Samsung Galaxy S23 Series: ಫೆಬ್ರವರಿ 1 ರಿಂದ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​​23 ಸೀರಿಸ್​ನ ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಗೆ ಲಗ್ಗೆ!

ದಕ್ಷಿಣ ಕೊರಿಯಾದ ಎಲೆಕ್ಟ್ರಾನಿಕ್ ದೈತ್ಯ ಕಂಪೆನಿಯಾಗಿಯಾಗಿರು ಸ್ಯಾಮ್‌ಸಂಗ್ ಕಂಪೆನಿ (Samsung Comapny) ಬಿಡುಗಡೆ ಮಾಡಿರುವ ಸ್ಮಾರ್ಟ್‌ಫೋನ್‌ಗಳಿಗೆ (Smartphones) ಪ್ರಪಂಚದಾದ್ಯಂತ ಈ ಗಲೂ ಉತ್ತಮ ಬೇಡಿಕೆಯಿದೆ. ಈ ಕಂಪೆನಿಯು ಅತ್ಯುತ್ತಮ ವೈಶಿಷ್ಟ್ಯಗಳೊಂದಿಗೆ ವಿವಿಧ ವಿಭಾಗಗಳಲ್ಲಿ ಅನೇಕ ಮಾದರಿಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಇದು ಇತ್ತೀಚೆಗೆ ತನ್ನ ಮುಂಬರುವ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​23 ಸೀರಿಸ್​ನ ಸ್ಮಾರ್ಟ್​ಫೋನ್​ಗಳ ಕುರಿತು ಪ್ರಮುಖ ಪ್ರಕಟಣೆಯನ್ನು ಮಾಡಿದೆ. ಸ್ಯಾಮ್‌ಸಂಗ್ ಕಂಪೆನಿ ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ನಡೆದ ಗ್ಯಾಲಕ್ಸಿ ಅನ್​ಪ್ಯಾಕ್ಡ್​-2023 ಈವೆಂಟ್‌ನಲ್ಲಿ ಗ್ಯಾಲಕ್ಸಿ ಎಸ್ 23 ಸೀರಿಸ್​​ನ (Galaxy S23 Siries) ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. ಸ್ಯಾಮ್‌ಸಂಗ್ ಈ ಸೀರಿಸ್​ನ ಸ್ಮಾರ್ಟ್‌ಫೋನ್‌ಗಳಿಗೆ ಪ್ರಿ-ರಿಸರ್ವ್ ಆಯ್ಕೆಯನ್ನು ಸಹ ನೀಡುವುದಾಗಿ ಘೋಷಿಸಿದೆ.

ಇದೀಗ ಸ್ಯಾಮ್​ಸಂಗ್ ಕಂಪೆನಿಯಿಂದ ಮಾರುಕಟ್ಟೆಯಲ್ಲಿ ಹೊಸ ದಾಖಲೆಯನ್ನು ಸೃಷ್ಟಿಸಲು ರೆಡಿಯಾಗಿರುವ ಗ್ಯಾಲಕ್ಸಿ ಎಸ್​23 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳ ಬಿಡುಗಡೆಯ ಸುದ್ದಿಯನ್ನು ಬಹಿರಂಗ ಪಡಿಸಿದೆ. ಹಾಗಿದ್ರೆ ಈ ಸೀರಿಸ್​ನಲ್ಲಿ ಯಾವೆಲ್ಲಾ ಮಾದರಿಗಳಲ್ಲಿ ಸ್ಮಾರ್ಟ್​ಫೋನ್​ಗಳು ಬಿಡುಗಡೆಯಾಗುತ್ತದೆ ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.

