Airtel Plans: ಏರ್​ಟೆಲ್​ ಗ್ರಾಹಕರಿಗೆ ಗುಡ್​ ನ್ಯೂಸ್! 2ಜಿಬಿ ಡೇಟಾ ಫ್ರೀ

ಪ್ರಸಿದ್ಧ ಟೆಲಿಕಾಂ ಕಂಪೆನಿಗಳಲ್ಲಿ (Telecom Company) ಏರ್​ಟೆಲ್​ ಕೂಡಾ ಒಂದು. ಈ ಕಂಪೆನಿ ಮಾರುಕಟ್ಟೆಯಲ್ಲಿ ಅತೀ ಹಚ್ಚು ಗ್ರಾಹಕರನ್ನು ಹೊಂದಿರುವ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಅದೇ ರೀತಿ ಜಿಯೋ (Jio) ನಂಬರ್​ ಒನ್ ಸ್ಥಾನದಲ್ಲಿದೆ. ಆದರೆ ಜಿಯೋ ಕಂಪೆನಿಗೆ ಪ್ರತಿಸ್ಪರ್ಧಿಯಾಗಿರುವ ಏರ್​ಟೆಲ್​ ಕಂಪೆನಿ (Airtel Company) ಸ್ಮಾರ್ಟ್​ಫೋನ್​ ಬಳಕೆದಾರರನ್ನು ತನ್ನತ್ತ ಆಕರ್ಷಿಸುವ ನಿಟ್ಟಿನಲ್ಲಿ ಹೊಸ ಹೊಸ ರೀಚಾರ್ಜ್​ ಯೋಜನೆಗಳನ್ನು ಬಿಡುಗಡೆ ಮಾಡುತ್ತಲೇ ಇದೆ. ಇತ್ತೀಚೆಗೆ ಏರ್​​ಟೆಲ್​ ಕಂಪೆನಿ ಅತೀ ಕಡಿಮೆ ಬೆಲೆ ಡೇಟಾ ವೋಚರ್​ ಪ್ಲ್ಯಾನ್ (Data Vocher Plan)​ ಅನ್ನು ಬಿಡುಗಡೆ ಮಾಡಿತ್ತು. ಇದೀಗ ಮತ್ತೊಂದು ಗುಡ್​ ನ್ಯೂಸ್​ ಅನ್ನು ಕಂಪೆನಿ ಗ್ರಾಹಕರಿಗೆ ನೀಡಿದೆ. ಈ ಸುದ್ದಿಯ ಪ್ರಕಾರ ಗ್ರಾಹಕರಿಗೆ ಏರ್​ಟೆಲ್​ ಕಡೆಯಿಂದ 2ಜಿಬಿ ಡೇಟಾ ಉಚಿತವಾಗಿ ಲಭ್ಯವಾಗುತ್ತದೆ ಎಂದು ತಿಳಿದು ಬಂದಿದೆ.

ಏರ್​ಟೆಲ್​ ಇದುವರೆಗೆ ಆಕರ್ಷಕ ಆಫರ್​ಗಳನ್ನು ಗ್ರಾಹಕರಿಗೆ ನೀಡುತ್ತಾ ಬಂದಿದೆ.ಈ ಎಲ್ಲದರ ನಡುವೆ ಈಗ ಮತ್ತೊಂದು ಸೌಲಭ್ಯವನ್ನು ಘೋಷಿಸಿದೆ. ಹಾಗಿದ್ರೆ ಆ ಆಫರ್​ ಯಾವುದು? ಇದರ ಪ್ರಯೋಜನ ಏನು ಎಂಬುದನ್ನು ಈ ಲೇಖನದ ಮೂಲಕ ತಿಳಿದುಕೊಳ್ಳಿ.

ಏರ್​​ಟೆಲ್​ನಿಂದ 2ಜಿಬಿ ಡೇಟಾ ಉಚಿತ

ಏರ್​​ಟೆಲ್​ ಗ್ರಾಹಕರು ತಮ್ಮ ಏರ್​ಟೆಲ್​​ ಥ್ಯಾಂಕ್ಸ್​ ಆ್ಯಪ್​ ಅನ್ನು ಬಳಕೆ ಮಾಡಿಕೊಂಡು ತಮ್ಮ ಸಿಮ್​ಗಳಿಗೆ ರೀಚಾರ್ಜ್ ಮಾಡಿದ್ರೆ ಕಂಪೆನಿ ನಿಮಗಾಗಿ 2ಜಿಬಿ ಡೇಟಾವನ್ನು ಉಚಿತವಾಗಿ ನೀಡುತ್ತದೆ. ಈ ಆ್ಯಪ್​ ಮೂಲಕ ಮಾತ್ರವಲ್ಲದೇ 265 ರೂ, 359 ರೂ,549 ರೂ, 699 ರೂ, 719 ರೂ ಮತ್ತು 839 ರೂಪಾಯಿ ರೀಚಾರ್ಜ್​ ಯೋಜನೆಗಳಲ್ಲಿ ಈ ಸೌಲಭ್ಯ ದೊರೆಯುತ್ತದೆ.

ಏರ್​​ಟೆಲ್​ ಥ್ಯಾಂಕ್ಸ್​ ಆ್ಯಪ್

ಏರ್​ಟೆಲ್ ಥ್ಯಾಂಕ್ಸ್​ ಆ್ಯಪ್ ಎಂಬುದು ಏರ್​ಟೆಲ್​ನ ಜನಪ್ರಿಯ ಆಂತರಿಕ ಅಪ್ಲಿಕೇಶನ್ ಆಗಿದೆ. ಈ ಆ್ಯಪ್​ ಮೂಲಕ ಏರ್​ಟೆಲ್​ ಗ್ರಾಹಕರಿಗೆ ಲಭ್ಯವಿರುವಂತಹ ಎಲ್ಲಾ ಸೇವೆಗಳನ್ನು ನೋಡಬಹುದಾಗಿದೆ. ಪ್ರಮುಖವಾಗಿ ರೀಚಾರ್ಜ್​ ಪ್ಲ್ಯಾನ್​ಗಳು ಯಾವುದೆಲ್ಲಾ ಇದೆ, ಇದರ ಬೆನಿಫಿಟ್​ಗಳು ಹೇಗೆಲ್ಲಾ ಇದೆ ಮತ್ತು ರೀಚಾರ್ಜ್ ಮಾಡಲು ಸಹ ಇದು ಅನುಮತಿಸುತ್ತದೆ.

ಏರ್​ಟೆಲ್​ ಥ್ಯಾಂಕ್ಸ್​ ಮೂಲಕ ರೀಚಾರ್ಜ್​ ಮಾಡುವುದರಿಂದಾಗುವ ಲಾಭ

ಇನ್ನು ಈ ಮೇಲಿನ ಬರಹದಲ್ಲಿ ತಿಳಿಸಿದಂತೆ 359 ರೂ, 549 ರೂ ಹಾಗೂ 699 ರೂ. ಗಳ ವಿಶೇಷ ಪ್ಲ್ಯಾನ್‌ನಲ್ಲಿ ಅಮೆಜಾನ್ ಪ್ರೈಮ್ ಸದಸ್ಯತ್ವ ಉಚಿತವಾಗಿ ಗ್ರಾಹಕರಿಗೆ ಲಭ್ಯವಾಗಲಿದೆ. ಹಾಗೆಯೇ 719 ರೂಪಾಯಿಗಳ ರೀಚಾರ್ಜ್‌ ಪ್ಲ್ಯಾನ್‌ನಲ್ಲಿ ಡಿಸ್ನಿ + ಹಾಟ್‌ಸ್ಟಾರ್ ಚಂದಾದಾರಿಕೆ ಸೌಲಭ್ಯವೂ ದೊರೆಯುತ್ತದೆ. ಅದೇ ರೀತಿ 839 ರೂಪಾಯಿಗಳ ರೀಚಾರ್ಜ್‌ನಲ್ಲಿ ಡಿಸ್ನಿ + ಹಾಟ್‌ಸ್ಟಾರ್​ನ ಚಂದಾದಾರಿಕೆಯನ್ನು ಉಚಿತವಾಗಿ ಗ್ರಾಹಕರು ಪಡೆಯುತ್ತಾರೆ.

ಏರ್​ಟೆಲ್

ಆದರೆ ಇಷ್ಟೆಲ್ಲಾ ರೀಚಾರ್ಜ್​ನಲ್ಲಿ ಈ ಪ್ರಯೋಜನಗಳನ್ನೆಲ್ಲಾ ಪಡೆಯಬೇಕೆಂದರೆ ಮುಖ್ಯವಾಗಿ ನಿಮ್ಮ ಫೋನ್‌ನಲ್ಲಿ ಏರ್‌ಟೆಲ್ ಥ್ಯಾಂಕ್ಸ್ ಆ್ಯಪ್​ ಅನ್ನು ಇನ್‌ಸ್ಟಾಲ್‌ ಮಾಡಿಕೊಳ್ಳಬೇಕು. ಹಾಗಿದ್ರೆ ಮಾತ್ರ ನೀವು 2ಜಿಬಿ ಉಚಿತ ಡೇಟಾವನ್ನು ಪಡೆಯಲು ಸಾಧ್ಯವಾಗುತ್ತದೆ.

ಏರ್​ಟೆಲ್ ಡಿಜಿಟಲ್​ ಪ್ಲಾಟ್​ಫಾರ್ಮ್​​ಗಳ ಪ್ರಚಾರ

ಏರ್​ಟೆಲ್​ನ ಮುಖ್ಯ ಉದ್ದೇಶವೇ ಏರ್​ಟೆಲ್​ನ ಡಿಜಿಟಲ್​ ಪ್ಲಾಟ್​ಫಾರ್ಮ್​ಗಳ ಬಗ್ಗೆ ಗ್ರಾಹಕರಿಗೆ ಅರಿವು ಮೂಡಿಸುವುದು. ಇದಕ್ಕಾಗಿಯೇ ಏರ್​ಟೆಲ್​ ಕಂಪೆನಿ ರೀಚಾರ್ಜ್​ ಪ್ಲ್ಯಾನ್​ಗಳ ಜೊತೆಗೆ ಈ ರೀತಿಯ ಸೌಲಭ್ಯವನ್ನು ನೀಡುತ್ತಾ ಬರುತ್ತಿದೆ. ಹೆಚ್ಚಿನ ಜನರಿಗೆ ಏರ್​​ಟೆಲ್ ಥ್ಯಾಂಕ್ಸ್​ ಆ್ಯಪ್​ಗಳಿವೆ ಎಂಬುದೇ ಗೊತ್ತಿಲ್ಲ. ಆದರೆ ಈ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡಿದ್ರೆ ಗ್ರಾಹಕರಿಗೆ ಸುಲಭದಲ್ಲಿ ಏರ್​ಟೆಲ್​ನ ಪ್ರೀಪೇಯ್ಡ್​ ಮತ್ತು ಪೋಸ್ಟ್​ಪೇಯ್ಡ್​ ರೀಚಾರ್ಜ್​ ಯೋಜನೆಗಳು ಹೇಗಿದೆ- ಎಂಬುದನ್ನು ತಿಳಿದುಕೊಳ್ಳಬಹುದು.

ಇದನ್ನೂ ಓದಿ: ಇಂಟೆಲ್​ ಕಂಪೆನಿಯಿಂದ ವಿಶ್ವದ ಮೊದಲ ವೇಗದ ಡೆಸ್ಕ್​​ಟಾಪ್ ಪ್ರೊಸೆಸರ್​ ಲಾಂಚ್!

ಏರ್​ಟೆಲ್​ನ ಥ್ಯಾಂಕ್ಸ್​ ಆ್ಯಪ್​ ಅನ್ನು ಜನರು ಬಳಸಬೇಕು ಎನ್ನುವ ನಿಟ್ಟಿನಲ್ಲೇ ಈ ಉಚಿತ ಆಫರ್​ ಅನ್ನು ನೀಡಲಾಗಿದೆ ಎನ್ನಬಹುದು.