Oneplus Smartphone: ಸ್ಮಾರ್ಟ್​ಫೋನ್​ ಪ್ರಿಯರಿಗೆ ಗುಡ್​ನ್ಯೂಸ್​! ಒನ್​ಪ್ಲಸ್​ ಕಂಪೆನಿಯಿಂದಲೂ ಬರ್ತಿದೆ ಫೋಲ್ಡೇಬಲ್ ಮೊಬೈಲ್

ಒನ್​ಪ್ಲಸ್​ ಕಂಪೆನಿಯಿಂದ (Oneplus Company) ಇತ್ತೀಚೆಗೆ ನಡೆದಂತಹ ಕ್ಲೌಡ್​ 11 ಈವೆಂಟ್​ನಲ್ಲಿ (Cloud 11 Event) ಹಲವು ಡಿವೈಸ್​ಗಳನ್ನು ಅನಾವರಣ ಮಾಡಿದೆ. ಇದಲ್ಲದೆ ಮುಂದಿನ ದಿನಗಳಲ್ಲಿ ತನ್ನ ಕಂಪೆನಿಗಳಿಂದ ಬಿಡುಗಡೆಗೊಳ್ಳಲಿರುವ ಡಿವೈಸ್​ಗಳ ಮಾಹಿತಿಯನ್ನು ಸಹ ಬಹಿರಂಗ ಪಡಿಸಿದೆ. ಈ ಈವೆಂಟ್​ನಲ್ಲಿ ಒನ್​ಪ್ಲಸ್​ ಕಂಪೆನಿ ತನ್ನ  ಬ್ರಾಂಡ್​ನ ಅಡಿಯಲ್ಲಿ ಒನ್​ಪ್ಲಸ್​ ಫೋಲ್ಡ್​ ಸ್ಮಾರ್ಟ್​​ಫೋನ್ (Oneplus Fold Smartphone)​ ಅನ್ನು ಬಿಡುಗಡೆ ಮಾಡುವುದಾಗಿ ಹೇಳಿದೆ. ಈ ಸುದ್ದಿ ಸದ್ಯ ಮಾರುಕಟ್ಟೆಯಲ್ಲಿ ಭಾರೀ ಮಾತುಕತೆಯನ್ನು ಸೃಷ್ಟಿ ಮಾಡಿದೆ. ಕಾರಣ ಒನ್​ಪ್ಲಸ್​ ಪ್ರೀಮಿಯಂ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವಲ್ಲಿ ಬಹಳಷ್ಟು ಜನಪ್ರಿಯತೆಯನ್ನು ಪಡೆದಿದೆ, ಈ ಮಧ್ಯೆ ಮತ್ತೆ ಫೋಲ್ಡೇಬಲ್ ಸ್ಮಾರ್ಟ್​​ಫೋನ್ (Foladable Smartphone) ಅನ್ನು ಲಾಂಚ್ ಮಾಡುತ್ತಿದ್ದು, ಇದರ ಫೀಚರ್ಸ್​ ಮತ್ತು ಬೆಲೆ ಬಗ್ಗೆಯೇ ಎಲ್ಲರಲ್ಲೂ ಕುತೂಹಲ ಮೂಡಿಸಿದೆ.

ಒನ್​ಪ್ಲಸ್​ ಕಂಪೆನಿ ತನ್ನ ಕ್ಲೌಡ್ 11 ಈವೆಂಟ್​ನಲ್ಲಿ ಫೋಲ್ಡೇಬಲ್ ಸ್ಮಾರ್ಟ್​​ಫೋನ್​ ಅನ್ನು ಬಿಡುಗಡೆ ಮಾಡುವುದಾಗಿ ಸೂಚನೆ ನೀಡಿದೆ. ಅದರಂತೆಯೇ ಈ ಸ್ಮಾರ್ಟ್​ಫೋನ್​ಗಳು ಒನ್​ಪ್ಲಸ್​​ ವಿ ಫೋಲ್ಡ್​ ಮತ್ತು ವಿ ಫ್ಲಿಪ್​ ಎಂಬುದಾಗಿದೆ. ಇದರ ಸಣ್ಣ ಟೀಸರ್ ಸಹ ಈಗ ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡ್ತಾ ಇದೆ.

ಒನ್​ಪ್ಲಸ್​ ವಿ ಫೋಲ್ಡ್​ ಮತ್ತು ಒನ್​ಪ್ಲಸ್​ ವಿ ಫ್ಲಿಪ್​ ಸ್ಮಾರ್ಟ್​​ಫೋನ್ಸ್​

ಒನ್‌ಪ್ಲಸ್‌ ತನ್ನ ಕ್ಲೌಡ್‌ 11 ಈವೆಂಟ್‌ನ ಕೊನೆಯ ಭಾಗದಲ್ಲಿ ಒನ್‌ಪ್ಲಸ್‌ ವಿ ಫೋಲ್ಡ್‌ ಮತ್ತು ಒನ್‌ಪ್ಲಸ್‌ ವಿ ಫ್ಲಿಪ್‌ ಟೀಸರ್‌ ಅನ್ನು ಬಿಡುಗಡೆ ಮಾಡಿದೆ. ಈ ಮೂಲಕ ಶೀಘ್ರದಲ್ಲೇ ಒನ್‌ಪ್ಲಸ್‌ ವಿ ಫೋಲ್ಡ್‌ ಮತ್ತು ಒನ್‌ಪ್ಲಸ್‌ ವಿ ಫ್ಲಿಪ್‌ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಗೆ ಎಂಟ್ರಿ ನೀಡಲಿದೆ ಎಂದು ಹೇಳಿದೆ.

