Tech Tips: ಇನ್ಮುಂದೆ ಮೊಬೈಲ್​ನಲ್ಲಿ ಒಂದೇ ಬಾರಿ ಎರಡು ಆ್ಯಪ್​ಗಳನ್ನು ಯೂಸ್​ ಮಾಡ್ಬಹುದು! ಇಲ್ಲಿದೆ ಟ್ರಿಕ್ಸ್​

ಸ್ಮಾರ್ಟ್​​​ಫೋನ್​ಗಳು (Smartphones) ಇತ್ತೀಚೆಗೆ ಪ್ರತಿಯೊಬ್ಬರ ಅಗತ್ಯ ಸಾಧನವಾಗಿಬಿಟ್ಟಿದೆ. ಆದರೆ ಇತ್ತೀಚೆಗಂತೂ ಮೊಬೈಲ್​ ಮಾರುಕಟ್ಟೆ (Mobile Market) ಬಹಳಷ್ಟು ಅಭಿವೃದ್ಧಿಯಾಗುತ್ತಿದೆ. ಸ್ಮಾರ್ಟ್​​ಫೋನ್ ಕಂಪೆನಿಗಳು ಸಹ ಈ ಎಲ್ಲ ಬೆಳವಣಿಗೆಯನ್ನು ಕಂಡು ಮಾರುಕಟ್ಟೆಗೆ ಹೊಸ ಹೊಸ ಮೊಬೈಲ್​ಗಳನ್ನು ಪರಿಚಯಿಸುತ್ತಲೇ ಇದೆ. ಈಗಿನ ಸ್ಮಾರ್ಟ್​​​ಫೋನ್​​ಗಳು ಉತ್ತಮ ಫೀಚರ್ಸ್​​ನೊಂದಿಗೆ ಬಹಳಷ್ಟು ಗ್ರಾಹಕರನ್ನು ಆಕರ್ಷಿಸುತ್ತಿದೆ. ಸ್ಮಾರ್ಟ್​ಫೋನ್​ ಬಳಕೆ ಮಾಡುವವರು ಏನಾದರು ಒಂದು ಫೀಚರ್ಸ್​​ಗಳನ್ನು ಹುಡುಕುತ್ತಲೇ ಇರುತ್ತಾರೆ. ಇದೀಗ ಇತ್ತೀಚೆಗೆ ಬಿಡುಗಡೆಯಾದ ಸ್ಮಾರ್ಟ್​​ಫೋನ್​ಗಳಲ್ಲಿ ಒಂದೇ ಬಾರಿಗೆ ಎರಡು ಆ್ಯಪ್​​​ಗಳನ್ನು ಬಳಸಬಹುದು.ಈ ಮೂಲಕ ಮೊಬೈಲ್​ನ ಒಂದೇ ಡಿಸ್​​ಪ್ಲೇನಲ್ಲಿ (Split Screen) ಒಂದು ಸೈಡ್​ನಲ್ಲಿ ವಿಡಿಯೋ ನೋಡ್ತಾ ಇದ್ರೆ, ಇನ್ನೊಂದು ಬದಿಯಲ್ಲಿ ಬೇರೆ ಯಾವುದಾದರು ಆ್ಯಪ್​ ಅನ್ನು ಬಳಕೆ ಮಾಡಬಹುದು.

ಯಾವುದೇ ಒಂದು ದೊಡ್ಡ ಡಿಸ್​​ಪ್ಲೇನಲ್ಲಿ ಅಥವಾ ಲ್ಯಾಪ್​​ಟಾಪ್​ಗಳಲ್ಲಿ ಒಂದೇ ಡಿಸ್​​ಪ್ಲೇನಲ್ಲಿ ಎರಡು ಕೆಲಸಗಳನ್ನು ಮಾಡಬಹುದಿತ್ತು. ಆದರೆ ಈಗ ಸ್ಮಾರ್ಟ್​​​ಫೋನ್​ಗಳಲ್ಲೂ ಒಂದೇ  ಬಾರಿಗೆ ಎರಡು ಆ್ಯಪ್​ಗಳನ್ನು ಬಳಕೆ ಮಾಡ್ಬಹುದು. ಹೇಗೆ ಎಂಬುದರ ಕಂಪ್ಲೀಟ್​ ಈ ಲೇಖನದಲ್ಲಿದೆ ಓದಿ.

ಸ್ಪ್ಲಿಟ್​ ಸ್ಕ್ರೀನ್​ ಫೀಚರ್​​

ಸ್ಪ್ಲಿಟ್ ಸ್ಕ್ರೀನ್ ಎನ್ನುವುದು ಯಾವುದೇ ಡಿವೈಸ್‌ಗಳಲ್ಲಿ ಒಂದು ವಿಶೇಷ ಫೀಚರ್ಸ್‌ ಆಗಿದ್ದು, ಬಳಕೆದಾರರಿಗೆ ಒಂದೇ ಡಿಸ್‌ಪ್ಲೇನಲ್ಲಿ ಏಕಕಾಲದಲ್ಲಿ ಎರಡು ವಿಭಿನ್ನ ಅಪ್ಲಿಕೇಶನ್‌ಗಳನ್ನು ವೀಕ್ಷಿಸಲು ಮತ್ತು ವಿಡಿಯೋ, ಮೆಸೇಜ್​​ ಮಾಡಲು ಅನುವು ಮಾಡಿಕೊಡುತ್ತದೆ. ಹೆಸರೇ ಸೂಚಿಸುವಂತೆ ಸ್ಪ್ಲಿಟ್ ಸ್ಕ್ರೀನ್ ಫೀಚರ್ಸ್‌ ಡಿಸ್‌ಪ್ಲೇಯನ್ನು ಎರಡು ಅಥವಾ ಹೆಚ್ಚಿನ ವಿಭಾಗಗಳಾಗಿ ವಿಂಗಡಿಸುತ್ತದೆ.

ಇದನ್ನು ಓದಿ: ಈ ರೀಚಾರ್ಜ್​ ಪ್ಲ್ಯಾನ್​ನಲ್ಲಿ ಪ್ರತಿದಿನ 2ಜಿಬಿ ಡೇಟಾ ಪಡೆಯಿರಿ!

ಇನ್ನು ಪ್ರತಿ ವಿಭಾಗವು ಪ್ರತ್ಯೇಕ ಅಪ್ಲಿಕೇಶನ್ ತೆರೆಯಲು ಅನುವು ಮಾಡಿಕೊಡಲಿದ್ದು, ಈ ವಿಭಾಗದ ಗಾತ್ರವನ್ನು ಬಳಕೆದಾರರು ತಮ್ಮ ಅಗತ್ಯಕ್ಕೆ ತಕ್ಕಂತೆ ಸ್ಮಾರ್ಟ್​​​ಫೋನ್​ನಲ್ಲಿ ಸೆಟ್ಟಿಂಗ್ಸ್​ ಮೂಲಕ ಸೆಟ್​ ಮಾಡಿಕೊಳ್ಳಬಹುದಾಗಿದೆ. ಹಾಗೆಯೇ ಈಗಾಗಲೇ ತೆರೆದ ಅಪ್ಲಿಕೇಶನ್​ ಅನ್ನು ಬೇಕೆಂದಾಗ ಕ್ಲೋಸ್‌ ಮಾಡಿ ಬೇಕಾದ ಆ್ಯಪ್‌ನಲ್ಲಿ ತಕ್ಷಣವೇ ತೆರೆಯುವ ಅವಕಾಶ ಸಹ ಇದರಲ್ಲಿದೆ. ಹಾಗಿದ್ರೆ ಈ ಫೀಚರ್​ ಅನ್ನು  ಬಳಸುಲು ಕೆಲವೊಂದು ಹಂತಗಳಿವೆ.

ಹಂತ- 1

ನಿಮ್ಮ ಫೋನ್​ನಲ್ಲಿ ಸ್ಪ್ಲಿಟ್​ ಸ್ಕ್ರೀನ್​ ಫೀಚರ್​ ಬಳಕೆ ಮಾಡಲು ನೀವು ಒಂದು ಅಪ್ಲಿಕೇಶನ್​ ಅನ್ನು ಓಪನ್​ ಮಾಡಿ ನಂತರ ಸೆಟ್ಟಿಂಗ್ಸ್​ಗೆ ಹೋಗಿ ಅಲ್ಲಿ ಸ್ಪ್ಲಿಟ್​ ಸ್ಕ್ರೀನ್​​ ಎಂಬ ಆಯ್ಕೆಯನ್ನು ಸರ್ಚ್​ ಮಾಡಿ.

ಹಂತ 2

ಇದಾದ ನಂತರ ಇತ್ತೀಚಿನ ಅಪ್ಲಿಕೇಶನ್‌ಗಳ ಪಟ್ಟಿಯನ್ನು ಓಪನ್‌ ಮಾಡಬೇಕು. ಈ ಆಯ್ಕೆ ಡಿಸ್‌ಪ್ಲೇನ ಕೆಳಭಾಗದಲ್ಲಿ ನೀಡಲಾಗುತ್ತದೆ. ಅದರಲ್ಲಿ ಒಂದು ಅಪ್ಲಿಕೇಶನ್ ಅನ್ನು ಸೆಲೆಕ್ಟ್ ಮಾಡಿ ಓಪನ್ ಮಾಡ್ಬೇಕು.

ಸಾಂಕೇತಿಕ ಚಿತ್ರ

ಹಂತ 3

ಇನ್ನು ಯಾವ ಆ್ಯಪ್ ಓಪನ್‌ ಮಾಡಿದ್ದೀರೋ ಆ ಆ್ಯಪ್ ಅನ್ನು ಡಿಸ್‌ಪ್ಲೇನ ಅರ್ಧದಷ್ಟು ಭಾಗದಲ್ಲಿ ಸೆಟ್‌ ಮಾಡಲು ಮೇಲಕ್ಕೆ ಅಥವಾ ಕೆಳಕ್ಕೆ ಸ್ವೈಪ್ ಮಾಡಿ.

ಇದಾದ ನಂತರ ನೀವು ಒಂದೇ ಬಾರಿಗೆ ಎರಡು ಅಪ್ಲಿಕೇಶನ್​ಗಳನ್ನು ಬಳಕೆ ಮಾಡಬಹುದಾಗಿದೆ.

ಸ್ಮಾರ್ಟ್​ಫೋನ್​ಗಳು ಇತ್ತೀಚೆಗೆ ಎಲ್ಲರ ಅಗತ್ಯ ಸಾಧನವಾಗಿದೆ ಹೌದು ಆದರೆ ಅನೇಕರು ಬ್ಯಾಟರಿ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ. ಸ್ಮಾರ್ಟ್​​ಫೋನ್​​ನ ಬ್ಯಾಟರಿ ಬೇಗನೆ ಏಕೆ ಖಾಲಿ ಆಗುತ್ತಿದೆ ಎಂಬ ಯೋಚನೆ ಮಾಡ್ತಿದ್ದಾರೆ. ಹಾಗಿದ್ರೆ ಸ್ಮಾರ್ಟ್​ಫೋನ್​ನ ಬ್ಯಾಟರಿ ವೇಗವಾಗಿ ಮುಗಿಯದಂತೆ ಮಾಡಲು ಇಲ್ಲಿದೆ ಟಿಪ್ಸ್​.

ಜಿಪಿಎಸ್​ ಆಫ್​ ಮಾಡಿ:

ಆಂಡ್ರಾಯ್ಡ್ ಫೋನ್‌ ಇರಲಿ ಇಲ್ಲವೇ ಐಫೋನ್ ಆಗಿರಲಿ ಜಿಪಿಎಸ್ ಅಥವಾ ಲೊಕೇಶನ್ ಅನ್ನು ಫೋನ್‌ನಲ್ಲಿ ಗುರುತಿಸಲಾಗುತ್ತದೆ. ಇದು ಹೆಚ್ಚುವರಿ ಬ್ಯಾಟರಿಯನ್ನು ಖರ್ಚು ಮಾಡಿಬಿಡುತ್ತದೆ. ನಿಮ್ಮ ಫೋನ್‌ನ ಬ್ಯಾಟರಿ ಬೇಗನೆ ಖಾಲಿಯಾಗಬಾರದಾದ್ರೆ ಜಿಪಿಎಸ್​ ಅನ್ನು ಆಫ್​ ಮಾಡಿ.

ವೈಫೈ ಬಳಸಿ:

ಸಾಧ್ಯವಾದಷ್ಟು ಇಂಟರ್ನೆಟ್​ ಬಳಕೆ ಮಾಡುವ ಬದಲು ವೈಫೈ ಬಳಕೆಯನ್ನು ಮಾಡಿ. ನಿಮ್ಮ ಮನೆ ಅಥವಾ ಕಚೇರಿಯಲ್ಲಿ ಸ್ವಯಂಚಾಲಿತವಾಗಿ ವೈಫೈ ಆನ್ ಇದ್ದರೆ ಅದನ್ನೇ ಬಳಕೆ ಮಾಡಿ. ಇದರಿಂದ ನಿಮ್ಮ ಬ್ಯಾಟರಿ ಸಮಸ್ಯೆಯನ್ನು ನಿವಾರಿಸಬಹುದು.