WhatsApp Update: ವಾಟ್ಸಾಪ್​ ಪ್ರಿಯರಿಗೆ ಗುಡ್​​ನ್ಯೂಸ್​! ಅಡ್ಮಿನ್​​​ಗಳಿಗಾಗಿ ಬರ್ತಿದೆ ಹೊಸ ಫೀಚರ್​

ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್ (Messaging Application) ಆಗಿರುವ ವಾಟ್ಸಾಪ್​ ಇತ್ತೀಚೆಗೆ ಗ್ರಾಹಕರಿಗಾಗಿ ಹೊಸ ಹೊಸ ಫೀಚರ್​​​ಗಳನ್ನು ಪರಿಚಯಿಸುತ್ತಲೇ ಇದೆ. ವಾಟ್ಸಾಪ್ (WhatsApp)​ ಈ ಹಿಂದೆ ತನ್ನ ಬಳಕೆದಾರರಿಗಾಗಿ ಅಪ್ಲಿಕೇಶನ್​​ನಲ್ಲಿ ಹಲವಾರು ಫೀಚರ್ಸ್​​ಗಳು ಬರಲಿದೆ ಎಮದು ಹೇಳಿತ್ತು. ಅದೇ ರೀತಿ ಈ ಬಾರಿ ಆರಂಭದಿಂದಲೇ ಬಹಳಷ್ಟು ತನ್ನ ಅಪ್ಲಿಕೇಶನ್​ನಲ್ಲಿ ಬಹಳಷ್ಟು ಅಪ್ಡೇಟ್ (Update)​ ಅನ್ನು ಮಾಡಿದೆ. ಕಾಲ್​ ಫೀಚರ್ಸ್ ಆಗಿರಬಹುದು, ಮೆಸೇಜಿಂಗ್​ನಲ್ಲಾಗಿರಬಹುದು ಹೀಗೆ ಹಲವಾರು ಫೀಚರ್ಸ್​​ಗಳನ್ನು ಬಳಕೆದಾರರಿಗಾಶಗಿ ಪರಿಚಯಸಿದೆ. ಇದೀಗ ಹೊಸ ಫೀಚರ್​ ಹೊರತರಲು ಪ್ಲ್ಯಾನ್​ ಮಾಡಿದ್ದು, ಇದು ವಾಟ್ಸಾಪ್​ ಗ್ರೂಪ್ ಮತ್ತು ಅಡ್ಮಿನ್​​ಗಳಿಗಾಗಿ ಪರಿಚಯಿಸುತ್ತಿರುವ ಫೀಚರ್​ ಆಗಿದೆ.

ವಾಟ್ಸಾಪ್​ ಗ್ರೂಪ್​ಗೆ ಇದುವರೆಗೆ ಯಾರು ಬೇಕಾದರು ಜಾಯಿನ್ ಆಗ್ಬಹುದಿತ್ತು. ಆದರೆ ಇನ್ಮುಂದೆ ಇದಕ್ಕೂ ಹೊಸ  ನಿಯಮಗಳನ್ನು ಹೊರತಂದಿದೆ. ಇದು ಅಡ್ಮಿನ್​​ಗಳಿಗೂ ಅನ್ವಯಿಸಲಿದ್ದು ಇನ್ಮುಂದೆ ಯಾವುದೇ ವಾಟ್ಸಾಪ್​ ಗ್ರೂಪ್​ಗೆ ಸೇರಬೇಕಾದ್ರೂ ಅಡ್ಮಿನ್​ಗಳ ಅನುಮತಿಬೇಕು.

ವಾಟ್ಸಾಪ್​ನ ಹೊಸ ಫೀಚರ್ ಯಾವುದು?

ವಾಟ್ಸಾಪ್​ ಇದೀಗ ‘ಅಪ್ರೂವ್​ ನ್ಯೂ ಪಾರ್ಟಿಸಿಪೇಂಟ್ಸ್‘ (Approve New Participants)​ ಎಂಬ ಹೊಸ ಫೀಚರ್​ ಅನ್ನು ಪರಿಚಯಿಸಿದೆ. ಈ ಫೀಚರ್​ ಮೂಲಕ ಇನ್ಮುಂದೆ ಯಾರೇ ಆಗಲಿ ವಾಟ್ಸಾಪ್​ ಗ್ರೂಪ್​ಗೆ ಸೇರ್ಬೇಕಾದ್ರು ಅಡ್ಮಿನ್​ಗಳ ಪರ್ಮಿಶನ್ ಬೇಕು. ಯಾರೇ ಆಗಲಿ ಲಿಂಕ್​ ಮೂಲಕ ವಾಟ್ಸಾಪ್​ ಗ್ರೂಪ್​ಗೆ ಸೇರಲು ಬಯಸುತ್ತಾರೆ. ಈ ಸಂದರ್ಭದಲ್ಲಿ ಅವರನ್ನು ಆ್ಯಡ್ ಮಾಡ್ಬೇಕಾ ಅಥವಾ ರಿಜೆಕ್ಟ್​ ಮಾಡುವ ಆಯ್ಕೆ ಅಡ್ಮಿನ್​ಗೆ ಸಿಗಲಿದೆ.

