Digital Currency: ತಳ್ಳೋ ಗಾಡಿಯಲ್ಲಿ ಹಣ್ಣು ಖರೀದಿಸಿದ ಆನಂದ್ ಮಹೀಂದ್ರಾ, ಇ-ರುಪೀ ಮಹತ್ವ ತಿಳಿಸಿಕೊಟ್ಟ ಖ್ಯಾತ ಉದ್ಯಮಿ!

ಇದು ಟೆಕ್ನಾಲಜಿ (Technology) ಯುಗ. ದಿನ  ಕಳೆದಂತೆ ಹೊಸ ಹೊಸ ಟೆಕ್ನಾಲಜಿಗಳು ಮಾರುಕಟ್ಟೆಗೆ ಕಂಪೆನಿಗಳು ಪರಿಚಯಿಸುತ್ತಲೇ ಇರುತ್ತದೆ. ಇನ್ನು ಕೆಲವೊಂದು ಕಂಪೆನಿಗಳು ದೇಶವನ್ನೇ ಡಿಜಿಟಲೈಸ್​ ಮಾಡಲು ಮುಂದಾಗಿದೆ. ಇತ್ತೀಚೆಗೆ ಜನಪ್ರಿಯ ಹಣಕಾಸು ವಹಿವಾಟು ಕಂಪೆನಿಯಾಗಿರುವ ಆರ್​ಬಿಐ ಇತ್ತೀಚೆಗೆ ಕ್ರಿಪ್ಟೋಕರೆನ್ಸಿ (Crypto Currency) ತಂತ್ರಜ್ಞಾನವನ್ನು ಬಳಕೆ ಮಾಡಿಕೊಂಡು ಆರ್​ಬಿಐ ಡಿಜಿಟಲ್ ರೂಪಾಯಿ ಕರೆನ್ಸಿಯನ್ನು (CBDC- Central Bank Digital Currency) ಬಿಡುಗಡೆ ಮಾಡಿದೆ. ಇನ್ನು ಇ-ರುಪೀ (E-Rupee) ಟೆಕ್ನಾಲಜಿಯು ಇದುವರೆಗೆ ಕೆಲ ಬ್ಯಾಂಕ್​ ಮತ್ತು ದೊಡ್ಡ ದೊಡ್ಡ ಮಾರುಕಟ್ಟೆ ವಲಯಗಳಲ್ಲಿ ಮಾತ್ರ ಅಸ್ತಿತ್ವದಲ್ಲಿತ್ತು, ಆದರೆ ಈಗ ಎಲ್ಲಾ ಕಡೆಯಲ್ಲು ಲಭ್ಯವಿದೆ. ಆದರೆ ಬಳಕೆದಾರರಿಗೆ ಇದರ ಬಗ್ಗೆ ಗೊಂದಲ ಶುರುವಾಗಿದೆ.

ಆರ್​ಬಿಐ ಇತ್ತೀಚೆಗೆ ಡಿಜಿಟಲ್​ ಕರೆನ್ಸಿಯನ್ನು ಬಿಡುಗಡೆ ಮಾಡಿದೆ. ಆದರೆ ಇದು ಸದ್ಯ ಸಾರ್ವಜನಿಕ ವಲಯದಲ್ಲೂ ಎಂಟ್ರಿ ನೀಡಿದ್ದು ಬಳಕೆದಾರರಿಗೆ ಡಿಜಿಟಲ್ ಕರನ್ಸಿ ಇ-ರುಪೀ ಬಗ್ಗೆ ಗೊಂದಲ ಶುರುವಾಗಿದೆ. ಆದರೆ ಈ ಗೊಂದಲಕ್ಕೆ ಇದೀಗ ಮಹೀಂದ್ರ ಆ್ಯಂಡ್ ಮಹೀಂದ್ರ ಕಂಪೆನಿಯ ಮುಖ್ಯಸ್ಥರಾಗಿರುವ ಆನಂದ್ ಮಹೀಂದ್ರ ಅವರು ಸ್ವತಃ ತಾವೇ ಪೇಮೆಂಟ್ ಮಾಡುವ ವಿಡಿಯೋವನ್ನು ಮಾಡಿ ಶೇರ್ ಮಾಡಿಕೊಂಡು ಪರಿಹಾರವನ್ನು ನೀಡಿದ್ದಾರೆ.

