Technology: ಚಾರ್ಜ್ ಮಾಡಿದ ನಂತರವೂ ಇನ್ವರ್ಟರ್ ಬ್ಯಾಟರಿ ಹೆಚ್ಚು ಕಾಲ ಉಳಿಯುವುದಿಲ್ಲವೇ? ಇಲ್ಲಿದೆ ನೋಡಿ ಟ್ರಿಕ್ಸ್

ಬೇಸಿಗೆಯಲ್ಲಿ ವಿದ್ಯುತ್‌ ಸಮಸ್ಯೆ (Electricity Problem) ಹೆಚ್ಚಾಗುತ್ತಿದ್ದು, ಇದರಿಂದ ವಿದ್ಯುತ್‌ ಕೊರತೆಯೂ ಎದುರಾಗುತ್ತದೆ. ಬೇಸಿಗೆ ಕಾಲದಲ್ಲಿ ಆಗುವ ವಿದ್ಯುತ್ ಕಡಿತವನ್ನು ತಪ್ಪಿಸಲು ಜನರು ಇನ್ವರ್ಟರ್‌ಗಳನ್ನು (Invertor) ಬಳಸುತ್ತಾರೆ. ಆದರೆ ಅನೇಕ ಬಾರಿ ಇನ್ವರ್ಟರ್​​ ಬಳಸುವುದರಿಂದ ಬಳಕೆದಾರರು ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ವಿಶೇಷವಾಗಿ ಬ್ಯಾಟರಿಯ ಚಾರ್ಜಿಂಗ್ ಸಮಸ್ಯೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಇನ್ವರ್ಟರ್ ಬ್ಯಾಟರಿಯನ್ನು (Invertor Battery) ಗಂಟೆಗಳವರೆಗೆ ಚಾರ್ಜ್ ಮಾಡುತ್ತೀರಿ, ಆದರೂ ಅದು ಹೆಚ್ಚು ಕಾಲ ಉಳಿಯುವುದಿಲ್ಲ. ಇದಕ್ಕೆ ಕಾರಣ ಏನು ಅಂತ ಹೆಚ್ಚು ಜನ ಕಂಡುಕೊಳ್ಳುತ್ತಿದ್ದಾರೆ. ಹಾಗಿದ್ರೆ ಇನ್ವರ್ಟರ್​ ಚಾರ್ಜ್​ ವೇಗವಾಗಿ ಮುಗಿಯಲು ಕೆಲವೊಂದು ಕಾರಣಗಳಿವೆ.

ನೀವು ನಿಮ್ಮ ಇನ್ವರ್ಟರ್‌ನ ಬ್ಯಾಟರಿಯನ್ನು 4-5 ಗಂಟೆಗಳ ಕಾಲ ನಿರಂತರವಾಗಿ ಚಾರ್ಜ್ ಮಾಡುತ್ತಿದ್ದರೂ 1 ಗಂಟೆಯ ನಂತರ ಅದು ಖಾಲಿಯಾಗುತ್ತಿದ್ದರೆ ನಿಮ್ಮ ಬ್ಯಾಟರಿಯ ಆಸಿಡ್ ಮಟ್ಟವು ಕಡಿಮೆಯಾಗಿರಬಹುದು ಎಂದರ್ಥ. ಮನೆಯಲ್ಲಿ ಕುಳಿತುಕೊಂಡು ಬ್ಯಾಟರಿಯ ಆಸಿಡ್ ಮಟ್ಟವನ್ನು ನೀವು ಆರಾಮವಾಗಿ ಈ ಮೂಲಕ ಪರಿಶೀಲಿಸಿ.

ಬ್ಯಾಟರಿ ಬೇಗ ಏಕೆ ಖಾಲಿಯಾಗುತ್ತದೆ?

ಚಾರ್ಜ್ ಮಾಡಿದ ಕೆಲ ಗಂಟೆಗಳ ನಂತರವೂ ನಿಮ್ಮ ಇನ್ವರ್ಟರ್ ಬ್ಯಾಟರಿ ದೀರ್ಘ ಬ್ಯಾಕಪ್ ನೀಡದಿದ್ದರೆ, ಮೊದಲು ಅದರ ಆಮ್ಲ ಮಟ್ಟವನ್ನು ಪರಿಶೀಲಿಸಿ. ವಾಸ್ತವವಾಗಿ, ಬ್ಯಾಟರಿಯಲ್ಲಿ ಕಡಿಮೆ ಆಮ್ಲದ ಮಟ್ಟದಿಂದಾಗಿ, ಬ್ಯಾಟರಿಯು ದೀರ್ಘಕಾಲದವರೆಗೆ ಬ್ಯಾಕಪ್ ನೀಡುವುದಿಲ್ಲ. ಕಡಿಮೆ ಬ್ಯಾಟರಿ ಬ್ಯಾಕಪ್‌ಗೆ ಕಡಿಮೆ ಆಸಿಡ್ ಮಟ್ಟ ಮಾತ್ರವಲ್ಲ, ಬ್ಯಾಟರಿಯ ಮೇಲೆ ಹೆಚ್ಚಿನ ಲೋಡ್ ನೀಡುವ ಮೂಲಕ ಬ್ಯಾಟರಿ ಬ್ಯಾಕಪ್ ಕೂಡ ಕಡಿಮೆಯಾಗುತ್ತದೆ. ಅಷ್ಟೇ ಅಲ್ಲ, ಬ್ಯಾಟರಿಯ ಟರ್ಮಿನಲ್‌ನಲ್ಲಿ ಕೊಳೆ ಸಂಗ್ರಹವಾಗುವುದು ಮತ್ತು ಬ್ಯಾಟರಿಯ ಸೀಲಿಂಗ್ ಕೂಡ ಬ್ಯಾಟರಿ ಬ್ಯಾಕಪ್ ಅನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ: ಸ್ವಿಗ್ಗಿ ಪಾರ್ಸೆಲ್​ನಲ್ಲಿ 2000 ರೂಪಾಯಿ ನಕಲಿ ನೋಟು ಪತ್ತೆ! ಗ್ರಾಹಕರು ಶಾಕ್

ಬ್ಯಾಟರಿ ಬ್ಯಾಕಪ್ ಅನ್ನು ಹೇಗೆ ನಿರ್ವಹಿಸುವುದು?

ನಿಮ್ಮ ಇನ್ವರ್ಟರ್ ಬ್ಯಾಟರಿ ದೀರ್ಘಕಾಲದವರೆಗೆ ಹಾನಿಯಾಗದಂತೆ ನೀವು ಬಯಸಿದರೆ, ಬ್ಯಾಟರಿಯ ಆಮ್ಲ ಮಟ್ಟವನ್ನು ನೀವು ಕಾಳಜಿ ವಹಿಸುವುದು ಮುಖ್ಯ. ಅಂದರೆ ಆಸಿಡ್ ಮಟ್ಟವನ್ನು ಪರೀಕ್ಷಿಸಲು ನೀವು ತಜ್ಞರ ಸಹಾಯವನ್ನು ಸಹ ತೆಗೆದುಕೊಳ್ಳಬಹುದು. ಇದರ ಹೊರತಾಗಿ, ಆಸಿಡ್ ಮಟ್ಟವನ್ನು ಪರೀಕ್ಷಿಸಲು ವಿಶೇಷ ರೀತಿಯ ಸಾಧನವಿರುತ್ತದೆ, ಅದನ್ನು ನೀವು ಯಾವುದೇ ಹಾರ್ಡ್‌ವೇರ್ ಅಥವಾ ಬ್ಯಾಟರಿ ಅಂಗಡಿಯಿಂದ ಖರೀದಿಸಬಹುದು.