ಭಾರತದಲ್ಲಿ ಪ್ರೀ ಬುಕಿಂಗ್​ ಆರಂಭ

ಭಾರತದಲ್ಲಿ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​23 ಸೀರಿಸ್​ನ ಸ್ಮಾರ್ಟ್‌ಫೋನ್‌ಗಳನ್ನು ಪ್ರೀ-ಬುಕ್ ಮಾಡುವುದರಿಂದ ಆರಂಭಿಕ ಪ್ರವೇಶ ಮತ್ತು ವಿಶೇಷ ಕೊಡುಗೆಗಳನ್ನು ಪಡೆಯಬಹುದು. Samsung.com, ಸ್ಯಾಮ್​ಸಂಗ್​ನ ಸ್ಟೋರ್​ಗಳಲ್ಲಿ, ಅಮೆಜಾನ್​ ಮೂಲಕ ಗ್ಯಾಲಕ್ಸಿ ಎಸ್​23 ಸೀರಿಸ್​ನ ಸ್ಮಾರ್ಟ್‌ಫೋನ್‌ಗಳನ್ನು ರೂ.1999 ಟೋಕನ್ ಮೊತ್ತವನ್ನು ಪಾವತಿಸುವ ಮೂಲಕ ಔಟ್‌ಲೆಟ್‌ಗಳಲ್ಲಿ ಮೊದಲೇ ಕಾಯ್ದಿರಿಸಬಹುದಾಗಿದೆ.

ಇದನ್ನೂ ಓದಿ: 22 ಸಾವಿರದ ಸ್ಮಾರ್ಟ್​​ಟಿವಿ ಕೇವಲ 7,500 ರೂಪಾಯಿಗೆ ಲಭ್ಯ! ಫ್ಲಿಪ್​ಕಾರ್ಟ್​​ನಲ್ಲಿ ಬಂಪರ್​ ಆಫರ್​​

ಸ್ಯಾಮ್​ಸಂಗ್​ ಕಂಪೆನಿಯಿಂದ ಮುಂಬರು ಗ್ಯಾಲಕ್ಸಿ ಎಸ್​23 ಸೀರಿಸ್​ನ ಸ್ಮಾರ್ಟ್‌ಫೋನ್ ಅನ್ನು ಮುಂಗಡವಾಗಿ ಬುಕ್ ಮಾಡುವ ಗ್ರಾಹಕರು ರೂ.5000 ಮೌಲ್ಯದ ಪ್ರೀ-ಬುಕಿಂಗ್​ನಲ್ಲಿ ಕೆಲವೊಂದು ಪ್ರಯೋಜನಗಳನ್ನೂ ಪಡೆಯುತ್ತಾರೆ. ಆದರೆ 31ನೇ ಮಾರ್ಚ್ 2023 ರ ಮೊದಲು ಖರೀದಿಸುವ ಪ್ರಕ್ರಿಯೆಯನ್ನು ಅಥವಾ ಸಕ್ರಿಯ ಗೊಳಿಸಿದವರಿಗೆ ಮಾತ್ರ ಈ ಪ್ರಯೋಜನಗಳು ದೊರೆಯುತ್ತದೆ.

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​​23 ಸೀರಿಸ್​ ಸ್ಮಾರ್ಟ್​​ಫೋನ್ಸ್​

3 ರೂಪಾಂತರಗಳಲ್ಲಿ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​23 ಸೀರಿಸ್​ನ ಸ್ಮಾರ್ಟ್​ಫೋನ್​ಗಳು

ಸ್ಯಾಮ್‌ಸಂಗ್‌ನ ಹಿಂದಿನ ಸರಣಿಯಂತೆ, ಗ್ಯಾಲಕ್ಸಿ ಎಸ್​23 ಸೀರಿಸ್​ನಲ್ಲಿ ಕೂಡ ಮೂರು ರೂಪಾಂತರಗಳನ್ನು ಹೊಂದಿರುವ ಸಾಧ್ಯತೆಯಿದೆ. ಗ್ಯಾಲಕ್ಸಿ ಎಸ್​23 ಸರಣಿಯಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23, ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 ಪ್ಲಸ್​ ಮತ್ತು ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಎಂಬ ಮೂರು ಮಾದರಿಗಳನ್ನು ಬಿಡುಗಡೆ ಮಾಡಲಾಗುವುದು ಎಮದು ಕಂಪೆನಿ ಹೇಳಿದೆ. ಇನ್ನು ಈ ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳೆಲ್ಲವೂ ಕ್ವಾಲ್ಕಮ್​ ಸ್ನ್ಯಾಪ್​​ಡ್ರಾಗನ್​ 8 ಜೆನ್​ 2 ಚಿಪ್​​ಸೆಟ್​​  ಅನ್ನು ಹೊಂದಿರುವ ನಿರೀಕ್ಷೆಯಿದೆ.

