Smartwatch: ಭಾರತದ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ ಫೈರ್​ಬೋಲ್ಟ್​ ಕಂಪೆನಿಯ ಹೊಸ ಸ್ಮಾರ್ಟ್​​ವಾಚ್​! ಬೆಲೆ ಎಷ್ಟು?

ಜಾಗತಿಕ ಮಾರುಕಟ್ಟೆಯಲ್ಲಿ (Global Market) ಭಾರೀ ಬೇಡಿಕೆಯಲ್ಲಿರುವ ಸಾಧನವೆಂದರೆ ಅದು ಸ್ಮಾರ್ಟ್​​ವಾಚ್​. ಈ ಸ್ಮಾರ್ಟ್​ವಾಚ್​ಗಳು ಹೊಸ ಹೊಸ ಮಾದರಿಯಲ್ಲಿ ಮಾರುಕಟ್ಟೆಯನ್ನು ಪ್ರವೇಶಿಸುತ್ತಲೇ ಇದೆ. ಇದರ ಫೀಚರ್ಸ್​ ಮೂಲಕವೇ ಗ್ರಾಹಕರನ್ನು ಸೆಳೆಯುತ್ತಿದೆ. ಮಾರುಕಟ್ಟೆಯಲ್ಲಿ ನಾವು ನೋಡುವುದಾದರೆ ಹಲವಾರು ಸ್ಮಾರ್ಟ್​ವಾಚ್​ ಕಂಪೆನಿಗಳಿವೆ (Smartwatch Companies). ಅದ್ರಲ್ಲೂ ಹೊಸ ಕಂಪೆನಿಗಳು ಸಹ ಸೇರಿಕೊಂಡಿವೆ. ಸ್ಮಾರ್ಟ್​ಫೋನ್​ಗಳನ್ನು ತಯಾರಿಯಲ್ಲಿ ಜನಪ್ರಿಯವಾಗಿದ್ದ ಟೆಕ್ ಕಂಪೆನಿಗಳು ಇದೀಗ ಸ್ಮಾರ್ಟ್​​ವಾಚ್​ಗಳಲ್ಲಿಯೂ ಅಗ್ರಸ್ಥಾನವನ್ನು ಪಡೆದುಕೊಂಡಿದೆ. ಇದೀಗ ಸ್ಮಾರ್ಟ್​​ವಾಚ್ ಮಾರುಕಟ್ಟೆಯಲ್ಲಿ ಅಗ್ರಸ್ಥಾನದಲ್ಲಿರುವ ಕಂಪೆನಿಯೆಂದರೆ ಅದು ಫೈರ್​ಬೋಲ್ಟ್ (Fire-Boltt)​​. ಈ ಕಂಪೆನಿ ಇದುವರೆಗೆ ಸಾಕಷ್ಟು ಬ್ರಾಂಡ್​ಗಳನ್ನು ತನ್ನ ಕಂಪೆನಿಯ ಅಡಿಯಲ್ಲಿ ಬಿಡುಗಡೆ ಮಾಡಿದೆ. ಈ ಮಧ್ಯೆ ಭಾರತದಲ್ಲಿ ಹೊಸ ಸ್ಮಾರ್ಟ್​​ವಾಚ್​ ಒಂದನ್ನು ಪರಿಚಯಿಸಿದೆ.

ಜನಪ್ರಿಯ ಸ್ಮಾರ್ಟ್​ವಾಚ್ ಕಂಪೆನಿಯಾಗಿರುವ ಫೈರ್​ಬೋಲ್ಟ್​ ಭಾರತದ ಮಾರುಕಟ್ಟೆಗೆ ಹೊಸ ಸ್ಮಾರ್ಟ್​​ವಾಚ್ ಅನ್ನು ಬಿಡುಗಡೆ ಮಾಡಿದೆ. ಇದಕ್ಕೆ ಫೈರ್​ಬೋಲ್ಟ್ ಕೋಬ್ರಾ ಸ್ಮಾರ್ಟ್​​ವಾಚ್ ಎಂದು ಹೆಸರಿಸಲಾಗಿದೆ. ವಿಭಿನ್ನ ವಿನ್ಯಾಸವನ್ನು ಹೊಂದಿರುವ ಈ ಸಾಧನ, ಹಲವಾರು ಫೀಚರ್ಸ್​ಗಳನ್ನು ಸಹ ಒಳಗೊಂಡಿದೆ.