ಇದಲ್ಲದೆ, ಬ್ಯಾಟರಿಯ ಮೇಲೆ ಹೆಚ್ಚಿನ ಹೊರೆ ಇರಬಾರದು ಎಂಬುದನ್ನು ಸಹ ನೆನಪಿನಲ್ಲಿಡಿ. ಇನ್ವರ್ಟರ್ ಬ್ಯಾಟರಿಯ ಬ್ಯಾಕಪ್ ಅನ್ನು ದೀರ್ಘಕಾಲದವರೆಗೆ ನಿರ್ವಹಿಸಲು, ಬ್ಯಾಟರಿಯ ಟರ್ಮಿನಲ್ ಅನ್ನು ಕಾಲಕಾಲಕ್ಕೆ ಸ್ವಚ್ಛಗೊಳಿಸಬೇಕಾಗುತ್ತದೆ. ಇದರ ಹೊರತಾಗಿ, ಇನ್ವರ್ಟರ್ ಬ್ಯಾಟರಿಯನ್ನು ಒದ್ದೆಯಾದ ಸ್ಥಳದಲ್ಲಿ ಯಾವತ್ತಿಗೂ ಇಡಬೇಡಿ.

ಸ್ಮಾರ್ಟ್​ಫೋನ್​ನ ಬ್ಯಾಟರಿ ಚಾರ್ಜ್​ ಉಳಿಸೋದು ಹೇಗೆ?

ಜಿಪಿಎಸ್ ಆಫ್ ಮಾಡಿ

ಆಂಡ್ರಾಯ್ಡ್ ಫೋನ್‌ ಇರಲಿ ಇಲ್ಲವೇ ಐಫೋನ್ ಆಗಿರಲಿ ಜಿಪಿಎಸ್ ಅಥವಾ ಲೊಕೇಶನ್ ಅನ್ನು ಫೋನ್‌ನಲ್ಲಿ ಗುರುತಿಸಲಾಗುತ್ತದೆ. ಇದು ಹೆಚ್ಚುವರಿ ಬ್ಯಾಟರಿಯನ್ನು ಖರ್ಚು ಮಾಡಿಬಿಡುತ್ತದೆ. ನಿಮ್ಮ ಫೋನ್‌ನಿಂದ ಹೆಚ್ಚುವರಿ ಬ್ಯಾಟರಿ ನಿಮಗೆ ಬೇಕು ಎಂದಾದಲ್ಲಿ, ಇದನ್ನು ಆಫ್ ಮಾಡುವುದೇ ಉತ್ತಮ ಉಪಾಯವಾಗಿದೆ.

ಅನಗತ್ಯ ಆ್ಯಪ್​ಗಳನ್ನು ಡಿಲೀಟ್ ಮಾಡಿ

ಆಂಡ್ರಾಯ್ಡ್ ಇಲ್ಲವೇ ಐಫೋನ್ ಆಗಿರಲಿ ಕೆಲವೊಂದು ಅಪ್ಲಿಕೇಶನ್‌ಗಳು ನಿಮ್ಮ ಫೋನ್‌ನ ಬ್ಯಾಟರಿಗೆ ಮಾರಕವಾಗಿ ಪರಿವರ್ತಿಸಲಿದೆ. ನಿಮ್ಮ ಅಪ್ಲಿಕೇಶನ್‌ಗಳು ಶೇಕಡಾ 10 ಕ್ಕಿಂತ ಅಧಿಕ ಬ್ಯಾಟರಿಯನ್ನು ಬಳಸಿಕೊಳ್ಳುತ್ತಿದೆ ಎಂದಾದಲ್ಲಿ ಇಂತಹ ಅಪ್ಲಿಕೇಶನ್‌ಗಳನ್ನು ನಿವಾರಿಸಿಕೊಳ್ಳಿ.

ಬ್ಯಾಟರಿ ಸೇವರ್​ ಆನ್​ ಮಾಡಿ

ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಫೋನ್‌ಗಳು ಬ್ಯಾಟರಿ ಸೇವರ್​ ಮೋಡ್‌ನಲ್ಲಿ ಬರುತ್ತಿವೆ. ಇದನ್ನು ಆನ್ ಮಾಡಿದಾಗ ಡಿವೈಸ್‌ನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಬೇಡದ ಅಪ್ಲಿಕೇಶನ್‌ಗಳನ್ನು ಈ ಮೋಡ್ ನಿಲ್ಲಿಸುತ್ತದೆ.