• Home
  • »
  • News
  • »
  • tech
  • »
  • Philips Soundbar: ಮ್ಯೂಸಿಕ್​ ಪ್ರಿಯರಿಗೆ ಶುಭಸುದ್ದಿ, ಫಿಲಿಪ್ಸ್​ ಕಂಪನಿಯಿಂದ ಎರಡು ಸೌಂಡ್​ಬಾರ್​ ಬಿಡುಗಡೆ

Philips Soundbar: ಮ್ಯೂಸಿಕ್​ ಪ್ರಿಯರಿಗೆ ಶುಭಸುದ್ದಿ, ಫಿಲಿಪ್ಸ್​ ಕಂಪನಿಯಿಂದ ಎರಡು ಸೌಂಡ್​ಬಾರ್​ ಬಿಡುಗಡೆ

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಫಿಲಿಪ್ಸ್​ ಕಂಪನಿ ತನ್ನ ಕಂಪನಿಯಿಂದ ಸ್ಮಾರ್ಟ್​ಟಿವಿ, ಆಡಿಯೋ ಆ್ಯಕ್ಸಸರೀಸ್​, ಸೌಂಡ್​ಬಾರ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಬಹಳಷ್ಟು ಪ್ರಸಿದ್ದಿಯನ್ನು ಪಡೆದಿದೆ. ಇದೀಗ ಫಿಲಿಪ್ಸ್​ ತನ್ನ ಕಂಪನಿಯ ಅಡಿಯಲ್ಲಿ ಎರಡು ಸೌಂಡ್​ಬಾರ್​ಗಳನ್ನು ಬಿಡುಗಡೆ ಮಾಡುತ್ತಿದೆ.

  • Share this:

    ಮ್ಯೂಸಿಕ್ (Music)​ ಕೇಳುವುದೆಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಎಲ್ಲರಿಗೂ ಇಷ್ಟನೇ. ಕೆಲವರು ಈ  ಹಾಡು, ಸಿನೆಮಾಗಳನ್ನು ನೋಡಬೇಕಾದರೆ ಇಯರ್​ಫೋನ್ (Earphone) ಅಥವಾ ಇಯರ್​ ಬಡ್ಸ್ (Earbuds) ಅನ್ನು ಕನೆಕ್ಟ್​ ಮಾಡಿಕೊಂಡು ನೋಡುತ್ತಾರೆ. ಆದರೆ ಇತ್ತೀಚಿಗೆ ಹೆಚ್ಚಾಗಿ ಕೆಲವರು ಸೌಂಡ್ ಬಾರ್​ಗಳನ್ನು ಬಳಸಲು ಆರಂಭಿಸಿದ್ದಾರೆ. ಈ ಸೌಂಡ್​​ಬಾರ್​​ಗಳನ್ನು (Soundbar) ಮೊಬೈಲ್​ಗೂ, ಟಿವಿಗೂ ಎರಡಕ್ಕೂ ಕನೆಕ್ಟ್​ ಮಾಡಬಹುದಾದ ಫೀಚರ್ಸ್ ಅನ್ನು ಹೊಂದಿರುವುದರಿಂದ ಇದು ಈಗ ಮಾರುಕಟ್ಟೆಯಲ್ಲಿ ಹೆಚ್ಚು ಬೇಡಿಕೆಯನ್ನು ಹೊಂದಿದೆ. ಇದೀಗ ಫಿಲಿಪ್ಸ್​ ಕಂಪನಿ ತನ್ನಬ್ರಾಂಡ್ ಮೂಲಕ 2 ಸೌಂಡ್​ಬಾರ್​ಗಳನ್ನು ಬಿಡುಗಡೆ ಮಾಡಿದೆ. ಇದಕ್ಕೆ ಫಿಲಿಪ್ಸ್‌ TAB8947 3.1.2 CH ಮತ್ತು TAB7807 3.1 CH ಸೌಂಡ್‌ಬಾರ್‌ ಎಂದು ಹೆಸರಿಡಲಾಗಿದೆ.


    ಫಿಲಿಪ್ಸ್​ ಕಂಪನಿ ತನ್ನ ಕಂಪನಿಯಿಂದ ಸ್ಮಾರ್ಟ್​ಟಿವಿ, ಆಡಿಯೋ ಆ್ಯಕ್ಸಸರೀಸ್​, ಸೌಂಡ್​ಬಾರ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಬಹಳಷ್ಟು ಪ್ರಸಿದ್ದಿಯನ್ನು ಪಡೆದಿದೆ. ಇದೀಗ ಫಿಲಿಪ್ಸ್​ ತನ್ನ ಕಂಪನಿಯ ಅಡಿಯಲ್ಲಿ ಎರಡು ಸೌಂಡ್​ಬಾರ್​ಗಳನ್ನು ಬಿಡುಗಡೆ ಮಾಡುತ್ತಿದೆ.


    ಹೌದು, ಫಿಲಿಪ್ಸ್ ತನ್ನ ಕಂಪನಿಯ ಅಡಿಯಲ್ಲಿ ಫಿಲಿಪ್ಸ್​ TAB8947 3.1.2 CH ಮತ್ತು TAB7807 3.1 CH ಎಂಬ ಎರಡು ಸೌಂಡ್​ಬಾರ್​ಗಳನ್ನು ಬಿಡುಗಡೆ ಮಾಡಿದೆ. ಇದು ವಯರ್​ಲೆಸ್​ ಕನೆಕ್ಟಿವಿಟಿ ಫೀಚರ್ಸ್ ಅನ್ನು ಹೊಂದಿದೆ.


    ಇದನ್ನೂ ಓದಿ: ಜಿಯೋದಿಂದ ಕೇವಲ 222 ರೂಪಾಯಿಯ ಭರ್ಜರಿ ರೀಚಾರ್ಜ್​ ಪ್ಲಾನ್! ಏನೇನೆಲ್ಲಾ ಆಫರ್ಸ್​ ಇದೆ?


    ಫಿಲಿಪ್ಸ್‌ TAB8947 3.1.2 CH ಸೌಂಡ್​ಬಾರ್​ನ ಫೀಚರ್ಸ್​


    ಫಿಲಿಪ್ಸ್ TAB8947 3.1.2 CH ಸೌಂಡ್‌ಬಾರ್‌ 8 ಇಂಟಿಗ್ರೇಟೆಡ್ ಆಡಿಯೋ ಡ್ರೈವರ್‌ ಅನ್ನು ಹೊಂದಿದೆ. ಇದು 3.1.2 ಚಾನೆಲ್‌ಗಳನ್ನು ಮತ್ತು 8-ಇಂಚಿನ ಸಬ್ ವೂಫರ್ ಅನ್ನು ಹೊಂದಿರಲಿದೆ. ಇನ್ನು ಈ ಸೌಂಡ್‌ಬಾರ್‌ ಕ್ಲಿಯರ್​​ ಸೌಂಡ್‌ ಮಾತ್ರವಲ್ಲದೆ ಹೆಚ್ಚಿನ ಬಾಸ್‌ಅನ್ನು ಕೂಡ ಹೊಂದಿರಲಿದೆ.


    ಸಾಂಕೇತಿಕ ಚಿತ್ರ


    ಇದಲ್ಲದೆ ಡಾಲ್ಬಿ ಅಟ್ಮೋಸ್‌ ಬೆಂಬಲವನ್ನು ಹೊಂದಿರುವುದರಿಂದ ಉತ್ತಮ ಸೌಂಡ್​ ಅನುಭವವನ್ನು ನೀಡಲಿದೆ. ಜೊತೆಗೆ ನೆಟ್‌ಫ್ಲಿಕ್ಸ್, ಅಮೆಜಾನ್ ಪ್ರೈಮ್ ವಿಡಿಯೋ, ಡಿಸ್ನಿ+ ಹಾಟ್‌ಸ್ಟಾರ್ ಮತ್ತು ಝೀ 5 ನಂತಹ ಒಟಿಟಿ ಸೇವೆಗಳಲ್ಲಿ ಕೂಡ ಡಾಲ್ಬಿ ಅಟ್ಮೋಸ್‌ ಅನ್ನು ಕಾರ್ಯನಿರ್ವಹಿಸುತ್ತದೆ.


    ಇನ್ನು ಫಿಲಿಪ್ಸ್‌ TAB8947 3.1.2 CH ಸೌಂಡ್‌ಬಾರ್‌ ಗೂಗಲ್‌ ಅಸಿಸ್ಟೆಂಟ್‌ ಮತ್ತು ಆಪಲ್‌ ಸಿರಿ ಗೆ ಬೆಂಬಲವನ್ನು ನೀಡುತ್ತದೆ. ಜೊತೆಗೆ ನೀವು ಕ್ರೋಮಾಕಾಸ್ಟ್‌ ಮತ್ತು ಏರ್‌ಪ್ಲೇ ಡೌನ್​ಲೋಡ್​ ಮಾಡಿಕೊಂಡು ನಿಮ್ಮ ಫೋನ್‌ನಿಂದ ಯಾವುದನ್ನು ಕೂಡ ಪ್ಲೇ ಮಾಡಬಹುದಾಗಿದೆ. ಹಾಗೆಯೇ HDMI eARC ನೊಂದಿಗೆ, ಟಿವಿ ಗೆ ಕನೆಕ್ಟ್​ ಮಾಡಿದಾಗ ಟಿವಿ ರಿಮೋಟ್​ ಮೂಲಕ ಸೌಂಡ್‌ಬಾರ್‌ ಕಂಟ್ರೋಲ್‌ ಮಾಡಬಹುದು.


    ಆದರೆ ರೆಸಲ್ಯೂಶನ್ ನಷ್ಟವಿಲ್ಲದೆ 4K ಪಾಸ್-ಥ್ರೂ ಅನ್ನು ಅನುಮತಿಸುತ್ತದೆ. ಇನ್ನು ಈ ಸೌಂಡ್​ಬಾರ್​ನಲ್ಲಿ ಕೇವಲ ಒಂದು ರಿಮೋಟ್ ಕಂಟ್ರೋಲ್‌ ಮೂಲಕ EQ ಮೋಡ್‌ಗಳು, ಬಾಸ್, ಟ್ರೆಬಲ್ ಮತ್ತು ವಾಲ್ಯೂಮ್ ಸೆಟ್ಟಿಂಗ್‌ಗಳನ್ನು ಸೆಟ್‌ ಮಾಡಬಹುದಾಗಿದೆ.


    ಫಿಲಿಪ್ಸ್​ TAB7807 3.1 CH


    ಫಿಲಿಪ್ಸ್ TAB7807 3.1 CH ಸೌಂಡ್‌ಬಾರ್‌ ಕೂಡ 3.1-ಚಾನೆಲ್ ಅನ್ನು ಹೊಂದಿದೆ. ಆದರೆ ಇದು 6 ಇಂಟಿಗ್ರೇಟೆಡ್ ಆಡಿಯೋ ಡ್ರೈವರ್‌ಗಳನ್ನು ಹೊಂದಿದೆ. ಇದರಲ್ಲಿ ಸಂಪೂರ್ಣ ಸಿಸ್ಟಮ್‌ಗೆ ವಯರ್‌ಲೆಸ್ ಮೂಲಕ ಕನೆಕ್ಟ್​ ಮಾಡುವ 8-ಇಂಚಿನ ಸಬ್ ವೂಫರ್ ಅನ್ನು ನೀಡಲಾಗಿದೆ. ಈ ಫಿಲಿಪ್ಸ್ ಸೌಂಡ್‌ಬಾರ್‌ನ ಎರಡೂ ತುದಿಯಲ್ಲಿ ಎರಡು ಹೆಚ್ಚುವರಿ  ಸ್ಪೀಕರ್‌ಗಳನ್ನು ನೀಡಿದ್ದೇವೆ ಎಂದು ಫಿಲಿಪ್ಸ್‌ ಕಂಪನಿ ಹೇಳಿಕೊಂಡಿದೆ.


    ಸಾಂಕೇತಿಕ ಚಿತ್ರ


    ಫಿಲಿಪ್ಸ್​ನ ಈ ಸೌಂಡ್‌ಬಾರ್ ಕೂಡ ಡಾಲ್ಬಿ ಅಟ್ಮಾಸ್ ಅನ್ನು ಬೆಂಬಲಿಸುತ್ತದೆ. ಆದ್ದರಿಂದ ಇದರ ಮೂಲಕ ನೀವು ಉತ್ತಮ ಗುಣಮಟ್ಟದ ಆಡಿಯೋ ಅನುಭವವನ್ನು ಪಡೆದುಕೊಳ್ಳಬಹುದಾಗಿದೆ. ಅದರಲ್ಲೂ ವಿಶೇಷವಾಗಿ ಚಲನಚಿತ್ರಗಳನ್ನು ವೀಕ್ಷಿಸುವಾಗ ಅತ್ಯುತ್ತಮವಾದ ಅನುಭವವನ್ನು ಪಡೆದುಕೊಳ್ಳುವಂತಹ ಫೀಚರ್ಸ್​ ಅನ್ನು ಇದು ಹೊಂದಿದೆ.


    ಬೆಲೆ ಮತ್ತು ಲಭ್ಯತೆ


    ಭಾರತದಲ್ಲಿ ಫಿಲಿಪ್ಸ್ TAB8947 3.1.2 CH ಸೌಂಡ್‌ಬಾರ್‌ನ ಬೆಲೆ 35,990ರೂಪಾಯಿ ಆಗಿದೆ. ಹಾಗೆಯೇ ಫಿಲಿಪ್ಸ್‌ TAB7807 3.1 CH ಸೌಂಡ್‌ಬಾರ್‌ನ ಬೆಲೆ 28,990ರೂಪಾಯಿ ಆಗಿದೆ. ಈ ಎರಡು ಸೌಂಡ್‌ಬಾರ್‌ಗಳು ಭಾರತದ ಪ್ರಮುಖ ಎಲೆಕ್ಟ್ರಾನಿಕ್ಸ್‌ ಸ್ಟೋರ್‌ಗಳಲ್ಲಿ ಮತ್ತು ಕಂಪೆನಿಯ ಶೋರೂಂಗಳಲ್ಲಿ ಖರೀದಿ ಮಾಡಬಹುದು.

    Published by:Prajwal B
    First published: