ಇನ್ಮುಂದೆ ಬ್ಯಾಟರಿ ಖಾಲಿ ಎಂದು ಹೇಳುವಂತಿಲ್ಲ: ಬರುತ್ತಿದೆ 18 ಸಾವಿರ mAh ಸಾಮರ್ಥ್ಯದ ಸ್ಮಾರ್ಟ್​ಫೋನ್

ಬಾರ್ಸಿಲೋನಾದಲ್ಲಿ ಆಯೋಜಿಸಲಾಗುವ ವರ್ಲ್ಡ್​ ಮೊಬೈಲ್​ ಕಾಂಗ್ರೆಸ್​ನಲ್ಲಿ ಎನರ್ಜೈಜರ್ (Energizer) ಎಂಬ ಕಂಪೆನಿ ತನ್ನ ನೂತನ 26 ಸ್ಮಾರ್ಟ್​ಫೋನ್​ಗಳನ್ನು​ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. ಈ ಬಗ್ಗೆ ಟ್ವಿಟರ್​ನಲ್ಲಿ ಅಧಿಕೃತವಾಗಿ ಹೇಳಿಕೆ ನೀಡಿರುವ ಸಂಸ್ಥೆಯು ಮೊಬೈಲ್​ ವಿನ್ಯಾಸದ ಕುರಿತಾದ ಯಾವುದೇ  ಮಾಹಿತಿ ಬಹಿರಂಗ ಪಡಿಸಿಲ್ಲ. ಆದರೆ ಇದರಲ್ಲಿ ಕೆಲ ಸ್ಮಾರ್ಟ್​ಫೋನ್​ ಬರೋಬ್ಬರಿ  18,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರಲಿದೆ ಎಂದು ತಿಳಿಸಿದೆ.

Energizer ನ ಈ ಹೊಸ ಮೊಬೈಲ್​ ಸ್ಮಾರ್ಟ್​ಫೋನ್​ ಮಾರುಕಟ್ಟೆಯಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಲಿದೆ ಎನ್ನಲಾಗುತ್ತಿದೆ. ಈ ಮೊಬೈಲ್​ನಲ್ಲಿ ಪಾಪ್​ ಅಪ್ ಸೆಲ್ಫಿ ಕ್ಯಾಮೆರಾ, ಫೋಲ್ಡೇಬಲ್​ ಡಿಸ್​ಪ್ಲೇ ನೀಡಲಾಗಿದೆ ಎಂದು ಹೇಳಲಾಗಿದೆ. ಇವೆಲ್ಲಕ್ಕಿಂತ ಮುಖ್ಯವಾಗಿ ನೂತನ ಸ್ಮಾರ್ಟ್​ಫೋನ್​ ಗಮನ ಸೆಳೆಯುತ್ತಿರುವುದು ಬ್ಯಾಟರಿ ಸಾಮರ್ಥ್ಯದಿಂದಲೇ ಎನ್ನಬೇಕು. 18,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರುವ ಯಾವುದೇ ಸ್ಮಾರ್ಟ್​ಫೋನ್​ ಸದ್ಯ ಮಾರುಕಟ್ಟೆಯಲ್ಲಿ ಲಭ್ಯವಿಲ್ಲ. ಪ್ರಸ್ತುತ  4 ರಿಂದ 6 ಸಾವಿರ mAh ಬ್ಯಾಟರಿಗಳೇ ಅತಿ ಹೆಚ್ಚು ಸಾಮರ್ಥ್ಯವಿರುವ ಸ್ಮಾರ್ಟ್​ಫೋನ್​ಗಳಾಗಿ ಗುರುತಿಸಿಕೊಂಡಿದೆ. ಹೀಗಾಗಿ ಎನರ್ಜೈಜರ್ ಬಿಡುಗಡೆಯಾದರೆ ಜಾರ್ಜಿಂಗ್ ಸಮಸ್ಯೆಯು ದೂರವಾಗಲಿದೆ.

18000 mAh!! Well, if a phone is going to bear the Energizer brand name, it'd better have a long-lasting battery #MWC19 🐰🥁🕶️🐇 pic.twitter.com/dLZuPTo5As

— Bryan Ma (@bryanbma) January 25, 2019

ಕೆಲ ಮಾಹಿತಿ ಪ್ರಕಾರ Energizer ಕಂಪೆನಿಯು ಮೊಬೈಲ್​ ವರ್ಲ್ಡ್​ ಕಾಂಗ್ರೆಸ್​(MWC) ನಲ್ಲಿ ಎರಡು ಮೊಬೈಲ್​ ಅನ್ನು ಪರಿಚಯಿಸಲಿದೆ. ಅಲ್ಟಿಮೇಟ್​ U620S ಪಾಪ್ ಮತ್ತು U630S ಪಾಪ್​ ಹೆಸರಿನ ಸ್ಮಾರ್ಟ್​ಫೋನ್​ಗಳು ಈ ಸಮ್ಮೇಳನದಲ್ಲಿ ಬಿಡುಗಡೆಯಾಗಲಿದೆ. U630S ಸ್ಮಾರ್ಟ್​ಫೋನ್ 6.3 ಡಿಸ್​ಪ್ಲೇ ಹಾಗೂ 16MP+ 5MP+2MP ಮೂರು ಕ್ಯಾಮೆರಾಗಳನ್ನು ಹೊಂದಿರಲಿದೆ. ಈಗಾಗಲೇ ಬ್ಯಾಟರಿ ಸೆಲ್​ಗಳ ಮೂಲಕ ಭಾರತದ ಮಾರುಕಟ್ಟೆಗೆ ಲಗ್ಗೆಯಿಟ್ಟಿರುವ  Energizer ಕಂಪೆನಿಯ ನೂತನ ಸ್ಮಾರ್ಟ್​ಫೋನ್​ ಅನ್ನು ಕೂಡ ಬಿಡುಗಡೆ ಮಾಡಲಿದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಟಿ20 ಕ್ರಿಕೆಟ್​ಗೆ ದಾಖಲೆಗಳ ಒಡತಿ ಮಿಥಾಲಿ ರಾಜ್ ಗುಡ್​​ಬೈ: ಮತ್ತೆ ಶುರುವಾಯ್ತಾ ತಂಡದಲ್ಲಿ ಒಳಜಗಳ?