Disney+Hotstar: ಟೆಲಿಕಾಂ ಗ್ರಾಹಕರೇ ಗುಡ್​ನ್ಯೂಸ್​! ಈ ರೀಚಾರ್ಜ್​ ಪ್ಲ್ಯಾನ್​ನಲ್ಲಿ ಓಟಿಟಿ ಜೊತೆಗೆ 48ಜಿಬಿ ಡೇಟಾ ಉಚಿತ

ಭಾರತೀಯ ಟೆಕ್​ ವಲಯದಲ್ಲಿ ಟೆಲಿಕಾಂ ಕಂಪೆನಿಗಳು (Telecom Companies) ವ್ಯಾಪಕವಾಗಿ ಬೆಳವಣಿಗೆಯಾಗುತ್ತಿದೆ. ಈ ಮಧ್ಯೆ ಜಿಯೋ, ಏರ್​​ಟೆಲ್​ ಮತ್ತು ವೊಡಫೋನ್​ ಐಡಿಯಾ (Vodafone Idea) ಕಂಪೆನಿಗಳು ಒಂದಕ್ಕೊಂದು ಪ್ರಬಲ ಪೈಪೋಟಿಯನ್ನು ನೀಡುತ್ತಲೇ ಇದೆ. ಜಿಯೋ ಭಾರೀ ಅಗ್ಗದ ರೀಚಾರ್ಜ್​ ಯೋಜನೆಗಳನ್ನು ಬಿಡುಗಡೆ ಮಾಡುವ ಮೂಲಕ ಅತೀ ಹೆಚ್ಚು ಗ್ರಾಹಕರನ್ನು ಹೊಂದಿಕೊಂಡು ಟೆಲಿಕಾಂ ವಲಯದಲ್ಲಿ ಅಗ್ರಸ್ಥಾನದಲ್ಲಿದೆ.ಇನ್ನು ಇದಕ್ಕೆ ಏರ್​ಟೆಲ್​ ಮತ್ತು ವೊಡಫೋನ್​ ಐಡಿಯಾ ಕಂಪೆನಿಗಳು ಹೊಸ ಹೊಸ ರೀಚಾರ್ಜ್​​ ಯೋಜನೆಗಳನ್ನು (Recharge Plans) ಪರಿಚಯಿಸುವ ಮೂಲಕ ನಿರಂತರವಾಗಿ ಸ್ಪರ್ಧೆಯನ್ನು ನೀಡುತ್ತಾ ಬರಿತ್ತಿದೆ. ಅದ್ರಲ್ಲೂ ವೊಡಫೋನ್ ಮತ್ತು ಐಡಿಯಾ ವಿಲೀನವಾದ ಮೇಲೆ ವಿಐ ಕಂಪೆನಿಯಿಂದ ಬಹಳಷ್ಟು ಪ್ರೀಪೇಯ್ಡ್​ ಪ್ಲ್ಯಾನ್​ಗಳು ಬಿಡುಗಡೆಯಾಗಿದೆ ಮತ್ತು ಸಾಕಷ್ಟು ಪ್ರಯೋಜನಗಳು ಸಹ ಲಭ್ಯವಿದೆ.

ಹೌದು, ವೊಡಫೋನ್​ ಐಡಿಯಾ ಹಲವಾರು ಪ್ರೀಪೇಯ್ಡ್​ ರೀಚಾರ್ಜ್​​ ಯೋಜನೆಗಳನ್ನು ಒಳಗೊಂಡಿದ್ದು, ಇದರಲ್ಲಿ ಕೆಲವು ಯೋಜನೆಗಳು ಡೇಟಾ ಸೌಲಭ್ಯದ ಜೊತೆಗೆ ಓಟಿಟಿ ಪ್ಲಾಟ್​​ಫಾರ್ಮ್​ಗಳ ಚಂದಾದಾರಿಕೆ ಸಹ ಉಚಿತವಾಗಿ ಪಡೆಯಬಹುದಾಗಿದೆ. ಹಾಗಿದ್ರೆ ಆ ಯೋಜನೆಗಳು ಯಾವುದೆಂದು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ವೊಡಫೋನ್​ ಐಡಿಯಾದ 901 ರೂಪಾಯಿ ಪ್ಲ್ಯಾನ್​

ವೊಡಫೋನ್​ ಐಡಿಯಾ ಟೆಲಿಕಾಂನ 901 ರೂಪಾಯಿ ಪ್ರಿಪೇಯ್ಡ್‌ ಪ್ಲ್ಯಾನ್​ ರೀಚಾರ್ಜ್​ ಮಾಡಿದ್ರೆ ಗ್ರಾಹಕರು ಒಂದು ವರ್ಷದವರೆಗೆ ಡಿಸ್ನಿ + ಹಾಟ್‌ಸ್ಟಾರ್ ಓಟಿಟಿ ಪ್ಲಾಟ್​ಫಾರ್ಮ್​ನ ಉಚಿತ ಚಂದಾದಾರಿಕೆ ಸೌಲಭ್ಯ ದೊರೆಯುತ್ತದೆ. ಇನ್ನು ಈ ಯೋಜನೆಯಲ್ಲಿ ಅನಿಯಮಿತ ಕರೆ, ದಿನನಿತ್ಯ 3 ಜಿಬಿ ಡೇಟಾ ಹಾಗೂ ಡೈಲಿ  100 ಎಸ್‌ಎಮ್‌ಎಸ್‌ ಮಾಡುವ ಪ್ರಯೋಜನ ಸಿಗುತ್ತದೆ. ಇನ್ನು ಈ ಪ್ರಿಪೇಯ್ಡ್‌ ಪ್ಲ್ಯಾನ್ ಒಟ್ಟು 70 ದಿನಗಳ ವ್ಯಾಲಿಡಿಟಿ ಅವಧಿ ಯನ್ನು ಹೊಂದಿದ್ದು, ಹೆಚ್ಚುವರಿಯಾಗಿ 48ಜಿಬಿ ಡೇಟಾ ಸೌಲಭ್ಯ ನೀಡುತ್ತದೆ. ಜೊತೆಗೆ ವಿಐ ಆ್ಯಪ್ಸ್​ ಹಾಗೂ ಡೇಟಾ ರೋಲ್‌ ಓವರ್‌ ಸೌಲಭ್ಯ ಸಹ ಸಿಗಲಿದೆ.

ಇದನ್ನೂ ಓದಿ: ಒನ್​​ಪ್ಲಸ್​ ಕಂಪೆನಿಯ ಬಹುನಿರೀಕ್ಷಿತ ಸ್ಮಾರ್ಟ್​​ಫೋನ್​ನ ಪ್ರೀಬುಕಿಂಗ್ ಆರಂಭ! ಫೀಚರ್ಸ್ ನೋಡಿದ್ರೆ ಖರೀದಿಸೋದು ಗ್ಯಾರಂಟಿ

ವೊಡಫೋನ್​ ಐಡಿಯಾದ 601 ರೂಪಾಯಿ ಪ್ಲ್ಯಾನ್​

ವೊಡಫೋನ್​ ಐಡಿಯಾ ಟೆಲಿಕಾಂನ 601 ರೂಪಾಯಿ ಪ್ರಿಪೇಯ್ಡ್‌ ಪ್ಲ್ಯಾನ್​ನಲ್ಲಿ ಗ್ರಾಹಕರು ಒಂದು ವರ್ಷದವರೆಗೆ ಡಿಸ್ನಿ + ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಪಡೆಯುತ್ತಾರೆ. ಇದಲ್ಲದೆ ಈ ಯೋಜನೆಯಲ್ಲಿ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​ ಸೌಲಭ್ಯ, ದೈನಂದಿನ 3 ಜಿಬಿ ಡೇಟಾ ಹಾಗೂ ಡೈಲಿ 100 ಎಸ್‌ಎಮ್‌ಎಸ್‌ ಮಾಡುವ ಪ್ರಯೋಜನ ಸಿಗಲಿದೆ.

ಸಾಂಕೇತಿಕ ಚಿತ್ರ

ಇನ್ನು ಈ ಪ್ರಿಪೇಯ್ಡ್‌ ಪ್ಲ್ಯಾನ್ ಕೇವಲ 28 ದಿನಗಳ ವ್ಯಾಲಿಡಿಟಿ ಅವಧಿ ಯನ್ನು ಪಡೆದಿದ್ದು, ಒಟ್ಟು ವ್ಯಾಲಿಡಿಟಿ ಅವಧಿ ಮುಗಿಯುವ ಹೊತ್ತಿಗೆ 84ಜಿಬಿ ಡೇಟಾವನ್ನು ಬಳಕೆ ಮಾಡಬಹುದು. ಇದರೊಂದಿಗೆ ಹೆಚ್ಚುವರಿಯಾಗಿ 16ಜಿಬಿ ಡೇಟಾ ಸೌಲಭ್ಯ ಸಹ ಸಿಗಲಿದೆ. ಜೊತೆಗೆ ವಿಐ ಆ್ಯಪ್ಸ್​ ಹಾಗೂ ಡೇಟಾ ರೋಲ್‌ ಓವರ್‌ ಯೋಜನೆ ಲಭ್ಯವಿದೆ.

ವೊಡಫೋನ್​ ಐಡಿಯಾದ 2899 ರೂಪಾಯಿಯ ವಾರ್ಷಿಕ ಯೋಜನೆ

ವಿಐ ಟೆಲಿಕಾಂನ ಈ ಪ್ರೀಪೇಯ್ಡ್‌ ಪ್ಲ್ಯಾನ್ ವಾರ್ಷಿಕ ಅವಧಿಯ ಯೋಜನೆ ಆಗಿದೆ. ಈ ಯೋಜನೆಯಲ್ಲಿ ಪ್ರತಿದಿನ 1.5 ಜಿಬಿ ಡೇಟಾ ಪ್ರಯೋಜನಗಳು ಗ್ರಾಹಕರಿಗೆ ಲಭ್ಯವಾಗಲಿವೆ. ವೊಡಫೋನ್​ ಐಡಿಯಾ ಸೇರಿದಂತೆ ಇತರೆ ನೆಟವರ್ಕ್‌ ಗಳಿಗೂ ಅನಿಯಮಿತ ಉಚಿತ ವಾಯ್ಸ್​ ಕರೆಗಳ ಸೌಲಭ್ಯ, ಪ್ರತಿದಿನ 100 ಉಚಿತ ಎಸ್ಎಮ್ಎಸ್- ಮಾಡುವ ಪ್ರಯೋಜನ ಸಹ ದೊರೆಯುತ್ತದೆ. ಇದರೊಂದಿಗೆ ಹೆಚ್ಚುವರಿಯಾಗಿ ಈ ಯೋಜನೆಯಲ್ಲಿ ಗ್ರಾಹಕರಿಗೆ 75 ಜಿಬಿ ಡೇಟಾ ಪ್ರಯೋಜನ ಸಿಗಲಿದ್ದು, ಜೊತೆಗೆ ವೀಕೆಂಡ್ ಡೇಟಾ ರೋಲ್ ಓವರ್ ಪ್ಲ್ಯಾನ್​ ಲಭ್ಯವಿದೆ.