ಗ್ಯಾಲಕ್ಸಿ ಎಸ್​​23 ಸೀರಿಸ್​ನ ಫೀಚರ್ಸ್​

ಪ್ರಮುಖ ವಿಭಾಗದಲ್ಲಿ ಬರುವ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎಸ್​23 ಸರಣಿಯ ಗ್ಯಾಲಕ್ಸಿ ಎಸ್​23, ಗ್ಯಾಲಕ್ಸಿ ಎಸ್​23 ಪ್ಲಸ್​ ಮತ್ತು ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಸ್ಮಾರ್ಟ್‌ಫೋನ್‌ಗಳಲ್ಲಿ ಕಂಪೆನಿಯು ಮುಖ್ಯವಾಗಿ ಕ್ಯಾಮೆರಾದ ಫೀಚರ್ಸ್​ಗಳ ಮೇಲೆ ಕೇಂದ್ರೀಕರಿಸಿದೆ ಎಂದು ವರದಿಗಳು ಬಹಿರಂಗಪಡಿಸಿವೆ. ಮುಖ್ಯವಾಗಿ, ಗ್ಯಾಲಕ್ಸಿ ಎಸ್​23 ಅಲ್ಟ್ರಾ ಪ್ರಮುಖ ಸ್ಪೆಷಲ್​ ಫೀಚರ್ಸ್​​ಗಳೊಂದಿಗೆ ಬರಲಿದೆ ಎಂದು ವದಂತಿಗಳಿವೆ.

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಸ್​​23 ಸೀರಿಸ್​ ಸ್ಮಾರ್ಟ್​​ಫೋನ್ಸ್​

ಈ ಉನ್ನತ-ಮಟ್ಟದ ರೂಪಾಂತರವು 200 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿರಬಹುದು ಎಂದು ಟೆಕ್ ಮೂಲಗಳು ಅಂದಾಜು ಮಾಡಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ 6.8-ಇಂಚಿನ ಡಿಸ್​​ಪ್ಲೇ, 256 ಜಿಬಿ ಇಂಟರ್ನಲ್​​ ಮೆಮೊರಿ ಸಾಮರ್ಥ್ಯವನ್ನು ಹೊಂದಿರಬಹುದು. ಹಾಗೆಯೇ ಇದರಲ್ಲಿ ಹಿಂದಿನ ಟ್ರಿಪಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರುತ್ತದೆ. ಇದರಲ್ಲಿ 40 ಎಮ್​ಪಿ ಸೆಲ್ಫಿ ಕ್ಯಾಮೆರಾ, 5,000mAh ಬ್ಯಾಟರಿಯಂತಹ ಸುಧಾರಿತ ವೈಶಿಷ್ಟ್ಯಗಳನ್ನು ಹೊಂದಿರುವ ನಿರೀಕ್ಷೆಯಿದೆ.

ಇದು ಸ್ಯಾಮ್​ಸಂಗ್​ ಕಂಪೆನಿಯಿಂದ ಬಿಡುಗಡೆಯಾಗುತ್ತಿರುವ ಹೊಸ ಮಾದರಿಯ ಸ್ಮಾರ್ಟ್​ಫೋನ್​ಗಳಾಗಿದೆ. ಈ ಸ್ಮಾರ್ಟ್​ಫೋನ್​ಗಳ ಬೆಲೆ, ಲಭ್ಯತೆಯ ಬಗ್ಗೆ ಇನ್ನೂ ಸರಿಯಾಗಿ ಮಾಹಿತಿಯನ್ನು ಕಂಪೆನಿ ಬಹಿರಂಗ ಪಡಿಸಿಲ್ಲ.