಕ್ಸ್ಟ್​ ಎಡಿಟರ್​ ಎಂಬ ಫೀಚರ್​ ಅನ್ನು ಪರಿಚಯಿಸಿದೆ. ಈ ಮೂಲಕ ಬಳಕೆದಾರರು ತಮಗೆ ಬೇಕಾದ ಹಾಗೆ ಪಠ್ಯವನ್ನು ಡಿಸೈನ್​ ಮಾಡಿಕೊಳ್ಬಹುದಾಗಿದೆ. ಹಾಗೆಯೇ ಇನ್ನೂ ಹಲವಾರು ಫೀಚರ್ಸ್​​ ಅನ್ನು ಇದು ಹೊಂದಿದ್ದು ಇದರ ಸಂಪೂರ್ಣ ಮಾಹಿತಿ ಇದರಲ್ಲಿದೆ.

ವಾಟ್ಸಾಪ್​ ಟೆಕ್ಸ್ಟ್ ಜೊತೆಗೆ 3​ ಫೀಚರ್​ ಬಿಡುಗಡೆ

ಮೆಟಾ ಮಾಲೀಕತ್ವದ ಮೆಸೇಜಿಂಗ್‌ ಪ್ಲಾಟ್‌ಫಾರ್ಮ್ ಆದ ವಾಟ್ಸಾಪ್‌ ತನ್ನ ಡ್ರಾಯಿಂಗ್ ಟೂಲ್‌ ಇನ್ಮುಂದೆ ಟೆಕ್ಸ್ಟ್ ಎಡಿಟರ್‌ ಮೂಲಕ ಕಾರ್ಯನಿರ್ವಹಿಸುತ್ತಿದೆ ಎನ್ನುವ ಮಾಹಿತಿ ತಿಳಿದುಬಂದಿದ್ದು, ಈ ಡ್ರಾಯಿಂಗ್ ಎಡಿಟರ್ ಅನ್ನು ಸುಧಾರಿಸಲು ಮೂರು ಹೊಸ ಫೀಚರ್ಸ್‌ಗಳನ್ನು ಪರಿಚಯಿಸಲು ಯೋಜಿಸುತ್ತಿದೆ ಎಂದು ವಾಬೀಟಾಇನ್ಫೋ ತಿಳಿಸಿದೆ.

ವಾಟ್ಸಾಪ್​ ಟೆಕ್ಸ್ಟ್​​ ಸ್ಟೈಲ್​ ಬದಲಾವಣೆ

ಇನ್ನು ಈ ಟೆಕ್ಸ್ಟ್ ಎಡಿಟರ್ ಫೀಚರ್ಸ್‌ ನಲ್ಲಿ ಕೀಬೋರ್ಡ್ ಮೇಲೆ ಪ್ರದರ್ಶಿಸಲಾದ ಫಾಂಟ್ ಆಯ್ಕೆಗಳಲ್ಲಿ ಒಂದನ್ನು ಟ್ಯಾಪ್ ಮಾಡುವ ಮೂಲಕ ವಿವಿಧ ಫಾಂಟ್‌ಗಳನ್ನು ತನಗೆ ಬೇಕಾಗುವ ಹಾಗೆ ಬದಲಾಯಿಸುವ ಆಯ್ಕೆಯನ್ನು ಬಳಕೆದಾರರಿಗೆ ನೀಡಲಾಗುತ್ತದೆ. ಈ ಮೂಲಕ ಬಳಕೆದಾರರು ತಮಗಿಷ್ಟವಾದ ಶೈಲಿಯ ಟೆಕ್ಸ್ಟ್ ಅನ್ನು ಬಳಕೆ ಮಾಡಿಕೊಂಡು ವಾಟ್ಸಾಪ್‌ನಲ್ಲಿ ಚಾಟ್​ ಮಾಡಬಹುದಾಗಿದೆ.

ವಾಟ್ಸಾಪ್​ ಟೆಕ್ಸ್ಟ್​ ಜೋಡಣೆ

ವಾಟ್ಸಾಪ್​ ಟೆಕ್ಸ್ಟ್​ ಫೀಚರ್​ನಲ್ಲಿ ಎರಡನೆಯ ಫೀಚರ್ಸ್‌ ಪಠ್ಯ ಜೋಡಣೆ (text alignment) ಮಾಡುವುದಾಗಿದೆ. ಈ ಫೀಚರ್​ನ ಸಹಾಯದಿಂದ ಬಳಕೆದಾರರು ಪಠ್ಯವನ್ನು ಎಡ, ಮಧ್ಯ ಅಥವಾ ಬಲಕ್ಕೆ ಸುಲಭವಾಗಿ ಟೆಕ್ಸ್ಟ್​​ ಅನ್ನು ಸೆಟ್​ ಮಾಡಲು ಸಾಧ್ಯವಾಗುತ್ತದೆ. ಅಂದರೆ ಫೋಟೋಗಳು, ವಿಡಿಯೋ, ಜಿಐಎಫ್ ಗಳ ಮೇಲೆ ಪಠ್ಯವನ್ನು ಫಾರ್ಮಾಟ್ ಮಾಡಲು ಬಳಕೆದಾರರಿಗೆ ಹೆಚ್ಚಿನ ಕಂಟ್ರೋಲ್‌ ಅನ್ನು ಈ ಫೀಚರ್ಸ್‌ ನೀಡಲಿದೆ.

ಸಾಂಕೇತಿಕ ಚಿತ್ರ

ವಾಟ್ಸಾಪ್​​ ಟೆಕ್ಸ್ಟ್​ನ ಬಣ್ಣದ ಬದಲಾವಣೆ

ಇನ್ನು ವಾಟ್ಸಾಪ್​ನ ಮೂರನೇ ಫೀಚರ್ಸ್‌ ಎಂದರೆ ಟೆಕ್ಟ್​ನಲ್ಲಿರುವ ಬ್ಯಾಕ್​​ಗ್ರೌಂಡ್​ನ ಬಣ್ಣವನ್ನು ಬದಲಾವಣೆ ಮಾಡುವುದು. ಈ ಫೀಚರ್​ ಬಳಕೆದಾರರಿಗೆ ಸುಲಭವಾಗಿ ಪಠ್ಯದ  ಬಣ್ಣವನ್ನು ಬದಲಾಯಿಸುವಲ್ಲಿ ಸಹಕಾರ ನೀಡುವುದರ ಜೊತೆಗೆ ಪಠ್ಯವನ್ನು ಪ್ರತ್ಯೇಕಿಸಲು ಇದು ಸುಲಭವಾಗಿ ಸಹಾಯ ಮಾಡಲಿದೆ. ಈ ಫೀಚರ್​ನಿಂ ನೀವು ಟೈಪ್ ಮಾಡುವಂತಹ ಟೆಕ್ಸ್ಟ್​ ಇನ್ನಷ್ಟು ಆಕರ್ಷಕವಾಗಿ ಕಾಣಲು ಸಹಕಾರಿಯಾಗುತ್ತದೆ.

ಫೋಟೋ ಶೇರ್​ ಮಾಡುವ ಅಪ್ಡೇಟ್​

ಇನ್ನು ವಾಟ್ಸಾಪ್​ ಇತ್ತೀಚೆಗೆ ವಾಟ್ಸಾಪ್​ನಲ್ಲಿ ಫೋಟೋ ಶೇರ್​ ಮಾಡುವುದಕ್ಕೆ ಅನುಕೂಲಕರ ಫೀಚರ್​ ಒಂದನ್ನು ಪರಿಚಯಿಸತ್ತು. ಈ ಹಿಂದೆ ಫೋಟೋಗಳನ್ನು ಇನ್ನೊಬ್ಬರಿಗೆ ಶೇರ್​ ಮಾಡುವಾ್ ಅದರ ಮೂಲ ಗುಣಮಟ್ಟವನ್ನು ಕಳೆದುಕೊಳ್ಳುತ್ತಿತ್ತು. ಆದರೆ ಇನ್ಮುಂದೆ ಅದೇ ಗುಣಮಟ್ಟದಲ್ಲಿ ಶೇರ್​ ಮಾಡಲು ವಾಟ್ಸಾಪ್​ ಹೊಸ ಫೀಚರ್ ಅನ್ನು ಪರಿಚಯಿಸಿದೆ. ಇದಕ್ಕೆ ಯಾವುದೇ ರೀತಿಯಲ್ಲಿ ಡಾಕ್ಯುಮೆಂಟ್​ ಮಾಡುವಂತಹ ಅವಶ್ಯಕತೆಗಳಿರುವುದಿಲ್ಲ.

ಇದನ್ನೂ ಓದಿ: ಒಪ್ಪೋ ರೆನೋ 8ಟಿ ಸ್ಮಾರ್ಟ್​​ಫೋನ್​ ಲಾಂಚ್​​! ಫೀಚರ್ಸ್​, ಬೆಲೆ ಬಗ್ಗೆ ಮಾಹಿತಿ ಇಲ್ಲಿದೆ

ವಾಟ್ಸಾಪ್ ವಾಯ್ಸ್​ ನೋಟ್​ ಫೀಚರ್​

ವಾಟ್ಸಾಪ್​ನ ಸ್ಟೇಟಸ್​ನಲ್ಲಿ ಈ ಹಿಂದೆ ಕೇವಲ ಫೋಟೋ, ವಿಡಿಯೋಗಳನ್ನು ಮಾತ್ರ ಶೇರ್​ ಮಾಡಬಹುದಿತ್ತು. ಆದರೆ ಇನ್ಮುಂದೆ ವಾಟ್ಸಾಪ್​ ಸ್ಟೇಟಸ್​ನಲ್ಲಿ ವಾಯ್ಸ್​ ನೋಟ್​ ಅನ್ನು ಸಹ ಶೇರ್ ಮಾಡಬಹುದಾಗಿದೆ.