• Home
  • »
  • News
  • »
  • tech
  • »
  • Find My Device: ಇನ್ಮುಂದೆ ಆಫ್​ಲೈನ್​ನಲ್ಲಿಯೂ ಕಾರ್ಯನಿರ್ವಹಿಸುತ್ತೆ ‘ಫೈಂಡ್​ ಮೈ ಡಿವೈಸ್​‘! ಹೇಗೆಂಬುದು ಇಲ್ಲಿದೆ ಮಾಹಿತಿ

Find My Device: ಇನ್ಮುಂದೆ ಆಫ್​ಲೈನ್​ನಲ್ಲಿಯೂ ಕಾರ್ಯನಿರ್ವಹಿಸುತ್ತೆ ‘ಫೈಂಡ್​ ಮೈ ಡಿವೈಸ್​‘! ಹೇಗೆಂಬುದು ಇಲ್ಲಿದೆ ಮಾಹಿತಿ

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಈ ಫೈಂಡ್ ಮೈ ಡಿವೈಸ್ ಆಯ್ಕೆಯು ಮೊಬೈಲ್​ಗಳ ಸೇಫ್ಟಿಗಾಗಿ ರಚಿಸಿರುವಂತಹ ಅಪ್ಲಿಕೇಶನ್ ಆಗಿದೆ. ಆದರೆ ಇದುವರೆಗೆ ಈ ಸಿಸ್ಟಮ್ ಅನ್ನು ಇಂಟರ್ನೆಟ್​ ಮೂಲಕ ಟ್ರ್ಯಾಕ್ ಮಾಡಬೇಕಿತ್ತು. ಆದರೆ ಇನ್ಮುಂದೆ ಆಫ್​ಲೈನ್​ನಲ್ಲೂ ಬಳಕೆ ಮಾಡುವಂತೆ ಗೂಗಲ್​ ಅಪ್ಡೇಟ್​ ಮಾಡುತ್ತಿದೆ ಎಂದು ವರದಿಯಾಗಿದೆ.

ಮುಂದೆ ಓದಿ ...
  • Share this:

    ಟೆಕ್ ದೈತ್ಯ ಗೂಗಲ್ (Google) ಕಾಲಕಾಲಕ್ಕೆ ಹೊಸ ವೈಶಿಷ್ಟ್ಯಗಳನ್ನು ತರುತ್ತದೆ. ಇದೀಗ ಗೂಗಲ್​ಫೈಂಡ್​ ಮೈ ಡಿವೈಸ್​ ಎಂಬುದನ್ನು ಅಪ್ಡೇಟ್ (Update)​ ಮಾಡಲು ಹೊರಟಿದೆ. ಈ ಫೈಂಡ್ ಮೈ ಡಿವೈಸ್ (Find My Device)​ ಕಳೆದುಹೋದ ಮತ್ತು ಕದ್ದ ಸ್ಮಾರ್ಟ್‌ಫೋನ್‌ಗಳನ್ನು ಪತ್ತೆ ಮಾಡುವಂತಹ ಫೀಚರ್ ಆಗಿದೆ. ಇದೀಗ ಫೈಂಡ್ ಮೈ ಡಿವೈಸ್​ ಫೀಚರ್​​ ಬಹಳ ಜನಪ್ರಿಯವಾಗಿದೆ. ಆದರೆ ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನ್‌ಗಳನ್ನು ಆನ್‌ಲೈನ್ ಮೋಡ್‌ನಲ್ಲಿ (Online Mode) ಇರಿಸಿದಾಗ ಮಾತ್ರ ಈ ಸೇವೆಯನ್ನು ಬಳಸಬಹುದಿತ್ತು. ಆದರೆ ಇನ್ಮುಂದೆ ಬಳಕೆದಾರರು ತಮ್ಮ ಆಂಡ್ರಾಯ್ಡ್​ ಅಥವಾ ವಿಯರ್​ಓಎಸ್​ ಸಾಧನಗಳನ್ನು ಆಫ್‌ಲೈನ್‌ನಲ್ಲಿರುವಾಗಲೂ ಟ್ರ್ಯಾಕ್ ಮಾಡುವಂತೆ ಮಾಡಲು ಗೂಗಲ್ ಇದೀಗ ಪರೀಕ್ಷಿಸುತ್ತಿದೆ.


    ಫೈಂಡ್ ಮೈ ಡಿವೈಸ್ ಆಯ್ಕೆಯು ಮೊಬೈಲ್​ಗಳ ಸೇಫ್ಟಿಗಾಗಿ ರಚಿಸಿರುವಂತಹ ಅಪ್ಲಿಕೇಶನ್ ಆಗಿದೆ. ಆದರೆ ಇದುವರೆಗೆ ಈ ಸಿಸ್ಟಮ್ ಅನ್ನು ಇಂಟರ್ನೆಟ್​ ಮೂಲಕ ಟ್ರ್ಯಾಕ್ ಮಾಡಬೇಕಿತ್ತು. ಆದರೆ ಇನ್ಮುಂದೆ ಆಫ್​ಲೈನ್​ನಲ್ಲೂ ಬಳಕೆ ಮಾಡುವಂತೆ ಗೂಗಲ್​ ಅಪ್ಡೇಟ್​ ಮಾಡುತ್ತಿದೆ ಎಂದು ವರದಿಯಾಗಿದೆ.


    ಸ್ಯಾಮ್​ಮೊಬೈಲ್​ ವರದಿಯ ಪ್ರಕಾರ


    ಸ್ಯಾಮ್​ಮೊಬೈಲ್ ವರದಿಯ ಪ್ರಕಾರ. ಈ ವೈಶಿಷ್ಟ್ಯದ ವಿವರಗಳನ್ನು ಮೊದಲು ಗೂಗಲ್ ಸಿಸ್ಟಮ್ ಅಪ್‌ಡೇಟ್‌ಗಾಗಿ ಚೇಂಜ್‌ಲಾಗ್‌ನಲ್ಲಿ ಉಲ್ಲೇಖಿಸಲಾಗಿದೆ. ಈ ಸಾಧನದ ಮೂಲಕ ಕಳೆದು ಹೋದ ಅಥವಾ ಕದ್ದ ಮೊಬೈಲ್ ಅನ್ನು ಮರು ಪಡೆಯುವ ಉದ್ದೇಶದಿಂದ ಆಂಡ್ರಾಯ್ಡ್​ ಸಾಧನಗಳಿಗೆ ಅಪ್ಡೇಟ್​ ಮಾಡುವ ತಯಾರಿಯನ್ನು ಗೂಗಲ್ ಮಾಡುತ್ತಿದೆ ಎಂದು ಹೇಳಲಾಗಿದೆ. ಇನ್ನು ಈ ಫೈಂಡ್ ಮೈ ಡಿವೈಸ್ ಸಾಧನವು ಆಂಡ್ರಾಯ್ಡ್​ ಬಳಕೆದಾರರಿಗೆ ಇನ್ನಷ್ಟು ಸಹಕಾರಿಯಾಗಲಿದೆ.


    ಶೀಘ್ರದಲ್ಲೇ ಈ ಅಪ್ಡೇಟ್​ ಆಗಲಿದೆ


    ಆಂಡ್ರಾಯ್ಡ್​ ಮತ್ತು Wear OS ಸಾಧನಗಳು ಪರಸ್ಪರ ಸಂವಹನ ನಡೆಸಲು ಮತ್ತು ಕಳೆದುಹೋದ ಅಥವಾ ಕದ್ದ ಸಾಧನಗಳನ್ನು ಸುಲಭವಾಗಿ ಪತ್ತೆಹಚ್ಚಲು ಈ ವೈಶಿಷ್ಟ್ಯವನ್ನು ಅಪ್‌ಗ್ರೇಡ್ ಮಾಡಲಾಗುತ್ತದೆ. ಇದು ಸ್ಯಾಮ್‌ಸಂಗ್‌ನಂತೆಯೇ ಎಂಡ್-ಟು-ಎಂಡ್ ಎನ್‌ಕ್ರಿಪ್ಟ್​​ನಂತೆ ಕಾರ್ಯನಿರ್ವಹಿಸಲಿದೆ ಎಂದು ತಂತ್ರಜ್ಞರು ಹೇಳಿದ್ದಾರೆ.


    ಇದನ್ನೂ ಓದಿ: ಏರ್​​ಟೆಲ್​ನಿಂದ ಹೊಸ ರೀಚಾರ್ಜ್​ ಪ್ಲಾನ್​! ಯಾರೂ ಊಹೆ ಮಾಡಿರ್ಲಿಕ್ಕೂ ಇಲ್ಲ


    ಸ್ಯಾಮ್​ಸಂಗ್ ಮತ್ತು ಆ್ಯಪಲ್​ನ ಈ ಸಾಧನ ಹೇಗೆ ಕಾರ್ಯನಿರ್ವಹಿಸುತ್ತದೆ?


