HOME » NEWS » Tech » BV6600 RUGGED SMARTPHONE WITH AN 8580MAH BATTERY HG

ಇದು 8580 mAh ಬ್ಯಾಟರಿ ಅಳವಡಿಸಿರುವ ಸ್ಮಾರ್ಟ್​ಫೋನ್​!; ಬೆಲೆ ಎಷ್ಟಿರಬಹುದು?

ಬ್ಲಾಕ್​ವೀವ್​ ಕಂಪೆನಿ ತನ್ನ BV6600 ಸ್ಮಾರ್ಟ್​ಫೋನ್​ ಅನ್ನು ತಯಾರಿಸಿದೆ. ಈ ಸ್ಮಾರ್ಟ್​ಫೋನ್​ 8580mAh​ ಸಾಮರ್ಥ್ಯದ ಬ್ಯಾಟರಿ ಅಳವಡಿಸಿದೆ.

news18-kannada
Updated:March 2, 2021, 1:41 PM IST
ಇದು 8580 mAh ಬ್ಯಾಟರಿ ಅಳವಡಿಸಿರುವ ಸ್ಮಾರ್ಟ್​ಫೋನ್​!; ಬೆಲೆ ಎಷ್ಟಿರಬಹುದು?
ಬ್ಲಾಕ್​ವೀವ್​ BV6600
  • Share this:
ಸ್ಮಾರ್ಟ್​ಫೋನ್​ ಕೊಂಡುಕೊಳ್ಳುವ ಮುನ್ನ ಕೆಲವೊಂದು ವಿಚಾರಗಳನ್ನು ಗಮನದಲ್ಲಿರಿಸಿಕೊಂಡು ಖರೀದಿಸುತ್ತಾರೆ. ಇನ್ನು ಕೆಲವರು ಫೀಚರ್​ ಮತ್ತೆ ಅದರಲ್ಲಿರುವ ಆಯ್ಕೆಯನ್ನು ನೋಡಿ ಖರೀದಿಸುವವರಿರುತ್ತಾರೆ. ಮತ್ತೆ ಹಲವರು ಬೆಲೆ ಮತ್ತು ಅದರ ಮೇಲಿರುವ ಆಫರ್​ ನೋಡಿ ಖರೀದಿಸುತ್ತಾರೆ. ಹಾಗಾಗಿ ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ಚಿಂತಿಸಿ ಕೊಂಡುಕೊಳ್ಳುತ್ತಾರೆ.

ಹೆಚ್ಚಿನ ಜನರು ಸ್ಮಾರ್ಟ್​ಫೊನ್​ನಲ್ಲಿರುವ ಕ್ಯಾಮೆರಾ, ಅದರ ಬ್ಯಾಟರಿ, ರ್ಯಾಮ್​- ಸ್ಟೊರೇಜ್​ ಮತ್ತು ಪ್ರೊಸೆಸರ್​ ನೋಡಿ ಕೊಂಡುಕೊಳ್ಳುತ್ತಾರೆ. ಯಾಕೆಂದರೆ ಇದೆಲ್ಲವು ಸ್ಮಾರ್ಟ್​ಫೋನ್​ ಖರೀದಿಸುವಾಗ ಅಗತ್ಯವಾಗಿ ಗಮನಿಸಬೇಕಾಗಿದೆ. ಸದ್ಯ ಮಾರುಕಟ್ಟೆಯಲ್ಲಿ ಸ್ಮಾರ್ಟ್​ಫೋನ್​ ಫೀಚರ್ಸ್​ ತಕ್ಕಂತೆ ಬ್ಯಾಟರಿ ಸಾಮರ್ಥ್ಯದಲ್ಲೂ ಭಾರೀ ಬದಲಾವಣೆಯಾಗುತ್ತಿದೆ. ಅದರಂತೆ ಕಂಪೆನಿಯೊಂದು 8580 mAh​ ಸಾಮರ್ಥ್ಯದ ಬ್ಯಾಟರಿ ಹೊಂದಿರುವ ಸ್ಮಾರ್ಟ್​ಫೋನ್​ ಸಿದ್ಧಪಡಿಸಿದೆ. ಸದ್ಯದಲ್ಲೀ ಈ ಸ್ಮಾರ್ಟ್​ಫೋನ್​ ಮಾರುಕಟ್ಟೆಗೆ ಪ್ರವೇಶಿಸಲಿದೆ.

ಹೌದು. ಬ್ಲಾಕ್​ವೀವ್​ ಕಂಪೆನಿ ತನ್ನ BV6600 ಸ್ಮಾರ್ಟ್​ಫೋನ್​ ಅನ್ನು ತಯಾರಿಸಿದೆ. ಈ ಸ್ಮಾರ್ಟ್​ಫೋನ್​ 8580mAh​ ಸಾಮರ್ಥ್ಯದ ಬ್ಯಾಟರಿ ಅಳವಡಿಸಿದೆ. ಅಂದಹಾಗೆಯೇ BV6600 ಸ್ಮಾರ್ಟ್​ಫೋನ್​ 5.7 HD​ಡಿಸ್​ಪ್ಲೇ ಹೊಂದಿದ್ದು, ಕಾರ್ನಿಂಗ್​ ಗೋರಿಲ್ಲ  ಗ್ಲಾಸ್​ ಅಳವಡಿಸಲಾಗಿದೆ. 4GB RAM​ ಮತ್ತು ಆಕ್ಟಾ ಕೋರ್​​ ಮೀಡಿಯಾಟೆಕ್​ ಪ್ರೊಸೆಸರ್​ನಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಆ್ಯಂಡ್ರಾಯ್ಡ್​ 10 ಬೆಂಬಲವನ್ನು ಪಡೆದಿದೆ.

ಅಚ್ಚರಿ ವಿಶೇಷವೆಂದರೆ, ಸ್ಮಾರ್ಟ್​ಫೋನ್​ ಬ್ಯಾಟರಿಯಲ್ಲಿ ಬದಲಾವಣೆ ತರಲಾಗಿದ್ದು, ಇದೀಗ 8580 mAh ಬ್ಯಾಟರಿ ನೀಡುವ ಮೂಲಕ ಬಿವಿ600 ತನ್ನ ಸಾಮರ್ಥ್ಯವನ್ನು ಪ್ರದರ್ಶಿಸಲಿದೆ. ಕಂಪೆನಿ ಹೇಳುವಂತೆ ಬರೋಬ್ಬರಿ 792 ಕಾಲ ನಿರಂತರವಾಗಿ ಬಳಸಬಹುದಾಗಿದೆಯಂತೆ. ಇಂಟರ್​ನೆಟ್​ ಬಳಸಿದರೆ 439 ಗಂಟೆಗಳ ಕಾಲ ಬಳಸಬಹುದಾಗಿದೆ.

ಬ್ಲಾಕ್​ ವೀವ್​ ವೆಬ್​ಸೈಟ್​​ ಬಿಬವಿ 600 ಸ್ಮಾರ್ಟ್​ಫೋನನ್ನು ಮಾರಾಟ ಮಾಡುತ್ತಿದೆ. ಇದರ ಬೆಲೆ $119.99 ಡಾಲರ್​ ಆಗಿದೆ. ಭಾರತೀಯ ಬೆಲೆಯ ಮೂಲಕ ಹೇಳುವುದಾದದರೆ 8,808 ರೂ ಇರಲಿದೆ.
Published by: Harshith AS
First published: March 2, 2021, 1:38 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories