ChatGPT: ಬೆಂಗಳೂರಿನ ಕಾಲೇಜುಗಳಲ್ಲಿ ಚಾಟ್​​ಜಿಪಿಟಿ ಟೆಕ್ನಾಲಜಿ ಬ್ಯಾನ್​! ಕಾರಣವೇನು ಗೊತ್ತಾ?

ಇದು ಟೆಕ್ನಾಲಜಿ ಯುಗ. ಹೊಸ ಹೊಸ ಟೆಕ್ನಾಲಜಿಗಳನ್ನು (Technology) ಟೆಕ್​ ಕಂಪೆನಿಗಳು ದಿನ ಕಳೆದಂತೆ ಅಭಿವೃದ್ಧಿ ಪಡಿಸುತ್ತಲೇ ಇರುತ್ತದೆ. ಈಗಂತೂ ಜಾಗತಿಕ ಟೆಕ್ನಾಲಜಿ ಮಾರುಕಟ್ಟೆಯಲ್ಲಿ ಚಾಟ್​ಜಿಪಿಟಿ (ChatGPT) ಭಾರೀ ಸದ್ದು ಮಾಡುತ್ತಿದೆ. ಚಾಟ್​​ಜಿಪಿಟಿ ಎಂಬುದು ಒಂದು ಆಧುನಿಕ ಯುಗದಲ್ಲಿ ಬಿಡುಗಡೆಯಾದಂತಹ ಹೊಸ ತಂತ್ರಜ್ಞಾನವಾಗಿದೆ. ಎಐ ತಂತ್ರಜ್ಞಾನದ ಮೂಲಕ ಅಭಿವೃದ್ಧಿ ಪಡಿಸಲಾದ ಈ ಸಿಸ್ಟಮ್ ಇದೀಗ ಭಾರೀ ಸದ್ದಿನಲ್ಲಿದೆ. ಅಂದಹಾಗೆ ಈ ತಂತ್ರಜ್ಞಾನವನ್ನು ಬೆಂಬಲಿಸುವ ಕೆಲ ಟೆಕ್ನಾಲಜಿಯನ್ನು ಕೆಲ ಕಾಲೇಜುಗಳಲ್ಲಿ ಬ್ಯಾನ್​ ಮಾಡಲಾಗಿದೆ. ಟೆಕ್​ ಕಂಪೆನಿಗಳು (Tech Company) ಇದೇ ರೀತಿಯ ಹಲವು ಆವಿಷ್ಕಾರಗಳನ್ನು ಮಾಡುತ್ತಿರುತ್ತದೆ. ಆದರೆ ಇದರಿಂದ ಕೆಲವೊಮ್ಮೆ ಲಾಭಗಳು ಹೆಚ್ಚಿರುತ್ತದೆ. ಆದರೆ ಕೆಲವೊಂದು ಬಾರಿ ನಷ್ಟಗಳು ಕೂಡ ಸಂಭವಿಸುತ್ತದೆ.

ಚಾಟ್​​ಜಿಪಿಟಿ ಎಂಬುದು ಮಾನವರಂತೆಯೇ ಕಾರ್ಯನಿರ್ವಹಿಸುವಂತಹ ಒಂದು ತಂತ್ರಜ್ಞಾನವಾಗಿದೆ. ಇದು ವೆಬ್​ ಬಳಕೆದಾರರು ಯಾವುದೇ ಪ್ರಶ್ನೆಗಳನ್ನು ಕೇಳಿದ್ರೂ ಸರಿಯಾದ ಉತ್ತರವನ್ನು ವಾಯ್ಸ್​ ಮೂಲಕ ನೀಡುತ್ತದೆ. ಆದರೆ ಈ ಟೆಕ್ನಾಲಜಿಯನ್ನು ಇದೀಗ ಬೆಂಗಳೂರಿನ ಕೆಲ ಕಾಲೇಜುಗಳಲ್ಲಿ ಬ್ಯಾನ್​ ಮಾಡಲಾಗಿದೆ ಎಂದು ಸುದ್ದಿಯಾಗಿದೆ. ಕಾಲೇಜಿನ ಈ ನಿರ್ಧಾರಕ್ಕೆ ಕಾರಣಗಳೇನು ಎಂಬುದಕ್ಕೆ ಉತ್ತರ ಈ ಲೇಖನದಲ್ಲಿದೆ.

ಚಾಟ್​ಜಿಪಿಟಿ ಎಂದರೇನು?

ಚಾಟ್​​ಜಿಪಿಟಿ ಎಂಬದು ಇದೊಂದು ಎಐ ತಂತ್ರಜ್ಞಾನದ ಮೂಲಕ ಕಾರ್ಯನಿರ್ವಹಿಸುವಂತಹ ಚಾಟ್‌ಬಾಟ್ ಆಗಿದ್ದು, ಇದನ್ನು ಓಪನ್ ಎಐ ಎಂಬ ಸಂಸ್ಥೆ ಪರಿಚಯಿಸಿದೆ. ಅಂತೆಯೇ ಮನುಷ್ಯನ ಅಲೋಚನೆಗೆ ಸರಿಸಮನಾಗಿ ಚಾಟ್​ಜಿಪಿಟಿ ಯೋಚನೆ ಮಾಡಲಿದ್ದು, ಇದರ ಮೂಲಕ ನೀವು ಏನೇ ಪ್ರಶ್ನೆ ಕೇಳಿದರೂ ಸಹ ಬಹುಪಾಲು ಸರಿಯಾದ ವಿವರ ಇರುವ ಉತ್ತರವನ್ನು ನೀಡುತ್ತದೆ.

ವಿದ್ಯಾರ್ಥಿಗಳಿಗೆ ಇದರಿಂದೇನು ಲಾಭ?

ಕಾಲೇಜು ವಿಭಾಗಗಳಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರುವ ವಿದ್ಯಾರ್ಥಿಗಳಿಗೆ ಸಾಮಾನ್ಯವಾಗಿ ಅಸೈನ್​ಮೆಂಟ್​ಗಳನ್ನು ನೀಡುತ್ತಿರುತ್ತಾರೆ. ಆದರೆ ಇದು ವಿದ್ಯಾರ್ಥಿಗಳ ಶಿಕ್ಷಣವನ್ನು ಅಭವೃದ್ಧಿ ಪಡಿಸುವ ದೃಷ್ಟಿಯಿಂದ ನೀಡಲಾಗುತ್ತದೆ. ಆದರೆ ಕೆಲ ವಿದ್ಯಾರ್ಥಿಗಳು ಶಿಕ್ಷಕರು ನೀಡುವಂತಹ ಆ ಅಸೈನ್​​ಮೆಂಟ್​ಗಳನ್ನು ತಾವಾಗಿಯೇ ಸ್ವತಃ ಆಲೋಚಿಸಿ ಬರೆಯುವ ಬದಲು ಚಾಟ್​ಜಿಪಿಟಿಯ ಸಹಾಯದಿಂದ ಉತ್ತರ ಪಡೆದುಕೊಳ್ಳುತ್ತಿದ್ದಾರೆ. ಈ ಮೂಲಕ ತಮ್ಮ ಸ್ವಂತ ಯೋಚನೆಯಿಂದ ಬರೆಯದೆ ಚಾಟ್​ಜಿಪಿಟಿ ನೀಡ ಉತ್ತರವನ್ನೇ ಶಿಕ್ಷಕರಿಗೆ ಒಪ್ಪಿಸುತ್ತಿದ್ದಾರೆ ಎಂಬ ದೂರುಗಳು ಬರುತ್ತಿವೆ. ಪ್ರಮುಖ ವಿಷಯ ಎಂದರೆ ಕೇವಲ ಚಾಟ್​​ಜಿಪಿಟಿ ಮಾತ್ರವಲ್ಲದೆ ಗಿಥಬ್ ಕಾಪಿಲಟ್ ಮತ್ತು ಬ್ಲಾಕ್‌ಬಾಕ್ಸ್‌ನಂತಹ ಎಐ ಪ್ಲಾಟ್‌ಫಾರ್ಮ್‌ಗಳು ಸಹ ಈ ಕೆಲಸ ಮಾಡುತ್ತಿವೆ.

ಸಾಂಕೇತಿಕ ಚಿತ್ರ

ಇದಲ್ಲದೆ ಇದು ಪ್ರಾಂಪ್ಟ್​ ಮಾಡುವುದರಿಂದ ಕೋಡಿಂಗ್​ ಆಗಿರಬಹುದು, ಕವನಗಳಾಗಿರಬಹುದು ಇವೆಲ್ಲವನ್ನು ಕೇಳಲು ತುಂಬಾನೇ ಸಹಕಾರಿಯಾಗುತ್ತದೆ. ಆದ್ದರಿಂದ ವಿದ್ಯಾರ್ಥಿಗಳು ಈ ಕಾಲೇಜಿನ ವಿದ್ಯಾಭ್ಯಾಸದ ಕೆಲಸಗಳಿಗೆ ಹೆಚ್ಚಿನ ಶ್ರಮ ಪಡುವುದಿಲ್ಲ.

ಯಾವೆಲ್ಲಾ ಕಾಲೇಜುಗಳಲ್ಲಿ ಬ್ಯಾನ್​?

ಬೆಂಗಳೂರಿನ ಆರ್‌ವಿ ವಿಶ್ವವಿದ್ಯಾನಿಲಯ, ಇಂಟರ್‌ನ್ಯಾಶನಲ್ ಇನ್‌ಸ್ಟಿಟ್ಯೂಟ್ ಆಫ್ ಇನ್ಫರ್ಮೇಷನ್ ಟೆಕ್ನಾಲಜಿ-ಬೆಂಗಳೂರು ಮತ್ತು ದಯಾನಂದ ಸಾಗರ್ ವಿಶ್ವವಿದ್ಯಾನಿಲಯಗಳಲ್ಲಿ ಈ ಚಾಟ್​​ಜಿಪಿಟಿಯನ್ನು ಸಂಪೂರ್ಣವಾಗಿ ವಿರೋಧ ಮಾಡಲಾಗುತ್ತಿದೆ. ಈ ಮೂಲಕ ವಿದ್ಯಾರ್ಥಿಗಳ ಕಳ್ಳ ಮಾರ್ಗಕ್ಕೆ ಬ್ರೇಕ್‌ ಹಾಕಲು ಸಂಸ್ಥೆಗಳು ಈ ನಿರ್ಧಾರವನ್ನು ಕೈಗೊಂಡಿದೆ.

ಆರ್‌ವಿ ವಿಶ್ವವಿದ್ಯಾನಿಲಯದ ಕಂಪ್ಯೂಟರ್ ಸೈನ್ಸ್ ಮತ್ತು ಎಂಜಿನಿಯರಿಂಗ್ ಶಾಲೆಯ ಡೀನ್ ಸಂಜಯ್ ಚಿಟ್ನಿಸ್ ಈ ಸಂಬಂಧ ವಿದ್ಯಾರ್ಥಿಗಳು ಮತ್ತು ಅಧ್ಯಾಪಕರಿಗೆ ಸಲಹೆಯನ್ನು ನೀಡಿದ್ದಾರೆ. ಕೃತಕ ಬುದ್ಧಿಮತ್ತೆ ಅಥವಾ ಎಐ ತಂತ್ರಜ್ಞಾನದ ಅಡಿಯಲ್ಲಿ ಕಾರ್ಯನಿರ್ವಹಿಸುವ ಚಾಟ್​ಜಿಪಿಟಿ, ಗಿಥಬ್ ಕಾಪಿಲಟ್ ಮತ್ತು ಬ್ಲಾಕ್‌ಬಾಕ್ಸ್‌ ಗಳನ್ನು ಯಾವುದೇ ಕಾರಣಕ್ಕೂ ಬಳಕೆ ಮಾಡಬಾರದು ಎಂದು ತಿಳಿಸಿದ್ದಾರೆ. ಈ ಚಾಟ್​ಜಿಪಿಟಿ ಬಳಕೆ ಮಾಡುವವರ ವಿರುದ್ಧ ಶಿಸ್ತು ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಎಚ್ಚರಿಸಲಾಗಿದೆ.

ಸಂಸ್ಥೆಯ ನಿರ್ದೇಶಕರ ಅಭಿಪ್ರಾಯ

ಇಂಟರ್‌ನ್ಯಾಶನಲ್ ಇನ್‌ಸ್ಟಿಟ್ಯೂಟ್ ಆಫ್ ಇನ್ಫರ್ಮೇಷನ್ ಟೆಕ್ನಾಲಜಿ ಬೆಂಗಳೂರು (IIIT-B) ಚಾಟ್​ಜಿಪಿಟಿಯನ್ನು ಬಳಕೆ ಮಾಡುತ್ತಿರುವ ಬಗ್ಗೆ ಸರಿಯಾಗಿ ಗಮನಹರಿಸಲು ಒಂದು ಸಮಿತಿಯನ್ನು ರಚನೆ ಮಾಡಿದೆ. ಈ ಚಾಟ್​ಜಿಪಿಟಿ ಕುರಿತು ಸಂಸ್ಥೆಯ ನಿರ್ದೇಶಕರಾದ ದೇಬಬ್ರತ ದಾಸ್ ಪ್ರತಿಕ್ರಿಯಿಸಿ, ಚಾಟ್​ಜಿಪಿಟಿ ಯನ್ನು ತುಂಬಾ ಜನರು ಬಳಕೆ ಮಾಡುತ್ತಿದ್ದಾರೆ.

ಇದನ್ನೂ ಓದಿ: 20 ಸಾವಿರದೊಳಗಿನ, ಮಾರುಕಟ್ಟೆಯಲ್ಲಿರುವ ಬೆಸ್ಟ್​​ ಸ್ಮಾರ್ಟ್​​​ಫೋನ್​ಗಳಿವು!

ಇದು ದಿನನಿತ್ಯದ ದಾಖಲೆ, ಸರಳ ಪ್ರೋಗ್ರಾಮಿಂಗ್ ಇತ್ಯಾದಿಗಳನ್ನು ತಿಳಿಯುವಲ್ಲಿ ತುಂಬಾನೇ ಸಹಾಯಕವಾಗುತ್ತದೆ. ಆದರೆ ನಮ್ಮ ಸಂಸ್ಥಯ ಕೆಲವೊಂದು ಕಾರ್ಯತಂತ್ರಗಳು ಭಾರೀ ಆಳವಾಗಿರುವುದರಿಂದ ಈ ಸಂದರ್ಭದಲ್ಲಿ ಇದು ಉಪಯೋಗಕ್ಕರ ಬರುವುದಿಲ್ಲ ಎಂದು ಹೇಳಿದ್ದಾರೆ.