ಇದನ್ನೂ ಓದಿ: ಒಂದೇ ಕಂಪೆನಿಯಿಂದ ಎರಡು ಸ್ಮಾರ್ಟ್​​ವಾಚ್​ಗಳ ಬಿಡುಗಡೆ! ಫೀಚರ್ಸ್​ ಹೇಗಿದೆ ಗೊತ್ತಾ?

ಈ ಮೂಲಕ ಒನ್‌ಪ್ಲಸ್‌ ಕಂಪೆನಿ ಫೋಲ್ಡೇಬಲ್​ ಸ್ಮಾರ್ಟ್‌ಫೊನ್‌ ವಲಯಕ್ಕೆ ಎಂಟ್ರಿ ನೀಡೋದು ಅಧಿಕೃತವಾಗಿದೆ. ಅದರಂತೆ ಈ ಸ್ಮಾರ್ಟ್‌ಫೋನ್‌ಗಳು ಮೂರನೇ ತ್ರೈಮಾಸಿಕದಲ್ಲಿ ಬಿಡುಗಡೆಯಾಗಬಹುದು ಎಂದು ಕಂಪೆನಿ ಈವೆಂಟ್​ನಲ್ಲಿ ಹೇಳಿಕೊಂಡಿದೆ.

ಒನ್​ಪ್ಲಸ್​ ವಿ ಫೋಲ್ಡ್​ ಸ್ಮಾರ್ಟ್​​ಫೋನ್ ಫೀಚರ್ಸ್ ಹೇಗಿರಬಹುದು?

ಒನ್‌ಪ್ಲಸ್‌ ವಿ ಫೋಲ್ಡ್‌ ಸ್ಮಾರ್ಟ್‌ಫೋನ್‌ 8.3 ಇಂಚಿನ ಅಮೋಲೆಲ್ಡ್​ ಡಿಸ್‌ಪ್ಲೇ ಹೊಂದಿರಲಿದೆ ಎನ್ನಲಾಗಿದೆ. ಈ ಡಿಸ್‌ಪ್ಲೇ 1080 x 3200 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದುಕೊಂಡಿರುತ್ತದೆ. ಇನ್ನು ಒನ್​ಪ್ಲಸ್​ ವಿ ಫೋಲ್ಡ್​ ಸ್ಮಾರ್ಟ್‌ಫೋನ್‌ ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್‌ 8 ಜೆನ್​ 2 ಎಸ್​ಓಸಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ ಎಂದು ಅಂದಾಜಿಸಲಾಗಿದೆ. ಇದು ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್‌ ಅನ್ನು ಹೊಂದಿರಲಿದ್ದು, ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಹೊಂದಿರಬಹುದು ಎಂದು ಅಂದಾಜಿಸಲಾಗಿದೆ.

ಒನ್​ಪ್ಲಸ್​ ಫೋಲ್ಡೇಬಲ್ ಸ್ಮಾರ್ಟ್​​ಫೋನ್​

ಇನ್ನು ಈ ಫೋಲ್ಡೇಬಲ್‌ ಸ್ಮಾರ್ಟ್‌ಫೋನ್‌ 5000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರುವ ಸಾಧ್ಯತೆಯಿದೆ. ಇದು 65W ವೇಗದ ಚಾರ್ಜಿಂಗ್‌ ಅನ್ನು ಬೆಂಬಲಿಸಲಿದೆ ಎಂದು ಹೇಳಲಾಗಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಬ್ಲೂಟೂತ್‌, ವೈಫೈ, ಯುಎಸ್‌ಬಿ ಸಿ ಪೋರ್ಟ್‌, ಹೆಡ್‌ಫೋನ್‌ ಜ್ಯಾಕ್‌ ಅನ್ನು ಒಳಗೊಂಡಿರಬಹುದು ಎಂದು ಅಂದಾಜಿಸಲಾಗಿದೆ.

ಒನ್​ಪ್ಲಸ್​ ವಿ ಫ್ಲಿಪ್​​ ಸ್ಮಾರ್ಟ್​​ಫೋನ್ ಫೀಚರ್ಸ್ ನಿರೀಕ್ಷೆ ಹೇಗಿದೆ?

ಒನ್‌ಪ್ಲಸ್‌ ವಿ ಫ್ಲಿಪ್‌ ಸ್ಮಾರ್ಟ್‌ಫೋನ್‌ 6.67 ಇಂಚಿನ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿರಬಹುದು ಎಂದು ನಿರೀಕ್ಷೆಯಿದೆ. ಇದು 1080 x 2400 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಹೊಂದಿರಲಿದೆ ಎನ್ನಲಾಗಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್‌ 8 ಜೆನ್​ 2ಎಸ್​ಓಸಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಬಹುದು ಎಂದು ಅಂದಾಜಿಸಲಾಗಿದೆ.

ಈ ಸ್ಮಾರ್ಟ್​ಫೋನ್​ ಸಹ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿರಬಹುದು. ಇದರಲ್ಲಿ ಮುಖ್ಯ ಕ್ಯಾಮೆರಾ 64 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಸಾಮರ್ಥ್ಯವನ್ನು ಪಡೆದಿರಲಿದೆ ಎಂದು ನಿರೀಕ್ಷಿಸಲಾಗಿದೆ. ಜೊತೆಗೆ 5000mAh ಸಾಮರ್ಥ್ಯದ ಬ್ಯಾಟರಿಯನ್ನು ಸಹ ಒಳಗೊಂಡಿರಬಹುದು ಎಂದು ಹೇಳಲಾಗಿದೆ.