ವಿಡಿಯೋ ಚಾಟ್​ ಫೀಚರ್​ ಪರಿಚಯಿಸಲು ಮುಂದಾದ ಡೇಟಿಂಗ್​ ಆ್ಯಪ್​ ಟಿಂಡರ್​

ಜನಪ್ರಿಯ ಡೇಟಿಂಗ್​ ಆ್ಯಪ್​​ ಟಿಂಡರ್​ ‘ವಿಡಿಯೋ ಚಾಟ್’​ ಫೀಚರ್​ ಅನ್ನು ಪರಿಚಯಿಸಲು ಮುಂದಾಗಿದೆ. ವಿಶ್ವದಾದ್ಯಂತ ಟಿಂಡರ್​ ಆ್ಯಪ್​ ಬಳಕೆದಾರರಿಗೆ ನೂತನ ಫೀಚರ್​ ಸಿಗಲಿದ್ದು. ಸದ್ಯ ಕೆಲವು ದೇಶಗಳಲ್ಲಿ ಟೆಸ್ಟಿಂಗ್​ ನಡೆಸುತ್ತಿದೆ.

ಟಿಂಡರ್ ಆ್ಯಪ್ ಪರಿಚಯಿಸುತ್ತಿರುವ​ ‘ಫೇಸ್​- ಟು- ಫೇಸ್’​ ಫೀಚರ್ ಮೂಲಕ ಬಳಕೆದಾರರು ವಿಡಿಯೋ ಕರೆ​ ಮಾಡಬಹುದಾಗಿದೆ ಯಾವುದೇ ಥರ್ಡ್​ ಪಾರ್ಟಿ ಆ್ಯಪ್ ಬಳಸದೆ​ ಮತ್ತು ಬಳಕೆದಾರರ ಮಾಹಿತಿ ಶೇರ್​ ಆಗದಂತೆ ಈ ವಿಡಿಯೋ ಕರೆ ಸೇವೆಯನ್ನು ಹೊರತರುತ್ತಿದೆ.

ಟಿಂಡರ್​ ಈ ವರ್ಷ ಘೋಷಿಸಿದಂತೆ, ಫೇಸ್-​ ಟು- ಫೇಸ್​ ವೈಶಿಷ್ಟ್ಯವು  ಐಒಎಸ್​ ಮತ್ತು ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಮಾತ್ರ ಸಿಗಲಿದೆ ಎಂದು ಹೇಳಿತ್ತು. ಆದರರೀಗ ಎಲ್ಲಾ ಬಳಕೆದಾರರಿಗೆ ಸಿಗುವಂತೆ ಪರಿಚಯಿಸುತ್ತಿದೆ. ಸದ್ಯ ಅಮೆರಿಕ, ಯುಕೆ, ಬ್ರೆಜಿಲ್​, ಆಸ್ಟ್ರೇಲಿಯ, ಸ್ಪೈನ್​, ಇಟಲಿ, ಫ್ರಾನ್ಸ್​, ವಿಯೆಟ್ನಾಂ, ಇಂಡೋನೇಷ್ಯಾ, ಕೊರಿಯಾ, ತೈವಾನ್​, ಥೈಲ್ಯಾಂಡ್​, ಪೆರು ಮತ್ತು ಚಿಲಿ ನಗರಗಳಲ್ಲಿ ಟೆಸ್ಟಿಂಗ್​ ನಡೆಸುತ್ತಿದೆ.

ಸದ್ಯ ಡೇಟಿಂಗ್​ ಮೂಲಕ ಅಪಾಯವನ್ನು ತಪ್ಪಿಸುವ ಸಲುವಾಗಿ ವಿಡಿಯೋ ಚಾಟಿಂಗ್​ ಫೀಚರ್​ ಅನ್ನು ಟಿಂಡರ್​ ಹೊರತರುತ್ತಿದೆ. ಇದರಿಂದ ಅನೇಕರಿಗೆ ಉಪಯೋಗವಾಗಲಿದೆ. ಮಾತ್ರವಲ್ಲದೆ. ಪರಿಚಯಸ್ಥರೊಂದಿಗೆ ನೇರವಾಗಿ ಮಾತನಾಡಬಹುದಾಗಿದೆ.