ಇದನ್ನೂ ಓದಿ: ಕ್ರೆಡಿಟ್ ಕಾರ್ಡ್ ಜೊತೆಗೆ ಉಚಿತ ಸ್ಮಾರ್ಟ್ ಫೋನ್ ಆಫರ್! ಫ್ರೀ ಸಿಕ್ತು ಅಂತ ಖರೀದಿಸಿದವಳ 7 ಲಕ್ಷ ಮಂಗಮಾಯ!

ಇದರಿಂದ ಉಪಯೋಗ ಏನು?

ಇದುವರೆಗೆ ಯಾರು ಬೇಕಾದ್ರು ಯಾವುದೇ ವಾಟ್ಸಾಪ್​ ಗ್ರೂಪ್​ಗೆ ಸೇರಲು ಅನುಮತಿ ಇತ್ತು. ಕೇವಲ ಒಂದು ಲಿಂಕ್ ಕಳಿಸಿದರೆ ಸಾಕು ಅದಕ್ಕೆ ಕ್ಲಿಕ್ ಕೊಡುವ ಮೂಲಕ ವಾಟ್ಸಾಪ್ ​ಗ್ರೂಪ್​ಗೆ ಸೇರಬಹುದಿತ್ತು. ಆದರೆ ಇನ್ಮುಂದೆ ಈ ರೀತಿಯಾಗಲು ಸಾಧ್ಯವಿಲ್ಲ. ಇದಕ್ಕಾಗಿಯೇ ವಾಟ್ಸಾಪ್​ ಈ ಫೀಚರ್ ಅನ್ನು ಪರಿಚಯಿಸುತ್ತಿದ್ದು, ಇನ್ಮುಂದೆ ಬಳಕೆದಾರರಿಗೆ ಇಷ್ಟ ಬಂದ ಹಾಗೆ ಗ್ರೂಪ್​​ ಸೇರಲಾಗುವುದಿಲ್ಲ.

ಹೇಗೆ ಬಳಸೋದು?

ಇನ್ನು ಈ ಫೀಚರ್​ಗಾಗಿಯೇ ವಾಟ್ಸಾಪ್​ ಗ್ರೂಪ್​ನಲ್ಲಿ ಹೊಸ ಆಯ್ಕೆಯನ್ನು ನೀಡಲಾಗುತ್ತದೆ. ಈ ಮೂಲಕ ವಾಟ್ಸಾಪ್​ನ ಈ ಹೊಸ ಫೀಚರ್​ ಅನ್ನು ಸಕ್ರಿಯಗೊಳಿಸಬಹುದು.

ಯಾರಿಗೆಲ್ಲಾ ಲಭ್ಯವಿರುತ್ತದೆ?

ವಾಟ್ಸಾಪ್​ನ ಈ ಹೊಸ ಫೀಚರ್​ ಅನ್ನು ಐಓಎಸ್​ ಮತ್ತು ಆಂಡ್ರಾಯ್ಡ್​ ಸಾಧನಗಳಲ್ಲಿ ಟೆಸ್ಟ್​ ಮಾಡಲಾಗುತ್ತಿದ್ದು, ಇನ್ನೇನು ಕೆಲವೇ ದಿನಗಳಲ್ಲಿ ಬಳಕೆಗೆ ಲಭ್ಯವಾಗಲಿದೆ. ಆದರೆ ಐಓಎಸ್​ ಮತ್ತು ಆಂಡ್ರಾಯ್ಡ್​ ಬಳಕೆದಾರರಲ್ಲಿ ಯಾರಿಗೆ ಮೊದಲು ಲಭ್ಯವಾಗುತ್ತದೆ ಎಂದು ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ. ಆದರೆ ಕೆಲವೇ ದಿನಗಳಲ್ಲಿ ಎಲ್ಲಾ ವಾಟ್ಸಾಪ್​ ಬಳಕೆದಾರರಿಗೆ ಲಭ್ಯವಾಗುವುದು ಗ್ಯಾರಂಟಿ.

