Online Shopping Scams: ದೀಪಾವಳಿ ಸೇಲ್​ಗೆ ಮುಗಿಬಿದ್ದು ಹಣ ಕಳ್ಕೋಬೇಡಿ…ಎಚ್ಚರ!

Online Shoping: ದೀಪಾವಳಿ ಮಾರಾಟದ ಸಮಯದಲ್ಲಿ ಖರೀದಿದಾರರು ಆನ್‌ಲೈನ್ ಶಾಪಿಂಗ್ ಹಗರಣಗಳ ಬಗ್ಗೆ ಬಹಳ ಜಾಗರೂಕರಾಗಿರಬೇಕು. ವಂಚನೆಗಳಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಲು ಆನ್‌ಲೈನ್ ಶಾಪಿಂಗ್ ಮಾಡುವಾಗ ಈ ಟಾಪ್ 10 ಸಲಹೆಗಳನ್ನು ಅನುಸರಿಸಿ.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:
    ದೀಪಾವಳಿ ಹಬ್ಬದ ಸಡಗರಕ್ಕೆ ಇನ್ನೇನು ಕೆಲವೇ ದಿನಗಳು ಬಾಕಿ. ಹೀಗಿರುವಾಗ ಹಲವು ಆನ್​ಲೈನ್​ ಶಾಪಿಂಗ್ (Online Shoping)​ ಫ್ಲಾಟ್​ಫಾರ್ಮ್​ಗಳು ಹಬ್ಬದ ಸಲುವಾಗಿ ಕೆಲವು ವಸ್ತುಗಳ ಮೇಲೆ ಆಕರ್ಷಕ ಆಫರ್​ ಜೊತೆಗೆ ಕೊಡುಗೆ ನೀಡುತ್ತಿದೆ. ಕಡಿಮೆ ಬೆಲೆಗೆ ಉತ್ಪನ್ನಗಳನ್ನು ಮಾರಾಟ ಮಾಡುತ್ತಿದೆ. ಅಮೆಜಾನ್ (Amazon) , ಫ್ಲಿಪ್‌ಕಾರ್ಟ್ (Flipkart), ಶಾಪ್‌ಕ್ಲೂಸ್ (shopclues) ಮತ್ತು ಇತರ ಇ-ಕಾಮರ್ಸ್ ಸೈಟ್‌ಗಳು ಕೆಲವು ಭವ್ಯವಾದ ಅವಕಾಶಗಳನ್ನು ಒದಗಿಸುತ್ತಿದೆ. ಮೊಬೈಲ್‌ಗಳು (Mobiles), ಟಿವಿಗಳು (Tv), ಲ್ಯಾಪ್‌ಟಾಪ್‌ಗಳು (Laptop), ಧರಿಸಬಹುದಾದ ವಸ್ತುಗಳು, ಪೀಠೋಪಕರಣಗಳು, ಗೃಹೋಪಯೋಗಿ ವಸ್ತುಗಳು, ಬಟ್ಟೆಗಳನ್ನು ಅನೇಕ ವೆಬ್‌ಸೈಟ್‌ಗಳು ಉಚಿತಗಳ ಜೊತೆಗೆ ಬೆಲೆಗಳಲ್ಲಿ ಭಾರಿ ಕಡಿತವನ್ನು ಘೋಷಿಸಿ ಮಾರುತ್ತಿದೆ. ಈ ಡೀಲ್‌ಗಳು ಅದ್ಭುತವಾಗಿದ್ದರೂ, ಆನ್‌ಲೈನ್ ಶಾಪಿಂಗ್ ಮಾಡುವ ಗ್ರಾಹಕರು ಎಚ್ಚರದಿಂದ ಖರೀದಿಸುವುದು ಒಳಿತು. ಅದರಲ್ಲೂ ಖರೀದಿದಾರರು ಬ್ಯಾಂಕ್ ಖಾತೆ ಮೂಲಕ ಎಲ್ಲಿ ಲಾಗ್ ಇನ್ ಮಾಡುತ್ತೇವೆ ಮತ್ತು ಹೇಗೆ ಪಾವತಿ ಮಾಡುತ್ತೇವೆ ಎಂಬುದರ ಬಗ್ಗೆ ಬಹಳ ಎಚ್ಚರಿಕೆ ಅಗತ್ಯ, ಕೆಲವೊಮ್ಮೆ ಸೈಬರ್ ಅಪರಾಧಿಗಳ ಮೂಲಕ ಹಣವನ್ನು ಕಳೆದುಕೊಳ್ಳುವ ಪ್ರಸಂಗ ಬರಬಹುದು.

    ದೀಪಾವಳಿ ಹಬ್ಬದ ಸಡಗರದಲ್ಲಿರುವ ಅನೇಕರು ಕಡಿಮೆ ಬೆಲೆ, ಆಫರ್​ಗಳನ್ನು ಕಂಡು ಮುಗಿಬೀಳುತ್ತಾರೆ. ಆದರೆ ಆನ್‌ಲೈನ್ ಶಾಪಿಂಗ್​ ವೇಳೆ ಎಷ್ಟು ಜಾಗರೂಕರಾಗಿದ್ದರು ಅಷ್ಟೇ, ಹಾಗಾಗಿ ಶಾಪಿಂಗ್ ಮಾಡುವಾಗ ಹಣವನ್ನು ಹೇಗೆ ಕಳೆದುಕೊಳ್ಳದಂತೆ ಮತ್ತು ಜಾಗರೂಕರಾಗಿರುವಂತೆ ಇರಲು ಗ್ರಾಹಕರಿಗೆ ಕೆಲವು ಟಿಪ್ಸ್​ ಇಲ್ಲಿ ನೀಡಲಾಗಿದೆ.

    ಆನ್‌ಲೈನ್ ಶಾಪಿಂಗ್ ಮಾಡುವಾಗ ಸುರಕ್ಷಿತವಾಗಿರುವುದು ಹೇಗೆ - ಟಾಪ್ 10 ಸಲಹೆಗಳು

    ದೀಪಾವಳಿ ಮಾರಾಟದ ಸಮಯದಲ್ಲಿ ಖರೀದಿದಾರರು ಆನ್‌ಲೈನ್ ಶಾಪಿಂಗ್ ಹಗರಣಗಳ ಬಗ್ಗೆ ಬಹಳ ಜಾಗರೂಕರಾಗಿರಬೇಕು. ವಂಚನೆಗಳಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಲು ಆನ್‌ಲೈನ್ ಶಾಪಿಂಗ್ ಮಾಡುವಾಗ ಈ ಟಾಪ್ 10 ಸಲಹೆಗಳನ್ನು ಅನುಸರಿಸಿ.

    Read Also: Smartphone: ಚೀನಾ ಮೂಲದ ಸ್ಮಾರ್ಟ್​ಫೋನ್ ಕಂಪನಿಯ ಬ್ರ್ಯಾಂಡ್ ಅಂಬಾಸಿಡರ್ ಆದ ಕ್ರಿಕೆಟಿಗ KL Rahul

    1. ಯಾವಾಗಲೂ ಆನ್‌ಲೈನ್‌ನಲ್ಲಿ ಶಾಪಿಂಗ್ ಮಾಡುವ ವೇಳೆ ಅಲ್ಲಿ URL ಗಮನಿಸಿ ಅದರಲ್ಲಿ https:// ನೊಂದಿಗೆ ಪ್ರಾರಂಭವಾಗುತ್ತದೆ ('s' ಎಂದರೆ ಸುರಕ್ಷಿತ ಎಂದು ಅರ್ಥ)

    2. URL ಪ್ರಾರಂಭವಾಗುವ ಮೊದಲೇ ಎಡಭಾಗದಲ್ಲಿ ಲಾಕ್ ಐಕಾನ್ ಕಾಣಿಸುತ್ತದೆ. ಇದರ ಮೂಲಕ ಭದ್ರತಾ ಮಟ್ಟವನ್ನು ಪರಿಶೀಲಿಸಬಹುದು.

    3. ಅಧಿಕೃತ ಅಮೆಜಾನ್, ಫ್ಲಿಪ್‌ಕಾರ್ಟ್, ಶಾಪ್‌ಕ್ಲೂಸ್, ಪೆಪ್ಪರ್‌ಫ್ರೈ ಮತ್ತು ಇತರ ಪ್ರಸಿದ್ಧ ಬ್ರಾಂಡ್‌ಗಳ ವೆಬ್‌ಸೈಟ್‌ಗಳಲ್ಲಿ ಯಾವಾಗಲೂ ಶಾಪಿಂಗ್ ಮಾಡಿ.

    4. ವೈರಸ್ ಮತ್ತು ಫೈರ್‌ವಾಲ್ ನವೀಕೃತಗೊಳಿಸಿ ನಂತರ ಆನ್​ಲೈನ್​ ಮೂಲಕ ಹುಡುಕಾಡಿ

    5. ರಹಸ್ಯ ದತ್ತಾಂಶವನ್ನು ಕೇಳುವ ಸೈಟ್​ಗಳಿವೆ.ಆದರೆ ಅದರ ಬಗ್ಗೆ ಕೊಂಚ ಗಮನಹರಿಸಿಬೇಕು. ಕೆಲವೊಂದು ಕ್ಲಿಕ್​ ಮೂಲಕ ಡೇಟಾ ಕಳವಾಗಬಹುದು.

    6. ಅಪರಿಚಿತರು ಶಿಫಾರಸು ಮಾಡಿದ ಅಪ್ಲಿಕೇಶನ್‌ಗಳನ್ನು ಎಂದಿಗೂ ಡೌನ್‌ಲೋಡ್ ಮಾಡಬೇಡಿ

    7. ನಿಮಗೆ ಪರಿಚಯವಿಲ್ಲದವರು ನಿಮಗೆ ಕಳುಹಿಸಿದ ಲಿಂಕ್‌ಗಳನ್ನು ಎಂದಿಗೂ ಕ್ಲಿಕ್ ಮಾಡಬೇಡಿ.

    8. ನಿಮ್ಮ ಖಾತೆಯ ಪಾಸ್‌ವರ್ಡ್ ಅನ್ನು ಆಗಾಗ್ಗೆ ಬದಲಾಯಿಸಿ

    9. ನಿಮ್ಮ ರಹಸ್ಯ ಬ್ಯಾಂಕ್ ಡೇಟಾವನ್ನು WhatsApp, Facebook ನಲ್ಲಿ ಸಂಬಂಧಿಕರೊಂದಿಗೆ ಹಂಚಿಕೊಳ್ಳಬೇಡಿ.

    10. ಆನ್​ಲೈನ್​ ಶಾಪಿಂಗ್​ ಮಾಡುವಾಗ ಅಟೋ ಪಾಸ್​​ವರ್ಡ್​​ ಸೇವ್​ ಮಾಡಬೇಡಿ. ಕೆಲವೊಮ್ಮೆ ಬ್ಯಾಂಕ್​ ಮಾಹಿತಿಗಳು, ಖಾಸಗಿ ವಿಳಾಸ ಇದರ ಮೂಲಕ ಲೀಕ್​ ಆಗುವ ಸಾಧ್ಯತೆಯಿದೆ.

    Published by:Harshith AS
    First published: