Fake Mobiles: ನೀವು ಖರೀದಿಸಿದ ಮೊಬೈಲ್ ಅಸಲಿಯೇ? ಮಾರುಕಟ್ಟೆಗೆ ಫೇಕ್ ಫೋನ್ ಎಂಟ್ರಿ! ಗ್ರಾಹಕರೇ ಹುಷಾರ್

ಟೆಕ್ನಾಲಜಿ ಕಂಪೆನಿಗಳಲ್ಲಿ (Technology) ಭಾರೀ ಮುಂಚೂಣಿಯಲ್ಲಿರುವ ಕಂಪೆನಿಯೆಂದರೆ ಅದು ಮೊಬೈಲ್ ಕಂಪೆನಿ (Mobile Company). ಆದರೆ ಇತ್ತೀಚೆಗೆ ಹೊಸ  ಹೊಸ ಮಾದರಿಗಳಲ್ಲಿ ಮೊಬೈಲ್​ಗಳು ಬಿಡುಗಎಯಾಗುತ್ತಿದೆ. ಟೆಕ್ನಾಲಜಿ ಅಭಿವೃದ್ಧಿಯಾದಂತೆ ಕೆಲ ವಂಚನೆಗಳು ಸಹ ಹೆಚ್ಚಾಗುತ್ತಿದೆ. ಒಂದು ಕಡೆ ಹ್ಯಾಕರ್ಸ್​​ (Hackers)ಗಳು ಹೆಚ್ಚುತ್ತಿದ್ದರೆ, ಇದೀಗ ಕಂಪೆನಿಯ ಹೆಸರಲ್ಲಿ ಫೇಕ್​ ಸ್ಮಾರ್ಟ್​ಫೋನ್ (Fake Smartphones)​ಗಳು ಮಾರಾಟವಾಗುತ್ತಿದೆ. ಈ ವಂಚನೆಗೆ ಈಗಾಗಲೇ ಹಲವಾರು ಜನರು ಬಲಿಯಾಗಿದ್ದು, ಈ ಬಗ್ಗೆ ಕಂಪೆನಿಗಳು ಗ್ರಾಹಕರಿಗೆ ಎಚ್ಚರಿಕೆಯನ್ನು ನೀಡುತ್ತಿದೆ. ಇನ್ನು ಈ ವಂಚನೆ ಭಾರತದಲ್ಲೇ ಹೆಚ್ಚು ನಡೆಯುತ್ತಿದೆ ಎಂಬುದು ಆಘಾತಕಾರಿ ವಿಷಯವಾಗಿದೆ.

ಹೌದು, ಇತ್ತೀಚೆಗೆ ಮೊಬೈಲ್​ ಮಾರುಕಟ್ಟೆಗೆ ನಕಲಿ ಸ್ಮಾರ್ಟ್​​ಫೋನ್​ಗಳು ಸಹ ಎಂಟ್ರಿ ನೀಡಿದೆ. ಆ್ಯಪಲ್​, ಸ್ಯಾಮ್​​ಸಂಗ್​ನಂತಹ ಕಂಪೆನಿಗಳ ಹೆಸರಲ್ಲಿ ವಂಚಕರು ನಕಲೆ ಫೋನ್​ಗಳನ್ನು ಮಾರಾಟ ಮಾಡುತ್ತಿದ್ದಾರೆ. ಹಾಗಿದ್ರೆ ನಿಮ್ಮ ಸ್ಮಾರ್ಟ್​ಫೋನ್​ ನಕಲಿಯೋ, ಸತ್ಯವೋ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

60 ಕ್ಕೂ ಹೆಚ್ಚು ಫೇಕ್ ಫೋನ್​​ಗಳು​ ವಶ

ಇನ್ನು ಇತ್ತೀಚೆಗಷ್ಟೇ ನೊಯಿಡಾದಲ್ಲಿ ಐಫೋನ್​ 13 ಹೆಸರಲ್ಲಿ ಫೇಕ್​ ಸ್ಮಾರ್ಟ್​ಫೋನ್​ ಅನ್ನು ಮಾರಾಟಮಾಡುತ್ತಿದ್ದ ಮೂರು ಜನರ ತಂಡವೊಂದನ್ನು ಪೊಲೀಸರು ಬಂಧಿಸಿದ್ದಾರೆ. ಇವರಿಂದ 60 ಕ್ಕೂ ಹೆಚ್ಚು ನಕಲಿ ಐಫೋನ್​ಗಳನ್ನು ವಶಪಡಿಸಿಕೊಂಡಿದ್ದಾರೆ. ಇನ್ನು ಪೊಲೀಸರು ಈ ಬಗ್ಗೆ ಮಾಹಿತಿ ನೀಡಿದ್ದು, ಇವರು ದೆಹಲಿಯಲ್ಲಿ ಚೀನಾದ ಶಾಪಿಂಗ್​ ವೆಬ್​ಸೈಟ್​ನಿಂದ ಕೇವಲ 12,000 ರೂಪಾಯಿಗೆ ಫೋನನ್ನು ಖರೀದಿಸಿ, ಜೊತೆಗೆ ಐಫೋನ್​​ ರೀತಿಯ ಬಾಕ್ಸ್​​ ಅನ್ನು ಆರ್ಡರ್​ ಮಾಡಿ ಅದಕ್ಕೆ ಆ್ಯಪಲ್​ ಸ್ಟಿಕ್ಕರ್​​ ಅಂಟಿಸಿ ಸೇಲ್​ ಮಾಡಲಾರಂಭಿಸಿದ್ದಾರೆ. ಈ ರೀತಿಯ ಇನ್ನೂ ಹಲವಾರು ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಯಲ್ಲಿದ್ದು ಎಲ್ಲವನ್ನು ಪೊಲೀಸರು ಪತ್ತೆಹಚ್ಚಲು ಆರಂಭಿಸಿದ್ದಾರೆ.

ಇದನ್ನೂ ಓದಿ: ಸಾರ್ವಜನಿಕ ಸ್ಥಳಗಳಲ್ಲಿ ಸಿಗರೇಟ್​ ಸೇದೋ ಮುನ್ನ ಎಚ್ಚರ, ಈ ಆ್ಯಪ್​​ ಮೂಲಕ ಯಾರೂ ದೂರು ನೀಡ್ಬಹುದು!

ನಕಲಿ ಫೋನ್​ಗಳನ್ನು ಪತ್ತೆಹಚ್ಚುವುದು ಹೇಗೆ?

ಐಎಮ್​​ಇಐ ನಂಬರ್​ ಚೆಕ್ ಮಾಡಿ:  ಸಾಮಾನ್ಯವಾಗಿ ಎಲ್ಲಾ ಸ್ಮಾರ್ಟ್​ಫೋನ್​ಗಳಲ್ಲಿ ಈಎಮ್​ಇಐ ನಂಬರ್​ ಇದ್ದೇ ಇರುತ್ತದೆ. ಇನ್ನು ನಕಲೆ ಸ್ಮಾರ್ಟ್​ಫೋನ್​ಗಳಲ್ಲಿ ಈ ನಂಬರ್​​ಗಳಿರುವುದಿಲ್ಲ. ಇದ್ರೂ ಅದರ ಒರಿಜಿನಲ್ ಕಂಪೆನಿಯನ್ನು ತಿಳಿಯಬಹುದು. ಆದ್ದರಿಂದ ನಿಮ್ಮಲ್ಲಿರುವ ಸ್ಮಾರ್ಟ್​​​ಫೋನ್​​ ನಕಲಿಯೋ, ಸತ್ಯವೋ ಎಂಬುದನ್ನು ತಿಳಿಯಬಹುದಾಗಿದೆ. ಈ ಈಎಮ್​ಇಐ ನಂಬರ್ ಮೊಬೈಲ್​ ಕಳುವಾದಾಗಲು ತುಂಬಾನೇ ಸಹಕಾರಿಯಾಗುತ್ತದೆ. ​ಇನ್ನು ಈ ಐಎಮ್​ಇಐ ನಂಬರ್​ ಅನ್ನುಮೊಬೈಲ್​ ಬಾಕ್ಸ್​ ನಲ್ಲಿ ಸಹ ನೀಡಿರುತ್ತಾರೆ ಅಥವಾ ಮೊಬೈಲ್​ ಸೆಟ್ಟಿಂಗ್​​ಗಳಿಗೂ ಹೋಗಿ ತಿಳಿದುಕೊಳ್ಳಬಹುದಾಗಿದೆ.

IMEI ನಂಬರ್ ಎಲ್ಲಿರುತ್ತೆ?

ಇನ್ನು ನಿಮ್ಮ ಐಎಮ್​ಇಐ ನಂಬರ್ ಅನ್ನು ಸೆಟ್ಟಿಂಗ್ಸ್​ಗೆ ಹೋಗಿ ಅಲ್ಲಿ ಅಬೌಟ್​ ಮೇಲೆ ಕ್ಲಿಕ್ ಮಾಡಿದ್ರೆ ಸಾಕು. ಅಲ್ಲಿ ನಿಮ್ಮ ಸ್ಮಾರ್ಟ್​​ಫೋನ್​ನ ಐಎಮ್​ಇಐ ನಂಬರ್​ ಅನ್ನು ನೋಡಬಹುದು. ಒಂದು ವೇಳೆ ಆ ನಂಬರ್ ಇಲ್ಲದಿದ್ರೆ ನಿಮ್ಮ ಸ್ಮಾರ್ಟ್​​ಫೋನ್ ನಕಲಿ ಎಂದರ್ಥ.

ಸಾಂಕೇತಿಕ ಚಿತ್ರ

ಮೊಬೈಲ್​ ಸ್ಟೋರ್​ಗೆ ಭೇಟಿ ನೀಡಿ

ಇನ್ನು ನಿಮ್ಮ ಮೊಬೈಲ್​ ನಕಲಿ ಎಂಬ ಸಂಶಯ ನಿಮಗಾದ್ರೆ ತಕ್ಷಣ ಪಕ್ಕದ ಮೊಬೈಲ್​ ಶಾಪ್​​ಗೆ ಹೋಗಿ ಅಲ್ಲಿ ಚೆಕ್ ಮಾಡಿಕೊಳ್ಳಿ. ಅವರು ನಿಮ್ಮ ಮೊಬೈಲ್​ ನೋಡಿ ನಕಲಿಯೋ, ಸತ್ಯವೋ ಎಂದು ಹೇಳುತ್ತಾರೆ.

ಎಚ್ಚರಿಕೆ

ಯಾರೇ ಆಗಲಿ ಹೊಸ ಸ್ಮಾರ್ಟ್​​ಫೋನ್​ ಖರೀದಿಸುವಾಗ ಸರಿಯಾಗಿ ಚೆಕ್ ಮಾಡಿಕೊಂಡು ಖರೀದಿಸ್ಬೇಕು. ಕೆಲವೊಮ್ಮೆ ದುಬಾರಿ ಬೆಲೆಯ ಸ್ಮಾರ್ಟ್​​ಫೋನ್​ಗಳು ಕಡಿಮೆ ಬೆಲೆಗೆ ಸಿಗುತ್ತದೆ ಎಂದಾದರೆ ಅದನ್ನು ಸರಿಯಾಗಿ ಚೆಕ್ ಮಾಡಿಕೊಳ್ಬೇಕು. ಏಕೆಂದರೆ ಅದು ನಕಲೆ ಫೋನ್​ಗಳಾಗಿರಬಹುದು.

ಫೇಕ್ ಫೋನ್​ಗಳ ಹೆಸರು ಈ ರೀತಿಯಲ್ಲಿರುತ್ತದೆ

iPhone = iPone or iPhoon, Xiaomi = Xaiomi or Xioami, Samsung = Sammsung or Samsang or Samsong, Huawei= Hauwei or Huawai,