ಹಣ್ಣು ವ್ಯಾಪಾರಿಗೆ ಇ-ರುಪೀ ಪೇಮೆಂಟ್ ಮಾಡಿದ ಆನಂದ್ ಮಹೀಂದ್ರ

ಮಹೀಂದ್ರ ಆ್ಯಂಡ್ ಮಹೀಂದ್ರ ಕಂಪನಿಯ ಮುಖ್ಯಸ್ಥರಾಗಿರುವ ಆನಂದ್ ಮಹೀಂದ್ರ ಅವರು ತಳ್ಳೋ ಗಾಡಿಯಿಂದ ಹಣ್ಣು ವ್ಯಾಪಾರ ಮಾಡುತ್ತಿದ್ದ, ಬಚ್ಚೇ ಲಾಲ್ ಸಹಾನಿಯಿಂದ ದಾಳಿಂಬೆ ಖರೀದಿಸಿದ್ದಾರೆ. ಹಣ್ಣು ಅಂಗಡಿಯಲ್ಲಿ ಬೇರೆ ಪೇಟಿಎಂ, ಫೋನ್​ಪೇ ಇತ್ಯಾದಿ ಯುಪಿಐ ಕ್ಯೂಆರ್ ಕೋಡ್ ಹಾಕಲಾಗುವಂತೆ ಇ–ರುಪಾಯಿಗೂ ಕ್ಯೂಆರ್ ಬೋರ್ಡ್ ಅನ್ನು ಇಲ್ಲಿ ಇಡಲಾಗಿತ್ತು.

ಇದನ್ನೂ ಓದಿ: ಕ್ಯೂಆರ್​ ಕೋಡ್​ ಅಂದ್ರೆ ಏನು ಗೊತ್ತಾ? ಇದರ ಬಗ್ಗೆ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ

ಇದುವರೆಗೆ ಯುಪಿಐ ಪೇಮೆಂಟ್​ ಹೇಗೆ ಮಾಡುತ್ತಿದ್ದೆವೋ, ಅದೇ ರೀತಿ ಇದನ್ನೂ ಕೂಡ ಸ್ಕ್ಯಾನ್ ಮಾಡಿ ಹಣ ಪಾವತಿಸಬಹುದು. ಆನಂದ್ ಮಹೀಂದ್ರ ಕೂಡ ಇದೇ ಪ್ರಕ್ರಿಯೆ ಅನುಸರಿಸಿ ಇ–ರುಪಾಯಿಯಲ್ಲಿ ಪಾವತಿಸುವುದನ್ನು ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಇ-ರುಪಾಯಿ ಎಂದರೇನು?

ಇ-ರುಪಾಯಿ ಎಂದು ಕ್ರಿಪ್ಟೋಕರೆನ್ಸಿಗಳಂತೆಯೇ ಇರುವಂತಹ ಒಂದು ರೀತಿಯ ಡಿಜಿಟಲ್ ರೂಪದಲ್ಲಿರುವ ಕರೆನ್ಸಿ. ಇನ್ನು ಸಾಮಾನ್ಯ ಕರೆನ್ಸಿಯಷ್ಟೇ ಬೆಲೆಗಳು ಇದಕ್ಕೂ ಇದೆ. ಆದರೆ ಸಾಮಾನ್ಯ ಕರೆನ್ಸಿಗೂ, ಡಿಜಿಟಲ್​ ಕರೆನ್ಸಿಗೆ ಇರುವಂತಹ ವ್ಯತ್ಯಾಸ ಏನೆಂದರೆ ಸಾಮಾನ್ಯ ಕರೆನ್ಸಿ ನೋಟುಗಳಾಗಿರುತ್ತದೆ. ಆದರೆ ಇ-ರುಪಾಯಿಯನ್ನು ನಾವು ಡಿಜಿಟಲ್ ರೂಪದಲ್ಲಿ ಪಾವತಿ ಮಾಡುತ್ತೇವೆ.

ಇ-ರುಪೀ

ಇನ್ನು ಇದುವರೆಗೆ ಯುಪಿಐ ಪಾವತಿಗೆ ಕ್ಯೂಆರ್ ಕೋಡ್​ಗಳನ್ನು ಆ್ಯಡ್​ ಮಾಡಲಾಗಿತ್ತು. ಇನ್ಮುಂದೆ ಇ-ರುಪಾಯಿಗೂ ಅದರದೇ ಆದ ಒಂದು ಕ್ಯೂಆರ್​ ಕೋಡ್​ ಸ್ಕ್ಯಾನಿಂಗ್ ಟೆಕ್ನಾಲಜಿ ಬರಲಿದೆ. ಪೇಟಿಯಂ, ಫೋನ್​ಪೇ, ಗೂಗಲ್​ ಪೇನಂತಹ ಆ್ಯಪ್​ಗಳನ್ನು ಬಳಸಿ ಕ್ಯೂಆರ್​ ಕೋಡ್​ ಅಥವಾ ಫೋನ್ ನಂಬರ್​ಗಳನ್ನು ಆ್ಯಡ್ ಮಾಡಿ- ಯುಪಿಐ ಹಣವನ್ನು ಪೇಮೆಂಟ್​ ಮಾಡಬಹುದು.

At the Reserve Bank’s board meeting today I learned about the @RBI digital currency-the e-rupee. Right after the meeting I visited Bachche Lal Sahani, a nearby fruit vendor who is one of the first merchants to accept it. #DigitalIndia in action! (Got great pomegranates as well!) pic.twitter.com/OxFRWgI0ZJ

— anand mahindra (@anandmahindra) January 25, 2023

ಯುಪಿಐ ಎಂಬುದು ಹಲವು ಬ್ಯಾಂಕ್​ಗಳಲ್ಲಿರುವ ಹಣವನ್ನು ಯಾರಿಗೂ ಬೇಕಾದರು ಶೇರ್​ ಮಾಡಬಹುದಾದ ಒಂದು ಮಾಧ್ಯಮವಾಗಿದೆ. ಇಲ್ಲಿ ಬಳಕೆದಾರರ ವ್ಯವಹಾರಗಳನ್ನು ನೋಡಿಕೊಳ್ಳಲೆಂದೇ ಬ್ಯಾಂಕ್​ಗಳು ಮಧ್ಯವರ್ತಿಗಳಾಗಿ ಕೆಲಸ ಮಾಡುತ್ತದೆ. ಆದರೆ ಇ-ರುಪಾಯಿಗಳು ಹಾಗಲ್ಲ. ಇದೊಂಥರ ಸೀಕ್ರೆಟ್ ಹಣ ಇದ್ದಂತೆ ಅಂತ ಹೇಳ್ಬಹುದು.

ಏಕೆಂದರೆ ಇಲ್ಲಿ ಒಬ್ಬ ವ್ಯಕ್ತಿಯ ಪರ್ಸನಲ್ ವ್ಯಾಲೆಟ್​​ನಿಂದ ಹಣ ಪಾವತಿ ಮಾಡಲಾಗುತ್ತದೆ. ಆದರೆ ಈ ಪೇಮೆಂಟ್​ ವಿಧಾನ ಒಬ್ಬ ವ್ಯಕ್ತಿಯಿಂದ ಇನ್ನೊಬ್ಬರ ಅಕೌಂಟ್​ನ ಮಧ್ಯೆ ಮಾತ್ರ ಇರುತ್ತದೆ. ಬೇರೆ ಯಾರಿಗೂ ತಿಳಿಯುವುದಿಲ್ಲ. ಒಂದು ರೀತಿಯಲ್ಲಿ ನಗದು ರೂಪದಂತೆಯೇ ಹೇಳಬಹುದು. ಆದರೆ ಅದನ್ನು ಕೈಯಿಂದ ಇನ್ನೊಬ್ಬರಿಗೆ ನೀಡುತ್ತೇವೆ. ಆದರೆ ಇದನ್ನು ಡಿಜಿಟಲೀಕರಣದ ಮೂಲಕ ಪೇಮೆಂಟ್ ಮಾಡುತ್ತೇವೆ.