Apple Iphone: ಕಳೆದು ಹೋದ ಅಥವಾ ಕದ್ದ ಐಫೋನ್​ ಅನ್ನು ರಿಪೇರಿ ಮಾಡುವುದಿಲ್ಲ! ಇದು ಆ್ಯಪಲ್​ ಕಂಪನಿಯ ಮಹತ್ವದ ನಿರ್ಧಾರ!

Iphone: ಇದು ಹೊಸ ಬದಲಾವಣೆಯಲ್ಲ ಮತ್ತು ಇದು ಕಂಪನಿಯ ಅಸ್ತಿತ್ವದಲ್ಲಿರುವ ನೀತಿಯ ವಿಸ್ತರಣೆಯಾಗಿದ್ದು, ಕಳೆದುಹೋದ ಅಥವಾ ಕದ್ದ ಸಾಧನಗಳಿಗೆ ಯಾವುದೇ ರಿಪೇರಿಗಳನ್ನು ಒದಗಿಸಲು ಬಯಸುದಿಲ್ಲ ಎಂದು ಆ್ಯಪಲ್​ ಹೇಳಿದೆ.

ಆ್ಯಪಲ್

ಆ್ಯಪಲ್

  • Share this:
    ಕ್ಯುಪರ್ಟಿನೋ ಮೂಲದ ದೈತ್ಯ ಆ್ಯಪಲ್ (Apple) ಕಂಪನಿ ಕಳೆದುಹೋದ ಅಥವಾ ಕಳವು ಎಂದು ವರದಿಯಾದ ಐಫೋನ್‌ಗಳನ್ನು (Iphone) ಇನ್ನು ಮುಂದೆ ರಿಪೇರಿ ಮಾಡುವುದಿಲ್ಲ ಎಂದು ಘೋಷಿಸಿದೆ. ಆ್ಯಪಲ್ (Apple) ಬಳಸುವ MobileGenius ಅಥವಾ GSX ವ್ಯವಸ್ಥೆಯಲ್ಲಿ ಕಾಣೆಯಾಗಿದೆ ಎಂದು ಗುರುತಿಸಲಾದ ಐಫೋನ್ ಅನ್ನು ತರುವ ಬಳಕೆದಾರರಿಗೆ ರಿಪೇರಿ (Repair) ನಿರಾಕರಿಸಲಾಗುತ್ತದೆ. ಹಾಗಾಗಿ ಆ್ಯಪಲ್ ಸ್ಟೋರ್​ (Apple Store) ಉದ್ಯೋಗಿಗಳು ಮತ್ತು ಆ್ಯಪಲ್​ ಅಧಿಕೃತ ಸೇವಾ ಪೂರೈಕೆದಾರರು ತನ್ನ ಬಳಕೆದಾರರಿಗೆ ಈ ಸೇವೆಗಳನ್ನು ನೀಡುದಿಲ್ಲ. ಅಂದಹಾಗೆಯೇ ಆ್ಯಪಲ್​ ಸ್ಟೋರ್‌ಗಳು (Apple Store) ಮತ್ತು ಆ್ಯಪಲ್​ ಅಧಿಕೃತ ಸೇವಾ ಪೂರೈಕೆದಾರರಲ್ಲಿ ಕೆಲಸ ಮಾಡುತ್ತಿರುವ ತನ್ನ ಎಲ್ಲಾ ಉದ್ಯೋಗಿಗಳಿಗೆ ಆ್ಯಪಲ್​ ಕಳುಹಿಸಿರುವ ಆಂತರಿಕ ಮೆಮೊದಲ್ಲಿ ಹೊಸ ಬದಲಾವಣೆ ಕಂಡುಬಂದಿದೆ.

    ಆ್ಯಪಲ್ ಈಗ GSMA ಡಿವೈಸ್ ರಿಜಿಸ್ಟ್ರಿ ಡೇಟಾಬೇಸ್ ಅನ್ನು ಬಳಸಲು ಪ್ರಾರಂಭಿಸುತ್ತದೆ,ಒಂದು ವೇಲೆ ಅದು ರಿಪೇರಿ ಪ್ರಾರಂಭಿಸುವ ಮೊದಲು ಕಳೆದುಹೋದ ಐಫೋನ್​ ಎಂದು ಗುರುತಾದರೆ ಅಥವಾ ಡೇಟಾಬೇಸ್ ಮತ್ತು ಕಂಪನಿಯ ಆಂತರಿಕ ವ್ಯವಸ್ಥೆಗಳು ಐಫೋನ್ ಕಾಣೆಯಾಗಿದೆ ಎಂದು ವರದಿ ಮಾಡಿದರೆ, ತಂತ್ರಜ್ಞರು ರಿಪೇರಿಯನ್ನು ನಿರಾಕರಿಸಬೇಕು.

    ಇದು ಹೊಸ ಬದಲಾವಣೆಯಲ್ಲ ಮತ್ತು ಇದು ಕಂಪನಿಯ ಅಸ್ತಿತ್ವದಲ್ಲಿರುವ ನೀತಿಯ ವಿಸ್ತರಣೆಯಾಗಿದ್ದು, ಕಳೆದುಹೋದ ಅಥವಾ ಕದ್ದ ಸಾಧನಗಳಿಗೆ ಯಾವುದೇ ರಿಪೇರಿಗಳನ್ನು ಒದಗಿಸಲು ಬಯಸುದಿಲ್ಲ ಎಂದು ಆ್ಯಪಲ್​ ಹೇಳಿದೆ. ಆದಾಗ್ಯೂ, ಫೈಂಡ್ ಮೈ ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸಿದ ಐಫೋನ್‌ಗಳಿಗೆ ಇದು ಅನ್ವಯಿಸುತ್ತದೆ.

    ಇದನ್ನೂ ಓದಿ: Airtel ಮಹಿಳಾ ಉದ್ಯೋಗಿಗಳಿಗೆ ಬಂಪರ್: ಮಗುವಿಗೆ 18 ತಿಂಗಳು ಆಗುವವರೆಗೂ 7 ಸಾವಿರ ಹೆಚ್ಚುವರಿ ಬೋನಸ್

    ಹೊಸ ಬದಲಾವಣೆಯೊಂದಿಗೆ, ಫೈಂಡ್ ಮೈ ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸದ ಐಫೋನ್‌ಗಳಿಗೆ ರಿಪೇರಿ ಮಾಡುವುದನ್ನು ಆ್ಯಪಲ್​ ನಿರಾಕರಿಸುತ್ತದೆ. ಆದರೆ ಫೈಂಡ್ ಮೈ ಫೀಚರ್ ಅನ್ನು ಸಕ್ರಿಯಗೊಳಿಸಿರುವ ಐಫೋನ್‌ಗಳಿಗೆ ಏನೂ ಬದಲಾಗುವುದಿಲ್ಲ.

    ಐಫೋನ್‌ಗಳ ಕಳ್ಳತನ ಮತ್ತು ನಷ್ಟವನ್ನು ತಪ್ಪಿಸಲು ಆ್ಯಪಲ್ ಅನೇಕ ವೈಶಿಷ್ಟ್ಯಗಳನ್ನು ಹೊಂದಿದೆ. ಕಳೆದುಹೋದ ಆ್ಯಪಲ್ ಸಾಧನಗಳನ್ನು ಹುಡುಕಲು ಕಂಪನಿಯ ಫೈಂಡ್ ಮೈ ಆ್ಯಪಲ್ ಬಳಕೆದಾರರಲ್ಲಿ ಜನಪ್ರಿಯ ಅಪ್ಲಿಕೇಶನ್ ಆಗಿದೆ. ಯಾರಾದರೂ ಆ್ಯಪಲ್ನ ಐಟಂ ಟ್ರ್ಯಾಕರ್‌ಗಳನ್ನು ಬಳಸಿಕೊಂಡು ಅವುಗಳನ್ನು ಹಿಂಬಾಲಿಸಲು ಪ್ರಯತ್ನಿಸುತ್ತಿದ್ದರೆ, ಆ್ಯಪಲ್ ನ ಫೈಂಡ್ ಮೈ ಬಳಕೆದಾರರಿಗೆ ಅಪರಿಚಿತ ಏರ್‌ಟ್ಯಾಗ್‌ಗಳನ್ನು ಹಿಡಿದಿಟ್ಟುಕೊಳ್ಳಲು ಸಹಾಯ ಮಾಡುತ್ತದೆ.

    ಇದನ್ನೂ ಓದಿ: Hangouts: ಐಫೋನ್, ಹೊಸ ಆ್ಯಂಡ್ರಾಯ್ಡ್ ಬಳಕೆದಾರರಿಗಾಗಿ ಕ್ಲಾಸಿಕ್ ಹ್ಯಾಂಗೌಟ್ಸ್ ಅಪ್ಲಿಕೇಶನ್ ತೆಗೆದು ಹಾಕಿದ ಗೂಗಲ್

    ಇತ್ತೀಚಿನ iOS 15.4 ಅಪ್‌ಡೇಟ್‌ನೊಂದಿಗೆ, ಆ್ಯಪಲ್ ಏರ್​ಟ್ಯಾಗ್​ (Apple AirTag) ಮತ್ತು ಫೈಂಡ್​ ಮೈ ಅಪ್ಲಿಕೇಶನ್‌ಗೆ ನವೀಕರಣಗಳ ಮೊದಲ ತರಂಗವನ್ನು ತಂದಿತು. ಒಪ್ಪಿಗೆಯಿಲ್ಲದೆ ಯಾರನ್ನಾದರೂ ಟ್ರ್ಯಾಕ್ ಮಾಡುವುದು ಅಪರಾಧ ಎಂದು ಎಚ್ಚರಿಸಲು ಏರ್‌ಟ್ಯಾಗ್ ಅನ್ನು ಹೊಂದಿಸುವಾಗ ಬಳಕೆದಾರರು ಈಗ ಪಾಪ್-ಅಪ್ ಪಡೆಯುತ್ತಾರೆ.
    Published by:Harshith AS
    First published: