YONO SBI: YONO ಆ್ಯಪ್​ನ ಪಾಸ್​ವರ್ಡ್​ ಮರೆತೋಗಿದ್ಯಾ? ಹಾಗಿದ್ರೆ ಈ ಟ್ರಿಕ್ಸ್​ ಮೂಲಕ ರೀಸೆಟ್​ ಮಾಡ್ಕೊಳ್ಳಿ

ಸ್ಮಾರ್ಟ್​​ಫೋನ್​ಗಳು ಎಷ್ಟು ಬೆಳವಣಿಗೆಯಾಗಿದೆ ಎಂದರೆ, ಇತ್ತೀಚೆಗೆ ಬಳಕೆದಾರರು ಯಾವುದೇ ಕೆಲಸವನ್ನೂ ಸಹ ಮನೆಯಲ್ಲಿಯೇ ಕುಳಿತುಕೊಂಡು ಮಾಡಬಹುದಾಗಿದೆ. ಉದಾಹರಣೆಗೆ ನಾವು ಬ್ಯಾಂಕಿಂಗ್​ ವ್ವಹಾರವನ್ನೇ ನೋಡಬಹುದು. ಪ್ರಸ್ತುತವಾಗಿ ಡಿಜಿಟಲ್​ ಬ್ಯಾಂಕಿಂಗ್ (Digital Banking) ಸೌಲಭ್ಯವೂ ಬಾರಿ ಪ್ರಚಲಿತದಲ್ಲಿದೆ. ಬಹುತೇಕ ಎಲ್ಲಾ ಬ್ಯಾಂಕ್​ಗಳು ತನ್ನ ಗ್ರಾಹಕರಿಗೆ ಬ್ಯಾಂಕ್​ ವಹಿವಾಟು ನಡೆಸಲು ಅನುಕೂಲವಾಗುವಂತೆ ಆ್ಯಪ್​ಗಳನ್ನು ರಚಿಸಿದೆ. ಈ ಮೂಲಕ ಬ್ಯಾಲೆನ್ಸ್‌ ಚೆಕ್, ಹಣ ವರ್ಗಾವಣೆ ಹಾಗೂ ಇತರೆ ವಹಿವಾಟು ನಡೆಸಬಹುದಾಗಿದೆ. ಅದೇ ರೀತಿ ಎಸ್‌ಬಿಐ (SBI) ತನ್ನ ಖಾತೆದಾರರಿಗಾಗಿ ಯೋನೋ (YONO Application) ಅಪ್ಲಿಕೇಶನ್ ಅನ್ನು ನೀಡಿದ್ದು, ಈ ಮೂಲಕ ಹಲವಾರು ಅಗತ್ಯ ಸೇವೆಗಳನ್ನು ಪೂರೈಸಬಹುದಾಗಿದೆ.

ಸದ್ಯ ಎಸ್​ಬಿಐ ತನ್ನ ಗ್ರಾಹಕರಿಗೆ ಯೋನೋ ಅಪ್ಲಿಕೇಶನ್ ಅನ್ನು ಪರಿಚಯಿಸಿದೆ. ಈ ಮೂಲಕ ಬಳಕೆದಾರರು ತಮ್ಮ ಎಸ್​ಬಿಐ ಬ್ಯಾಂಕ್​ ಅಕೌಂಟ್​ಗೆ ಸಂಬಂಧಿಸಿದ ಯಾವುದೇ ಡೀಟೇಲ್ಸ್​ ಅನ್ನು ನೋಡಬಹುದಾಗಿದೆ. ಇದಕ್ಕಾಗಿ ಗ್ರಾಹಕರಿಗೆ ಯೂಸರ್​ ನೇಮ್ ಮತ್ತು ಪಾಸ್​ವರ್ಡ್​ ಅನ್ನು ನೀಡಿರುತ್ತಾರೆ. ಕೆಲವೊಮ್ಮೆ ಈ ಪಾಸ್​ವರ್ಡ್​ ಮರೆತೋಗುತ್ತೆ. ಆ ಸಂದರ್ಭದಲ್ಲಿ ಪಾಸ್​ವರ್ಡ್​ ಅನ್ನು ಮರಳಿ ಹೇಗೆ ಪಡೆಯುವುದು ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಯೋನೋ (YONO) ಅಪ್ಲಿಕೇಶನ್​

