DishTV Offer: ಡಿಶ್​ಟಿವಿ ಸೆಟ್​​-ಟಾಪ್​​ ಬಾಕ್ಸ್​​ ಬಳಕೆದಾರರಿಗೆ ಸಿಗಲಿದೆ ಈ ಸೌಲಭ್ಯ!; ಏನದು?

ಡಿಶ್​​​​​ಟಿವಿ ಸೆಟ್​-ಟಾಪ್​ ಬಾಕ್ಸ್​ ಬಳಕೆದಾರರಿಗೆ ಸಿಹಿ ಸುದ್ದಿಯೊಂದನ್ನ ಹೊತ್ತುತಂದಿದೆ. ಸೆಟ್​-ಟಾಪ್​ ಬಾಕ್ಸ್ ಹೊಂದಿದವರಿಗೆ ಹಂಗಾಮ ಪ್ಲೇ ಆ್ಯಪ್​ ಅನ್ನು ಬಳಸುವ ಆಯ್ಕೆಯನ್ನು ನೀಡುತ್ತಿದೆ. ಡಿಟಿಎಚ್​ ಸೇವೆ ಒದಗಿಸುವ ಡಿಶ್​ಟಿವಿ ಇಂದು ಹಂಗಾಮ ಪ್ಲೇ ಜೊತೆಗೆ ಕೈಜೋಡಿಸಿಕೊಂಡಿರುವುದಾಗಿ ತಿಳಿಸಿದೆ. ಆ ಮೂಲಕ ಡಿಶ್​ಟಿವಿ ಇಂಡಿಯಾ ಆ್ಯಂಡ್ರಾಯ್ಡ್​ ಸೆಟ್​-ಟಾಪ್​ ಬಾಕ್ಸ್​ ಬಳಕೆದಾರರಿಗೆ ಹಂಗಾಮ ಪ್ಲೇ ಬಳಸಲು ಅವಕಾಶ ನೀಡಿದೆ. ಬಳಕೆದಾರರಿಗೆ ಹೊಸ ಅನುಭವವನ್ನು ಒದಗಿಸುವ ಸಲುವಾಗಿ ಡಿಶ್​ಟಿವಿ ಈ ಸೇವೆಯನ್ನು ನೀಡುತ್ತಿದೆ. ಪ್ರೀಮಿಯಂ, ಮಲ್ಟಿಲಿಂಗ್ವಲ್​, ಮಲ್ಟಿ-ಜನರೇಶನ್​ ಎಂಬ ಮೂರು ಆಯ್ಕೆಯಲ್ಲಿ ಹಂಗಾಮ ಪ್ಲೇ ಅನ್ನು ಬಳಸಬಹುದಾಗಿದೆ.

ಇನ್ನು ಹಂಗಾಮದಲ್ಲಿ 5 ಸಾವಿರ ಹಿಂದಿ, ಇಂಗ್ಲೀಷ್​ ಮತ್ತು ಪ್ರಾದೇಶಿಕ ಭಾಷೆಯ ಸಿನಿಮಾಗಳಿವೆ. 1500 ಶಾರ್ಟ್​ ಫಿಲ್ಮ್​ಗಳಿವೆ. ಜೊತೆಗೆ ಮಕ್ಕಳ ಸಿನಿಮಾ ಇದರಲ್ಲಿದೆ.

ಡಿಶ್​ಟಿವಿ ಇದಕ್ಕೆಂದೇ ನಾಲ್ಕು ಪ್ಲಾನ್​​ಗಳನ್ನು ಪರಿಚಯಿಸಿದೆ. 29 ರೂ ರೀಚಾರ್ಜ್​ ಮಾಡಿದರೆ ವಾರಂತ್ಯದವರೆಗೆ ವೀಕ್ಷಿಸಬಹುದಾಗಿದೆ. 99 ರೀಚಾರ್ಜ್​ ಮಾಡಿದರೆ ಒಂದು ತಿಂಗಳ ಕಾಲ ವೀಕ್ಷಿಸಬಹುದು. ಅಂತೆಯೇ ವಾರ್ಷಿಕ ಪ್ಲಾನ್​ ಅನ್ನು ಪರಿಚಯಿಸಿದೆ.