• Home
  • »
  • News
  • »
  • tech
  • »
  • Jio 5G Recharge Plan: ಜಿಯೋದಿಂದ ಮೊದಲ 5ಜಿ ರೀಚಾರ್ಜ್​ ಪ್ಲ್ಯಾನ್ ಬಿಡುಗಡೆ! ಆಫರ್ಸ್​ ಹೇಗಿದೆ?

Jio 5G Recharge Plan: ಜಿಯೋದಿಂದ ಮೊದಲ 5ಜಿ ರೀಚಾರ್ಜ್​ ಪ್ಲ್ಯಾನ್ ಬಿಡುಗಡೆ! ಆಫರ್ಸ್​ ಹೇಗಿದೆ?

ಜಿಯೋ ಟೆಲಿಕಾಂ

ಜಿಯೋ ಟೆಲಿಕಾಂ

ಇದೀಗ ಜಿಯೋ ಟೆಲಿಕಾಂ ಕಂಪೆನಿ ತನ್ನ 5ಜಿ ನೆಟ್​ವರ್ಕ್​ ಅನ್ನು ದೇಶದ ಹಲವು ನಗರಗಳಲ್ಲಿ ವಿಸ್ತರಿಸಿದ್ದು, ಇದರ ಬೆನ್ನಲ್ಲೇ 5ಜಿ ರೀಚಾರ್ಜ್​ ಪ್ಲ್ಯಾನ್​ಗಳನ್ನು ಪರಿಚಯಿಸಿದೆ. ಈ ರೀಚಾರ್ಜ್​ ಪ್ಲ್ಯಾನ್​​ ಜಿಯೋದಿಂದ ಬಿಡುಗಡೆಯಾದ ಮೊದಲ 5ಜಿ ಪ್ಲ್ಯಾನ್ ಆಗಿದೆ. ಹಾಗಿದ್ರೆ ಈ ಪ್ಲ್ಯಾನ್​ನಲ್ಲಿ ಯಾವೆಲ್ಲಾ ಪ್ರಯೋಜನಗಳು ಲಭ್ಯ ಇದೆ ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.

ಮುಂದೆ ಓದಿ ...
  • Share this:

    ಇದೀಗ ದೇಶದಾದ್ಯಂತ ಭಾರೀ ಸುದ್ದಿ ಮಾಡುತ್ತಿರುವ ವಿಷಯ ಎಂದರೆ 5ಜಿ ನೆಟ್​ವರ್ಕ್​ ಸೇವೆ (5G Network Service). ಜಿಯೋ ಹಾಗೂ ಏರ್​​ಟೆಲ್​ ಟೆಲಿಕಾಂ ಕಂಪೆನಿಗಳು ತನ್ನ 5ಜಿ ನೆಟ್​ವರ್ಕ್​ ಅನ್ನು ಗ್ರಾಹಕರಿಗೆ ನೀಡಲು ರಾತ್ರಿಹಗಲೆನ್ನದೆ ದುಡಿಯುತ್ತಿದೆ. ದೇಶದಲ್ಲೇ ನಂಬರ್ 1 ಟೆಲಿಕಾಂ ಕಂಪೆನಿಯಾಗಿರುವ ಜಿಯೋ (Jio) ದೇಶದ ಹಲವು ನಗರಗಳಲ್ಲಿ ತನ್ 5ಜಿ ಸೇವೆಯನ್ನು ವಿಸ್ತರಿಸಿದೆ. ಅದೇ ರೀತಿ ಏರ್​ಟೆಲ್ ಕೂಡಾ ವಿಸ್ತರಿಸಿದೆ. ಇದುವರೆಗೆ ಈ 5ಜಿ ಸೇವೆಯನ್ನು 4ಜಿ ರೀಚಾರ್ಜ್​ ಪ್ಲ್ಯಾನ್​ (Recharge Plans) ನೊಂದಿಗೆ ಪಡೆಯಬಹುದಿತ್ತು. ಇದೀಗ ಜಿಯೋ ತನ್ನ ಗ್ರಾಹಕರಿಗೆ ಗುಡ್​ನ್ಯೂಸ್​ ನೀಡಿದೆ. ಜಿಯೋ ತನ್ನ ಗ್ರಾಹಕರಿಗಾಗಿ 5ಜಿ ರೀಚಾರ್ಜ್​ ಪ್ಲ್ಯಾನ್​ಗಳನ್ನು (5G Recharge Plans) ಬಿಡುಗಡೆ ಮಾಡಿದೆ. 5ಜಿ ನೆಟ್​ವರ್ಕ್​ ಬಯಸುವವರಿಗೆ ಈ ಪ್ಲ್ಯಾನ್​ಗಳು ಉತ್ತಮವಾಗಿದೆ.


    ಇದೀಗ ಜಿಯೋ ಟೆಲಿಕಾಂ ಕಂಪೆನಿ ತನ್ನ 5ಜಿ ನೆಟ್​ವರ್ಕ್​ ಅನ್ನು ದೇಶದ ಹಲವು ನಗರಗಳಲ್ಲಿ ವಿಸ್ತರಿಸಿದ್ದು, ಇದರ ಬೆನ್ನಲ್ಲೇ 5ಜಿ ರೀಚಾರ್ಜ್​ ಪ್ಲ್ಯಾನ್​ಗಳನ್ನು ಪರಿಚಯಿಸಿದೆ. ಈ ರೀಚಾರ್ಜ್​ ಪ್ಲ್ಯಾನ್​​ ಜಿಯೋದಿಂದ ಬಿಡುಗಡೆಯಾದ ಮೊದಲ 5ಜಿ ಪ್ಲ್ಯಾನ್ ಆಗಿದೆ. ಹಾಗಿದ್ರೆ ಈ ಪ್ಲ್ಯಾನ್​ನಲ್ಲಿ ಯಾವೆಲ್ಲಾ ಪ್ರಯೋಜನಗಳು ಲಭ್ಯ ಇದೆ ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.


    ಜಿಯೋನ 61 ರೂಪಾಯಿ 5ಜಿ ರೀಚಾರ್ಜ್​ ಪ್ಲ್ಯಾನ್


    ಜಿಯೋ 61 ರೂಪಾಯಿ ಪ್ರಿಪೇಯ್ಡ್ ಯೋಜನೆಯು 6ಜಿಬಿ ಹೈ ಸ್ಪೀಡ್ 5ಜಿ ಡೇಟಾವನ್ನು ನೀಡಲಿದೆ. ಇದು ಟೆಲ್ಕೋ ವೆಬ್‌ಸೈಟ್‌ನಲ್ಲಿನ ಪಟ್ಟಿಯ ಪ್ರಕಾರ ಜಿಯೋದ ಸಕ್ರಿಯ ಯೋಜನೆಯ ಮಾನ್ಯತೆಯನ್ನು ಹೊಂದಿರುತ್ತದೆ. ಈ ಸೇವೆ 119 ರೂ, 149 ರೂ, 179 ರೂ, 199 ರೂ ಹಾಗೂ 209 ರೂ, ಬೆಲೆಯ ಜಿಯೋ ಪ್ಲಾನ್‌ಗಳಿಗೂ ಅನ್ವಯವಾಗುತ್ತದೆ.


    ಇದನ್ನೂ ಓದಿ:Oppo Smartphones: ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದೆ ಒಪ್ಪೋ ಎ78 5ಜಿ ಮೊಬೈಲ್!


    ಎಲ್ಲೆಲ್ಲಿ ಲಭ್ಯ


    ಇದೀಗ ಜಿಯೋ ಬಿಡುಗಡೆ ಮಾಡಿರುವ ಅನ್ಲಿಮಿಟೆಡ್​ 5ಜಿ ರೀಚಾರ್ಜ್ ಪ್ಲ್ಯಾನ್​ ಜಿಯೋ ಟ್ರೂ 5ಜಿ ನೆಟ್​ವರ್ಕ್ ಅನ್ನು ವಿಸ್ತರಿಸುವ ನಗರಗಳಲ್ಲಿ ಮಾತ್ರ ಲಭ್ಯವಿರುತ್ತದೆ. ಹಾಗೆಯೇ ಜಿಯೋ ಬಳಕೆದಾರರನ್ನು 5ಜಿ ವೆಲ್​ಕಮ್​ ಆಫರ್​​ಗೆ ಆಹ್ವಾನಿಸಲಾಗಿದೆ.