    ವರದಿಯ ಪ್ರಕಾರ, ಸ್ಯಾಮ್​ಸಂಗ್​ನ ಸ್ಮಾರ್ಟ್​​ಥಿಂಗ್​ ಫೈಂಡ್​ ಫೀಚರ್​ ಗ್ಯಾಲಕ್ಸಿ ಸಾಧನವು ಆಫ್‌ಲೈನ್‌ನಲ್ಲಿರುವಾಗಲೂ ಅದರ ಸ್ಥಳವನ್ನು ಪತ್ತೆ ಮಾಡುತ್ತದೆ. ಈ ಸಾಧನದ ಮೂಲಕ ಸ್ಮಾರ್ಟ್‌ಫೋನ್ ಅನ್ನು ಬ್ಲೂಟೂತ್ ಮೂಲಕ ಹತ್ತಿರದ ಸ್ಯಾಮ್‌ಸಂಗ್ ಸಾಧನಗಳಿಗೆ ಸಂಪರ್ಕಿಸಬಹುದು ಮತ್ತು ಬಳಕೆದಾರರಿಗೆ ಯಾವ ಸ್ಥಳದಲ್ಲಿದೆ ಎಂದು ವರದಿ ಮಾಡುತ್ತದೆ. ಆದ್ದರಿಂದ ಅದರ ಸ್ಥಳವನ್ನು ಟ್ರ್ಯಾಕ್ ಮಾಡಬಹುದು. ಇನ್ನು ಆ್ಯಪಲ್​ ಸಿಸ್ಟಮ್​ನಲ್ಲಿ ಇದು ಅಷ್ಟು ಶಕ್ತಿಯುತವಾಗಿಲ್ಲದಿದ್ದರೂ, 200 ಮಿಲಿಯನ್ ಬಳಕೆದಾರರು ಈಗಾಗಲೇ ತಮ್ಮ ಸಾಧನಗಳನ್ನು ಗುರುತಿಸುವಲ್ಲಿ ಯಶಸ್ವಿಯಾಗಿದ್ದಾರೆ.


    ಈಗಿನ ವರ್ಷನ್​ಗೆ ಇಂಟರ್ನೆಟ್​ ಕಡ್ಡಾಯ


    ಫೈಂಡ್ ಮೈ ಡಿವೈಸ್​ ಸೇವೆಯ ಪ್ರಸ್ತುತ ವರ್ಷನ್​ನಲ್ಲಿ ಬಳಕೆದಾರರಿಗೆ ಇಂಟರ್ನೆಟ್‌ಗೆ ಸಂಪರ್ಕಗೊಂಡಿರುವ ಆಂಡ್ರಾಯ್ಡ್​ ಸಾಧನಗಳನ್ನು ಟ್ರ್ಯಾಕ್ ಮಾಡಲು ಅನುಮತಿಸುತ್ತದೆ. ಈ ಫೀಚರ್ಸ್​ ಅನ್ನು ಬಳಸಿಕೊಂಡು ಬಳಕೆದಾರರು ತಮ್ಮ ಸಾಧನದಿಂದ ದೂರದಿಂದಲೇ ಲಾಕ್ ಮಾಡಬಹುದು, ಸೈನ್ ಔಟ್ ಮಾಡಬಹುದು ಮತ್ತು ಗೂಗಲ್​ ಅಕೌಂಟ್​ ಅನ್ನು ಹ್ಯಾಂಡಲ್​ ಮಾಡಬಹುದು. ಆದರೆ ಸಾಧನವು ಇಂಟರ್ನೆಟ್​​ ಕನೆಕ್ಟ್​ ಆದಾಗ ಮಾತ್ರ ಈ ಸೇವೆಯು ಕೆಲಸಮಾಡುತ್ತದೆ. ನೆಟ್​​​ವರ್ಕ್​ ಇಲ್ಲದಿದ್ದರೆ ಫೈಂಡ್ ಮೈ ಡಿವೈಸ್​ ಫೀಚರ್​​​ ಮೊಬೈಲ್​ ಅನ್ನು ಟ್ರ್ಯಾಕ್ ಮಾಡಲು ಸಾಧ್ಯವಾಗುವುದಿಲ್ಲ.


    ಆದರೆ ಮುಂದಿನ ಅಪ್​ಡೇಟ್​​​ನಲ್ಲಿ ಮೊಬೈಲ್​ ಬಳಕೆದಾರರು ಫೈಂಡ್ ಮೈ ಡಿವೈಸ್​ ಅನ್ನು ಯಾವುದೇ ಇಂಟರ್​ನೆಟ್​ ಇಲ್ಲದೆಯೂ ಬಳಕೆ ಮಾಡಬಹುದಾಗಿದೆ. ಇನ್ನೇನು ಕೆಲವೇ ದಿನಗಳಲ್ಲಿ ಈ ಸೇವೆ ಪ್ರಾರಂಭವಾಗಲಿದ್ದು, ಗೂಗಲ್ ಇದರ ಅಪ್ಡೇಟ್​ ಬಗ್ಗೆ ಯೋಜನೆ ನಡೆಸುತ್ತಿದೆ.

    Published by:Prajwal B
    First published: