Google Photos: ಗೂಗಲ್​ ಫೋಟೋ ಆ್ಯಪ್​ ಬಳಕೆ ಮಾಡ್ತೀರಾ? ಈ ಫೀಚರ್ ಅನ್ನು ನೀವು ನೋಡ್ಲೇಬೇಕು

ಟೆಕ್​ ದೈತ್ಯ ಕಂಪೆನಿಯಾಗಿರುವ ಗೂಗಲ್ (Google)​ ತನ್ನ ಟೆಕ್ನಾಲಜಿ ಯುಗದಲ್ಲಿ ಭಾರೀ ಮುನ್ನಡೆಯಲ್ಲಿದೆ. ಇದರ ಭಾಗವಾಗಿ ಬಂದಂತಹ ಹಲವಾರು ಅಪ್ಲಿಕೇಶನ್​ಗಳು, ಟೆಕ್​ ಡಿವೈಸ್​ಗಳಿಗೆ ಸಹ ಮಾರುಕಟ್ಟೆಯಲ್ಲಿ ಬಹಳಷ್ಟು ಬೇಡಿಕೆಯಿದೆ. ಇದರಲ್ಲಿ ಗೂಗಲ್​ ಫೋಟೋ ಆ್ಯಪ್​ಗಳು ಉತ್ತಮ ಕಾರ್ಯನಿರ್ವಹಿಸುತ್ತಿವೆ. ಯಾವುದೇ ಸ್ಮಾರ್ಟ್​​ಫೋನ್​ಗಳಲ್ಲಿ ಸ್ಟೋರೇಜ್ ಫುಲ್ (Storage Full) ಆದಾಗ ಈ ಅಪ್ಲಿಕೇಶನ್​ ಮಾತ್ರ ತುಂಬಾನೇ ಸಹಕಾರಿಯಾಗುತ್ತದೆ. ಯಾಕೆಂದರೆ ಇಲ್ಲಿ ನಮ್ಮ ಮೊಬೈಲ್​ನಲ್ಲಿರುವಂತಹ ಯಾವುದೇ ಫೋಟೋ, ವಿಡಿಯೋವನ್ನು ಆ್ಯಡ್​ ಮಾಡಬಹುದಾಗಿದೆ. ಇದರಿಂದ ಸ್ಮಾರ್ಟ್​​ಫೋನ್​ನಲ್ಲಿರುವಂತಹ ಸ್ಟೋರೇಜ್ ಸಮಸ್ಯೆಯನ್ನು ನಿವಾರಿಸಬಹುದು. ಇದೀಗ ಹೊಸ ಫೀಚರ್​ ಒಂದು ಗೂಗಲ್​ ಫೋಟೋ ಆ್ಯಪ್​ನಲ್ಲಿ (Google Photos App) ಬಂದಿದ್ದು, ಇನ್ಮುಂದೆ ಈ ಅಪ್ಲಿಕೇಶನ್​ನಲ್ಲು ಆಲ್ಬಮ್​ ರೀತಿಯಲ್ಲಿ ಫೋಲ್ಡರ್ ಕ್ರಿಯೇಟ್ ಮಾಡಬಹುದು.

ಗೂಗಲ್ ಫೋಟೋ ಅಪ್ಲಿಕೇಶನ್​ ಅನೇಕರಿಗೆ ಸ್ಟೋರೇಜ್​ ಸಮಸ್ಯೆಯಲ್ಲಿ ಸಿಲುಕಿಕೊಂಡವರಿಗೆ ಸಹಕಾರಿಯಾಗಿದೆ. ಕಾರಣವೇನೆಂದರೆ ಇಲ್ಲಿ ಯಾವುದೇ ಫೋಟೋ, ವಿಡಿಯೋವನ್ನು ಜೀಮೇಲ್​ ಮೂಲಕ ಆ್ಯಡ್​ ಮಾಡಿಟ್ಟುಕೊಳ್ಳಬಹುದು. ಸದ್ಯ ಇನ್ಮುಂದೆ ಈ ಆ್ಯಪ್​ನಲ್ಲಿ ಆಲ್ಬಮ್​ ಮೂಲಕ ಫೋಲ್ಡರ್ ಅನ್ನು ಕ್ರಿಯೇಟ್​ ಮಾಡಿಕೊಳ್ಳಬಹುದಾಗಿದೆ.

ಗೂಗಲ್ ಫೋಟೋ ಆ್ಯಪ್​ನಲ್ಲಿ ಆಲ್ಬಮ್​ ಕ್ರಿಯೇಟ್​ ಮಾಡುವುದು ಹೇಗೆ?

• ಮೊದಲು ನಿಮ್ಮ ಸ್ಮಾರ್ಟ್‌ಫೋನ್‌ ಅಥವಾ ಟ್ಯಾಬ್ಲೆಟ್‌ನಲ್ಲಿ ಗೂಗಲ್‌ ಫೋಟೋ ಆ್ಯಪ್ ಅನ್ನು ಓಪನ್‌ ಮಾಡಿ. ಇದಾದ ಬಳಿಕ ನಿಮ್ಮ ಜೀಮೇಲ್​ ಮೂಲಕ ಗೂಗಲ್‌‌ ಖಾತೆಗೆ ಸೈನ್‌ ಇನ್‌ ಮಾಡಿ.


• ಸೈನ್‌ ಇನ್‌ ಮಾಡಿದ ನಂತರ ನಿಮಗೆ ನಿಮ್ಮ ಹಲವಾರು ಫೋಟೋಗಳು ಕಾಣಿಸಿಕೊಳ್ಳುತ್ತವೆ. ಈ ಆಯ್ಕೆಯಲ್ಲಿ ನಿಮಗೆ ಬೇಕಾದ ಫೋಟೋಗಳನ್ನು ಸೆಲೆಕ್ಟ್‌ ಮಾಡಿಕೊಳ್ಳಿ.

• ಫೋಟೋಗಳನ್ನು ಸೆಲೆಕ್ಟ್​ ಮಾಡಿದ ನಂತರ ಡಿಸ್‌ಪ್ಲೇನ ಮೇಲ್ಭಾಗದಲ್ಲಿ + (ಪ್ಲಸ್​​) ಐಕಾನ್‌ ಕಾಣಿಸಿಕೊಳ್ಳುತ್ತದೆ ಅದರ ಮೇಲೆ ಟ್ಯಾಪ್‌ ಮಾಡಿ. ಇದರಲ್ಲಿ ಹಲವು ಆಯ್ಕೆಗಳು ಕಾಣಿಸಿಕೊಳ್ಳಲಿದ್ದು, ಈ ಮೂಲಕ ಹೊಸ ಆಲ್ಬಮ್‌ ರಚಿಸಬಹುದು.


• ನಂತರದಲ್ಲಿ ನೀವು ಹೊಸದಾಗಿ ರಚಿಸಿದ ಆಲ್ಬಮ್‌ಗೆ ಒಂದು ಟೈಟಲ್ ಅನ್ನು ನೀಡಬೇಕು.


• ಟೈಟಲ್ ಕೊಟ್ಟ ನಂತರ ನಿಮ್ಮ ಆಲ್ಬಮ್​ ಕ್ರಯೇಟ್ ಆಗುತ್ತದೆ. ಈ ಮೂಲಕ ನಿಮಗೆ ಯಾವಾಗ ಬೇಕಾದರೂ ಈ ಆಲ್ಬಮ್ ಅನ್ನು ಓಪನ್ ಮಾಡಿ ನಿಮಗೆ ಬೇಕಾದ ಫೋಟೋವನ್ನು ನೋಡಬಹುದಾಗಿದೆ.

ಗೂಗಲ್ ಫೋಟೋಸ್​

ಗೂಗಲ್​ ಫೋಟೋ ಆ್ಯಪ್​ನಲ್ಲಿ ಎಷ್ಟು ಫೋಟೋ ಆ್ಯಡ್ ಮಾಡ್ಬಹುದು?

ಗೂಗಲ್​ ಫೋಟೋ ಆ್ಯಪ್ ಸ್ಮಾರ್ಟ್​​ಫೋನ್​ ಬಳಕೆದಾರರ ಸ್ಟೋರೇಜ್​ ಸಮಸ್ಯೆಯನ್ನು ನಿವಾರಿಸಲಿರುವಂತಹ ಒಂದು ದೊಡ್ಡ ವೇದಿಕೆ ಎಂದು ಹೇಳ್ಬಹುದು. ಇನ್ನು ಈ ಆ್ಯಪ್​ ಮೂಲಕ ಫೋಟೋ ಅಥವಾ ವಿಡಿಯೋವನ್ನು ಆ್ಯಡ್​ ಮಾಡಿದ್ರೆ ಬೇರೆ ಯಾವುದೇ ಡಿವೈಸ್​ನಲ್ಲೂ ನೋಡಬಹುದಾಗಿದೆ. ಆದರೆ ನಿಮ್ಮ ಗೂಗಲ್ ಅಕೌಂಟ್​ಗೆ ಸೈಟ್​ ಇನ್​ ಆಗಬೇಕು ಅನ್ನೋದನ್ನು ಗಮನದಲ್ಲಿಡಿ. ಇನ್ನು ಈ ಗೂಗಲ್​ ಆ್ಯಪ್​​ನಲ್ಲಿ ಬಳಕೆದಾರರು ಒಟ್ಟು 20 ಸಾವಿರ ಫೋಟೋ ಮತ್ತು ವಿಡಿಯೋಗಳನ್ನು ಆ್ಯಡ್​ ಮಾಡಬಹುದಾಗಿದೆ.

ಗೂಗಲ್​ನಿಂದ ಕ್ವಿಕ್​ ಡಿಲೀಟ್​ ಫೀಚರ್​ ಬಿಡುಗಡೆ

ಗೂಗಲ್​ ಕ್ರೋಮ್​ ಪರಿಚಯಿಸಿರುವ ಕ್ವಿಕ್​ ಡಿಲೀಟ್​ ಫೀಚರ್​ನ ಆ್ಯಕ್ಟಿವೇಶನ್​ ಫೀಚರ್ ಬಗ್ಗೆ ಇನ್ನು ಯಾವುದೇ ಮಾಹಿತಿಯನ್ನು ಕಂಪೆನಿ ಬಿಡುಗಡೆ ಮಾಡಿಲ್ಲ. ಇದರ ಬಳಕೆ ಸಹ ಹೇಗೆ ಮಾಡುವುದು ಎನ್ನುದರ ಬಗ್ಗೆಯೂ ಮಾಹಿತಿ ಬಹಿರಂಗವಾಗಿಲ್ಲ. ಆದರೆ ಈ ಆಯ್ಕೆಯು ಬಳಕೆದಾರು ಗೂಗಲ್​ ಕ್ರೋಮ್​ನಲ್ಲಿ ಮಾಡಿದಂತಹ ಸರ್ಚ್​ ಹಿಸ್ಟರಿಯನ್ನು ಕೆಲವೇ ನಿಮಿಷಗಳಲ್ಲಿ ಡಿಲೀಟ್ ಮಾಡಬಹುದಾಗಿದೆ. ಇದರಿಂದ ಇನ್ಮುಂದೆ ನಿಮ್ಮ ಗೌಪ್ಯತೆಯನ್ನುಕಾಪಾಡಲು ಸುಲಭವಾಗಲಿದೆ.