Hathway Broadband Internet Service: ಬೆಂಗಳೂರು ಜನರಿಗೆ ಶುಭಸುದ್ದಿ! ಕೇವಲ 750 ರೂಪಾಯಿಗೆ ಹೈಸ್ಪೀಡ್​ ಡೇಟಾ ಲಭ್ಯ

ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್​​ಫೋನ್​​ಗಳನ್ನು (Smartphone) ಬಳಸುವವರ ಸಂಖ್ಯೆ ಹೆಚ್ಚಾಗಿದೆ ಆದರೆ ಈ ಮೊಬೈಲ್​ಗಳನ್ನು ಬಳಸ್ಬೇಕಾದ್ರೆ  ನೆಟ್​ವರ್ಕ್ (Network)​ ಬೇಕೇ ಬೇಕು. ಇದಕ್ಕಾಗಿ ಹಲವಾರು ಇಂಟರ್ನೆಟ್​ ಸರ್ವೀಸ್​ (Internet Service) ನೀಡುವಂತಹ ಬ್ರಾಡ್​ಬ್ಯಾಂಡ್ (Broadband)​ ಕಂಪನಿಗಳಿವೆ. ಅದ್ರಲ್ಲಿ ಬೆಂಗಳೂರಿನ ಬ್ರಾಡ್​​ಬ್ಯಾಂಡ್​ ಕಂಪನಿ ಬೆಂಗಳೂರು ಜನರಿಗೆ ಭರ್ಜರಿ ಆಫರ್​ ಘೋಷಿಸಿದೆ. ಹಾತ್​ವೇ (Hathway) ಎಂಬ ಬ್ರಾಡ್​ಬ್ಯಾಂಡ್​ ಇಂಟರ್ನೆಟ್​ ಸರ್ವೀಸ್​ ಕಂಪನಿ 100ಎಮ್​​ಬಿಪಿಎಸ್​ ವೇಗದ ಡೇಟಾ ಪ್ಲಾನ್​ ಅನ್ನು ಘೋಷಿಸಿದೆ. ಇದು 750 ರೂಪಾಯಿಯ ಯೋಜನೆಯಲ್ಲಿ ಲಭ್ಯವಾಗಲಿದೆ ಎಂದು ತಿಳಿಸಿದ್ದಾರೆ. ಇದು ಬೆಂಗಳೂರಿನ (Banglore) ಕೆಲವು ನಗರಗಳಲ್ಲಿ ಫಿಕ್ಸಡ್​ ಲೈನ್​ ಇಂಟರ್ನೆಟ್​ ಸೇವೆಯನ್ನು ಒದಗಿಸುತ್ತಿದೆ. ಇದೀಗ ಬಹಳಷ್ಟು ಗ್ರಾಹಕರನ್ನು ಪಡೆಯುವ ಉದ್ದೇಶದಿಂದ ಈ ಹೊಸ ಯೋಜನೆಯನ್ನು ಬಿಡುಗಡೆ ಮಾಡಿದೆ.

ಬೆಂಗಳೂರಿನ ಜನರಿಗೆ ಹಾತ್​ವೇ ಎಂಬ ಬ್ರಾಡ್​ಬ್ಯಾಂಡ್​ ಇಂಟರ್ನೆಟ್​ ಸರ್ವೀಸ್​ ಕಂಪನಿ ಹೊಸ ಡೇಟಾ ಯೋಜೆನಯನ್ನು ಬಿಡುಗಡೆ ಮಾಡಿದೆ. ಈ ಯೋಜನೆ 750 ರೂಪಾಯಿ ಬೆಲೆಯನ್ನು ಹೊಂದಿದ್ದು, 100ಎಮ್​​ಬಿಪಿಎಸ್​​ ಇಂಟರ್ನೆಟ್​ ಸ್ಪೀಡ್​ನಲ್ಲಿ ಇದು ಕಾರ್ಯನಿರ್ವಹಿಸುತ್ತದೆ ಎಂದು ಕಂಪನಿ ತನ್ನ ಗ್ರಾಹಕರಿಗೆ ತಿಳಿಸಿದೆ.

