ChatGPT ಸಂಸ್ಥೆಯಿಂದ ಮತ್ತೆ ಹೊಸ ಟೂಲ್‌ ಬಿಡುಗಡೆ, ಆದ್ರೆ ಬಳಕೆದಾರರಿಗೆ ಮಾತ್ರ ಬಿಗ್​ ಶಾಕ್!

ಸದ್ಯ ಟೆಕ್ ವಲಯದಲ್ಲಿ ಭಾರೀ ಸದ್ದಿಲ್ಲಿರುವ ಸುದ್ದಿಯೆಂದರೆ ಚಾಟ್​ಜಿಪಿಟಿ (ChatGPT). ಇದು ಇತ್ತೀಚೆಗೆ ಟೆಕ್ನಾಲಜಿ ಯುಗವನ್ನು ಒಮ್ಮೆ ತಿರುಗಿ ನೋಡುವಂತೆ ಮಾಡಿದಂಹ ಹೊಸ ಫೀಚರ್​ ಎಂದರೆ ತಪ್ಪಾಗದು. ಇತ್ತೀಚಿನ ದಿನಗಳಲ್ಲಿ ಟೆಕ್ನಾಲಜಿ ಭಾರೀ ಪ್ರಗತಿಯನ್ನು ಕಾಣುತ್ತಿದೆ. ಇದಕ್ಕೆ ಕಾರಣ ಇದು ಬಳಕೆ ಮಾಡುತ್ತಿರುವಂತಹ ಹೊಸ ಹೊಸ ತಂತ್ರಜ್ಞಾನಗಳು (Technology) ಅಂತಾನೇ ಹೇಳ್ಬಹುದು. ಚಾಟ್​ಜಿಪಿಟಿ ಎಂಬುದು ಎಐ (AI)  ತಂತ್ರಜ್ಞಾನದ ಮೂಲಕ ಕಾರ್ಯನಿರ್ವಹಿಸುವಂತಹ ಹೊಸ ಚಾಟ್​ಬಾಟ್ (Chat bot)​ ಆಗಿದೆ. ಇದು ಮನುಷ್ಯರಂತೆಯೇ ಆಲೋಚಿಸುವಂತಹ ಟೆಕ್ನಾಲಜಿಯನ್ನು ಒಳಗೊಂಡಿದೆ. ಈ  ತಂತ್ರಜ್ಞಾನವನ್ನು ಬಳಕೆದಾರರು ಯಾವುದೇ ಪ್ರಶ್ನೆಗಳನ್ನು ಕೇಳಿದ್ರು ಪಠ್ಯ ರೂಪದಲ್ಲಿ ನಿಖರವಾದ ಉತ್ತರವನ್ನು ನೀಡುತ್ತದೆ.

ಓಪನ್​ಎಐ ಕಂಪೆನಿ ಬಿಡುಗಡೆ ಮಾಡಿದ ಚಾಟ್​ಜಿಪಿ ಎಂಬ ಟೂಲ್ ಇತ್ತೀಚೆಗೆ ಟೆಕ್​ ಮಾರುಕಟ್ಟೆಯಲ್ಲಿ ಭಾರೀ ಸಂಚಲನವನ್ನು ಮೂಡಿಸಿದೆ. ಇದು ವಿದ್ಯಾರ್ಥಿಗಳು ಅಥವಾ ಯಾರೇ ಆಗಲಿ ತಮಗೆ ಬೇಕಾದ ಯಾವುದೇ ಪ್ರಶ್ನೆಯನ್ನು ಕೇಳಿದರೂ ಮನುಷ್ಯರಂತೆಯೇ ಆಲೋಚಿಸಿ ಉತ್ತರ ನೀಡುತ್ತದೆ. ಆದರೆ ಇದೀಗ ಈ ಕಂಪೆನಿ ಹೊಸ ಟೂಲ್ ಒಂದನ್ನು ಪರಿಚಯಿಸಿದ್ದು, ಬಳಕೆದಾರರನ್ನು ಗಾಬರಿಯಾಗುವಂತೆ ಮಾಡಿದೆ. ಹಾಗಿದ್ರೆ ಈ ಹೊಸ ಟೂಲ್​ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಫುಲ್ ಓದಿ.

ದ ಎಐ ಟೆಕ್ಸ್ಟ್​ ಕ್ಲಾಸಿಫೈಯರ್​ ಟೂಲ್ (The AI Text Classifier)

ಓಪನ್ ಎಐ ಸಂಸ್ಥೆಯು ಇದೀಗ AI ಆಧರಿತ ಕಂಟೆಂಟ್‌ ಅಥವಾ ಪಠ್ಯವನ್ನು ಪತ್ತೆ ಮಾಡುವ ಹೊಸ ಟೂಲ್‌ ಅನ್ನು ಬಳಕೆದಾರರಿಗೆ ಪರಿಚಯಿಸಿದೆ. ಈ ಮೂಲಕ ಚಾಟ್​ಜಿಪಿಟಿಯಿಂದ ಪಡೆದ ಅಥವಾ ಎಐ ಆಧಾರಿತವಾಗಿ ಪಡೆದ ಕಂಟೆಂಟ್​ ಅನ್ನು ಈ ಟೂಲ್ ಮೂಲಕ ಸುಲಭದಲ್ಲಿ ಕಂಡುಹಿಡಿಯಬಹುದು.