    72 ನಗರಗಳಲ್ಲಿ 5ಜಿ ವಿಸ್ತರಣೆ


    ಇನ್ನು ಜಿಯೋ ಇತ್ತೀಚೆಗೆ ತನ್ನ 5ಜಿ ಸೇವೆಯನ್ನು ಭಾರತದಾದ್ಯಂತ 72 ನಗರಗಳಿಗೆ ವಿಸ್ತರಣೆ ಮಾಡಿದ್ದು, ಡಿಸೆಂಬರ್ 2023 ರ ವೇಳೆಗೆ ತನ್ನ 5ಜಿ ಸ್ವತಂತ್ರ (SA) ನೆಟ್‌ವರ್ಕ್‌ನೊಂದಿಗೆ ಇಡೀ ದೇಶವನ್ನು ಆವರಿಸುವ ಗುರಿಯನ್ನು ಹೊಂದಿದೆ. ಇದಕ್ಕೆ ಪ್ರತಿಸ್ಪರ್ಧಿಯಾಗಿರುವ ಏರ್‌ಟೆಲ್ 5ಜಿ ನಾನ್ ಸ್ಟಾಂಡಲೋನ್ (NSA) ನೆಟ್‌ವರ್ಕ್ ಅನ್ನು ನಿಯೋಜಿಸುತ್ತಿದೆ.


    ಏರ್​​ಟೆಲ್​ನ 5ಜಿ ಸೇವೆ


    ಏರ್‌ಟೆಲ್ ಮತ್ತು ಜಿಯೋ ಮಾರ್ಚ್ 2024 ರ ವೇಳೆಗೆ 100 ರಿಂದ 150 ಮಿಲಿಯನ್ ಮೊಬೈಲ್ ಫೋನ್ ಬಳಕೆದಾರರನ್ನು 5ಜಿ ಗೆ ಪರಿವರ್ತಿಸುವ ಗುರಿಯನ್ನು ಹೊಂದಿವೆ ಎಂದು ತಿಳಿದುಬಂದಿದೆ. ಈ ಮೂಲಕ ದೇಶದ ಹಲವು ನಗರಗಳಲ್ಲಿ ಇನ್ನಷ್ಟು5ಜಿ ಸೇವೆ ಲಭ್ಯವಾಗಲಿದೆ ಎಂದು ಹೇಳಿದ್ದಾರೆ. ಇದಲ್ಲದೆ ಮುಂದಿನ ದಿನಗಳಲ್ಲಿ ಡೇಟಾ ಪ್ಲ್ಯಾನ್​ಗಳು ಇನ್ನಷ್ಟು ಬದಲಾವಣೆಯಾಗುವ ಸಂದರ್ಭಗಳು ಬರಬಹುದು ಎಂದು ತಂತ್ರಜ್ಞರು ಹೇಳಿದ್ದಾರೆ.


    2023 ರಲ್ಲಿ 5ಜಿ ಸೇವೆ ದೇಶದೆಲ್ಲೆಡೆ ಲಭ್ಯ


    ಹೌದು, ಈ ಹಿಂದೆ ಜಿಯೋ ತನ್ನ ವರದಿಯಲ್ಲಿ ತಿಳಿಸಿದಂತೆ 2023ರ ಡಿಸೆಂಬರ್​ ಒಳಗಡೆ ದೇಶದ ಮೂಲೆ ಮೂಲೆಯಲ್ಲೂ 5ಜಿ ನೆಟ್​ವರ್ಕ್​ ಸೇವೆಯನ್ನು ವಿಸ್ತರಿಸುವುದಾಗಿ ಭರವಸೆ ನೀಡಿದೆ. ಹಾಗೇ ಏರ್​ಟೆಲ್ ಕೂಡಾ ಇದೇ 2023ರ ಮಾರ್ಚ್​ ಒಳಗಡೆ ದೇಶದಾದ್ಯಂತ 5ಜಿ ಸೇವೆಯನ್ನು ವಿಸ್ತರಿಸಲು ನಿರ್ಧರಿಸಿದೆ


    ಇನ್ನು ಇದೀಗ ಸದ್ಯದಲ್ಲೇ ವೊಡಫೋನ್ ಐಡಿಯಾ ತನ್ನ ಮೊದಲ 5ಜಿ ಸೇವೆಯನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಜೊತೆಗೆ ಬಿಎಸ್​ಎನ್​ಎಲ್​ ಕೂಡಾ ಸಜ್ಜಾಗಿದೆ.

    Published by:Prajwal B
    First published: