• Home
  • »
  • News
  • »
  • tech
  • »
  • Recharge Plans: ಟೆಲಿಕಾಂ ಗ್ರಾಹಕರಿಗೆ ಗುಡ್​ ನ್ಯೂಸ್​! ಈ ಸಿಮ್​ ಬಳಕೆದಾರರಿಗೆ ಬರೋಬ್ಬರಿ 16ಜಿಬಿ ಡೇಟಾ ಉಚಿತ

Recharge Plans: ಟೆಲಿಕಾಂ ಗ್ರಾಹಕರಿಗೆ ಗುಡ್​ ನ್ಯೂಸ್​! ಈ ಸಿಮ್​ ಬಳಕೆದಾರರಿಗೆ ಬರೋಬ್ಬರಿ 16ಜಿಬಿ ಡೇಟಾ ಉಚಿತ

ಟೆಲೆಕಾಂ ಕಂಪನಿಗಳು

ಟೆಲೆಕಾಂ ಕಂಪನಿಗಳು

ದೇಶದ ಜನಪ್ರಿಯ ಮೂರನೇ ಟೆಲಿಕಾಂ ಕಂಪನಿಯಾಗಿರುವ ವೊಡಫೋನ್ ಐಡಿಯಾ ಗ್ರಾಹಕರಿಗಾಗಿ ಹೊಸ ರೀಚಾರ್ಜ್​ ಪ್ಲ್ಯಾನ್​ ಅನ್ನು ಬಿಡುಗಡೆ ಮಾಡಿದೆ. ಈ ರೀಚಾರ್ಜ್​ ಮೂಲಕ ಗ್ರಾಹಕರಿಗೆ ಹಲವಾರು ಸೌಲಭ್ಯಗಳು ದೊರೆಯಲಿದ್ದು, ಜೊತೆಗೆ 16 ಜಿಬಿ ಹೆಚ್ಚುವರಿ ಡೇಟಾ ಸೌಲಭ್ಯವು ದೊರೆಯುತ್ತದೆ.

  • Share this:

    ಭಾರತೀಯ ಟೆಲಿಕಾಂ ವಲಯದಲ್ಲಿ (Telecom Company) ಒಂದಕ್ಕೊಂದು ಪೈಪೋಟಿ ನೀಡುತ್ತಲ್ಲೇ ಇದೆ. ಅದರಲ್ಲೂ ರಿಲಯನ್ಸ್​ ಜಿಯೋ- (Reliance Jio), ಏರ್​​​ಟೆಲ್ (Airtel)​, ವೊಡಫೋನ್ ಐಡಿಯಾ (Vodafone Idea) ಬಹಳ ಮುಂಚೂಣಿಯಲ್ಲಿರುವಂತಹ ಟೆಲಿಕಾಂ ಕಂಪನಿಗಳು. ಈ ಕಂಪನಿಗಳು ದೇಶದಲ್ಲಿ ಅತೀ ಹೆಚ್ಚು ಗ್ರಾಹಕರನ್ನು ಹೊಂದಿದೆ. ಜೊತೆಗೆ ಗ್ರಾಹಕರಿಗಾಗಿ ಹೊಸ ಹೊಸ ಪ್ಲ್ಯಾನ್​ಗಳನ್ನೂ ಪರಿಚಯಿಸುತ್ತಿದೆ. ಇದೀಗ ಟೆಲೆಕಾಂ ಗ್ರಾಹಕರು ಹೊಸ ವರ್ಷಕ್ಕೆ ಯಾವ ಕಂಪನಿ ಆಫರ್​ ನೀಡಿದೆ ಎಂಬ ಕುತೂಹಲದಲ್ಲಿರುವಾಗ, ವೊಡಫೋನ್ ಐಡಿಯಾ ಇದೀಗ ಹೊಸ ರೀಚಾರ್ಜ್​ ಪ್ಲ್ಯಾನ್ (Recharge Plan) ಅನ್ನು ಪರಿಚಯಿಸಿದೆ. ಯಾವಾಗ ವೊಡಫೋನ್ ಮತ್ತು ಐಡಿಯಾ ವಿಲೀನವಾಯಿತೋ ಅಂದಿನಿಂದ ಈ ಕಂಪನಿ ಬಹಳಷ್ಟು ಬೆಳವಣಿಗೆಯಾಗುತ್ತಲೇ ಇದೆ. ಅದರ ಜೊತೆಗೆ ಗ್ರಾಹಕರನ್ನು ತನ್ನತ್ತ ಸೆಳೆಯುವ ಪ್ರಯತ್ನ ಮಾಡುತ್ತಿದೆ.


    ಹೌದು, ದೇಶದ ಜನಪ್ರಿಯ ಮೂರನೇ ಟೆಲಿಕಾಂ ಕಂಪನಿಯಾಗಿರುವ ವೊಡಫೋನ್ ಐಡಿಯಾ ಗ್ರಾಹಕರಿಗಾಗಿ ಹೊಸ ರೀಚಾರ್ಜ್​ ಪ್ಲ್ಯಾನ್​ ಅನ್ನು ಬಿಡುಗಡೆ ಮಾಡಿದೆ. ಈ ರೀಚಾರ್ಜ್​ ಮೂಲಕ ಗ್ರಾಹಕರಿಗೆ ಹಲವಾರು ಸೌಲಭ್ಯಗಳು ದೊರೆಯಲಿದ್ದು, ಜೊತೆಗೆ 16 ಜಿಬಿ ಹೆಚ್ಚುವರಿ ಡೇಟಾ ಸೌಲಭ್ಯವು ದೊರೆಯುತ್ತದೆ.


    ವೊಡಫೋನ್ ಐಡಿಯಾದ 601 ರೂಪಾಯಿ ಪ್ರೀಪೇಯ್ಡ್​ ರೀಚಾರ್ಜ್​​ ಪ್ಲ್ಯಾನ್​


    ವಿಐ ಟೆಲಿಕಾಂನ 601 ರೂಪಾಯಿ ಪ್ರಿಪೇಯ್ಡ್‌ ಪ್ಲಾನ್‌ನಲ್ಲಿ ಗ್ರಾಹಕರು ಒಂದು ವರ್ಷದವರೆಗೆ ಡಿಸ್ನಿ + ಹಾಟ್‌ಸ್ಟಾರ್ ಉಚಿತ ಚಂದಾದಾರಿಕೆ ಪಡೆಯಬಹುದಾಗಿದೆ. ಇನ್ನು ಈ ರೀಚಾರ್ಜ್​ ಪ್ಲ್ಯಾನ್​ನಲ್ಲಿ ಅನ್ಲಿಮಿಟೆಡ್​ ಕಾಲ್​, ಪ್ರತೀದಿನ 3 ಜಿಬಿ ಡೇಟಾ ಹಾಗೂ ಡೈಲಿ 100 ಎಸ್‌ಎಮ್‌ಎಸ್‌ ಪ್ರಯೋಜನವನ್ನು ಪಡೆಯಬಹುದಾಗಿದೆ.


    ಇದನ್ನೂ ಓದಿ: ಸ್ಯಾಮ್​​ಸಂಗ್​ ಸ್ಮಾರ್ಟ್​ಫೋನ್​ ಅಪ್ಡೇಟ್​​ ಮಾಡುವಾಗ ಎಚ್ಚರ! ಫೋಟೋ, ವಿಡಿಯೋ ಎಲ್ಲವೂ ಡಿಲೀಟ್ ಆಗ್ಬಹುದು


    ಇನ್ನು ಈ ಪ್ರಿಪೇಯ್ಡ್‌ ಪ್ಲ್ಯಾನ್ ಒಟ್ಟು 28 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಈ 28 ದಿ ನಗಳಲ್ಲಿ ಗ್ರಾಹಕರು ಒಟ್ಟು 84 ಜಿಬಿ ಡೇಟಾ ಸೌಲಭ್ಯವನ್ನು ಪಡೆಯುತ್ತಾರೆ. ಇದರೊಂದಿಗೆ ಹೆಚ್ಚುವರಿಯಾಗಿ 16 ಜಿಬಿ ಡೇಟಾ ಸೌಲಭ್ಯ ಸಹ ಸಿಗಲಿದೆ. ಜೊತೆಗೆ ವಿಐ ಆ್ಯಪ್ಸ್​ ಸೇವೆ ಹಾಗೂ ಡೇಟಾ ರೋಲ್‌ ಓವರ್‌ ಕೂಡ ಮಾಡುವ ಅವಕಾಶವಿರುತ್ತದೆ.


    ಸಾಂಕೇತಿಕ ಚಿತ್ರ


    ವೊಡಫೋನ್ ಐಡಿಯಾದ 3099 ರೂಪಾಯಿ ರೀಚಾರ್ಜ್ ಪ್ಲ್ಯಾನ್


    ವೊಡಫೋನ್ ಐಡಿಯಾ ಟೆಲಿಕಾಂನ 3099 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​ನಲ್ಲಿ ಪ್ರತೂದಿನ 2 ಜಿಬಿ ಡೇಟಾವನ್ನು ಬಳಸಬಹುದಾಗಿದೆ. ಅದರೊಂದಿಗೆ ಯಾವುದೇ ನೆಟ್​ವರ್ಕ್​​ಗಳಿಗೆ ಅನ್ಲಿಮಿಟೆಡ್​ ಕಾಲ್​ ಕೂಡ ಮಾಡಬಹುದು. ಹಾಗೂ ಪ್ರತಿದಿನ 100 ಉಚಿತ ಎಸ್ಎಮ್ಎಸ್‌ ಸಹ ಮಾಡಬಹುದಾಗಿದೆ.


    ಇನ್ನು ಈ ಪ್ರೀಪೇಯ್ಡ್‌ ಪ್ಲ್ಯಾನ್ ಒಟ್ಟು 365 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದೆ. ಹೆಚ್ಚುವರಿಯಾಗಿ ಈ ಯೋಜನೆಯಲ್ಲಿ ಗ್ರಾಹಕರಿಗೆ 75 ಜಿಬಿ ಡೇಟಾ ಉಚಿತವಾಗಿ ಸಿಗಲಿದೆ. ಹಾಗೆಯೇ ಈ ಯೋಜನೆ ಮೂಲಕ ಒಂದು ವರ್ಷದ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಉಚಿತವಾಗಿ ಪಡೆಯಬಹುದು


    ಟೆಲೆಕಾಂ ಕಂಪನಿಗಳು


    ವೊಡಫೋನ್ ಐಡಿಯಾದ 2,899 ರೂಪಾಯಿ ರೀಚಾರ್ಜ್ ಪ್ಲ್ಯಾನ್


    ವಿಐ ಟೆಲಿಕಾಂ ಕಂಪನಿಯ  ಈ ಪ್ರೀಪೇಯ್ಡ್‌ ರೀಚಾರ್ಜ್​ ಪ್ಲ್ಯಾನ್ ಒಟ್ಟು 365 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಈ ರೀಚಾರ್ಜ್​ ಮೂಲಕ ಗ್ರಾಹಕರು ಪ್ರತಿದಿನ 1.5 ಜಿಬಿ ಡೇಟಾ ಪ್ರಯೋಜನಗಳು ಗ್ರಾಹಕರಿಗೆ ಲಭ್ಯವಾಗಲಿವೆ. ಜೊತೆಗೆ ಉಚಿತವಾಗಿ ಅನ್ಲಿಮಿಟೆಡ್​ ಕಾಲ್​ ಸಹ ಮಾಡಬಹುದಾಗಿದೆ. ಹಾಗೂ ದಿನಕ್ಕೆ 100 ಎಸ್​ಎಮ್​ಎಸ್​ ಅನ್ನು ಮಾಡಬಹುದು.


    ವೊಡಫೋನ್ ಐಡಿಯಾದ 1,499 ರೂಪಾಯಿ ರೀಚಾರ್ಜ್ ಪ್ಲ್ಯಾನ್


    ವೊಡಫೋನ್ ಐಡಿಯಾ ಟೆಲಿಕಾಂ ಕಂಪನಿಯ ಈ ಪ್ಲ್ಯಾನ್​ ಮೂಲಕ ಪ್ರತಿದಿನ 1.5 ಜಿಬಿ ಡೇಟಾ ಪ್ರಯೋಜನವನ್ನು ಪಡೆಯಬಹುದು. ಇದರೊಂದಿಗೆ ಯಾವುದೇ ನೆಟವರ್ಕ್​ಗೆ ಉಚಿತವಾಗಿ ಅನ್ಲಿಮಿಟೆಡ್ ಕಾಲ್​ ಕೂಡ ಮಾಡಬಹುದು. ಹಾಗೂ ಪ್ರತಿದಿನ 100 ಉಚಿತ ಎಸ್ಎಮ್ಎಸ್‌ ಪ್ರಯೋಜನವನ್ನು ಸಹ ಹೊಂದಿದೆ. ಇನ್ನು ಈ ಪ್ರೀಪೇಯ್ಡ್‌ ಪ್ಲ್ಯಾನ್ ಒಟ್ಟು 180 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ. ಇದರೊಂದಿಗೆ ಹೆಚ್ಚುವರಿಯಾಗಿ ಈ ಯೋಜನೆಯಲ್ಲಿ ಗ್ರಾಹಕರಿಗೆ ವಿಕೆಂಡ್ ಡೇಟಾ ರೋಲ್ ಓವರ್ ಸೌಲಭ್ಯ ಲಭ್ಯವಿದೆ.

    Published by:Prajwal B
    First published: