Smartphone Free: ಪೇಟಿಯಮ್​ನಲ್ಲಿ ರೆಫರ್​ ಆ್ಯಂಡ್​ ವಿನ್​ ಆಫರ್​! ಐಫೋನ್​, ಒನ್​ಪ್ಲಸ್​ ಸ್ಮಾರ್ಟ್​​ಫೋನ್ ಉಚಿತವಾಗಿ ನಿಮ್ಮದಾಗಿಸಿಕೊಳ್ಳಿ

ಸ್ಮಾರ್ಟ್​​ಫೋನ್​ಗಳು (Smartphone) ಇಂದಿನ ದಿನದಲ್ಲಿ ಪ್ರತಿಯೊಬ್ಬರ  ಅಗತ್ಯ ಸಾಧನವಾಗಿಬಿಟ್ಟಿದೆ. ಹೊಸ ಹೊಸ ಸ್ಮಾರ್ಟ್​ಫೋನ್​​ಗಳು ಮಾರುಕಟ್ಟೆಗೆ ಲಗ್ಗೆಯಿಡುತ್ತಿದ್ದಂತೆ ಗ್ರಾಹಕರು ಸಹ ಅದಕ್ಕೆ ಬೇಗನೆ ಆಕರ್ಷಿತರಾಗುತ್ತಾರೆ. ಮೊಬೈಲ್​​ಗಳೆಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಏನೇ ಕೆಲಸ ಮಾಡಬೇಕಾದ್ರು ಇಂದಿನ ದಿನದಲ್ಲಿ ಮೊಬೈಲ್​ ಬೇಕೇ ಬೇಕು. ಹಾಗಿರುವಾಗ ಸ್ಮಾರ್ಟ್​​ಫೋನ್​​ಗಳು ಇದ್ದಾಗ ಯಾವುದೇ ಕೆಲಸಗಳನ್ನು ಧೈರ್ಯದಿಂದ ಮಾಡ್ಬಹುದು ಎಂಬ ನಂಬಿಕೆಯಿರುತ್ತದೆ. ಇನ್ನು ಕೆಲವೊಂದು ಬಾರಿ ಇ-ಕಾಮರ್ಸ್ ಕಂಪೆನಿಗಳು (E-Commerse Company), ಸೋಶಿಯಲ್ ಮೀಡಿಯಾಗಳು ಸ್ಮಾರ್ಟ್​ಫೋನ್​ಗಳ ಮೇಲೆ ಭರ್ಜರಿ ಆಫರ್ಸ್​ ಅನ್ನು ಘೋಷಿಸುತ್ತದೆ. ಆದರೆ ಇಲ್ಲೊಂದು ಜನಪ್ರಿಯ ಆನ್​ಲೈನ್​ ಬ್ಯಾಂಕ್​ ಸರ್ವೀಸ್ (Paytm)​ ಮಾಡೋ ಕಂಪೆನಿ ಎರಡು ಪ್ರೀಮಿಯಮ್ ಸ್ಮಾರ್ಟ್​​ಫೋನ್​ಗಳನ್ನು ಉಚಿತವಾಗಿ ನೀಡುವುದಾಗಿ ಘೋಷಿಸಿದೆ.

ಇದೀಗ ಜನಪ್ರಿಯ ಹಣಕಾಸು ವಹಿವಾಟು ಕಂಪೆನಿ ಪೇಟಿಯಂ ವಿಶೇಷ ಕೊಡುಗೆಯನ್ನು ನೀಡಿದೆ. ಈ ಮೂಲಕ ಬಳಕೆದಾರರಿಗಡ ಉಚಿತವಾಗಿ ಐಫೋನ್​ 14, ಒನ್​ಪ್ಲಸ್​ ಸ್ಮಾರ್ಟ್​ಫೋನ್​​ಗಳನ್ನು ಉಚಿತವಾಗಿ ಪಡೆಯಬಹುದು. ಹಾಗಿದ್ರೆ ಇದನ್ನು ಹೇಗೆ ಪಡೆಯೋದು ಅಂತ ಗೊತ್ತಾಗ್ಬೇಕಾದ್ರೆ ಈ ಲೇಖನದಲ್ಲಿದೆ ಓದಿ.

ಪೇಟಿಯಮ್​​ನಲ್ಲಿ ವಿಶೇಷ ಸ್ಪರ್ಧೆ

ಪೇಟಿಯಮ್ ಇದೀಗ ತನ್ನ ಬ್ರಾಂಡ್​ನಲ್ಲಿ ರೆಫರ್​ ಆಂಡ್​ ವಿನ್​(Refer and Win) ಎಂಬ ಸ್ಪರ್ಧೆಯನ್ನು ನಡೆಸಲಾಗುತ್ತಿದೆ. ಇದರ ಭಾಗವಾಗಿ ವಿಜೇತರಿಗೆ ಐಫೋನ್​ 14, ಒನ್​​ಪ್ಲಸ್​10T ಮತ್ತು ಜೆಬಿಎಲ್​ ಲೈವ್‌ನಂತಹ ಸಾಧನಗಳು ಉಚಿತವಾಗಿ ಲಭ್ಯವಿವೆ. ನಿಮ್ಮ ಜೊತೆಗಿರುವ, ಕಾಂಟ್ಯಾಕ್ಟ್​ನಲ್ಲಿರುವ ಸ್ನೇಹಿತರು ಯುಪಿಐ ಮೂಲಕ ಮೊದಲ ಬಾರಿಗೆ ಹಣವನ್ನು ವರ್ಗಾಯಿಸಿದರೆ, ನಂತರ ನೀವು ಈ ಬಹುಮಾನಗಳನ್ನು ಪಡೆಯಬಹುದು. ನೀವು ಪಡೆಯುವ ಬಹುಮಾನವು ನೀವು ಉಲ್ಲೇಖಿಸುವ ಸ್ನೇಹಿತರ ಸಂಖ್ಯೆಯನ್ನು ಅವಲಂಬಿಸಿರುತ್ತದೆ.

ಇದನ್ನೂ ಓದಿ: ಈ ಎಲೆಕ್ಟ್ರಿಕ್ ಸ್ಕೂಟರ್​ ಖರೀದಿಸಿದ್ರೆ 30 ಸಾವಿರ ಮೌಲ್ಯದ ಎಲೆಕ್ಟ್ರಿಕ್ ಸೈಕಲ್ ಫ್ರೀ! ಈ ಆಫರ್ ಮತ್ತೆ ಬರಲಿಕ್ಕಿಲ್ಲ!

ಐಫೋನ್​ ಫ್ರೀ

ಇನ್ನು ಪೇಟಿಯಮ್​ನ ಈ ವಿಶೇಷ ಆಫರ್​ನಲ್ಲಿ ನೀವು 11 ಕ್ಕಿಂತ ಹೆಚ್ಚು ಜನರನ್ನು Paytm ಗೆ ರೆಫರ್ ಮಾಡಿದರೆ, ನೀವು iPhone 14 ಅನ್ನು ಉಚಿತವಾಗಿ ಗೆಲ್ಲಬಹುದು. ಒಬ್ಬ ವ್ಯಕ್ತಿ ಮಾತ್ರ ಈ ಐಫೋನ್ ಅನ್ನು ಪಡೆಯಬಹುದು. 11 ಕ್ಕೂ ಹೆಚ್ಚಿನ ಜನರು ಮಾತ್ರ ರೆಫರ್ ಆದ್ರೆ iPhone 14 ಅನ್ನು ಗೆಲ್ಲುವ ಅವಕಾಶವನ್ನು ಹೊಂದಿವೆ. ಅದೇ 5 ರಿಂದ 10 ಜನರಿಗೆ ರೆಫರ್ ಮಾಡಿದರೆ, ಅವರಿಗೆ OnePlus 10T ಸ್ಮಾರ್ಟ್​ಫೋನ್​ ಅನ್ನು ನೀಡಲಾಗುತ್ತದೆ. ಈ ಒನ್​ಪ್ಲಸ್​ 10ಟಿ ಸ್ಮಾರ್ಟ್‌ಫೋನ್ ಅನ್ನು ಮೂರು ಜನರಿಗೆ ಮಾತ್ರ ನೀಡಲಾಗುವುದು. ಅಂದರೆ  5 ರಿಂದ 10 ಜನರನ್ನು ಉಲ್ಲೇಖಿಸಿದ 3 ಜನರು ಈ ಒನ್​ಪ್ಲಸ್​​ ಸ್ಮಾರ್ಟ್‌ಫೋನ್ ಪಡೆಯುವ ಅವಕಾಶವನ್ನು ಹೊಂದಿರುತ್ತಾರೆ.

ಒನ್​​ಪ್ಲಸ್​ ಮತ್ತು ಐಫೋನ್

 ಜೆಬಿಎಲ್ ಹೆಡ್​ಫೋನ್​​ ಫ್ರೀ

ನೀವು 1 ರಿಂದ 4 ಜನರನ್ನು ಉಲ್ಲೇಖಿಸಿದರೆ, ಅವರು ಜೆಬಿಎಲ್​ ಲೈವ್ ಹೆಡ್‌ಫೋನ್‌ಗಳನ್ನು ಪಡೆಯುತ್ತಾರೆ. ಹತ್ತು ಮಂದಿಗೆ ಈ ಅವಕಾಶ ಸಿಗಲಿದೆ. ಅಂದರೆ 1 ರಿಂದ 4 ಜನರನ್ನು ಉಲ್ಲೇಖಿಸುವ 10 ಜನರು ಜೆಬಿಎಲ್​ ಹೆಡ್‌ಫೋನ್‌ಗಳನ್ನು ಪಡೆಯುತ್ತಾರೆ. ಈ ಬಹುಮಾನಗಳ ಹೊರತಾಗಿ, ನಿಖರವಾದ ರೆಫರಲ್ ಕ್ಯಾಶ್‌ಬ್ಯಾಕ್ ಅನ್ನು ಸಹ ಪಡೆಯಬಹುದು ಎಂದು ಕಂಪೆನಿ ಹೇಳಿಕೊಂಡಿದೆ. ನಿಮ್ಮ ರೆಫರಲ್ ಲಿಂಕ್ ಅನ್ನು ನಿಮ್ಮ ಸ್ನೇಹಿತರಿಗೆ ನೀವು ಶೇರ್​ ಮಾಡಿಕೊಳ್ಬೇಕು. ನಿಮ್ಮ ಸ್ನೇಹಿತರು ನೀವು ಹಂಚಿಕೊಂಡ ಲಿಂಕ್ ಅನ್ನು ತೆರೆದರೆ ಮತ್ತು ಮೊದಲ ಬಾರು ಯುಪಿಐ ಮೂಲಕ ಹಣವನ್ನು ವರ್ಗಾಯಿಸಿದರೆ, ನೀವು ಮತ್ತು ನಿಮ್ಮ ಸ್ನೇಹಿತ ಇಬ್ಬರೂ ಕ್ಯಾಶ್ ಬ್ಯಾಕ್ ಪಡೆಯಬಹುದು.