Aadhar Card: ನಕಲಿ ಆಧಾರ್​ ಕಾರ್ಡ್​ಗಳು ಸಹ ಕ್ರಿಯೇಟ್​ ಆಗುತ್ತಿವೆ ಎಚ್ಚರ! ಈ ಟ್ರಿಕ್ಸ್ ಮೂಲಕ ಸುಲಭದಲ್ಲಿ ಚೆಕ್ ಮಾಡ್ಬಹುದು

ಆಧಾರ್​ ಕಾರ್ಡ್ (Aadhar Card)​ ಎಂಬುದು ಇಂದಿನ ದಿನದಲ್ಲಿ ಪ್ರತಿಯೊಬ್ಬರಿಗೂ ಅಗತ್ಯ ಡಾಕ್ಯುಮೆಂಟ್ ಆಗಿಬಿಟ್ಟಿದೆ. ಅದ್ರಲ್ಲೂ ಇತ್ತೀಚೆಗೆ ಆಧಾರ್​ ಕಾರ್ಡ್​ ಪ್ಯಾನ್​ ಕಾರ್ಡ್​ನೊಂದಿಗೆ ಲಿಂಕ್ (Aadhar Card- Pan Card Link) ಮಾಡುವ ಬಗ್ಗೆ ಭಾರೀ ಚರ್ಚೆಗಳು ನಡೆಯುತ್ತಿದೆ. ಇನ್ನು ಈ ಆಧಾರ್​ ಕಾರ್ಡ್​ ಬ್ಯಾಂಕ್​, ಪಾಸ್​ಪೋರ್ಟ್​, ಕಾಲೇಜ್​, ಸಿಮ್​ ಹೀಗೆ ಯಾವುದೇ ಕೆಲಸವಾಗ್ಬೇಕಾದ್ರು ಬಹಳ ಮುಖ್ಯವಾಗಿ ಬೇಕಾಗುತ್ತದೆ. ಆದರೆ ಇತ್ತೀಚೆಗೆ ಆಧಾರ್​ ಕಾರ್ಡ್​ ಸಹ ದುರ್ಬಳಕೆಯಾಗುತ್ತಿದೆ ಎಂಬ ಸುದ್ದಿ ಬಹಳ ಕಡೆ ಹರಡಿದೆ. ನಕಲಿ ಆಧಾರ್​​ ಕಾರ್ಡ್​​ಗಳನ್ನು (Fake Aadhar Card) ಕ್ರಿಯೇಟ್​ ಮಾಡಿಕೊಂಡು ಅಮಾಯಕರ ಹೆಸರಲ್ಲಿ ಬೇರೆ ಬೇರೆ ನಂಬರ್​ಗಳಲ್ಲಿ ಸಿಮ್ (Sim)​ ಖರೀದಿಸಿ ವಂಚನೆ ಮಾಡುತ್ತಿದ್ದಾರೆ.

ಹೌದು, ಅಗತ್ಯ ಡಾಕ್ಯುಮೆಂಟ್ ಗುರುತಿಸಿಕೊಂಡಿರುವ ಆಧಾರ್​ ಕಾರ್ಡ್​ ಅನ್ನು ಕೆಲ ವಂಚಕರು ದುರ್ಬಳಕೆ ಮಾಡುತ್ತಿದ್ದಾರೆ. ಅಮಾಯಕರ ಫೇಕ್​ ಆಧಾರ್​ ಕಾರ್ಡ್​ ಅನ್ನು ರಚಿಸಿ, ಸಿಮ್​ಗಳನ್ನು ಖರೀದಿ ಮಾಡುತ್ತಿದ್ದಾರೆ. ಹಾಗಿದ್ರೆ ನಿಮ್ಮ ಆಧಾರ್​ ಕಾರ್ಡ್​ ಬಳಸಿ ಸಿಮ್​ ಕಾರ್ಡ್​ ಖರೀದಿಸಿದ್ದಾರೆಯೇ? ಇಲ್ಲವೋ ಎಂದು ಈ ಲೇಖನದಲ್ಲಿದೆ ಓದಿ.

ವೆಬ್​ ಸೈಟ್​  ಮೂಲಕ ಚೆಕ್ ಮಾಡ್ಕೊಳ್ಳಿ

ನಿಮ್ಮ ಆಧಾರ್​ ದುರ್ಬಳಕೆ ಆಗಿದ್ಯಾ ಎಂದು ತಿಳಿಯಲು ಅದಕ್ಕಮತನೇ ಒಮದು ವೆಬ್​​ಸೈಟ್​ ಕ್ರಿಯೇಟ್ ಆಗಿದೆ. ಈ ಮೂಲಕ ಯಾರೇ ಆಗಲಿ ಆ ವೆಬ್​ಸೈಟ್​ ಓಪನ್ ಮಾಡಿಕೊಂಡು ತಮ್ಮ ಆಧಾರ್​​ ಕಾರ್ಡ್​​ ಬಗ್ಗೆ ಮಾಹಿತಿಯನ್ನು ತಿಳಿದುಕೊಳ್ಳಬಹುದು. ಅದಕ್ಕಾಗಿ ನೀವು ಗೂಗಲ್ ಕ್ರೋಮ್​ಗೆ ಹೋಗಿ ಟಾಪ್​​-ಕಾಫ್​ ಎಂಬ ವೆಬ್​ಸೈಟ್​ ಅನ್ನು ಓಪನ್ ಮಾಡ್ಬೇಕು.

