Free Laptop: ಲ್ಯಾಪ್​ಟಾಪ್ ಆಸೆಗೆ ಬಿದ್ದು ಹಣ ಕಳೆದುಕೊಳ್ಳಬೇಡಿ, ಸೋಷಿಯಲ್ ಮೀಡಿಯಾದಲ್ಲಿ ಹೊಸ ಸ್ಕ್ಯಾಮ್​

ಸೋಷಿಯಲ್​ ಮೀಡಿಯಾಗಳು (Social Media) ಇತ್ತೀಚೆಗೆ ವ್ಯಾಪಕವಾಗಿ ಹಬ್ಬಿದೆ. ಸ್ಮಾರ್ಟ್​ಫೋನ್​ಗಳ ಬಳಕೆ ಯಾವಾಗ ಹೆಚ್ಚಾಯಿತೋ, ಅಂದಿನಿಂದ ಸೋಷಿಯಲ್ ಮೀಡಿಯಾಗಳನ್ನು ಸಹ ಬಳಸುವವರು ಹೆಚ್ಚಾಗಿದ್ದಾರೆ. ಇದಕ್ಕೆ ಕಾರಣ ಇದರಲ್ಲಿರುವಂತಹ ಕೆಲವೊಂದು ವೇದಿಕೆಗಳು. ಇತ್ತೀಚೆಗಂತೂ ಸೋಶಿಯಲ್ ಮೀಡಿಯಾಗಲು ಮನರಂಜನಾ ಮಾಧ್ಯಮವಾಗಿ ಮಾರ್ಪಟ್ಟಿದೆ. ಇನ್​ಸ್ಟಾಗ್ರಾಮ್​, ಯೂಟ್ಯೂಬ್​, ವಾಟ್ಸಾಪ್​ನಂತಹ (WhatsApp) ಅಪ್ಲಿಕೇಶನ್​ಗಳು ಹಲವಾರು ರೀತಿಯಲ್ಲಿ ಸ್ಮಾರ್ಟ್​​ಫೋನ್​ ಬಳಕೆದಾರರಿಗೆ ಬಳಕೆಗೆ ಬಂದಿವೆ. ಆದರೆ ಇತ್ತೀಚೆಗೆ ಸೋಷಿಯಲ್ ಮೀಡಿಯಾದಲ್ಲಿ ಕೆಲವೊಂದು ಫೇಕ್​ ನ್ಯೂಸ್​ಗಳು (Free Laptop Fake News) ಸಹ ಬಹಳಷ್ಟು ಹರಿದಾಡುತ್ತಿದೆ. ಸೋಷಿಯಲ್​ ಮೀಡಿಯಾಗಳ ಬಳಕೆ ಹೆಚ್ಚಾದಂತೆ ಇದನ್ನು ದುರುಪಯೋಗದ ದೃಷ್ಟಿಯಿಂದಳು ಕೆಲವರು ಬಳಕೆ ಮಾಡುತ್ತಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಲಿಂಕ್​ ಕಳುಹಿಸಿ ಆಫರ್​ ನೀಡುತ್ತೇವೆ ಎಂಬ ಮೆಸೇಜ್​ ಅನ್ನು ನಾವೆಲ್ಲರೂ ನೋಡಿದ್ದೇವೆ. ಅದೇ ರೀತಿ ಇತ್ತೀಚೆಗೊಂದು ಕೇಂದ್ರ ಸರ್ಕಾರ ಪಿಯುಸಿ ಮತ್ತು ಡಿಗ್ರಿ ವಿದ್ಯಾರ್ಥಿಗಳಿಗೆ ಉಚಿತ ಲ್ಯಾಪ್​ಟಾಪ್​ ನೀಡುತ್ತಿದೆ ಎಂಬ ಮೆಸೇಜ್​ ಭಾರೀ ವೈರಲ್​ ಆಗುತ್ತಿದೆ. ಇದರಿಂದ ಎಷ್ಟೋ ಜನರು ಗೊಂದಕ್ಕೊಳಗಾಗಿದ್ದಾರೆ. ಹಾಗಿದ್ರೆ ಈ ಸುದ್ದಿ ನಿಜನಾ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಸೋಷಿಯಲ್ ಮೀಡಿಯಾದಲ್ಲಿ ವೈರಲ್​

ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಒಂದು ಮೆಸೇಜ್ ಭಾರೀ ವೈರಲ್ ಆಗುತ್ತಿದೆ. ಈ ಮೆಸೇಜ್​ನಲ್ಲಿ ಪ್ರಧಾನಿಯವರ ಉಚಿತ ಲ್ಯಾಪ್​​ಟಾಪ್​ ಯೋಜನೆ 2023 ರಲ್ಲಿ ಅರ್ಹ ಜನರಿಗೆ ಲ್ಯಾಪ್​ಟಾಪ್​ಗಳನ್ನು ಉಚಿತವಾಗಿ ನೀಡಲಾಗುತ್ತದೆ. ಇನ್ನು ಭಾರತ ಸರ್ಕಾರ ನೀಡುವ ಈ ಯೋಜನೆಯಲ್ಲಿ ಪಿಯುಸಿ ಮತ್ತು ಡಿಗ್ರಿ ವಿದ್ಯಾರ್ಥಿಗಳು ಉಚಿತ ಲ್ಯಾಪ್​ಟಾಪ್​ ಅನ್ನು ಪಡೆಯಬಹುದು ಎಂದು ಬರೆದಿರುತ್ತದೆ. ಜೊತೆಗೆ ಒಂದು ಲಿಂಕ್ ಸಹ ಇರುತ್ತದೆ. ಜೊತೆಗೆ ಇಂಟೆಲ್ ಸೆಲೆರಿಯೊ ಡ್ಯುಯಲ್​ ಕೋರ್​ ಲ್ಯಾಪ್​​ಟಾಪ್​ ಅನ್ನು ಪಡೆಯಬಹುದು ಎಂದು ಇರುತ್ತದೆ.

