Reliance Jio: ಜಿಯೋ ಗ್ರಾಹಕರಿಗೆ ಗುಡ್​​ ನ್ಯೂಸ್​! ಕಡಿಮೆ ಬೆಲೆಯಲ್ಲಿ ಪ್ರತೀದಿನ 2.5 ಜಿಬಿ ಡೇಟಾವನ್ನು ಪಡೆಯಬಹುದು

 ಭಾರತದಲ್ಲಿ ಅನೇಕ ಟೆಲಿಕಾಂ ಕಂಪೆನಿಗಳಿವೆ (Telecom Company). ಇವೆಲ್ಲವೂ ಒಂದಕ್ಕೊಂದು ಪೈಪೋಟಿ ನೀಡುವ ದೃಷ್ಟಿಯಿಂದ ತನ್ನ ಗ್ರಾಹಕರಿಗೆ ವಿಶೇಷ ಮಾದರಿಯ ರೀಚಾರ್ಜ್​ ಪ್ಲ್ಯಾನ್​​ಗಳನ್ನು (Recharge Plans) ಪರಿಚಯಿಸುತ್ತಾ ಇರುತ್ತದೆ. ಅದರಲ್ಲೂ ರಿಲಯನ್ಸ್​ ಕಂಪೆನಿಯ ಜಿಯೋ (Reliance Jio) ಅಗ್ಗದ ರೀಚಾರ್ಜ್​ ಪ್ಲ್ಯಾನ್​​ಗಳನ್ನು ಬಿಡುಗಡೆ ಮಾಡುವ ಮೂಲಕ ದೇಶದ ನಂಬರ್​ ಒನ್​ ಟೆಲಿಕಾಂ ಕಂಪೆನಿಯೆಂದು ಗುರುತಿಸಿಕೊಂಡಿದೆ. ಜಿಯೋ ಕಂಪೆನಿ ತನ್ನ ಗ್ರಾಹಕರಿಗಾಗಿ ಕಡಿಮೆ ಬೆಲೆಯಿಮದ ಹಿಡಿದು ದುಬಾರಿ ಬೆಲೆಯವರೆಗೂ ರೀಚಾರ್ಜ್ ಯೋಜನೆಗಳನ್ನು ಪರಿಚಯಿಸಿದೆ. ಇದೀಗ ಜಿಯೋ ದೇಶದೆಲ್ಲೆಡೆ 5ಜಿ ನೆಟ್​ವರ್ಕ್ (5G Network)​ ಸೇವೆಯನ್ನು ವಿಸ್ತರಿಸುತ್ತಿದ್ದು, ಇಂಟರ್ನೆಟ್​ ವೇಗ ಇನ್ನಷ್ಟು ಹೆಚ್ಚಾಗುತ್ತದೆ ಎಂದು ಹೇಳಲಾಗಿದೆ.

ಜಿಯೋ ತನ್ನ ಗ್ರಾಹಕರಿಗಾಗಿ ಸದ್ಯ ಅಧಿಕ ಡೇಟಾ ಬಳಸುವವರಿಗೆ ಪ್ರತೀ ದಿನ 2.5 ಜಿಬಿ ಡೇಟಾ ಲಭ್ಯವಾಗು ರೀಚಾರ್ಜ್ ಪ್ಲ್ಯಾನ್ ಅನ್ನು ಪರಿಚಯಿಸಿದ್ದು. ಈ ಸೌಲಭ್ಯವನ್ನು ಹೊಂದಿದ ಹಲವು ಯೋಜನೆಗಳಿವೆ. ಹಾಗಿದ್ರೆ ಜಿಯೋದಿಂದ ಯಾವೆಲ್ಲಾ ಪ್ಲ್ಯಾನ್​ಗಳು ಲಭ್ಯವಿದೆ ಎಂಬುದರ ಮಾಹಿತಿ ಈ ಲೇಖನದಲ್ಲಿದೆ.

ಜಿಯೋ ಪರಿಚಯಿಸಿರುವ ಯೋಜನೆಗಳು

ರಿಲಯನ್ಸ್​ ಜಿಯೋ 2.5 ಜಿಬಿ ಡೇಟಾ ಸೌಲಭ್ಯವನ್ನು ನೀಡುವಂತಹ ಹಲವು ರೀಚಾರ್ಜ್ ಯೋಜನೆಗಳನ್ನು ಪರಿಚಯಿಸಿದೆ. ಇದರಲ್ಲಿ 60 ದಿನಗಳಿಂದ 90 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರು ವ ಯೋಜನೆಗಳಲ್ಲಿ ನಾವು ಹೆಚ್ಚಾಗಿ ಈ ಪ್ರಯೋಜನಗಳನ್ನು ಪಡೆಯಬಹುದು.

ಜಿಯೋನ 349 ರೂಪಾಯಿ ರೀಚಾರ್ಜ್ ಯೋಜನೆ

ರಿಲಯನ್ಸ್ ಜಿಯೋ ಪರಿಚಯಿಸಿದ 349 ರೂ. ಪ್ಲ್ಯಾನ್ ಒಟ್ಟು 30 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದೆ. ಈ ಸಮಯದಲ್ಲಿ ಗ್ರಾಹಕರಿಗೆ ಪ್ರತಿದಿನ 2.5 ಜಿಬಿ ಡೇಟಾ ಪ್ರಯೋಜನ ಲಭ್ಯವಾಗಲಿದ್ದು, ಪೂರ್ಣ ವ್ಯಾಲಿಡಿಟಿ ಅವಧಿಗೆ 75 ಜಿಬಿ ಡೇಟಾ ಪ್ರಯೋಜನವನ್ನು ಪಡೆಯಬಹುದಾಗಿದೆ.

