FAU-G: 5 ಮಿಲಿಯನ್​ ಡೌನ್​ಲೋಡ್​​ ಕಂಡ ದೇಶಿಯ ಆ್ಯಕ್ಷನ್​ ಗೇಮ್​!

ಗೂಗಲ್​ ಪ್ಲೇ ಸ್ಟೋರ್​​ನಲ್ಲಿ FAU-G ಆ್ಯಕ್ಷನ್​ ಗೇಮಿಂಗ್​​ ಆ್ಯಪ್​ ಅನ್ನು ಬಿಡುಗಡೆ ಮಾಡಲಾಗಿದೆ. ಮಾತ್ರವಲ್ಲದೆ, 3.4 ರೇಟಿಂಗ್​ ಕೂಡ ಪಡೆದಿದೆ. 460MBಗಾತ್ರವನ್ನು ಹೊಂದಿರುವ ಈ ಆ್ಯಪ್​ ಸದ್ಯ ಜನಪ್ರಿಯತೆ ಪಡೆಯುತ್ತಿದೆ.

FAU-G

FAU-G

  • Share this:
    ಜನವರಿ 26 ಗಣರಾಜ್ಯೋತ್ಸವ ದಿನದಂದು ದೇಶಿಯ ಡೆವಲಪರ್ಸ್​​ ಫಿಯರ್​ಲೆಸ್​​​ ಆ್ಯಂಡ್​​ ಯುನೈಟೆಡ್​​ ಗಾರ್ಡ್ಸ್​​ (FAU-G) ಗೇಮ್​ ಬಿಡುಗಡೆ ಮಾಡಿದ್ದಾರೆ. ಈಗಾಗಲೇ ಸಾಕಷ್ಟು ಜನರು ಈ ಆ್ಯಪ್​ ಅನ್ನು ಡೌನ್​ಲೋಡ್ ಮಾಡಿ ಬಳಸುತ್ತಿದ್ದಾರೆ. ಮಾತ್ರವಲ್ಲದೆ, ದಿನ ಹೋದಂತೆ ಬಳಕೆದಾರರ ಸಂಖ್ಯೆ ಏರಿಕೆಯಾಗುತ್ತಿದೆ. ಅಂದಹಾಗೆಯೇ ಸುಮಾರು 5 ಮಿಲಿಯನ್​ ಜನರು FAU-G ಆ್ಯಪ್​ ಅನ್ನು ಡೌನ್​​​ಲೋಡ್​ ಮಾಡಿ ಬಳಸುತ್ತಿದ್ದಾರೆ.

    ಗೂಗಲ್​ ಪ್ಲೇ ಸ್ಟೋರ್​​ನಲ್ಲಿ FAU-G ಆ್ಯಕ್ಷನ್​ ಗೇಮಿಂಗ್​​ ಆ್ಯಪ್​ ಅನ್ನು ಬಿಡುಗಡೆ ಮಾಡಲಾಗಿದೆ. ಮಾತ್ರವಲ್ಲದೆ, 3.4 ರೇಟಿಂಗ್​ ಕೂಡ ಪಡೆದಿದೆ. 460MBಗಾತ್ರವನ್ನು ಹೊಂದಿರುವ ಈ ಆ್ಯಪ್​ ಸದ್ಯ ಜನಪ್ರಿಯತೆ ಪಡೆಯುತ್ತಿದೆ.

    FAU-G ಆ್ಯಕ್ಷನ್​ ಗೇಮ್​ ಆಗಿದೆ. ಈ ಮೊದಲು ಕಳೆದ ನವೆಂಬರ್​ ತಿಂಗಳನಲ್ಲಿ ಬಿಡುಗಡೆ ಮಾಡುವುದಾಗಿ ತಿಳಿಸಿದ್ದರು. ವಿಜಯದಶಮಿ ಮತ್ತು ದೀಪಾವಳಿ ಹಬ್ಬದ ಸಲುವಾಗಿ FAU-G ಗೇಮ್​ ಟೀಸರ್​ ಬಿಡುಗಡೆ ಮಾಡಿದ್ದರು. ಮಾತ್ರವಲ್ಲದೆ, ಟ್ವಿಟ್ಟರ್​ನಲ್ಲೂ ಟ್ವೀಟ್​ ಮಾಡಿದ್ದರು. ಆದರೆ ಜನವರಿ 26ರಂದು ಗಣರಾಜ್ಯೋತ್ಸವದಂದು ಬಿಡುಗಡೆ ಮಾಡಿದ್ದಾರೆ.

    ಇನ್ನು ಭಾರತೀಯ ಹುತಾತ್ಮರಾದ ಯೋಧರ ಕುಟುಂಬಕ್ಕೆ ನೆರವಾಗುವ ಉದ್ದೇಶದಿಂದ FAU-G ಗೇಮ್​ ಅಭಿವೃದ್ಧಿಪಡಿಸಲಾಗಿದೆ. ಈ ಗೇಮ್​ ಒಟ್ಟಾರೆ ಲಾಭದಲ್ಲಿ ಶೇ.20 ರಷ್ಟು ಭಾರತ್​ ಕೇ ವೀರ್​ ಟ್ರಸ್ಟ್​ಗೆ ಹೋಗುತ್ತದೆ.

    ಕಳೆದ ವರ್ಷ ಕೇಂದ್ರ ಸರ್ಕಾರ ಚೀನಾ ಮೂಲದ ಸಾಕಷ್ಟು ಆ್ಯಪ್​ಗಳು ಬ್ಯಾನ್​ ಮಾಡಿತು. ಅದರಲ್ಲಿ ಚೀನಾದೊಂದಿಗೆ ಷೇರುಹೊಂದಿದ್ದ ದಕ್ಷಿಣ ಕೊರಿಯಾ ಮೂಲದ ಪಬ್​ಜಿ ಕೂಡ ಇತ್ತು. ಈ ವಿಚಾರ ಅನೇಕ ಗೇಮಿಂಗ್ ಪ್ರಿಯರಿಗೆ ಬೇಸರ ತರಿಸಿತು. ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ಪಬ್​ಜಿ ಬ್ಯಾನ್​ ಆಗಿದ್ದಕ್ಕೆ ಬೇಸರ ಹೊರಹಾಕಿದ್ದರು. ಆ ಬೆನ್ನಲ್ಲೇ ಬಾಲಿವುಡ್​ ನಟ ಅಕ್ಷಯ್​ ಕುಮಾರ್​ ಪಬ್​ಜಿ ಗೇಮ್​ಗೆ ಪರ್ಯಾಯವಾಗಿ ದೇಶಿಯ ಫಿಯರ್​ಲೆಸ್​​​ ಆ್ಯಂಡ್​​ ಯುನೈಟೆಡ್​​ ಗಾರ್ಡ್ಸ್​​​​ (FAU-G) ಗೇಮ್​ ಅನ್ನು ಪರಿಚಯಿಸುವುದಾಗಿ ತಿಳಿಸಿದ್ದರು. ಇದೀಗ ಡೆವಲಪರ್ಸ್​​ FAU-G  ಗೇಮಿಂಗ್​ ಆ್ಯಪ್ ಅನ್ನು ಬಿಡುಗಡೆ ಮಾಡಿದ್ದಾರೆ.
    Published by:Harshith AS
    First published: