ಮೊಬೈಲ್- ಟೆಕ್

CHANGE LANGUAGE
ಕನ್ನಡ
ENGLISHবাংলা मराठीગુજરાતીঅসমীয়া हिन्दी தமிழ் മലയാളം తెలుగు ਪੰਜਾਬੀ اردو ଓଡ଼ିଆ
WATCH LIVE TV
DOWNLOAD APPNews18 for AndroidNews18 for iPhone
FOLLOW US ON
Trending Topics :MoviesJobsLifestyleTrend

ನಿಮ್ಮ ಜಿಲ್ಲೆಯನ್ನು ಆಯ್ಕೆಮಾಡಿ

PREVNEXT

Apple iPhone Auction: 52 ಲಕ್ಷಕ್ಕೆ ಮಾರಾಟವಾದ ಮೊದಲ ಜನರೇಶನ್ ಐಫೋನ್​! ಏನಿದರ ವಿಶೇಷತೆ?

ಮೊದಲ ಜನರೇಶನ್​ ಐಫೋನ್​

ಮೊದಲ ಜನರೇಶನ್​ ಐಫೋನ್​

IPhone Auction: ಆ್ಯಪಲ್​ ಕಂಪೆನಿಯ ಮೊದಲ ತಲೆಮಾರಿನ ಐಫೋನ್‌ನ ಹರಾಜು ಇತ್ತೀಚೆಗೆ ಯುಎಸ್‌ನಲ್ಲಿ ನಡೆಯಿತು. ಈ ಪ್ರಕ್ರಿಯೆಯಲ್ಲಿ ಐಫೋನ್​ ಗ್ರಾಹಕರು ಊಹೆಯೂ ಮಾಡಿರದ ಬೆಲೆಗೆ ಮಾರಾಟವಾಗಿದೆ.

  • Share this:
    ಸಂಬಂಧಿತ ಸುದ್ದಿ

    ಸಾಮಾನ್ಯವಾಗಿ ಸೆಲೆಬ್ರಿಟಿಗಳು (Celebrity) ಬಳಸುವ ಪುರಾತನ ವಸ್ತುಗಳು ಮತ್ತು ವಸ್ತುಗಳನ್ನು ಹರಾಜು ಹಾಕಲಾಗುತ್ತದೆ. ಇನ್ನು ಕೆಲವೊಂದು ಕಂಪೆನಿಗಳು ತನ್ನ ಬ್ರಾಂಡ್​​ನ ಅಡಿಯಲ್ಲಿ ಬಿಡುಗಡೆ ಮಾಡಿದ ಮೊದಲ ಉತ್ಪನ್ನವನ್ನು ಹರಾಜು ಮಾಡುತ್ತಾರೆ. ಇದೀಗ ಯುಎಸ್​ನಲ್ಲಿ ಆ್ಯಪಲ್​ ಕಂಪೆನಿಯಿಂದ (Apple Company) ಮೊದಲ ಪೀಳಿಗೆಗೆ ಸೇರಿದ ಐಫೋನ್ (IPhone) ಅನ್ನು ಹರಾಜು ನಡೆಸಲಾಯಿತು. ಇದು ಅದರ ಮೂಲ ಬೆಲೆಗೆ ಸುಮಾರು ನೂರು ಪಟ್ಟು ಮಾರಾಟವಾಗುವುದರಲ್ಲಿ ಆಶ್ಚರ್ಯವಿಲ್ಲ. ಅದರ ಸಂಪೂರ್ಣ ವಿವರಗಳನ್ನು ಈಗ ನೋಡೋಣ.


    ಮಾರುಕಟ್ಟೆಯಲ್ಲಿ ಐಫೋನ್ ಕ್ರೇಜ್ ಮೊದಲಿನಿಂದಲೂ ಬಹಳಷ್ಟು ಇದೆ. ಆ್ಯಪಲ್ ಕಂಪನಿಯು ಪ್ರತಿ ಸರಣಿಯಲ್ಲಿ ಹೊಸ ವೈಶಿಷ್ಟ್ಯಗಳು ಮತ್ತು ನವೀಕರಣಗಳನ್ನು ಒದಗಿಸುತ್ತದೆ. ಮುಂಗಡ ಬುಕ್ಕಿಂಗ್‌ಗಳು ಮಾರುಕಟ್ಟೆಗೆ ಬರುವ ಮುನ್ನವೇ ಬಹುತೇಕ ಸೋಲ್ಡ್ ಔಟ್ ಆಗಿರುವುದು ನಂಬಲ ಸಾಧ್ಯ. ಆದರೆ ಇತ್ತೀಚೆಗೆ ಐಫೋನ್‌ಗೆ ಬಹಳಷ್ಟು ಬೇಡಿಕೆ ಇದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿ ಐಫೋನ್​ 14, ಐಫೋನ್​ 14 ಪ್ರೋ ಸರಣಿಯು ಮಾರಾಟವನ್ನು ಮುಂದುವರೆಸಿದೆ. ಇದೀಗ ಯುಎಸ್​ನಲ್ಲಿ ಆ್ಯಪಲ್​ ಕಂಪೆನಿಯ ಮೊದಲ ತಲೆಮಾರಿನ ಐಫೋನ್ ಅನ್ನು ಇತ್ತೀಚೆಗೆ ಹರಾಜು ಮಾಡಲಾಗಿದೆ.


    2007ರಲ್ಲಿ ಮೊದಲ ಜನರೇಶನ್​ನ ಐಫೋನ್

     2007 ರಲ್ಲಿ, ಆ್ಯಪಲ್ ಕಂಪನಿಯು ಈ ಮೊದಲ ಜನರೇಶನ್​​​ನ ಐಫೋನ್ ಅನ್ನು ಬಿಡುಗಡೆ ಮಾಡಿತು. ಈ ಸ್ಮಾರ್ಟ್‌ಫೋನ್ ಇಲ್ಲಿಯವರೆಗೆ ಸೇಲ್ ಆಗಿಲ್ಲ ಎಂಬುದು ಗಮನಾರ್ಹ. 2007 ರಲ್ಲಿ, ಇದರ ಬೆಲೆ $599 ಅಂದರೆ ಭಾರತದಲ್ಲಿ ಸುಮಾರು 48,000 ರೂಪಾಯಿ. ಇದರ ಬಿಡ್ಡಿಂಗ್ ಪ್ರಕ್ರಿಯೆ 2,500 ಡಾಲರ್ ಅಂದರೆ ಭಾರತದ ಬೆಲೆಯಲ್ಲಿ ರೂ. 2.06 ಲಕ್ಷದಿಂದ ಪ್ರಾರಂಭವಾಯಿತು ಆದರೆ ಯಾರೂ ನಿರೀಕ್ಷಿಸದ 63,356 ಡಾಲರ್​​ಗೆ ಅಂದರೆ ಭಾರತದಲ್ಲಿ ಸುಮಾರು 53 ಲಕ್ಷ ರೂಪಾಯಿಗೆ ಮಾರಾಟವಾಯಿತು. ಯುಎಸ್ ಮೂಲದ LCG ಹರಾಜು ವೆಬ್‌ಸೈಟ್‌ನಲ್ಲಿ ಹರಾಜು ನಡೆಸಲಾಯಿತು. ಇದು ಯುಎಸ್​ನ ಪ್ರಮುಖ ಹರಾಜು ಪ್ರಕ್ರಿಯೆಗಳಲ್ಲಿ ಒಂದಾಗಿದೆ.


    ಇದನ್ನೂ ಓದಿ: ಒನ್​​ಪ್ಲಸ್​ ಕಂಪೆನಿಯ ಬಹುನಿರೀಕ್ಷಿತ ಸ್ಮಾರ್ಟ್​​ಫೋನ್​ನ ಪ್ರೀಬುಕಿಂಗ್ ಆರಂಭ! ಫೀಚರ್ಸ್ ನೋಡಿದ್ರೆ ಖರೀದಿಸೋದು ಗ್ಯಾರಂಟಿ
    ಈ ಐಫೋನ್​​ನ ಸ್ಪೆಷಲ್ ಫೀಚರ್ಸ್​


    ಆ್ಯಪಲ್ ಕಂಪೆನಿಯ ಈ ಮೊದಲ ತಲೆಮಾರಿನ ಐಫೋನ್ 2-ಮೆಗಾಪಿಕ್ಸೆಲ್ ಕ್ಯಾಮೆರಾದೊಂದಿಗೆ 3.5-ಇಂಚಿನ ಡಿಸ್​​ಪ್ಲೇಯನ್ನು ಹೊಂದಿತ್ತು. ಆದರೆ ಆ್ಯಪಲ್​ ಕಂಪೆನಿಯ ಪ್ರಸ್ತುತ ಐಫೋನ್​ಗಳು 6.7 ಇಂಚಿನ ಡಿಸ್ಪ್ಲೇ ಮತ್ತು 48 ಮೆಗಾಪಿಕ್ಸೆಲ್ ಕ್ಯಾಮೆರಾದೊಂದಿಗೆ ಬಹಳ ಮುಂದುವರಿದಿದೆ. ಮೊದಲ ತಲೆಮಾರಿನ ಐಫೋನ್‌ನ ಸ್ಟೋರೇಜ್ ಸಾಮರ್ಥ್ಯ ಕೇವಲ 8 ಜಿಬಿ ಆಗಿತ್ತು. ಇದು ಆ್ಯಪಲ್​ ಕಂಪೆನಿಯಿಂದ ಬಿಡುಗಡೆಯಾದ ಮೊದಲ ತಲೆಮಾರಿನ ಸ್ಮಾರ್ಟ್​​​ಫೋನ್​ನ ಫೀಚರ್ಸ್​ಗಳಾಗಿವೆ. ಆದರೆ ಈಗಿನ ಸ್ಮಾರ್ಟ್​ಫೋನ್​ಗೆ ಹೋಲಿಸಿದ್ರೆ ಈ ಐಫೋನ್​ ವಿಶೇಷವಾಗಿದೆ ಅಂತಾನೇ ಹೇಳ್ಬಹುದು.





    ಗಿಫ್ಟ್​ ನೀಡಿದ ಐಫೋನ್​





    ಯುಎಸ್ ಮೂಲದ ಕಾಸ್ಮೆಟಿಕ್ ಟ್ಯಾಟೂ ಕಲಾವಿದ ಕರೆನ್ ಗ್ರೀನ್ ಅವರಿಗೆ 2007 ರಲ್ಲಿ ಅವರ ಸ್ನೇಹಿತ ಈ ಐಫೋನ್ ಅನ್ನು ಉಡುಗೊರೆಯಾಗಿ ನೀಡಿದ್ದರು. ಹೊಸ ಕೆಲಸ ಸಿಕ್ಕಾಗ ಅದನ್ನೂ ಪ್ರಸ್ತುತಪಡಿಸಿದರು. ಅಂದಿನಿಂದ ಗ್ರೀನ್ ಅದನ್ನು ತೆರೆಯದೆ ಮುಚ್ಚಿದ ಪೆಟ್ಟಿಗೆಯಲ್ಲಿ ಸುರಕ್ಷಿತವಾಗಿಟ್ಟಿದ್ದರು. ಹರಾಜಿನಿಂದ ಬಂದ ಹಣವನ್ನು ತನ್ನ ವ್ಯಾಪಾರಕ್ಕಾಗಿ ಬಳಸುವುದಾಗಿ ಕರೆನ್ ಗ್ರೀನ್ ಹೇಳುತ್ತಾರೆ. ಇದೇ ವೇಳೆ ಮೊದಲ ತಲೆಮಾರಿನ ಐಫೋನ್ ಈ ಹಿಂದೆ ಹರಾಜಾಗಿದ್ದು ಇದಕ್ಕೆ 32 ಲಕ್ಷ ರೂಪಾಯಿಗೆ ಮಾರಾಟವಾಗಿತ್ತು. ಆದರೆ ಈಗ ಬೆಲೆ ಇನ್ನೂ ಹೆಚ್ಚಾಗಿದೆ.


    ಕಳೆದಬಾರಿ ನಡೆದ ಹರಾಜು ಪ್ರಕ್ರಿಯೆ


    ಅಮೆರಿಕದಲ್ಲಿ (America) ನಡೆದ ಹರಾಜಿನಲ್ಲಿ ಮೊದಲ ತಲೆಮಾರಿನ ಐಫೋನ್ $35,000 (ಸುಮಾರು 28 ಲಕ್ಷ) ಗೆ ಮಾರಾಟವಾಗಿದೆ. ಜನವರಿ 9, 2007 ರಂದು, ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ (San Francisco) ನಡೆದ ಮ್ಯಾಕ್‌ವರ್ಲ್ಡ್ ಸಮ್ಮೇಳನದಲ್ಲಿ ಅಂದಿನ Apple CEO ಸ್ಟೀವ್ ಜಾಬ್ಸ್ ಐಫೋನ್ ಅನ್ನು ಅನಾವರಣಗೊಳಿಸಿದರು. ಐಫೋನ್  (Iphone), ಐಪಾಡ್ (Ipad), ಕ್ಯಾಮೆರಾ (Camera) ಮತ್ತು ವೆಬ್ ಬ್ರೌಸಿಂಗ್ ಸಾಮರ್ಥ್ಯದೊಂದಿಗೆ ಟಚ್‌ಸ್ಕ್ರೀನ್‌ನಂತಹ ವೈಶಿಷ್ಟ್ಯಗಳೊಂದಿಗೆ ಸಜ್ಜುಗೊಂಡಿದೆ.


    ಈ ಸಾಧನವು ಟಚ್‌ಸ್ಕ್ರೀನ್, 2MP ಕ್ಯಾಮೆರಾ, ವಿಷುವಲ್​ ವಾಯ್ಸ್​ಮೇಲ್ ಮತ್ತು ವೆಬ್ ಬ್ರೌಸರ್ ಅನ್ನು ಹೊಂದಿದೆ. ಜೂನ್ 2007 ರಲ್ಲಿ US ನಲ್ಲಿ ಐಫೋನ್ ಅನ್ನು ಪರಿಚಯಿಸಲಾಯಿತು. ಫೋನ್‌ನ 4GB ಮಾಡೆಲ್ ಅನ್ನು $499 ಬೆಲೆಗೆ ಬಿಡುಗಡೆ ಮಾಡಲಾಗಿದೆ. ಮಾತ್ರವಲ್ಲದೆ, 8GB ಮಾದರಿಯ ಬೆಲೆ $599 ಆಗಿತ್ತು. ZDNet ವರದಿಯ ಪ್ರಕಾರ, ಈಗ ಸಂಪೂರ್ಣವಾಗಿ ಪ್ಯಾಕೇಜ್ ಮಾಡಲಾದ ಮೂಲ ಐಫೋನ್ (8GB) ಹರಾಜಿನಲ್ಲಿ $35,414 ಕ್ಕೆ ಮಾರಾಟವಾಗಿದೆ.



    Published by:Prajwal B
    First published:

    ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ

    America Apple iphone apple iphone 4 iPhone XS Smartphone Smartphone Industry US Dollar

    ಫೋಟೋ

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು