Noise Buds: ಸಂಗೀತ ಪ್ರಿಯರಿಗೆ ಗುಡ್​ ನ್ಯೂಸ್​! ಬಂದಿದೆ ನೋಡಿ ನಾಯ್ಸ್​ ಕಂಪೆನಿಯ ಹೊಸ ಇಯರ್​ಬಡ್ಸ್​

ಮ್ಯೂಸಿಕ್​ ಗ್ಯಾಜೆಟ್ಸ್​ಗಳಿಗೆ (Music Gadgets) ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆಯಿದೆ. ಈ ಸಾಧನಗಳನ್ನೇ ಬಿಡುಗಡೆ ಮಾಡಲೆಂದೇ ಕಂಪೆನಿಗಳು ಸಹ ಹುಟ್ಟಿಕೊಂಡಿವೆ. ನಾಯ್ಸ್​ ಕಂಪೆನಿ (Noise Company) ಮಾರುಕಟ್ಟೆಯಲ್ಲಿ ಇಯರ್​ಫೋನ್​, ಇಯರ್​ಬಡ್ಸ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಬಹಳಷ್ಟು ಬೇಡಿಕೆಯನ್ನು ಹೊಂದಿಕೊಂಡಿದೆ. ನಾಯ್ಸ್​ ಕಂಪೆನಿ ಬಿಡುಗಡೆ ಮಾಡಿರುವಂತಹ ಎಲ್ಲಾ ಡಿವೈಸ್​ಗಳು ಮಾರುಕಟ್ಟೆಯಲ್ಲಿ ಗ್ರಾಹಕರಿಗೆ ಕೈಗೆಟಕುವ ಬೆಲೆಯಲ್ಲಿ ಲಭ್ಯವಿದ್ದು, ಇದೀಗ ಇದೇ ಕಂಪೆನಿ ಹೊಸ ಬಡ್ಸ್​ ಅನ್ನು ಪರಿಚಯಿಸಿದೆ. ಇದು ಅದ್ಭುತ ಫೀಚರ್ಸ್​ಗಳನ್ನು ಹೊಂದಿದ್ದು, ನಾಯ್ಸ್​ ಬಡ್ಸ್​ ಕನೆಕ್ಟ್ (Noise Buds Connect) ಎಂದು ಹೆಸರಿಸಲಾಗಿದೆ.

ಹೌದು, ನಾಯ್ಸ್​ ಕಂಪೆನಿಯಿಂದ ಕೆಲವೇ ದಿನಗಳಲ್ಲಿ ನಾಯ್ಸ್​ ಬಡ್ಸ್​  ಕನೆಕ್ಟ್​ ಎಂಬ ಇಯರ್​​ಬಡ್ಸ್​ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ. ಇದು ಕ್ವಾಡ್​ ಮೈಕ್​ನೊಂದಿಗೆ ತಯಾರಾಗಿದೆ. ಹಾಗಿದ್ರೆ ಇದರ ಬೆಲೆ ಎಷ್ಟು ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.

ನಾಯ್ಸ್​ ಬಡ್ಸ್​ ಕನೆಕ್ಟ್​ ಫೀಚರ್ಸ್​​

ನಾಯ್ಸ್ ಬಡ್ಸ್ ಕನೆಕ್ಟ್ ಇಯರ್‌ಬಡ್ಸ್‌ 13mm ಡ್ರೈವರ್‌ ಘಟಕವನ್ನು ಹೊಂದಿದ್ದು, ಈ ಮೂಲಕ ಡೀಪ್‌ ಬೇಸ್‌ ಹಾಗೂ ಸ್ಪಷ್ಟವಾದ ಸೌಂಡ್‌ ಪಡೆಯಬಹುದಾಗಿದೆ. ಇದರೊಂದಿಗೆ ಬ್ಲೂಟೂತ್‌ ಆವೃತ್ತಿ 5.2 ಅನ್ನು ಬೆಂಬಲಿಸುತ್ತದೆ. ಜೊತೆಗೆ ENC ಬೆಂಬಲದೊಂದಿಗೆ ಕ್ವಾಡ್ ಮೈಕ್‌ ಆಯ್ಕೆ ಪಡೆದುಕೊಂಡಿರುವ ಈ ಇಯರ್‌ಬಡ್ಸ್, ಕರೆ ಸಮಯದಲ್ಲಿ ಅನಗತ್ಯ ಸೌಂಡ್ ಅನ್ನು ತೆಗೆದುಹಾಕುತ್ತದೆ. ಇದಿಷ್ಟೇ ಅಲ್ಲದೆ IPX5 ರೇಟಿಂಗ್‌ ಹೊಂದಿರುವ ಬಡ್ಸ್‌ ಬೆವರು ಮತ್ತು ನೀರು ನಿರೋಧಕವಾಗಿವೆ. ಇನ್ನು ಈ ಹೊಸ ಬಡ್ಸ್​ ಹೆಚ್ಚಾಗಿ ಪ್ರಯಾಣ ಮಾಡುವ ಜನರಿಗೆ ಉತ್ತಮವಾಗಿದೆ ಎಂದು ಇದರ ಸಹ ಸಂಸ್ಥಾಪಕ ಅಮಿತ್ ಖತ್ರಿ ಅವರು ಹೇಳಿದ್ದಾರೆ.