ಹಾತ್​​ವೇ ಬ್ರಾಡ್​ಬ್ಯಾಂಡ್​ ಇಂಟರ್ನೆಟ್​ ಸರ್ವೀಸ್​ ಕಂಪನಿ

ಹಾತ್​​ವೇ ಎಂಬ ಕಂಪನಿಯು ಬೆಂಗಳೂರಿನ ಜನರಿಗೆ ಕೆಲ ಆಯ್ದ ನಗರಗಳಲ್ಲಿ ಇಂಟರ್ನೆಟ್​ ಸೇವೆಯನ್ನು ನೀಡುತ್ತಾ ಬಂದಿದೆ. ಇದು ತನ್ನ ಕಂಪನಿಯ ಅಡಿಯಲ್ಲಿ ಹಲವಾರು ಡೇಟಾ ಪ್ಲಾನ್​ಗಳನ್ನು ಬಿಡುಗಡೆ ಮಾಡಿದೆ. ಇದು ತಿಂಗಳ ಮತ್ತು ವರ್ಷದ ಯೋಜನೆಯನ್ನು ಬಿಡುಗಡೆ ಮಾಡಿದ್ದು ಗ್ರಾಹಕರಿಗೆ ಕೈಗೆಟಕುವ ಬೆಲೆಯಲ್ಲಿ ಲಭ್ಯವಿದ್ದು, ಉತ್ತಮ ಅನುಭವವನ್ನು ಇದು ನೀಡುತ್ತದೆ.

ಇದನ್ನೂ ಓದಿ: ದಾಖಲೆ ನಿರ್ಮಿಸಿದ ಜಿಯೋ ಸಿನೆಮಾ! ಡೌನ್​ಲೋಡ್​ ಆ್ಯಪ್‌ ಲೀಸ್ಟ್​ನಲ್ಲಿ ನಂ.1

ಬೆಂಗಳೂರಿನ ಗ್ರಾಹಕರಿಗೆ 100ಎಮ್​ಬಿಪಿಎಸ್​ ಇಂಟರ್ನೆಟ್​ ಸ್ಪೀಡ್​

ಬೆಂಗಳೂರಿನಲ್ಲಿ ಇಂಟರ್ನೆಟ್​ ಬಳಕೆ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಇದಕ್ಕಾಗಿ ಪ್ರಸಿದ್ಧ ಇಂಟರ್ನೆಟ್​ ಸರ್ವೀಸ್ ಕಂಪನಿಯಾಗಿರುವ ಹಾತ್​ವೇ ಹೊಸ 100ಎಮ್​ಬಿಪಿಎಸ್​ ಬ್ರಾಡ್​ಬ್ಯಾಂಡ್​ ಇಂಟರ್ನೆಟ್​ ಯೋಜನೆಯನ್ನು ಪರಿಚಯಿಸಿದೆ. ಇದು 750 ರೂಪಾಯಿಯ ಒಂದು ತಿಂಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ.

ಇಲ್ಲಿನ ನಗರದ ಗ್ರಾಹಕರು 1500 ರೂಪಾಯಿ ಪಾವತಿ ಮಾಡುವ ಮೂಲಕ 100ಎಮ್​ಬಿಪಿಎಸ್​ ಸ್ಪೀಡ್​ ಬ್ರಾಡ್​ಬ್ಯಾಂಡ್​ ಇಂಟರ್ನೆಟ್​ ಯೋಜನೆಗೆ ಗ್ರಾಹಕರಾಗಬಹುದು. ನಂತರ ಪ್ರತೀ ತಿಂಗಳು ಈ ಯೋಜನೆ 750 ರೂಪಾಯಿಯಲ್ಲಿ ಡೇಟಾ ಸೇವೆಯನ್ನು ಪಡೆಯಬಹುದು. ಜೊತೆಗೆ ಗ್ರಾಹಕರು ಉಚಿತವಾಗಿ ಡ್ಯುಯಲ್-ಬ್ಯಾಂಡ್ ರೂಟರ್ ಸಾಧನವನ್ನು ಸಹ ಪಡೆದುಕೊಳ್ಳಬಹುದು ಎಂದು ಹಾತ್​ವೇ ಕಂಪನಿ ತಿಳಿಸಿದೆ.

ಈ ಯೋಜನೆಯ ಇತರ ಬೆಲೆಗಳು

ಹಾತ್​​ವೇ ಕಂಪನಿ ತನ್ನ ಗ್ರಾಹಕರಿಗಾಗಿ ಉತ್ತಮ ಇಂಟರ್ನೆಟ್​ ಸೇವೆಯನ್ನು ನೀಡುತ್ತಿದೆ. ಅದರಲ್ಲೂ 100 Mbps ಬ್ರಾಡ್‌ಬ್ಯಾಂಡ್ ಇಂಟರ್‌ನೆಟ್ ಯೋಜನೆಯನ್ನು ಗ್ರಾಹಕರಿಗೆ ಕೈಗೆಟಕುವ ಬೆಲೆಯಲ್ಲಿ ಪಡೆಯಬಹುದಾಗಿದೆ. ಎರಡು ತಿಂಗಳ 100 Mbps ಸ್ಪೀಡ್ ಬ್ರಾಡ್‌ಬ್ಯಾಡ್ ಯೋಜನೆ ಬೇಕಾದರೆ 1500 ರೂಪಾಯಿ ಆದರೆ, ಮೂರು ತಿಂಗಳಿಗೆ 2250 ರೂಪಾಯಿ, ಆರು ತಿಂಗಳಿಗೆ 4500 ರೂಪಾಯಿ ಮತ್ತು 12 ತಿಂಗಳ ಯೋಜನೆಗೆ 9000 ರೂಪಾಯಿ ರೀಚಾರ್ಜ್​ ಮಾಡಬೇಕು ಎಂದು ಹಾತ್​ವೇ ಕಂಪನಿ ತಿಳಿಸಿದೆ.

ಡೇಟಾದ ಬಗ್ಗೆ ಸ್ಪಷ್ಟನೆಯಿಲ್ಲ

ಇನ್ನು ಈ ಯೋಜನೆಯ ಮೂಲಕ ನೀಡಲಾಗುವ ಡೇಟಾವು ಕಂಪನಿಯ ಕೆಲವೊಂದು ನೀತಿಗಳಿಗೆ ಒಳಪಟ್ಟಿರುತ್ತದೆ. ಇನ್ನು ಈ ಯೋಜನೆಯನ್ನು ಪಡೆಯುವುದಾದರೆ ಇದರಲ್ಲಿ ನೀಡಲಾಗುವ ಡೇಟಾ ಎಷ್ಟು ಎಂಬುದನ್ನು ಬಹಿರಂಗಪಡಿಸಿಲ್ಲ. ಆದರೆ ತಿಂಗಳಿಗೆ 3600 ಜಿಬಿ ಡೇಟಾದೊಂದಿಗೆ ಗ್ರಾಹಕರು ಈ ಯೋಜನೆಯನ್ನು ಪಡೆಯಲು ಸಾಧ್ಯವಾಗಬಹುದು ಎಂದು ಕೆಲವು ವರದಿಗಳು ಹೇಳಿವೆ. ಇನ್ನು ಈ ವಿಷಯದ ಬಗ್ಗೆ ಹಾತ್​​ವೇ ಕಂಪನಿಯ ಪ್ರತಿಕ್ರಿಯೆಯನ್ನು ನಿರೀಕ್ಷಿಸಲಾಗಿದೆ.