ದ ಎಐ ಟೆಕ್ಸ್ಟ್​ ಕ್ಲಾಸಿಫೈಯರ್​ ಟೂಲ್ ಬಳಸಿಕೊಂಡು AI ಆಧರಿತ ಕಂಟೆಂಟ್‌ ಅನ್ನು ಪತ್ತೆ ಮಾಡಬೇಕಿದ್ದರೆ, ಡೈಲಾಗ್‌ ಬಾಕ್ಸ್‌ನಲ್ಲಿ ನೀವು ಚೆಕ್ ಮಾಡಲು ಬಯಸುವ ಕಂಟೆಂಟ್‌ನ ಸುಮಾರು 250 ಪದಗಳನ್ನು ಆ್ಯಡ್​ ಮಾಡಿ ಪರಿಶೀಲಿಸಬೇಕಿದೆ. ನೂತನ ಟೂಲ್‌ನಲ್ಲಿ ಕಂಟೆಂಟ್‌ ಮೂಲ ಪತ್ತೆ ಮಾಡಲು, ಕನಿಷ್ಠ 250 ಪದಗಳ ಇರಬೇಕು. ಇಲ್ಲವೇ ಅದಕ್ಕಿಂತಲೂ ಅಧಿಕ ಪದಗಳಿರಬಹುದು ಎಂದು ಓಪನ್​​ಎಐ ಸಂಸ್ಥೆ ಹೇಳಿದೆ.

ಭಾಷೆಯಲ್ಲಿ ಬದಲಾವಣೆಯಿದ್ದರೆ ಕಂಡುಹಿಡಿಯಲು ಕಷ್ಟ

ಇನ್ನು ಈ AI ಆಧರಿತವಾಗಿ ಪಡೆದ ಕಂಟೆಂಟ್‌ ಅಥವಾ ಪಠ್ಯವನ್ನು ಎಡಿಟ್ ಮಾಡಬಹುದಾಗಿದ್ದು, ಒಂದು ವೇಳೆ ಎಡಿಟ್‌ ಮಾಡಿ ಕಂಟೆಂಟ್‌ ಅನ್ನು ಚಾಟ್​ಜಿಪಿಟಿ ಟೂಲ್ ಮೂಲಕ ಪರಿಶೀಲಿಸಿದರೆ ಅದು ತಪ್ಪಾದ ಮಾಹಿತಿಯನ್ನು ನೀಡಬಹುದು ಎಂದು ಹೇಳಲಾಗಿದೆ.

ಚಾಟ್​ಜಿಪಿಟಿ

ಹಾಗೆಯೇ ಮಕ್ಕಳು ಬರೆದ ಪಠ್ಯ ಮತ್ತು ಇಂಗ್ಲೀಷ್ ಭಾಷೆಯಲ್ಲಿಲ್ಲದ ಪಠ್ಯದ ಮೇಲೂ ತಪ್ಪಾಗಿ ಲೇಬಲ್ ಮಾಡುವ ಸಾಧ್ಯತೆ ಇದೆ ಎನ್ನಲಾಗಿದೆ. ಇದಕ್ಕೆ ಮೂಲ ಕಾರಣವೆಂದರೆ ಓಪನ್ ಎಐ ಸಂಸ್ಥೆ ಪರಿಚಯಿಸಿದ ಈ ಹೊಸ ಟೂಲ್​ ಸದ್ಯಕ್ಕೆ ಕೇವಲ ಯುವಜನತೆ ಬರೆಯುವಂತ ಇಂಗ್ಲೀಷ್ ಕಂಟೆಂಟ್​​ಗಳ ಮೇಲೆ ಮಾತ್ರ ತರಬೇತಿಯನ್ನು ಪಡೆದಿದೆ.

ಚಾಟ್​ಜಿಪಿಟಿ ಎಂದರೆ ಏನು?

ಚಾಟ್​​ಜಿಪಿಟಿ ಎಂಬುದು ಇದೊಂದು ಎಐ ತಂತ್ರಜ್ಞಾನದ ಮೂಲಕ ಕಾರ್ಯನಿರ್ವಹಿಸುವಂತಹ ಚಾಟ್‌ಬಾಟ್ ಆಗಿದ್ದು, ಇದನ್ನು ಓಪನ್ ಎಐ ಎಂಬ ಸಂಸ್ಥೆ ಪರಿಚಯಿಸಿದೆ. ಅಂತೆಯೇ ಮನುಷ್ಯನ ಅಲೋಚನೆಗೆ ಸರಿಸಮನಾಗಿ ಚಾಟ್​ಜಿಪಿಟಿ ಯೋಚನೆ ಮಾಡಲಿದ್ದು, ಇದರ ಮೂಲಕ ನೀವು ಏನೇ ಪ್ರಶ್ನೆ ಕೇಳಿದರೂ ಸಹ ಬಹುಪಾಲು ಸರಿಯಾದ ವಿವರ ಇರುವ ಉತ್ತರವನ್ನು ನೀಡುತ್ತದೆ.