ChatGPT: ತಂತ್ರಜ್ಞಾನದ ಅಭಿವೃದ್ಧಿಗೆ ಬಂದಿದೆ ಚಾಟ್​​ಜಿಪಿಟಿ! ಹೀಗಂದ್ರೆ ಏನು ಗೊತ್ತಾ?

ಇದು ಟೆಕ್ನಾಲಜಿ (Technology) ಯುಗ. ಇಲ್ಲಿ ಎಲ್ಲವೂ ಸಾಧ್ಯ. ಏನಾಗುವುದಿಲ್ಲವೆಂದು ಹೇಳುತ್ತಾರೋ ಅದನ್ನು ತಂತ್ರಜ್ಞಾನ ಮೂಲಕವಾದರೂ ಅಭಿವೃದ್ಧಿ ಮಾಡಲು ಮುಂದಾಗುತ್ತಾರೆ. ಇತ್ತೀಚೆಗೆ ಅಂತೂ ತಂತ್ರಜ್ಞಾನ ಬಹಳಷ್ಟು ಪ್ರಗತಿಯಾಗುತ್ತಿದೆ. ನಾವೆಲ್ಲರೂ ಊಹೆಯೂ ಮಾಡಲಾಗದ ತಂತ್ರಜ್ಞಾನಗಳು ನಮ್ಮ ಕಣ್ಣಮುಂದೆಯೇ ಬಂದು ಟೆಕ್​ ಯುಗದಲ್ಲಿ ಸೇರಿಕೊಳ್ಳುತ್ತಿದೆ. ಕೆಲವೊಂದು ತಂತ್ರಜ್ಞಾನಗಳು ಹೇಗೆಂದರೆ ನಮ್ಮನ್ನು ನೋಡ ನೋಡುತ್ತಲೇ ಅಚ್ಚರಿ ಪಡುವಂತೆ ಮಾಡುತ್ತೆ. ಅದೇ ರೀತಿ ತಂತ್ರಜ್ಞಾನದ ಪ್ರಗತಿಗೆ ಹೊಸ ಟೆಕ್ನಾಲಜಿಯೊಂದು ರೂಪುಗೊಳ್ಳುತ್ತಿದೆ. ಅದೇ ಚಾಟ್​​ಜಿಪಿಟಿ ಎಂಬುದು. ಇತ್ತೀಚೆಗೆ ಎಐ (Artificial Intelligence) ಆಧಾರಿತ ತಂತ್ರಜ್ಞಾನ ಭಾರೀ ಮುಂಚೂಣಿಯಲ್ಲಿದೆ. ಇದೇ ಸಿಸ್ಟಮ್​ ಅನ್ನು ಹೊಂದಿರುವ ಇದೀಗ ಚಾಟ್​​ಜಿಪಿಟಿ (ChatGPT) ಎಂಬ ಟೆಕ್ನಾಲಜಿ ಬರ್ತಿದೆ.

ಚಾಟ್​ಜಿಪಿಟಿ ಎಂಬುದು ಆರ್ಟಿಫಿಶಿಯಲ್​ ಇಂಟೆಲಿಜೆನ್ಸ್ ಮೂಲಕ ಕಾರ್ಯನಿರ್ವಹಿಸುವಂತಹ ಒಂದು ತಂತ್ರಜ್ಞಾನವಾಗಿದೆ. ಹಾಗಿದ್ರೆ ಈ ಚಾಟ್​ಜಿಪಿಟಿ ಎಂದರೆ ಏನು? ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಚಾಟ್​​ಜಿಪಿಟಿ ಎಂದರೇನು?

ಚಾಟ್​​ಜಿಪಿಟಿ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಸಂಶೋಧನಾ ಸಂಸ್ಥೆ ಓಪನ್​ಎಐ ಅಭಿವೃದ್ಧಿಪಡಿಸಿದ ಎಐ ಬೆಂಬಲಿತ ಚಾಟ್‌ಬಾಟ್ ಆಗಿದೆ. ಈ ಚಾಟ್​​ಬಾಟ್​​ ಬಳಕೆದಾರರು ಕೇಳುವಂತಹ ಪ್ರಶ್ನೆಗಳಿಗೆ ಪ್ರತಿಕ್ರಿಯೆಯನ್ನು ಅಥವಾ ಉತ್ತರಗಳನ್ನು ನೀಡಲುನೈಸರ್ಗಿಕ ಭಾಷಾ ಸಂಸ್ಕರಣೆ (NLP) ಎಂದು ಕರೆಯಲ್ಪಡುವ ಯಂತ್ರ ಕಲಿಕೆಯ ಕ್ಷೇತ್ರವನ್ನು ಬಳಸುತ್ತದೆ.

ಚಾಟ್​ಜಿಪಿಟಿ ಎಐ ಇಂಟರ್ನೆಟ್ ಟೆಕ್ಸ್ಟ್‌ ಡೇಟಾಸೆಟ್‌ನಲ್ಲಿ ತರಬೇತಿ ಪಡೆದಿದ್ದು, ಮನುಷ್ಯರ ತರಹ ಉತ್ತರಗಳನ್ನು ತನ್ನ ಬಳಕೆದಾರರಿಗೆ ನೀಡುವ ತಂತ್ರಜ್ಞಾನವಾಗಿದೆ. ಭಾಷಾ ಅನುವಾದ, ಟೆಕ್ಸ್ಟ್‌ ವಿವರಣೆಗಳಿಗಾಗಿ ವಿವಿಧ ನೈಸರ್ಗಿಕ ಭಾಷಾ ಸಂಸ್ಕರಣಾ ಕಾರ್ಯಗಳಿಗೆ ಚಾಟ್​ಜಿಪಿಟಿ ಅನ್ನು ಬಳಸಬಹುದು. ಇದರೊಂದಿಗೆ ಪ್ರಶ್ನೆಗೆ ಉತ್ತರಿಸುವುದಕ್ಕೆ ಈ ಚಾಟ್​ಬಾಟ್​ ಸಹಕಾರಿಯಾಗುತ್ತದೆ.

ವೆಬ್​ ಪೇಜ್​ ಮೂಲಕ ಬಳಸಿ

ಬಳಕೆದಾರರು ಸದ್ಯಕ್ಕೆ ತಮ್ಮ ಅನುಕೂಲಕ್ಕಾಗಿ ಅಧಿಕೃತ ಚಾಟ್​ಜಿಪಿಟಿ ವೆಬ್​​ ಪೇಜ್​ ಮೂಲಕ ಮಾತ್ರ ಬಳಸಬಹುದು. ಆದರೆ ಕಂಪೆನಿ ಚಾಟ್​ಜಿಪಿಟಿ ತಂತ್ರಜ್ಞಾನಕ್ಕೆ ಸಂಬಂಧಿಸಿದ ಯಾವುದೇ ಆ್ಯಪ್ ಅನ್ನು ಬಿಡುಗಡೆ ಮಾಡಿಲ್ಲ. ಹೀಗಾಗಿ ಆ್ಯಪ್​ ಸ್ಟೋರ್​ಗಳಲ್ಲಿರುವಂತಹ ಯಾವುದೇ ಆ್ಯಪ್​ಗಳನ್ನು ಡೌನ್​ಲೋಡ್​ ಮಾಡುವ ಮುನ್ನ ಎಚ್ಚರವಹಿಸಿ.

ಚಾಟ್​ಜಿಪಿಟಿಯನ್ನು ಹೇಗೆ ಬಳಕೆ ಮಾಡುವುದು?

• ಮೊದಲಿಗೆ ವೆಬ್​​ಪೇಜ್​ನಲ್ಲಿ ಅಧಿಕೃತ chat.openai.com ಎಂಬ ವೆಬ್‌ಸೈಟ್‌ ಅನ್ನು ಓಪನ್ ಮಾಡಿ.


• ಬಳಿಕ ನಿಮ್ಮ ಇಮೇಲ್ ಐಡಿ ಮತ್ತು ಮೊಬೈಲ್‌ ನಂಬರ್‌ ಅನ್ನು ಬಳಸಿ ಲಾಗಿನ್ ಮಾಡಬೇಕು.

ಸಾಂಕೇತಿಕ ಚಿತ್ರ

• ಇದಲ್ಲದೆ ಇದರಲ್ಲಿ ಬಳಕೆದಾರರು ತಮ್ಮ ವಾಟ್ಸಾಪ್‌ ನಂಬರ್‌ ಅನ್ನು ಸಹ ಬಳಸಬಹುದು.


• ಸೈನ್ ಅಪ್ ಮಾಡಿದ ನಂತರ ವೆಬ್​ಸೈಟ್​ನಲ್ಲಿ ಮುಖ್ಯ ವಿಂಡೋ ಓಪನ್ ಆಗುತ್ತದೆ.


• ಬಳಿಕ info about ChatGPT ನಡಿ, ಸರ್ಚ್ ಬಾರ್ ಅನ್ನು ಕಾಣುವಿರಿ.


• ಸರ್ಚ್ ಬಾರ್ ನಲ್ಲಿ ನಿಮಗೆ ಬೇಕಾದ ಪ್ರಶ್ನೆಯನ್ನು ಬರೆಯಿರಿ ಮತ್ತು ನಮೂದಿಸಿ.


• ಆ ಬಳಿಕ ಚಾಟ್‌ಬಾಟ್‌ AI ಕೆಲವು ಸೆಕೆಂಡುಗಳಲ್ಲಿ, ಕೇಳಲಾದ ಪ್ರಶ್ನೆಗೆ ಸಂಬಂಧಿಸಿದ ಪ್ರಾಂಪ್ಟ್ ಅನ್ನು ಬಳಕೆದಾರರಿಗೆ ನೀಡುತ್ತದೆ.

ಮಾನವರಂತೆಯೇ ಪ್ರತಿಕ್ರಿಯಿಸುವ ಚಾಟ್​ಜಿಪಿಟಿ

ಸದ್ಯ ಚಾಟ್​ಜಿಪಿಟಿ ಎಐ ಚಾಟ್‌ಬಾಟ್ ಹೆಚ್ಚು ಮಹತ್ವ ಪಡೆಯುತ್ತಿದ್ದು, ಇದು ಮಾನವ ರೀತಿಯ ಉತ್ತರಗಳನ್ನು ನೀಡುವಲ್ಲಿ ಕೆಲಸ ಮಾಡುತ್ತಿದೆ. ಅಲ್ಲದೇ ಈ ಚಾಟ್‌ಬಾಟ್‌ ಮೂಲಕ ದೀರ್ಘವಾದ ಮಾಹಿತಿ ಹಾಗೂ ಲೇಖನ ರೀತಿಯ ಮಾಹಿತಿಗಳನ್ನು ಪಡೆಯಬಹುದಾಗಿದೆ. ಅಲ್ಲದೇ ಬೇರೆ ಭಾಷೆಗಳ ಪಠ್ಯವನ್ನು ಸುಲಭವಾಗಿ ಭಾಷಾಂತರಿಸಲು, ಕಥೆ, ಕವಿತೆಗಳನ್ನು ರಚಿಸಲು ChatGPT AI ಚಾಟ್‌ಬಾಟ್ ಅನ್ನು ಬಳಕೆ ಮಾಡಬಹುದಾಗಿದೆ.