ಕನೆಕ್ಟಿವಿಟಿ ಫೀಚರ್ಸ್​

ನಾಯ್ಸ್ ಬಡ್ಸ್ ಕನೆಕ್ಟ್ ಅನ್ನು ಎಲ್ಲಾ ಡಿವೈಸ್​ಗಳಿಗೂ, ಯಾವುದೇ ಸಂದರ್ಭದಲ್ಲೂ ಸುಲಭದಲ್ಲಿ ಬಳಕೆ ಮಾಡಿಕೊಳ್ಳಬಹುದಾಗಿದೆ. ಅಂದರೆ ಮ್ಯೂಸಿಕ್‌ ಆಲಿಸಲು, ಗೇಮಿಂಗ್‌ ಆಡುವಾಗ, ಚಲನಚಿತ್ರ ವೀಕ್ಷಣೆ ಸೇರಿದಂತೆ ಇತರೆ ಎಲ್ಲಾ ಅಗತ್ಯ ವಿಷಯಗಳಲ್ಲೂ ಈ ಇಯರ್‌ಬಡ್ಸ್‌ ಬಳಸಬಹುದಾಗಿದ್ದು, ವಿಶೇಷ ಸೌಂಡ್‌ ಫೀಚರ್ಸ್‌ ನೀಡಲಿದೆ.

ಇನ್ನು ವಿಶೇಷವಾಗಿ ಹೈಪರ್‌ಸಿಂಕ್ ತಂತ್ರಜ್ಞಾನವನ್ನು ಇದು ಹೊಂದಿದ್ದು, ಚಾರ್ಜಿಂಗ್‌ ಕೇಸ್‌ನಿಂದ ತೆಗೆದ ತಕ್ಷಣ ನಿಮ್ಮ ಸ್ಮಾರ್ಟ್‌ಫೋನ್‌ಗೆ ತ್ವರಿತವಾಗಿ ಕನೆಕ್ಟ್​ ಆಗುತ್ತದೆ. ಇದರೊಂದಿಗೆ ಬಡ್‌ಗಳು ಪವರ್-ಸೇವಿಂಗ್‌ ಫೀಚರ್ಸ್‌ ಅನ್ನು ಸಹ ಹೊಂದಿದ್ದು, ಈ ಮೂಲಕ ಬಳಕೆದಾರರು ಅಧಿಕ ಸಮಯಗಳ ಕಾಲ ಬಳಕೆ ಮಾಡಬಹುದು.

ನಾಯ್ಸ್​ ಬಡ್ಸ್​ ಕನೆಕ್ಟ್​

ಬ್ಯಾಟರಿ ಸಾಮರ್ಥ್ಯ

ಈ ಹೊಸ ನಾಯ್ಸ್‌ ಬಡ್ಸ್​ ಕನೆಕ್ಟ್​ ಇಯರ್‌ಬಡ್ಸ್‌ ಅನ್ನು ಒಮ್ಮೆ ಫುಲ್​​ ಚಾರ್ಜ್‌ ಮಾಡಿದರೆ 10 ಗಂಟೆಗಳವರೆಗೆ ನಿರಂತರವಾಗಿ ಬಳಕೆ ಮಾಡಬಹುದು. ಹಾಗೆಯೇ ಇನ್‌ಸ್ಟಾಚಾರ್ಜ್‌ ಫೀಚರ್ಸ್‌ ಇರುವ ಈ ಇಯರ್‌ಬಡ್ಸ್‌ನಲ್ಲಿ ಕೇವಲ 10 ನಿಮಿಷಗಳ ಚಾರ್ಜ್‌ನೊಂದಿಗೆ 120 ನಿಮಿಷಗಳ ಪ್ಲೇಬ್ಯಾಕ್ ಅನ್ನು ಆನಂದಿಸಬಹುದಾಗಿದೆ ಎಂದು ಕಂಪೆನಿ ತಿಳಿಸಿದೆ.

ಇದನ್ನೂ ಓದಿ: ಇನ್ಫಿನಿಕ್ಸ್​ ಝೀರೋ ಬುಕ್​ ಅಲ್ಟ್ರಾ ಲ್ಯಾಪ್​ಟಾಪ್​ನ ಫಸ್ಟ್​ ಸೇಲ್ ಆರಂಭ! ಆಫರ್ಸ್​ ಏನೆಲ್ಲಾ ಇದೆ?

ನಾಯ್ಸ್​ ಬಡ್ಸ್​ ಬೆಲೆ ಮತ್ತು ಲಭ್ಯತೆ

ನಾಯ್ಸ್ ಬಡ್ಸ್ ಕನೆಕ್ಟ್ ಗೆ 1,299 ರೂಪಾಯಿಗಳ ಬೆಲೆ ನಿಗದಿ ಮಾಡಲಾಗಿದ್ದು, ಈ ಇಯರ್‌ಬಡ್ಸ್‌ ಕಾರ್ಬನ್ ಬ್ಲಾಕ್, ಮಿಂಟ್ ಗ್ರೀನ್ ಮತ್ತು ಐವರಿ ವೈಟ್ ಎಂಬ ಮೂರು ಬಣ್ಣದ ಆಯ್ಕೆಯಲ್ಲಿ ಖರೀದಿಗೆ ಲಭ್ಯವಿದೆ. ಇನ್ನು ಈ ನಾಯ್ಸ್​ ಬಡ್ಸ್​ ಕನೆಕ್ಟ್​ ಇಯರ್​ಬಡ್ಸ್​ ಅನ್ನು ಕಂಪೆನಿಯ ಅಧಿಕೃತ ವೆಬ್​ಸೈಟ್​ ಹಾಗೂ ಜನಪ್ರಿಯ ಇಕಾಮರ್ಸ್​ ಕಂಪೆನಿಯಾಗಿರುವ ಅಮೆಜಾನ್​ ಮೂಲಕ ಖರೀದಿಸಬಹುದಾಗಿದೆ. ಇದು ನಾಯ್ಸ್​ ಕಂಪೆನಿ ಈ ಬಾರಿ ಬಿಡುಗಡೆ ಮಾಡಿರುವ ಹೊಸ ಇಯರ್​ ಬಡ್ಸ್ ಇದಾಗಿದೆ.