ಎಸ್​​ಬಿಐ ಬ್ಯಾಂಕ್​ನಲ್ಲಿ ಅಕೌಂಟ್​ ಅನ್ನು ಹೊಂದಿರುವವರಿಗೆ ಮಾತ್ರ ಈ ಆ್ಯಪ್ ಸೂಕ್ತವಾಗಿದೆ. ಈ ಅಪ್ಲಿಕೇಶನ್ ಅನ್ನು ಬಳಕೆ ಮಾಡುವ ಮೂಲಕ ನಮ್ಮ ಬ್ಯಾಂಕ್​ ಖಾತೆಗೆ ಬಹುತೇಕ ಎಲ್ಲಾ ಸೇವೆಗಳನ್ನು ಮಾಡಬಹುದಾಗಿದೆ.

ಖಾತೆದಾರರು ಆನ್​ಲೈನ್​ ಎಸ್​ಬಿಐ ಲಾಗಿನ್​ ಕ್ರೆಡೆನ್ಶಿಯಲ್​ ಅಥವಾ ಎಟಿಎಮ್​ ಕಾರ್ಡ್​​ ಸೇರಿದಂತೆ ಅಕೌಂಟ್​ನ ಡೀಟೇಲ್ಸ್​ ಅನ್ನು ನೀಡುವ ಮೂಲಕ ಯೋನೋ ಅಪ್ಲಿಕೇಶನ್ ಅನ್ನು ಡೌನ್​ಲೋಡ್ ಮಾಡಿಕೊಂಡು ಲಾಗಿನ್ ಆಗಬಹುದಾಗಿದೆ. ಇದಲ್ಲದೆ ಮೊಬೈಲ್​ನಲ್ಲಿಯೇ ಯೋನೋ ಅಪ್ಲಿಕೇಶನ್ ಅನ್ನು ಬಳಕೆ ಮಾಡಲು ಮತ್ತು ವೇಗದ ಲಾಗಿನ್​ಗಾಗಿ 6 ಅಂಕಿಯ ಪಿನ್​​ ಅನ್ನು ಸಹ ಸೆಟ್​ ಮಾಡಬಹುದಾಗಿದೆ. ಇದನ್ನು ಸುರಕ್ಷತೆಯ ದೃಷ್ಟಿಯಿಂದ ರಚಿಸಲಾಗುತ್ತದೆ.

ಬಳಕೆದಾರರು ಯೂಸರ್ ನೇಮ್ ರೀಸೆಟ್​ ಮಾಡುವುದು ಹೇಗೆ?

• ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಅಧಿಕೃತ ವೆಬ್‌ಸೈಟ್ ತೆರೆಯಲು onlinesbi.com ಗೆ ಭೇಟಿ ನೀಡಿ.


• ಪರ್ಸನಲ್ ಬ್ಯಾಂಕಿಂಗ್ ನಲ್ಲಿ, ಲಾಗಿನ್ ಅನ್ನು ಆಯ್ಕೆ ಮಾಡಿ.


• ಮುಂದೆ, ಖಾತೆ ವಿವರಗಳ ವಿಭಾಗದಲ್ಲಿ 'ಬಳಕೆದಾರ ಹೆಸರು/ಲಾಗಿನ್ ಪಾಸ್‌ವರ್ಡ್‌ ಮರೆತುಹೋಗಿದೆ' ಮೇಲೆ ಕ್ಲಿಕ್ ಮಾಡಬೇಕು.


• ಡ್ರಾಪ್-ಡೌನ್ ಮೆನುವಿನಿಂದ, forgot my username ಎಂಬ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ.


• ಪಾಪ್ ವಿಂಡೋದಲ್ಲಿ next ಎಂಬ ಆಯ್ಕೆ ಕಾಣುತ್ತದೆ.

ಯೋನೋ ಎಸ್​ಬಿಐ ಆನ್​ಲೈನ್ ಅಪ್ಲಿಕೇಶನ್​

• ನಂತರ, CIF ಸಂಖ್ಯೆ, ದೇಶ, ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು ಕ್ಯಾಪ್ಚಾ ಕೋಡ್ ಸೇರಿದಂತೆ ಅಗತ್ಯವಿರುವ ಡಿಟೇಲ್ಸ್​ಗಳನ್ನು ಭರ್ತಿ ಮಾಡಬೇಕು.


• ನಂತರ Submit ಬಟನ್ ಮೇಲೆ ಟ್ಯಾಪ್ ಮಾಡಿ.


• ಈಗ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ ಸ್ವೀಕರಿಸಿದ ಓಟಿಪಿಯನ್ನು ನಮೂದಿಸಿ ಮತ್ತು ಡನ್​ ಎಂಬುದರ ಮೇಲೆ ಕ್ಲಿಕ್ ಮಾಡಿ


• ಎಸ್‌ಬಿಐ ಪೋರ್ಟಲ್ ನಿಮಗೆ ನಿಮ್ಮ ಹೊಸ ಐಓನೋ ಎಸ್‌ಬಿಐ ಲಾಗಿನ್ ಬಳಕೆದಾರ ಹೆಸರನ್ನು ಸ್ಕ್ರೀನ್‌ ಮೇಲೆ ನೀಡುತ್ತದೆ. ಹಾಗೆಯೇ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಟೆಕ್ಸ್ಟ್‌ ಮೆಸೇಜ್‌ ಸಹ ಬರುತ್ತದೆ.

• ಮೊದಲಿಗೆ ನಿಮ್ಮ ಮೊಬೈಲ್ ಮೂಲಕ onlinesbi.com ಗೆ ಭೇಟಿ ನೀಡಿ. ನಂತರ ಖಾತೆ ವಿವರಗಳ ವಿಭಾಗದಲ್ಲಿ Forgot login password ಮೇಲೆ ಕ್ಲಿಕ್ ಮಾಡಿ.


• ಈಗ ಡ್ರಾಪ್-ಡೌನ್ ಮೆನುವಿನಿಂದ Forgot my Login Password ಎಂಬ ಆಯ್ಕೆಯನ್ನು ಸೆಲೆಕ್ಟ್ ಮಾಡಿ.

• ನಂತರ ವಿಂಡೋದಲ್ಲಿ next ಕ್ಲಿಕ್ ಮಾಡಿ.


• ಬಳಿಕ ಬಳಕೆದಾರರ ಹೆಸರು, ಖಾತೆ ಸಂಖ್ಯೆ, ದೇಶ, ನೋಂದಾಯಿತ ಮೊಬೈಲ್ ಸಂಖ್ಯೆ, ಜನ್ಮ ದಿನಾಂಕ ಮತ್ತು ಕ್ಯಾಪ್ಚಾ ಕೋಡ್ ಸೇರಿದಂತೆ ಅಗತ್ಯವಿರುವ ಡಿಟೇಲ್ಸ್​ಗಳನ್ನು ಭರ್ತಿ ಮಾಡಿ.


• ಬಳಿಕ ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ ನೀವು ಸ್ವೀಕರಿಸಿದ ಓಟಿಪಿಯನ್ನು ನಮೂದಿಸುವ ಮೂಲಕ ಪರಿಶೀಲಿಸಿ.


• ಬಳಿಕ ಪಾಸ್‌ವರ್ಡ್ ಅನ್ನು ರೀಸೆಟ್‌ ಮಾಡಿ ಮತ್ತು Submit ಬಟನ್ ಒತ್ತಿರಿ.