Coca-Cola Smartphone: ಬಿಡುಗಡೆಗೂ ಮೊದಲೇ ಲೀಕ್ ಆಯ್ತು ಕೋಕಾ ಕೋಲಾ ಮೊಬೈಲ್ ಫೀಚರ್ಸ್​! ಹೀಗಿದೆ ನೋಡಿ

ಸ್ಮಾರ್ಟ್​​ಫೋನ್​ಗಳು (Smartphones) ಇತ್ತೀಚಿನ ಟೆಕ್​ ಮಾರುಕಟ್ಟೆಯಲ್ಲಿ ಭಾರೀ ಮುಂಚೂಣಿಯಲ್ಲಿದೆ. ಅದೇ ರೀತಿ ಕಂಪೆನಿಗಳು ಸಹ ಹೊಸ ಹೊಸ ಮಾದರಿಯ ಮೊಬೈಲ್​​ಗಳನ್ನು ಬಿಡುಗಡೆ ಮಾಡುತ್ತಿರುತ್ತಾರೆ. ಇತ್ತೀಚೆಗೆ ಸ್ಮಾರ್ಟ್​​ಫೋನ್​ಗಳಿಗೆ ಬೇಡಿಕೆ ಹೆಚ್ಚಿದೆ ಹೌದು, ಆದರೆ ಇದರ ಜೊತೆಗೆ ಕೆಲವೊಂದು ಹೊಸ ಕಂಪೆನಿಗಳು ಸಹ ಹುಟ್ಟಿಕೊಳ್ತಾ ಇದೆ. ಈ ಕಂಪೆನಿಗಳು ಜನರನ್ನು ತನ್ನತ್ತ ಆಕರ್ಷಿಸುವ ಸಲುವಾಗಿ ಗುಣಮಟ್ಟದ ಪ್ರೊಸೆಸರ್​, ವಿನ್ಯಾಸ ಹೊಂದಿದ ಸ್ಮಾರ್ಟ್​​ಫೋನ್​ಗಳನ್ನು ಪರಿಚಿಯಿಸುತ್ತದೆ. ಇದೀಗ ಜನಪ್ರಿಯ ತಂಪು ಪಾನೀಯ ತಯಾರಿಕಾ ಬ್ರಾಂಡ್​​ ಆಗಿರುವ ಕೋಕಾ ಕೋಲಾ ಕಂಪೆನಿ (Coca-Cola Company) ಹೊಸ ಸ್ಮಾರ್ಟ್​​ಫೋನ್​ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ಸ್ಮಾರ್ಟ್​ಫೋನ್​ ರಿಯಲ್​ಮಿ ಸ್ಮಾರ್ಟ್​​ಫೋನ್​ನ (Realme Smartphone) ವರ್ಷನ್​ನೊಂದಿಗೆ ಬಿಡುಗಡೆಯಾಗುತ್ತದೆ.

ಕೋಕಾ ಕೋಲಾ ಕಂಪೆನಿಯಿಂದ ಬರುತ್ತಿರುವ ಹೊಸ ಸ್ಮಾರ್ಟ್​​ಫೋನ್​ ಇದೇ ಫೆಬ್ರವರಿ 10ರಂದು ಲಾಂಚ್​ ಆಗಲಿವೆ ಎಂದು ವರದಿಯಾಗಿದೆ. ಈ ಸ್ಮಾರ್ಟ್​​​ಫೋನ್​ ಬಿಡುಗಡೆಗೆ ಮೊದಲೇ ಇದರ ಫೋಟೋಗಳು, ಕೆಲವೊಂದು ಫೀಚರ್ಸ್​ಗಳು ಸೋರಿಕೆಯಾಗಿದ್ದು, ಇದರ ಸಂಪೂರ್ಣ ಮಾಹಿತಿ ಈ ಲೇಖನದಲ್ಲಿದೆ.

ರಿಯಲ್​ಮಿಯನ್ನು ಹೋಲುವ ಕೋಕಾ ಕೋಲಾ ಸ್ಮಾರ್ಟ್​​​ಫೋನ್​

ರಿಯಲ್‌ಮಿ ಭಾರತದಲ್ಲಿ ಹೊಸ ಸ್ಮಾರ್ಟ್‌ಫೋನ್ ಅನ್ನು ಲಾಂಚ್‌ ಮಾಡಲು ಮುಂದಾಗಿದ್ದು, ಈ ಮೂಲಕ ಈ ವಿಶೇಷ ರೂಪಾಂತರವನ್ನು ಮಾರುಕಟ್ಟೆಗೆ ಪರಿಚಯಿಸಲು ಕೋಕಾ-ಕೋಲಾದೊಂದಿಗೆ ಸಹಕರಿಸುತ್ತಿದೆ ಎಂದು ತಿಳಿದುಬಂದಿದೆ. ಈ ಹೊಸ ಸ್ಮಾರ್ಟ್‌ಫೋನ್‌ಗೆ ರಿಯಲ್‌ಮಿ 10 ಪ್ರೋ ನ ವಿಶೇಷ ಆವೃತ್ತಿ ಎಂದು ತಿಳಿದುಬಂದಿದೆ. ಹಾಗೆಯೇ ರಿಯಲ್‌ಮಿ 10 ಪ್ರೋ ಸ್ಮಾರ್ಟ್‌ಫೋನ್‌ ಅನ್ನು ಕಳೆದ ವರ್ಷದ ಕೊನೆಯಲ್ಲಿ ಭಾರತದಲ್ಲಿ ಲಾಂಚ್‌ ಮಾಡಲಾಗಿತ್ತು.

ವಿನ್ಯಾಸ ಹೇಗಿದೆ?

ಇನ್ನು ಕೋಕಾ ಕೋಲಾ ಕಂಪೆನಿಯಿಂದ ಬಿಡುಗಡೆಯಾಗುತ್ತಿರುವ ಸ್ಮಾರ್ಟ್​​ಫೋನ್​ನ ಲೀಕ್ ಆದ ಚಿತ್ರಗಳ ಪ್ರಕಾರ, ಈ ಮೊಬೈಲ್​ ರಿಯರ್‌ ಪ್ಯಾನೆಲ್ ವಿನ್ಯಾಸದಲ್ಲಿ ಡ್ಯುಯಲ್ ಟೋನ್ ಕಲರ್​ನಲ್ಲಿ ಬಿಡುಗಡೆಯಾಗಲಿದೆ. ಅಂದರೆ ರಿಯರ್‌ ಪ್ಯಾನೆಲ್‌ನ ಹಿಂಭಾಗದಲ್ಲಿ ಮೂರನೇ ಒಂದು ಭಾಗವು ಕಪ್ಪು ಬಣ್ಣವನ್ನು ಹೊಂದಿದೆ. ಇದರಲ್ಲಿ ರಿಯಲ್​ಮಿ ಬ್ರಾಂಡ್​​ನ ಲೋಗೋ ಹೆಸರನ್ನು ಬರೆಯಲಾಗಿದೆ.

ಹಾಗೆಯೇ ಉಳಿದ ಭಾಗವು ಕೆಂಪು ಬಣ್ಣದಿಂದ ಕೂಡಿದ್ದು, ಇದರ ಮೇಲೆ ಕೋಕಾ-ಕೋಲಾ ಬ್ರ್ಯಾಂಡಿಂಗ್ ಅನ್ನು ಸ್ಲ್ಯಾಪ್ ಮಾಡಲಾಗಿದೆ. ಇನ್ನು ವಿಶೇಷವಾಗಿ ಈ ಸ್ಮಾರ್ಟ್​​ಫೋನ್​ ರಿಯಲ್‌ಮಿ 10 ಪ್ರೋ ಸ್ಮಾರ್ಟ್‌ಫೋನ್‌ನ ಫೀಚರ್ಸ್‌ ಅನ್ನೇ ಹೊಂದಿರಲಿದೆ ಎನ್ನಲಾಗಿದ್ದು, ವಿನ್ಯಾಸ ಮಾತ್ರ ವಿಭಿನ್ನತೆಯನ್ನು ಹೊಂದಿರುತ್ತದೆ ಎನ್ನಲಾಗಿದೆ. ಹಾಗಿದ್ರೆ ರಿಯಲ್‌ಮಿ 10 ಪ್ರೋ ಫೀಚರ್ಸ್‌ ಹೇಗಿದೆ ಎಂದು ಈ ಕೆಳಗಿನ ಲೇಖನದಲ್ಲಿ ಓದಿ.

ಕೋಕಾ ಕೋಲಾ ಸ್ಮಾರ್ಟ್​​ಫೋನ್​

ರಿಯಲ್​ಮಿ 10 ಪ್ರೋ 5ಜಿ ಸ್ಮಾರ್ಟ್​​ಫೋನ್​ ಫೀಚರ್ಸ್

ರಿಯಲ್‌ಮಿ 10 ಪ್ರೋ 5ಜಿ ಸ್ಮಾರ್ಟ್‌ಫೋನ್‌ 6.72 ಇಂಚಿನ ಫುಲ್‌ ಹೆಚ್‌ಡಿ + ಡಿಸ್‌ಪ್ಲೇ ಹೊಂದಿದೆ. ಹಾಗೆಯೇ ಇದು 120Hz ರಿಫ್ರೆಶ್ ರೇಟ್‌ ನೀಡಲಿದ್ದು, ಸೆಲ್ಫಿ ಕ್ಯಾಮೆರಾ ಉದ್ದೇಶಕ್ಕಾಗಿ ಮೇಲ್ಭಾಗದ ಮಧ್ಯದಲ್ಲಿ ಪಂಚ್ ಕಟೌಟ್‌ನ ಶೈಲಿ ಪಡೆದುಕೊಂಡಿದೆ. ಇದರೊಂದಿಗೆ ಕ್ವಾಲ್‌ಕಾಮ್ ಸ್ನಾಪ್‌ಡ್ರಾಗನ್ 695 ಎಸ್​ಓಸಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುವ ಈ ಫೋನ್‌ 8ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್‌ ಸ್ಟೋರೇಜ್‌ ಸಾಮರ್ಥ್ಯದೊಂದಿಗೆ ಲಾಂಚ್‌ ಆಗಿದೆ.

ಇದನ್ನೂ ಓದಿ: ಅಪಾಯಕಾರಿ ಆ್ಯಪ್‌ಗಳ ಮೇಲೆ ಗೂಗಲ್ ಹದ್ದಿನಕಣ್ಣು, 12 ಆಂಡ್ರಾಯ್ಡ್ ಅಪ್ಲಿಕೇಶನ್‌ಗಳು ಡಿಲೀಟ್!

ಹಾಗೆಯೇ ರಿಯರ್‌ ಡ್ಯುಯಲ್ ಕ್ಯಾಮೆರಾ ರಚನೆ ಇದರಲ್ಲಿದ್ದು, 108 ಎಮ್​ಪಿ ಪ್ರಮುಖ ಕ್ಯಾಮೆರಾ ಸೆನ್ಸಾರ್​​ ಹಾಗೂ 2 ಮೆಗಾಪಿಕ್ಸೆಲ್​ ಮ್ಯಾಕ್ರೋ ಸೆನ್ಸಾರ್​ ಆಯ್ಕೆ ಇದೆ. ಇನ್ನು ಈ ಫೋನ್‌ನ ಬ್ಯಾಟರಿ ವಿಚಾರಕ್ಕೆ ಬರುವುದಾದರೆ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿದ್ದು, ಈ ಬ್ಯಾಟರಿಯು 33W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.