Tech Tips: ಇಂಟರ್​ನೆಟ್​ ಸ್ಪೀಡ್​ ಕಡಿಮೆ ಆಗಿದ್ರೆ ಚಿಂತೆ ಬಿಡಿ, ಈ ಸಿಂಪಲ್ ಟ್ರಿಕ್ ಯೂಸ್ ಮಾಡಿ

ಇತ್ತೀಚಿನ ದಿನಗಳಲ್ಲಿ ಮೊಬೈಲ್​ಗಳ (Mobile) ಬಳಕೆ ವ್ಯಾಪಕವಾಗಿ ಹಬ್ಬಿದೆ. ಅದೇ ರೀತಿ ಇಂಟರ್ನೆಟ್​ ಅನ್ನು ಬಳಕೆ ಮಾಡುವವರು ಸಹ ಹೆಚ್ಚಾಗಿದ್ದಾರೆ. ಆದರೆ ಕೆಲವೊಂದು ಸಂದರ್ಭದಲ್ಲಿ ಈ ಇಂಟರ್ನೆಟ್​ಗಳು (Internet) ಸರಿಯಾಗಿ ಕಾರ್ಯನಿರ್ವಹಿಸುವುದಿಲ್ಲ. ಸ್ಮಾರ್ಟ್​​ಫೋನ್ ಬಳಕೆದಾರರಲ್ಲಿ ಮುಖ್ಉವಾಗಿ ಕಾಣುವ ಸಮಸ್ಯೆಯೆಂದರೆ ನೆಟ್​ವರ್ಕ್​ ಸಮಸ್ಯೆ (network Problem). ಎಷ್ಟೇ ಡೇಟಾ ಪ್ಯಾಕ್ ಇದ್ದರೂ ಕೆಲವೊಂದಿ ಬಾರಿ ಇಂಟರ್ನೆಟ್​ ಕೆಲಸವೇ ಮಾಡುದಿಲ್ಲ. ಹೆಚ್ಚಾಗಿ ಏನಾದರೂ ತುರ್ತು ಕೆಲಸದಲ್ಲಿದ್ದಾಗ, ಏನಾದರೂ ಬ್ರೌಸ್ ಮಾಡುತ್ತಿರುವಾಹ ಈ ರೀತಿಯ ಸಮಸ್ಯೆಗಳು ಕಂಡುಬರುತ್ತವೆ. ಆದರೆ ಇದಕ್ಕೆ ಕೆಲವೊಂದು ಕಾರಣಗಳಿವೆ. ಕೆಲವೊಮ್ಮೆ ಮೊಬೈಲ್​ನ ಸೆಟ್ಟಿಂಗ್ಸ್​ನಿಂದ ನಿಮ್ಮ ಇಂಟರ್ನೆಟ್​ ಅನ್ನು ಸ್ಪೀಡ್ ಮಾಡ್ಬಹುದು. ಆದರೆ ಅದಕ್ಕೆ ಕೆಲವೊಂದಿ ಟ್ರಿಕ್ಸ್​ಗಳಿವೆ.

ನಿಮ್ಮ ಸ್ಮಾರ್ಟ್​​ಫೋನ್​ನಲ್ಲಿ ಇಂಟರ್ನೆಟ್​ ಸರಿಯಾಗಿ ಕೆಲಸ ಮಾಡುತ್ತಿಲ್ಲವೇ?, ಇದಕ್ಕೇ ಏನು ಮಾಡೋದು ಅನ್ನೋ ಚಿಂತೆಯಲ್ಲಿದ್ದೀರಾ? ಇಲ್ಲಿದೆ ನೋಡಿ ಸಿಂಪಲ್​ ಟ್ರಿಕ್ಸ್​. ಈ ಟ್ರಿಕ್ಸ್​ ಸರಿಯಾಗಿ ಫಾಲೋ ಮಾಡಿದ್ರೆ ಗ್ಯಾರಂಟಿ ನಿಮ್ಮ ಇಂಟರ್ನೆಟ್​ ಸ್ಪೀಡ್ ಆಗಿ ಕಾರ್ಯನಿರ್ವಹಿಸುತ್ತದೆ.

ನಿಮ್ಮ ಸ್ಮಾರ್ಟ್​​ಫೋನ್​ನ ಇಂಟರ್ನೆಟ್​ ಸ್ಪೀಡ್ ಮಾಡೋದು ಹೇಗೆ?

ಮೊಬೈಲ್ ಅನ್ನು ರೀಸ್ಟಾರ್ಟ್​ ಮಾಡಿ

ನಿಮ್ಮ ಮೊಬೈಲ್​ನಲ್ಲಿ ಡೇಟಾ ಇದ್ದರೂ ಇಂಟರ್ನೆಟ್​ ಸರಿಯಾಗಿ ಕೆಲಸಮಾಡುತ್ತಿಲ್ಲ ಎಂದಾಗ ಮೊದಲು ನಿಮ್ಮ ಸ್ಮಾರ್ಟ್​ಫೋನ್ ಅನ್ನು ರೀಸ್ಟಾರ್ಟ್ ಮಾಡಿ. ಇದರಿಂದ ನಿಮ್ಮ ಸ್ಮಾರ್ಟ್​ಫೋನ್​ ಫ್ರೀ ಆಗುತ್ತದೆ. ಕೆಲವೊಮ್ಮೆ ಮೊಬೈಲ್​ ಬಳಕೆ ಹೆಚ್ಚಾದಾಗ ಈ ರೀತಿಯ ತೊಂದರೆಗಳು ಎದುರಾಗುತ್ತದೆ. ಹಾಗಿದ್ದಾಗ ರೀಸ್ಟಾರ್ಟ್ ಮಾಡುವುದು ಉತ್ತಮ.

ಇದನ್ನೂ ಓದಿ: ಒಂದೇ ಕಂಪೆನಿಯಿಂದ 2 ಸ್ಮಾರ್ಟ್​​ವಾಚ್​ಗಳು ಭಾರತದಲ್ಲಿ ಬಿಡುಗಡೆ! ಹೇಗಿದೆ ಗೊತ್ತಾ ಫೀಚರ್ಸ್​?

ಏರೋಪ್ಲೇನ್​ ಮೋಡ್ ಅನ್ನು ಆನ್ ಮಾಡಿ

ನಿಮ್ಮ ಮೊಬೈಲ್​ನಲ್ಲಿ ನೆಟ್​ವರ್ಕ್​ ಸಮಸ್ಯೆ ಎದುರಾದಾಗ ಏರೋಪ್ಲೇನ್ ಮೋಡ್ ಅನ್ನು ಆನ್ ಮಾಡಿ. ಆದರೆ ಸ್ವಲ್ಪ ನಂತರದ ನಂತರ ಅದನ್ನು ಆಫ್ ಮಾಡಿ. ಇದರಿಂದ ನಿಮ್ಮ ಮೊಬೈಲ್​ ನೆಟ್​ವರ್ಕ್​ ಸೆಟ್ಟಿಂಗ್​ಗಳು ಒಮ್ಮೆ ಸರಿಯಾಗುವ ಚಾನ್ಸಸ್ ಇರುತ್ತದೆ.

ಸಾಂಕೇತಿಕ ಚಿತ್ರ

ಮೊಬೈಲ್​ನ ನೆಟ್​ವರ್ಕ್ ಆಯ್ಕೆಯನ್ನು ಬದಲಾಯಿಸಿ

ಪ್ರತಿಯೊಂದು ಮೊಬೈಲ್​ನಲ್ಲಿ ನೆಟ್​ವರ್ಕ್​ ಆಯ್ಕೆಗಳು ಇರುತ್ತವೆ. ಆದರೆ ಬಳಕೆದಾರರ ಸ್ಥಳಗಳಿಗೆ ತಕ್ಕಂತೆ ಅದು ಕಾರ್ಯನಿರ್ವಹಿಸುತ್ತದೆ. ಕೆಲವರು ತಮ್ಮ ಮೊಬೈಲ್​ಗಳಲ್ಲಿ 2 ಸಿಮ್​ಗಳನ್ನು ಹೊಂದಿರುತ್ತಾರೆ. ನೆಟ್​ವರ್ಕ್​ ಸಮಸ್ಯೆ ಎದುರಾದಾಗ ಬಳಕೆದಾರರಿಗೆ ಸೂಕ್ತ ಎನಿಸುವ ನೆಟ್​ವರ್ಕ್​ ಅನ್ನು ಸೆಲೆಕ್ಟ್ ಮಾಡುವುದು ಉತ್ತಮ.

ಮೊಬೈಲ್​ನಲ್ಲಿರುವ ಸಿಮ್​ ಅನ್ನು ಒಮ್ಮೆ ಪರಿಶೀಲಿಸಿ

ಕೆಲವೊಂದು ಸಂದರ್ಭಗಳಲ್ಲಿ ನಮ್ಮ ಮೊಬೈಲ್​ಗಳು ಕೆಳಗೆ ಬೀಳುತ್ತವೆ. ಆಗ ಸಿಮ್​ನ ಜಾಗ ಬದಲಾವಣೆಯಾಗುತ್ತದೆ. ಅಥವಾ ಕೆಲವೊಂದು ಸಂದರ್ಭದಲ್ಲಿ ನೆಟ್​ವರ್ಕ್​ ಇಲ್ಲದೇ ಇರುವಾಗ ಸಿಮ್​ ಅನ್ನು ಒಮ್ಮೆ ತೆಗೆದು ಮತ್ತೆ ಸೇರಿಸಬೇಕು. ಯಾಕೆಂದರೆ ಇದರಿಂದ ನಿಮ್ಮ ನೆಟ್​ವರ್ಕ್​ ಸರಿಹೊಂದುವ ಚಾನ್ಸಸ್​ ಹೆಚ್ಚಿರುತ್ತದೆ.

ಮೊಬೈಲ್​ ಅಪ್ಡೇಟ್​ ಮಾಡಿದ್ದೀರಾ ಎಂದು ಪರೀಕ್ಷಿಸಿ

ಸ್ಮಾರ್ಟ್​ಫೋನ್​ ಹೊಂದಿರುವವರು ಸಾಫ್ಟ್​ವೇರ್​ ಅಪ್ಡೇಟ್​ ಮಾಡುವುದು ಬಹಳ ಮುಖ್ಯ. ಇದರಿಂದ ಸ್ಮಾರ್ಟ್​ಫೋನ್​ನಲ್ಲಿರುವಂತ ಫೀಚರ್ಸ್​ ಇನ್ನೂ ಗುಣಮಟ್ಟದಲ್ಲಿ ಕೆಲಸ ಮಾಡಲು ಸಹಕಾರಿಯಾಗುತ್ತದೆ. ಹಾಗೇ ಈ ಸ್ಮಾರ್ಟ್​ಫೋನ್​ಗಳಲ್ಲಿ ಕೆಲವೊಮ್ಮೆ ಇಂಟರ್ನೆಟ್​ ಸಮಸ್ಯೆಗಳು ಸಾಫ್ಟ್​​ವೇರ್ ಅಪ್ಡೇಟ್​ ಆಗದೇ ಇರುವ ಸಂದರ್ಭಗಳಲ್ಲಿ ಎದುರಾಗುತ್ತದೆ. ಇದಕ್ಕೆ ಮೊದಲು ಬಳಕೆದಾರರು ಸಾಫ್ಟ್​ವೇರ್​ ಅಪ್ಡೇಟ್​ ಆಗಿದೇಯೋ? ಇಲ್ಲವೋ? ಎಂದು ಚೆಕ್​ ಮಾಡಿಕೊಳ್ಳಬೇಕು.

ಸೆಟ್ಟಿಂಗ್ಸ್​​ನಲ್ಲಿ ನೆಟ್​ವರ್ಕ್​ ಲಿಮಿಟ್ ಅನ್ನು ಚೆಕ್ ಮಾಡಿ

ಪ್ರತಿಯೊಂದು ಸ್ಮಾರ್ಟ್​ಫೋನ್​ಗಳಲ್ಲಿ ಅದರದೇ ಆದಂತಹ ನೆಟ್​ವರ್ಕ್​ ಲಿಮಿಟ್​ಗಳ ಸೆಟ್ಟಿಂಗ್​ಗಳಿರುತ್ತದೆ. 4ಜಿ, 3ಜಿ ಈ ರೀತಿಯ ನೆಟ್​ವರ್ಕ್​ ಅನ್ನು ಆಯ್ಕೆ ಮಾಡಿದ್ದಾಗ ಅದರ ವೇಗ ಕೂಡ ಅಷ್ಟೇ ಮಿತಿಯಲ್ಲಿರುತ್ತದೆ. ಅದಕ್ಕಾಗಿ ಅದರ ಮಿತಿ ಎಷ್ಟಿದೆ ಎಂದು ನೋಡಿಕೊಳ್ಳಬೇಕು.