ಸಾಂಕೇತಿಕ ಚಿತ್ರ

ವಾಟ್ಸಾಪ್​ನಲ್ಲಿ ಹೊಸ ಫೀಚರ್\

ವಾಟ್ಸಾಪ್‌ ಐಒಎಸ್‌ ಬೀಟಾ ವರ್ಷನ್‌ನಲ್ಲಿ ಚಾಟ್​​ ಲೀಸ್ಟ್​ನಲ್ಲಿ ಬರುವಂತಹ ಅನ್​ನೌನ್ ನಂಬರ್​ಗಳ ಬದಲಿಗೆ ಪುಶ್​ ನೇಮ್​ಗಳನ್ನು ನೀಡಲು ಮುಂದಾಗಿದೆ. ಇದರಿಂದ ಇನ್ಮುಂದೆ ಯಾವುದೇ ಅಪರಿಚಿತ ನಂಬರ್​ಗಳಿಂದ ಮೆಸೇಜ್ ಬಂದ್ರೂ ಬೇಗನೆ ಗುರುತಿಸಬಹುದು.

ಯಾವ ರೀತಿ ಕಾರ್ಯನಿರ್ವಹಿಸುತ್ತದೆ?

ವಾಟ್ಸಾಪ್‌ ಐಒಎಸ್‌ ಬೀಟಾ ವರ್ಷನ್‌ಪರಿಚಯಿಸಿರುವ ಈ ಫೀಚರ್​ ವಾಟ್ಸಾಪ್ ಗ್ರೂಪ್​ನಲ್ಲಿ ಯಾವುದೇ ನಮಗೆ ಗೊತ್ತಿಲ್ಲದ ನಂಬರ್​ನಿಂದ ಮೆಸೇಜ್​ಗಳು ಬಂದಾಗ ಫೋನ್​ ನಂಬರ್​ ಬದಲಿಗೆ ಅದರ ಪುಶ್​ ನೇಮ್ ಕಾಣಿಸಿಕೊಳ್ಳುವಂತೆ ಮಾಡುತ್ತದೆ. ಇದರಿಂದ ಯಾವುದೇ ಚಾಟ್​ ಅನ್ನು ಓಪನ್ ಮಾಡುವ ಮೊದಲಿಗೆ ಅದರ ಪುಶ್​ ನೇಮ್​ ಮೊದಲು ಕಾಣುತ್ತದೆ. ಇದರಿಂದ ಯಾವುದೇ ಚಾಟ್​ ಅನ್ನು ಧೈರ್ಯದಿಂದ ಓಪನ್ ಮಾಡಬಹುದಾಗಿದೆ.

ಅನೌನ್​ ನಂಬರ್​ ಪತ್ತೆ ಹಚ್ಚಬಹುದು

ಇನ್ನು ವಾಟ್ಸಾಪ್ ಪರಿಚಯಿಸುತ್ತಿರುವ ಈ ಫೀಚರ್​ನಿಂದ ಬಳಕೆದಾರರಿಗೆ ಯಾವುದೇ ವಾಟ್ಸಾಪ್ ಗ್ರೂಪ್​ನಿಂದ ಅಪರಿಚಿತ ಕಾಲ್​ಗಳು ಬಂದಾ ತಕ್ಷಣ ಪತ್ತೆಹಚ್ಚಬಹುದು. ಹಾಗೆಯೇ ಇದರಿಂದ ಯಾವುದೇ ತೊಂದರೆಗಳು ಸಹ ಇನ್ಮುಂದೆ ಎದುರಾಗುವುದಿಲ್ಲ.ಇದುವರೆಗೆ ಯಾವುದೇ ಅನೌನ್ ನಂಬರ್ನಿಂದ  ಮಸೇಜ್​ಗಳು ಬಂದಾಗ ಕೇವಲ ನಂಬರ್​ಗಳು ಬರುತ್ತಿತ್ತು. ಆದರೆ ಇನ್ನುಂದೆ ಪುಶ್​ ನೇಮ್​ಗಳು ಬರ್ತದೆ ಎಂದು ವರದಿಯೊಂದು ಹೇಳಿದೆ.