ಇದನ್ನೂ ಓದಿ: ಬೆಂಗಳೂರಿನ ಶ್ವಾನ ಮಾಲೀಕರೇ ಎಚ್ಚರ, ಸಿನಿಮೀಯ ರೀತಿಯಲ್ಲಿ ಬರ್ತಾರೆ ನಾಯಿಕಳ್ಳರು!

ಸತ್ಯನಾ? ಸುಳ್ಳಾ?

ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ಈ ಉಚಿತ ಲ್ಯಾಪ್‌ಟಾಪ್ ಯೋಜನೆಯ ಮೆಸೇಜ್​ ಯಾವುದೇ ರೀತಿ ಸತ್ಯ ಸಂಗತಿಯಲ್ಲ. ಇದು ಸಂಪೂರ್ಣ ಸುಳ್ಳು ಸುದ್ದಿಯಾಗಿದೆ. ಹಾಗಾಗಿ ಯಾರಿಗಾದರೂ ಇಂತಹ ಮೆಸೇಜ್​​ಗಳು ಬಂದರೆ ಜಾಗರೂಕರಾಗಿರಿ. ಏಕೆಂದರೆ ರಿಜಿಸ್ಟರ್​ ಮಾಡಿದವರಿಗೆ ಮಾತ್ರ ಈ ಪ್ರಯೋಜನ ಸಿಗಲಿದೆ ಎಂದು ನೋಟಿಸ್ ವೈರಲ್ ಆಗಿದೆ. ಹೀಗಾಗಿ ಉಚಿತವಾಗಿ ಲ್ಯಾಪ್ ಟಾಪ್ ಸಿಗುತ್ತದೆ ಎಂದು ರಿಜಿಸ್ಟರ್ ಮಾಡಿಕೊಂಡರೆ ಮೋಸ ಹೋಗುವುದದಂತು ಗ್ಯಾರಂಟಿ.

ಉಚಿತ ಲ್ಯಾಪ್​ಟಾಪ್​ ಬಗೆಗಿನ ಫೇಕ್ ನ್ಯೂಸ್

ಲಿಂಕ್ ಕ್ಲಿಕ್ ಮಾಡಿದ್ರೆ ಏನಾಗುತ್ತದೆ?

ಒಂದು ವೇಳೆ ಈ ರೀತಿಯ ಮೆಸೇಜ್​ ಬಂದಾಗ ತಪ್ಪಿ ಕ್ಲಿಕ್ ಮಾಡಿದ್ರೆ, ನಿಮ್ಮ ಬ್ಯಾಂಕ್ ಖಾತೆಯಲ್ಲಿರುವಂತಹ ಹಣ ಖಾಲಿಯಾಗಬಹುದು. ಹಾಗಾಗಿ ನಿಮ್ಮ ಫೋನ್ ನಲ್ಲೂ ಈ ರೀತಿಯ ಮೆಸೇಜ್ ಬಂದರೆ ಅಥವಾ ಎಲ್ಲಿಯಾದರೂ ಈ ರೀತಿಯ ಸೂಚನೆ ಕಂಡರೆ ಎಚ್ಚರದಿಂದಿರಿ. ಏಕೆಂದರೆ ಅದು ಫೇಕ್​ ನ್ಯೂಸ್​ ಆಗಿದೆ. ಒಂದು ವೇಳೆ ಇದನ್ನು ನೋಡಿ ನಂಬಿ ರಿಜಿಸ್ಟರ್ ಮಾಡಲು ಮುಂದಾದ್ರೆ ನಿಮ್ಮ ವೈಯಕ್ತಿಕ ಡೇಟಾ, ಬ್ಯಾಂಕ್​ ವಿವರ, ಎಲ್ಲವೂ ವಂಚಕರ ಕೈಸೇರುತ್ತದೆ. ಇದರಿಂದ ನಿಮ್ಮ ಬ್ಯಾಂಕ್​ ಖಾತೆಯೂ ಖಾಲಿಯಾಗುವುದು ಖಚಿತ.

ಈ ರೀತಿಯ ಹಲವಾರು ಫೇಕ್ ಮೆಸೇಜ್​ಗಳಿವೆ

ಇಷ್ಟು ಮಾತ್ರವಲ್ಲದೆ ಇಂತಹ ಮೆಸೇಜ್​ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಲೇ ಇರುತ್ತವೆ. ನೀವು ಉಚಿತವಾಗಿ ರೀಚಾರ್ಜ್ ಮಾಡಬಹುದು, ಹುಡುಗಿಯರಿಗೆ ಮದುವೆಯ ಉಡುಗೊರೆಗಳು ಸೇರಿದಂತೆ ಹಲವು ರೀತಿಯ ನಕಲಿ ಸುದ್ದಿಗಳಿವೆ. ಆದ್ದರಿಂದ ನೀವು ಈ ವೈರಲ್ ಸಂದೇಶಗಳನ್ನು ಓಪನ್ ಮಾಡುವ ಮೊದಲು ಜಾಗರೂಕರಾಗಿರಬೇಕು. ಯೋಚಿಸದೆ ಆತುರಪಟ್ಟರೆ ತೊಂದರೆಯಾಗುವುದಂತು ಗ್ಯಾರಂಟಿ.