ಇದನ್ನೂ ಓದಿ: ಭಾರತೀಯರು ಈ ಸ್ಮಾರ್ಟ್​​ಫೋನ್​ಗಳನ್ನು ಹೆಚ್ಚು ಖರೀದಿಸ್ತಾರಂತೆ! ಬಹಿರಂಗವಾಯ್ತು ವರದಿ

ಅಲ್ಲಿ ನಿಮ್ಮ ಆಧಾರ್​​ ಕಾರ್ಡ್ ಮೂಲಕ ಎಷ್ಟು ಸಿಮ್ ಆ್ಯಕ್ಟಿವ್ ಆಗಿದೆ ಎಂದು ತಿಳಿದುಕೊಳ್ಳಬಹುದಾಗಿದೆ. ಆದರೆ ಸದ್ಯ ಈ ಸೌಲಭ್ಯ ತೆಲಂಗಾಣ, ಆಂಧ್ರ ಪ್ರದೇಶ, ಕೇರಳ, ರಾಜಸ್ಥಾನ, ಜಮ್ಮು ಮತ್ತು ಕಾಶ್ಮೀರ, ಮೆಘಾಲಯ, ನಾಗಲ್ಯಾಂಡ್​, ಅರುಣಾಚಲ ಪ್ರದೇಶ ಮತ್ತು ತ್ರಿಪುರ ನಾಗರಿಕರಿಗೆ ಮಾತ್ರ ಲಭ್ಯವಿದೆ.

ಈ ವೆಬ್​ಸೈಟ್​ನಲ್ಲಿ ಚೆಕ್​  ಮಾಡೋದು ಹೇಗೆ?

• ಮೊದಲು https://tafcop.dgtelecom.gov.in/ ವೆಬ್‌ಸೈಟ್‌ ಓಪನ್ ಮಾಡ್ಬೇಕು.


• ಇಲ್ಲಿ ನೀವು ಮೊದಲು ನಿಮ್ಮ ಮೊಬೈಲ್​ ನಂಬರ್ ಅನ್ನು ನಮೂದಿಸ್ಬೇಕು.


• ಮೊಬೈಲ್ ಸಂಖ್ಯೆಯನ್ನು ನಮೂದಿಸಿದ ನಂತರ ‘ಓಟಿಪಿ ರಿಕ್ವೆಸ್ಟ್’ ಆಯ್ಕೆ ಮೇಲೆ ಕ್ಲಿಕ್ ಮಾಡಿ.

ಸಾಂಕೇತಿಕ ಚಿತ್ರ

• ಬಳಿಕ ಓಟಿಪಿ ನಮೂದಿಸಿ, ಕೆಳಗೆ ನೀಡಿರುವ ವ್ಯಾಲಿಡೇಟ್ ಮೇಲೆ ಕ್ಲಿಕ್ ಮಾಡಿ.


• ಈಗ ನಿಮ್ಮ ಆಧಾರ್​ನಿಂದ ತೆಗೆದುಕೊಂಡ ಮೊಬೈಲ್ ಸಂಖ್ಯೆಗಳು/ಸಿಮ್‌ಗಳ ಎಲ್ಲಾ ವಿವರಗಳನ್ನು ಸಹ ನೋಡಬಹುದಾಗಿದೆ.


• ಇಲ್ಲಿ ನಿಮಗೆ ಸಂಬಂಧಿಸಿದ ಯಾವುದೇ ಮೊಬೈಲ್ ಸಂಖ್ಯೆಗಳಿದ್ದಲ್ಲಿ ಅಲ್ಲೇ ರಿಪೋರ್ಟ್ ಸಹ ಮಾಡಬಹುದು.


• ಇದು ನಿಮ್ಮ ಆಧಾರ್​ ಕಾರ್ಡ್​​ ಮೂಲಕ ಯಾವೆಲ್ಲಾ ನಂಬರ್​ಗಳು ಅಸ್ತಿತ್ವದಲ್ಲಿದೆ ಎಂದು ನೋಡುವಂತಹ ವಿಧಾನವಾಗಿದೆ.

ಪ್ಯಾನ್ ಕಾರ್ಡ್​ ಮಹತ್ವದ ದಾಖಲೆ

ಶಾಶ್ವತ ಖಾತೆ ಸಂಖ್ಯೆ ಅಥವಾ ಸರಳವಾಗಿ ಹೇಳಬೇಕೆಂದರೆ ಪ್ಯಾನ್​ ಕಾರ್ಡ್ ಎಂಬುದು ಬಲು ಮಹತ್ವದ ದಾಖಲೆಯಾಗಿದೆ. ಪ್ರತಿಯೊಬ್ಬರ ಬ್ಯಾಂಕಿಂಗ್ ವ್ಯವಹಾರಗಳಿಗೆ ಹಾಗೂ ತೆರಿಗೆ ವಿಧಿ ವಿಧಾನಗಳಿಗೆ ಕಡ್ಡಾಯವಾಗಿ ಬಳಸಲಾಗುವ ದಾಖಲೆಯಾಗಿದೆ. ಹಾಗಾಗಿ ಈಗಾಗಲೇ ನೀಡಿರುವ ಗಡುವು ಮೀರುವುದರೊಳಗೆ ಲಿಂಕ್ ಮಾಡಿಕೊಂಡಲ್ಲಿ ನಿಮಗೆ ಭವಿಷ್ಯದಲ್ಲಿ ಉಂಟಾಗಬಹುದಾದ ಅನಾನುಕೂಲತೆಗಳನ್ನು ತಪ್ಪಿಸಿಕೊಳ್ಳಬಹುದು.

ಈ ಹಿಂದೆ ಫೈನಾನ್ಶಿಯಲ್ ಎಕ್ಸ್ ಪ್ರೆಸ್ ಮಾಧ್ಯಮವು ಹಿರಿಯ ಅಧಿಕಾರಿಯೋರ್ವರನ್ನು ಉಲ್ಲೇಖಿಸಿ ಇನ್ನು ಮುಂದೆ ಪ್ಯಾನ್​-ಆಧಾರ್ ಜೋಡಣೆ ದಿನಾಂಕವನ್ನು ಇನ್ನೊಮ್ಮೆ ವಿಸ್ತರಿಸಲಾಗದು ಎಂದು ವರದಿ ಮಾಡಿತ್ತು. ಆದಾಗ್ಯೂ ಸಮಯ ಸಂದರ್ಭ ನೋಡಿಕೊಂಡು ಕಡೆ ಘಳಿಗೆಯಲ್ಲಿ ಆಗಬಹುದಾದ ಬದಲಾವಣೆಯನ್ನು ಹಿರಿಯ ಅಧಿಕಾರಿ ತಳ್ಳಿ ಹಾಕಿರಲಿಲ್ಲ ಎಂದು  ವೆಬ್​ಸೈಟ್​ ವರದಿ ಮಾಡಿತ್ತು.

ಪಾನ್-ಆಧಾರ್ ಜೋಡಣೆ ಏಕೆ ಮಹತ್ವವಾಗಿದೆ?

ಈಗಾಗಲೇ ನಿಮಗೆ ಗೊತ್ತಿರುವಂತೆ ಇಂದಿನ ದಿನಮಾನಗಳಲ್ಲಿ ಯಾವುದೇ ರೀತಿಯ ಬ್ಯಾಂಕಿಂಗ್ ಹಣಕಾಸಿನ ವ್ಯವಹಾರ ಬಂದಾಗ ಕೆವೈಸಿ ಎಂಬುದು ಮಹತ್ವವಾಗಿದೆ. ಹಾಗಾಗಿ ಪ್ರತಿಯೊಬ್ಬರಿಗೂ ನೋ ಯುವರ್ ಕಸ್ಟಮರ್ (ಕೆವೈಸಿ) ಬಗ್ಗೆ ತಿಳಿದೇ ಇದೆ. ಪ್ಯಾನ್​ ಜೋಡಣೆಯೂ ಸಹ ಈಗ ಕೆವೈಸಿಯ ಭಾಗವಾಗಿರುವುದರಿಂದ ಇದು ಬಲು ಮಹತ್ವದ್ದಾಗಿದೆ.

ಅಲ್ಲದೆ, ಪ್ಯಾನ್​ ದಾಖಲೆಗಳ ನಕಲಿ ಹಾವಳಿಯನ್ನು ತಡೆಯಲೂ ಸಹ ಈ ಜೋಡಣೆ ಪ್ರಕ್ರಿಯೆ ಮುಖ್ಯವಾಗಿದೆ. ಈ ಹಿಂದೆ ಒಬ್ಬ ವ್ಯಕ್ತಿಗೆ ಬಹು ಪ್ಯಾನ್​ ಸಂಖ್ಯೆಗಳನ್ನು ನೀಡಿರುವ ಉದಾಹರಣೆಗಳಿವೆ. ಹಾಗಾಗಿ ಇದನ್ನು ತಡೆಯಲೂ ಸಹ ಪ್ಯಾನ್-ಆಧಾರ್ ಜೋಡಣೆ ಮಹತ್ವದ್ದಾಗಿದೆ.