BSNL Broadband Plans: ಬಿಎಸ್​ಎನ್​​ಎಲ್​ ಗ್ರಾಹಕರಿಗೆ ಗುಡ್​ ನ್ಯೂಸ್​! ಒಂದೇ ರೀಚಾರ್ಜ್​ನಲ್ಲಿ 9 ಒಟಿಟಿ ಪ್ಲಾಟ್​ಫಾರ್ಮ್​ಗಳು ಲಭ್ಯ

ಭಾರತದಲ್ಲಿ ಹಲವಾರು ಟೆಲಿಕಾಂ ಕಂಪೆನಿಗಳಿವೆ (Indian Telecom Companies). ಖಾಸಗಿ ಟೆಲಿಕಾಂ ಕಂಪೆನಿಗಳಿಂದ ಸಾರ್ವಜನಿಕ ಟೆಲಿಕಾಂ ಕಂಪೆನಿಗಳವರೆಗೆ ಹಲವಾರು ಕಂಪೆನಿಗಳನ್ನು ನಾವು ನೋಡಬಹುದಾಗಿದೆ. ಸಾರ್ವಜನಿಕ ಟೆಲಿಕಾಂ ಕಂಪೆನಿಗಳಲ್ಲಿ ಒಂದಾದ ಬಿಎಸ್ಎನ್​ಎಲ್​ ಕಂಪೆನಿ (BSNL Company) ಖಾಸಗಿ ಕಂಪೆನಿಗಳಿಗೆ ಪೈಪೋಟಿ ನೀಡುವ ಉದ್ದೇಶದಿಂದ ವಿಶೇಷ ಬೆಲೆಯ ರೀಚಾರ್ಜ್ ಪ್ಲ್ಯಾನ್​​ಗಳನ್ನು ಪರಿಚಯಿಸುತ್ತಲೇ ಇದೆ. ಈ ಕಂಪೆನಿ ಬಹಳ ಹಿಂದಿನಿಂದಲೂ ಒಂದು ಮಟ್ಟದಲ್ಲಿ ಗ್ರಾಹಕರನ್ನು ಹೊಂದಿದೆ. ಇದಕ್ಕೆ ಮುಖ್ಯ ಕಾರಣ ಇದು ಬಿಡುಗಡೆ ಮಾಡಿರುವ ಅಗ್ಗದ ಬೆಲೆಯ ರೀಚಾರ್ಜ್​ ಪ್ಲ್ಯಾನ್​ಗಳು (Recharge Plans) ಎಂದು ಹೇಳ್ಬಹುದು. ಇದೀಗ ಬಿಎಸ್​ಎನ್​ಎಲ್​ ಕಂಪೆನಿ ಓಟಿಟಿ (OTT Platforms) ಪ್ರಯೋಜನಗಳನ್ನು ಒಳಗೊಂಡ ಬಜೆಟ್​ ಬೆಲೆಯ ರೀಚಾರ್ಜ್ ಯೋಜನೆಗಳನ್ನು ಬಿಡುಗಡೆ ಮಾಡಿದೆ.

ಜನಪ್ರಿಯ ಟೆಲಿಕಾಂ ಕಂಪೆನಿಗಳಲ್ಲಿ ಒಂದಾದ ಬಿಎಸ್​ಎನ್​ಎಲ್​ ಕಂಪೆನಿ ತನ್ನ ಗ್ರಾಹಕರಿಗಾಗಿ ಬ್ರಾಡ್​ಬ್ಯಾಂಡ್ ಯೋಜನೆಯ ಅಡಿಯಲ್ಲಿ ಭಾರೀ ಅಗ್ಗದ ಬೆಲೆಯಲ್ಲಿ 9 ಓಟಿಟಿ ಪ್ಲಾಟ್​ಫಾರ್ಮ್​ಗಳ ಉಚಿತ ಚಂದಾದಾರಿಕೆ ಸೌಲಭ್ಯವನ್ನು ನೀಡುತ್ತಿದೆ. ಹಾಗಿದ್ರೆ ಆ ಯೋಜನೆಗಳು ಯಾವುದೆಂಬುದನ್ನು ಈ ಲೇಖನದ ಮೂಲಕ ತಿಳಿಯೋಣ.

ಬಿಎಸ್​​ಎನ್​ಎಲ್​ನ 249 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​

ಬಿಎಸ್‌ಎನ್‌ಎಲ್‌ ತನ್ನ 249 ರೂಪಾಯಿ ಯೋಜನೆಯಲ್ಲಿ ಗ್ರಾಹಕರಿಗೆ ಒಟ್ಟು 9 ಓಟಿಟಿ ಪ್ಲಾಟ್‌ಫಾರ್ಮ್‌ಗಳನ್ನು ನೀಡುತ್ತದೆ. ಅವುಗಳು ಕ್ರಮವಾಗಿ ಜೀ5, ಸೋನಿಲೈವ್, ವೂಟ್‌ ಸೆಲೆಕ್ಟ್‌, ಯುಪ್‌ ಟಿವಿ, ಆಹಾ,ಲಯನ್ಸ್​ಗೇಟ್​ ಪ್ಲೇ, ಹಂಗಾಮಾ ಮತ್ತು ಡಿಸ್ನಿ+ ಹಾಟ್‌ಸ್ಟಾರ್‌ ಇದರೊಂದಿಗೆ ಇನ್ನೊಂದು ಓಟಿಟಿ ಪ್ರಯೋಜನ ದೊರೆಯುತ್ತದೆ. ಎಂಟ್ರಿ ಲೆವೆಲ್‌ ಬೆಲೆಯ ಬ್ರಾಡ್‌ಬ್ಯಾಂಡ್ ಯೋಜನೆಯಲ್ಲಿ ಓಟಿಟಿ ಪ್ರಯೋಜನ ಬಯಸುವ ಬಳಕೆದಾರರು ಈ ಯೋಜನೆಯನ್ನು ರೀಚಾರ್ಜ್ ಮಾಡಿಕೊಳ್ಳಬಹುದು.

ಬಿಎಸ್​ಎನ್​ಎಲ್​ನ 499 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​

ಬಿಎಸ್​ಎನ್​ಎಲ್​ನ 499 ರೂಪಾಯಿ ಬ್ರಾಡ್‌ಬ್ಯಾಂಡ್‌ ಯೋಜನೆಯು 40 ಎಮ್​ಬಿಪಿಎಸ್ ಇಂಟರ್ನೆಟ್ ವೇಗವನ್ನು 3.3 ಟಿಬಿ ಡೇಟಾದೊಂದಿಗೆ ಅನ್ಲಿಮಿಟೆಡ್ ಉಚಿತವಾಗಿ ವಾಯ್ಸ್​ ಕಾಲ್​ ಮಾಡುವ ಸೌಲಭ್ಯವನ್ನು ಪಡೆದಿದೆ. ಈ ಯೋಜನೆಯಲ್ಲಿ ನೀಡಿದ ಡೇಟಾ ಬಳಕೆಯ ಮಿತಿ ಮುಗಿದ ಬಳಿಕ, ಡೇಟಾ ವೇಗವು 4ಎಮ್​ಬಿಪಿಎಸ್ ಗೆ ಇಳಿಕೆಯಾಗುತ್ತದೆ. ಇದ್ರಲ್ಲಿ, ಬಳಕೆದಾರರು ಫೈಬರ್​ನ ಮೊದಲ ತಿಂಗಳ ಬಾಡಿಗೆಯಲ್ಲಿ 500 ರೂಪಾಯಿವರೆಗಿನ 90% ರಿಯಾಯಿತಿಯನ್ನು ಸಹ ಪಡೆಯುತ್ತಾರೆ.

ಬಿಎಸ್​ಎನ್​ಎಲ್​ನ 499 ರೂಪಾಯಿ ಫೈಬರ್​ ರೀಚಾರ್ಜ್ ಪ್ಲ್ಯಾನ್​

ಬಿಎಸ್‌ಎನ್‌ಎಲ್‌ 449ರೂ. ಫೈಬರ್ ಬೇಸಿಕ್ ನಿಯೋ ಪ್ಲ್ಯಾನ್​ನಲ್ಲಿ ಬಳಕೆದಾರರಿಗೆ ತಿಂಗಳಿಗೆ 3.3 ಟಿಬಿ ಅಂದರೆ 3,300ಜಿಬಿ ವರೆಗೆ ಡೇಟಾ ಲಭ್ಯವಾಗುತ್ತದೆ. ಈ ಯೋಜನೆಯಲ್ಲಿ ಡೇಟಾವು 30 ಎಮ್​ಬಿಪಿಎಸ್ ವೇಗವನ್ನು ಬ್ರೌಸ್ ಮಾಡಲು ಅನುವು ಮಾಡಿಕೊಡುತ್ತದೆ. ಇನ್ನು ಈ ಯೋಜನೆಯ ಡೇಟಾ ಬಳಕೆಯ ಮಿತಿ ಮುಗಿದ ಬಳಿಕ, ಆಪರೇಟರ್ ಡೇಟಾ ವೇಗವನ್ನು 2 ಎಮ್​ಬಿಪಿಎಸ್​​ಗೆ ಇಳಿಸಲಾಗುತ್ತದೆ. ಭಾರತದ ಪ್ರಮುಖ ಪ್ರದೇಶಗಳಲ್ಲಿ ಈ ಯೋಜನೆಯು ಹೆಚ್ಚು ಬೇಡಿಕೆಯನ್ನು ಹೊಂದಿದೆ.

ಬಿಎಸ್​ಎನ್​ಎಲ್​ ಟೆಲಿಕಾಂ

ಬಿಎಸ್​ಎನ್​ಎಲ್​ನ 799 ರೂಪಾಯಿ ಫೈಬರ್ ವ್ಯಾಲ್ಯೂ​ ರೀಚಾರ್ಜ್ ಪ್ಲ್ಯಾನ್​

ಬಿಎಸ್‌ಎನ್‌ಎಲ್ 'ಫೈಬರ್ ವ್ಯಾಲ್ಯೂ' ಯೋಜನೆ ಶುಲ್ಕವು ತಿಂಗಳಿಗೆ 799 ರೂಪಾಯಿ ಆಗಿದೆ. ಬಳಕೆದಾರರು ಈ ಯೋಜನೆಯಲ್ಲಿ 3.3 ಟಿಬಿ ಅಂದರೆ 3,300 ಜಿಬಿ ಡೇಟಾ ಸೌಲಭ್ಯವನ್ನು ಪಡೆಯುತ್ತಾರೆ. ಈ ಯೋಜನೆಯ ಮಾಸಿಕ ಡೇಟಾ ಮುಗಿಯುವವರೆಗೆ 100 ಎಮ್​ಬಿಪಿಎಸ್​​ ವೇಗದಲ್ಲಿ ಬ್ರೌಸ್ ಮಾಡಲು ಅನುವು ಮಾಡಿಕೊಡುತ್ತದೆ. ಇದರ 3.3 ಟಿಬಿ ಡೇಟಾ ಮುಗಿದ ಬಳಿಕ ಇಂಟರ್ನೆಟ್ ವೇಗವು 2 ಎಮ್​ಬಿಪಿಎಸ್​​ಗೆ ಇಳಿಕೆಯಾಗುತ್ತದೆ.

ಇದನ್ನೂ ಓದಿ: ವಿವೋ ಕಂಪೆನಿಯ ಹೊಸ ಸ್ಮಾರ್ಟ್​​ಫೋನ್​ ಲಾಂಚ್​! ಬೆಲೆ, ಫೀಚರ್ಸ್​ ಬಗ್ಗೆ ಮಾಹಿತಿ ಇಲ್ಲಿದೆ

ಬಿಎಸ್​ಎನ್​ಎಲ್​ನ 799 ರೂಪಾಯಿ ಫೈಬರ್ ಪ್ರೀಮಿಯಂ​ ರೀಚಾರ್ಜ್ ಪ್ಲ್ಯಾನ್​

ಬಿಎಸ್‌ಎನ್‌ಎಲ್ 'ಫೈಬರ್ ಪ್ರೀಮಿಯಂ' ಯೋಜನೆಯ ಬೆಲೆ 999 ರೂಪಾಯಿ ಆಗಿದೆ. ಫೈಬರ್ ಪ್ರೀಮಿಯಂ ಬ್ರಾಡ್‌ಬ್ಯಾಂಡ್ ಯೋಜನೆ ತನ್ನ ಗ್ರಾಹಕರಿಗೆ ಒಟ್ಟು 2 ಟಿಬಿ ಅಂದರೆ 2000 ಜಿಬಿ ಡೇಟಾ ಸೌಲಭ್ಯವನ್ನು ನೀಡುತ್ತದೆ. ಈ ಯೋಜನೆಯಲ್ಲಿ ಡೇಟಾವು 200 ಎಮ್‌ಬಿಪಿಎಸ್ ಡೌನ್‌ಲೋಡ್ ಮತ್ತು ಅಪ್‌ಲೋಡ್ ವೇಗವನ್ನು ಹೊಂದಿದೆ.