ಫೈರ್​ಬೋಲ್ಟ್​​ ಕೋಬ್ರಾ ಸ್ಮಾರ್ಟ್​​ವಾಚ್​ ವಿನ್ಯಾಸ ಹೇಗಿದೆ?

ಫೈರ್‌-ಬೋಲ್ಟ್‌ ಕೋಬ್ರಾ ಮೂರು ಪದರದ ಬಾಡಿ ಸೆಟಪ್​ ಅನ್ನು ಹೊಂದಿದೆ, ಇದು ಭಾರೀ ಹಗುರವಾದ ಡಿವೈಸ್‌ ಆಗಿದೆ. ಹಾಗೆಯೇಈ ಸ್ಮಾರ್ಟ್‌ವಾಚ್‌ 1.78-ಇಂಚಿನ ಅಮೋಲ್ಡ್​ ಡಿಸ್​ಪ್ಲೇಯನ್ನು ಹೊಂದಿದ್ದು, 368 × 448 ಪಿಕ್ಸೆಲ್‌ಗಳ ಸ್ಕ್ರೀನ್ ರೆಸಲ್ಯೂಶನ್ ಪಡೆದಿದೆ.  ಈ ವಾಚ್‌ ಐಪಿ68 ರೇಟಿಂಗ್‌ ಅನ್ನು ಪಡೆದಿದೆ. ಇದರೊಂದಿಗೆ 500 ನಿಟ್ಸ್ ಬ್ರೈಟ್‌ನೆಸ್ ಪಡೆದಿದ್ದು, 60Hz ರಿಫ್ರೆಶ್ ರೇಟ್ ಒಳಗೊಂಡಿದೆ. ಜೊತೆಗೆ ಆಲ್ವೇಸ್‌ ಆನ್‌ ಸ್ಕ್ರೀನ್‌ ಸೌಲಭ್ಯವನ್ನು ಈ ಸಾಧನ ಒಳಗೊಂಡಿದೆ.

ಸ್ಪೋರ್ಟ್ಸ್​ ಫೀಚರ್​

ಫೈರ್‌-ಬೋಲ್ಟ್‌ ಕೋಬ್ರಾ ಸ್ಮಾರ್ಟ್ ವಾಚ್ ಸುಮಾರು 123 ಸ್ಪೋರ್ಟ್ಸ್​​​ ಮೋಡ್​ಗಳನ್ನು ಒಳಗೊಂಡಿದೆ. ದೈಹಿಕ ಚಟುವಟಿಕೆಯ ಸಮಯದಲ್ಲಿ ಇದು ನಿಮ್ಮ ದೇಹದ ಆರೋಗ್ಯವನ್ನು ಸಹ ಟ್ರ್ಯಾಕ್ ಮಾಡುತ್ತದೆ. ಇದರ ಜೊತೆಗೆ 24×7 ಡೈನಾಮಿಕ್ ಹೃದಯ ಬಡಿತ ಮಾನಿಟರಿಂಗ್, SpO2 ಮಾನಿಟರಿಂಗ್, ಸ್ತ್ರೀ ಆರೋಗ್ಯ ರಕ್ಷಣೆ ಮತ್ತು ನಿದ್ರೆಯ ಮೇಲ್ವಿಚಾರಣೆಯಂತಹ ಆರೋಗ್ಯ ಫೀಚರ್ಸ್‌ಗಳನ್ನು ಸುಲಭವಾಗಿ ಟ್ರ್ಯಾಕ್‌ ಮಾಡುವ ಆಯ್ಕೆಗಳನ್ನು ಸಹ ಒಳಗೊಂಡಿದೆ.

ಬ್ಲೂಟೂತ್ ಕಾಲಿಂಗ್ ಫೀಚರ್

ಹೊಸದಾಗಿ ಬಿಡುಗಡೆಯಾಗಿರುವ ಫೈರ್-ಬೋಲ್ಟ್ ಕೋಬ್ರಾ ಸ್ಮಾರ್ಟ್​​ವಾಚ್ ಉತ್ತಮ ಗುಣಮಟ್ಟದ ಬ್ಲೂಟೂತ್ ಕಾಲಿಂಗ್ ಫೀಚರ್​ ಅನ್ನು ಹೊಂದಿದ್ದು, ಇದರಲ್ಲಿ ಇನ್‌ ಬಿಲ್ಟ್​ ಸ್ಪೀಕರ್ ಮತ್ತು ಮೈಕ್‌ ಸೌಲಭ್ಯವನ್ನು ಅಳವಡಿಸಲಾಗಿದೆ.

ಫೈರ್​ಬೋಲ್ಟ್​ ಕೋಬ್ರಾ ಸ್ಮಾರ್ಟ್​​ವಾಚ್​

ಬ್ಯಾಟರಿ ಫೀಚರ್ಸ್​

ಇನ್ನು ಈ ಸ್ಮಾರ್ಟ್ ವಾಚ್ ಒಮ್ಮೆ ಸಂಪೂರ್ಣವಾಗಿ ಚಾರ್ಜ್​ ಮಾಡಿದ್ರೆ ಸುಮಾರು 15 ದಿನಗಳವರೆಗೆ ಬ್ಯಾಟರಿ ಬ್ಯಾಕಪ್‌ ನೀಡಲಿದೆ. ಇನ್ನು ಗ್ರಾಹಕರು ಬ್ಯಾಟರಿ-ಸೇವರ್ ಮೋಡ್ ಅನ್ನು ಆನ್ ಮಾಡಿದ್ದರೆ, ಸುಮಾರು 30 ದಿನಗಳವರೆಗೆ ಬ್ಯಾಕಪ್‌ ಅನ್ನು ಪಡೆಯಬಹುದಾಗಿದೆ.

ಇದನ್ನೂ ಓದಿ: ಸೋನಿ ಕಂಪೆನಿಯಿಂದ ಹೊಸ ವಾಕ್​ಮನ್​​​​ ಲಾಂಚ್​! ಫೀಚರ್ಸ್​ ಹೇಗಿದೆ ಗೊತ್ತಾ?

ಬೆಲೆ ಮತ್ತು ಲಭ್ಯತೆ

ಫೈರ್-ಬೋಲ್ಟ್ ಕೋಬ್ರಾ ಸ್ಮಾರ್ಟ್‌ವಾಚ್‌ ಭಾರತದಲ್ಲಿ 3,499 ರೂಪಾಯಿ ಬೆಲೆಯನ್ನು ಹೊಂದಿಕೊಂಡು ಬಿಡುಗಡೆಯಾಗಿದೆ. ಇನ್ನು ಈ ಸ್ಮಾರ್ಟ್‌ ವಾಚ್‌ ಇದೇ ಜನವರಿ 31 ರಿಂದ ಪ್ರಮುಖ ಇ ಕಾಮರ್ಸ್‌ ವೆಬ್​ಸೈಟ್​ ಆಗಿ ಗುರುತಿಸಿಕೊಂಡಿರುವ ಫ್ಲಿಪ್‌ಕಾರ್ಟ್‌ ಮತ್ತು ಕಂಪೆನಿಯ ಅಧಿಕೃತ Fireboltt.com ವೆಬ್‌ಸೈಟ್‌ ಮೂಲಕ ಖರೀದಿಗೆ ಲಭ್ಯವಿರುತ್ತದೆ. ಇದನ್ನು ಸಾಲಿಡ್‌ ಗ್ರೀನ್, ಸಾಲಿಡ್‌ ಬ್ಲ್ಯಾಕ್‌, ಗ್ರೀನ್‌ ಹಾಗೂ Camouflage ಬ್ಲ್ಯಾಕ್‌ ಬಣ್ಣಗಳ ಆಯ್ಕೆಗಳಲ್ಲಿ ಖರೀದಿಸಬಹುದಾಗಿದೆ.

ಇದು ಫೈರ್​ಬೋಲ್ಟ್​ ಕಂಪೆನಿ ಈ ಪರಿಚಯಿಸಿರುವ ಹೊಸ ಸ್ಮಾರ್ಟ್​ವಾಚ್​ ಆಗಿದ್ದು, ಇದರ ವಿನ್ಯಾಸವೇ ಎಲ್ಲರನ್ನು ತನ್ನತ್ತ ಆಕರ್ಷಿಸುವಂತೆ ಮಾಡುತ್ತದೆ.