ಈ ಸೌಲಭ್ಯದ ಜೊತೆಗೆ ಅನಿಯಮಿತ ಜಿಯೋ ಟು ಜಿಯೋ ಕರೆಗಳು, ಜಿಯೋ ದಿಂದ ಇತರೆ ನೆಟ್​​ವರ್ಕ್​​ ಕರೆಗಳಿಗೂ ಅನಿಯಮಿತ ವಾಯ್ಸ್​​ ಕಾಲ್​ ಮಾಡುವ ಸೌಲಭ್ಯ ನೀಡಿದೆ. ಇದರೊಂದಿಗೆ 100 ಎಸ್‌ಎಮ್‌ಎಸ್‌ ಅನ್ನು ಉಚಿತವಾಗಿ ಮಾಡಬಹುದು. ಇನ್ನು ಜಿಯೋ ಅಪ್ಲಿಕೇಶನ್​ಗಳ ಸೇವೆಗಳು ಸಹ ಸಿಗಲಿವೆ.

ಜಿಯೋನ 899 ರೂಪಾಯಿ ರೀಚಾರ್ಜ್ ಯೋಜನೆ

ರಿಲಯನ್ಸ್ ಜಿಯೋನ 899 ರೂ. ಪ್ಲ್ಯಾನ್ ಒಟ್ಟು 90 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದ್ದು, ಈ ಅವಧಿಯಲ್ಲಿ ಪ್ರತಿದಿನ 2.5 ಜಿಬಿ ಡೇಟಾ ಪ್ರಯೋಜನವನ್ನು ಪಡೆಯಬಹುದಾಗಿದೆ. ಹಾಗೆಯೇ ಪೂರ್ಣ ವ್ಯಾಲಿಡಿಟಿ ಅವಧಿಗೆ ಒಟ್ಟು 225 ಜಿಬಿ ಡೇಟಾ ದೊರೆಯುತ್ತದೆ.

ಜಿಯೋ ಟೆಲಿಕಾಂ ಕಂಪೆನಿ

ಇನ್ನು ಈ ಯೋಜನೆ ಮೂಲಕ ಅನಿಯಮಿತ ಜಿಯೋ ಟು ಜಿಯೋ ಕರೆಗಳು, ಜಿಯೋ ದಿಂದ ಇತರೆ ನೆಟ್​​ವರ್ಕ್ ಕರೆಗಳಿಗೂ ಅನಿಯಮಿತ ವಾಯ್ಸ್​ ಕರೆ ಮಾಡುವ ಸೌಲಭ್ಯವಿದೆ. ಇದರೊಂದಿಗೆ 100 ಎಸ್‌ಎಮ್‌ಎಸ್‌ ಸೌಲಭ್ಯ ಸಹ ಲಭ್ಯವಾಗಲಿದೆ ಜೊತೆಗೆ ಜಿಯೋ ಆ್ಯಪ್​ ಸೇವೆಗಳು ಸಹ ಸಿಗಲಿದೆ.

ಜಿಯೋನ 2023 ರೂಪಾಯಿ ರೀಚಾರ್ಜ್ ಯೋಜನೆ

ರಿಲಯನ್ಸ್ ಜಿಯೋ ಈ ವರ್ಷ ಪರಿಚಯಿಸಿದ 2023 ರೂ. ಪ್ಲ್ಯಾನ್ ಒಟ್ಟು 252 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದೆ. ಈ ಅವಧಿಯಲ್ಲಿ ಪ್ರತಿದಿನ ಗ್ರಾಹಕರು 2.5 ಜಿಬಿ ಡೇಟಾವನ್ನು ಬಳಸಬಹುದಾಗಿದ್ದು, ಪೂರ್ಣ ವ್ಯಾಲಿಡಿಟಿ ಅವಧಿಗೆ ಒಟ್ಟು 630 ಜಿಬಿ ಡೇಟಾ ಸಿಗಲಿದೆ.

ಇದನ್ನೂ ಓದಿ: ಚಾಟ್​​ಜಿಪಿಟಿ ಟೆಕ್ನಾಲಜಿಯಿಂದಾಗುವ ಲಾಭ, ನಷ್ಟಗಳೇನು? ಸಂಪೂರ್ಣ ಮಾಹಿತಿ ಇಲ್ಲಿದೆ

ಹಾಗೆಯೇ ಈ ಯೋಜನೆ ಮೂಲಕ ಅನಿಯಮಿತ ಜಿಯೋ ಟು ಜಿಯೋ ಕರೆಗಳು, ಜಿಯೋ ದಿಂದ ಇತರೆ ನೆಟ್​ವರ್ಕ್ ಕರೆಗಳಿಗೂ ಅನಿಯಮಿತ ವಾಯ್ಸ್​ ಕಾಲ್​ ಮಾಡುವ ಸೌಲಭ್ಉ ಸಿಗುತ್ತದೆ. ಇದರೊಂದಿಗೆ 100 ಎಸ್‌ಎಮ್‌ಎಸ್‌ ಸೌಲಭ್ಯ ಸಹ ಸಿಗಲಿದ್ದು, ಜಿಯೋ ಆ್ಯಪ್​ಗಳ ಉಚಿತ ಸೇವೆಗಳನ್ನು ಪಡೆಯಬಹುದು.