New Smartphones: ಕೇವಲ 10 ಸಾವಿರ ರೂಪಾಯಿಗೆ ಖರೀದಿಸಿ ಲಾವಾ ಎಕ್ಸ್​3 ಸ್ಮಾರ್ಟ್​ಫೋನ್​! ನೆಕ್​ಬ್ಯಾಂಡ್​ ಕೂಡ ಫ್ರೀ ಸಿಗುತ್ತೆ

ಟೆಕ್ನಾಲಜಿ ಮಾರುಕಟ್ಟೆಯಲ್ಲಿ (Technology) ಹೊಸ ಹೊಸ ಸ್ಮಾರ್ಟ್​​ಫೋನ್​ಗಳು (New Smartphones) ಬಿಡುಗಡೆಯಾಗುತ್ತಲೇ ಇದೆ. ಯಾವುದೇ ಒಂದು ಸ್ಮಾರ್ಟ್​ಫೋನ್​ ಅನ್ನು ಗ್ರಾಹಕರು ಖರೀದಿಸಬೇಕಾದರೂ ಮೊದಲಿಗೆ ಅದರ ಬೆಲೆ ಮತ್ತು ಫೀಚರ್ಸ್ ಅನ್ನು ನೋಡೇ ನೋಡುತ್ತಾರೆ. ಇದೀಗ ಲಾವಾ ಕಂಪನಿಯಿಂದ (Lava Company) ಹೊಸ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಗೆ ಬರಲು ಸಜ್ಜಾಗಿದೆ. ಈ ಸ್ಮಾರ್ಟ್​​ಫೋನ್​ 10 ಸಾವಿರಕ್ಕಿಂತಲೂ ಕಡಿಮೆ ಬೆಲೆಯೊಂದಿಗೆ ಉತ್ತಮ ಸ್ಮಾರ್ಟ್​​ಫೋನ್​ ಎಂದು ಮಾರುಕಟ್ಟೆಯಲ್ಲಿ ಗುರುತಿಸಲಿದೆ. ಇದು ಈ ವರ್ಷದ ಆರಂಭದಲ್ಲಿ ದೇಶದಲ್ಲಿ ಬಿಡುಗಡೆಯಾದ ಲಾವಾ ಎಕ್ಸ್​2ನ (Lava X2) ಅಪ್‌ಗ್ರೇಡ್ ಮಾಡೆಲ್ ಆಗಿರುತ್ತದೆ. ಈ ಸ್ಮಾರ್ಟ್​​ಫೋನ್​ ಬಿಡುಗಡೆಯಾಗುವ ಮೊದಲೇ ಅಮೆಜಾನ್‌ನಲ್ಲಿ ಮೈಕ್ರೋ-ಸೈಟ್​ನಲ್ಲಿ ಈ ಮೊಬೈಲ್​ನ ಕೆಲವು ವಿಶೇಷಣಗಳ ಬಗ್ಗೆ ಮಾಹಿತಿಯನ್ನು ಸೈಟ್‌ನಲ್ಲಿ ನೀಡಲಾಗಿದೆ. 

ಲಾವಾ ಕಂಪನಿಯಿಂದ ಬಿಡುಗಡೆಯಾಗುತ್ತಿರುವಂತಹ ಸ್ಮಾರ್ಟ್​​ಫೋನ್​ಗೆ ಲಾವಾ ಎಕ್ಸ್​3 ಎಂದು ಹೆಸರಿಡಲಾಗಿದೆ. ಇದು ಇದೇ ಡಿಸೆಂಬರ್​ 20ರ ನಂತರ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದ್ದು, 10 ಸಾವಿರಕ್ಕಿಂತಲೂ ಕಡಿಮೆ ಬೆಲೆಯಲ್ಲಿ ಈ ಮೊಬೈಲ್​ ಅನ್ನು ಖರೀದಿ ಮಾಡಬಹುದಾಗಿದೆ. ಹಾಗಿದ್ರೆ ಇದರ ಸ್ಪೆಷಲ್​ ಫೀಚರ್ಸ್​ ಎಂಬುದನ್ನು ಇಲ್ಲಿ ಓದಿ.

ಲಾವಾ ಎಕ್ಸ್​​3 ಸ್ಮಾರ್ಟ್​​ಫೋನ್​ ಫೀಚರ್ಸ್​

ಈ ಲಾವಾ ಎಕ್ಸ್​3 ಸ್ಮಾರ್ಟ್​ಫೋನ್​ ಅನ್ನು ಪ್ರಿಬುಕ್ಕಿಂಗ್​ ಅನ್ನು ಮಾಡುವ ಅವಕಾಶವನ್ನು ಡಿಸೆಂಬರ್ 20 ರಂದು ಅಮೆಜಾನ್​​ನಲ್ಲಿ ಪ್ರಾರಂಭವಾಗುತ್ತದೆ. 10,000 ಕ್ಕಿಂತಲೂ ಕಡಿಮೆ ಬೆಲೆಯಲ್ಲಿ ಈ ಸ್ಮಾರ್ಟ್‌ಫೋನ್ ಅನ್ನು ಪ್ರಾರಂಭಿಸಲಾಗುವುದು. ಕಂಪನಿಯು ಈ ಸ್ಮಾರ್ಟ್​​ ಫೋನ್‌ನಲ್ಲಿ 3ಜಿಬಿ ರ್‍ಯಾಮ್ ಅನ್ನು ನೀಡುತ್ತದೆ. ಸದ್ಯಕ್ಕೆ ಈ ಲಾವಾ ಎಕ್ಸ್​3 ಫೋನ್ ಕೇವಲ ಒಂದು ರೂಪಾಂತರದಲ್ಲಿ ಮಾತ್ರ ಲಭ್ಯವಿರುತ್ತದೆ.

ಇದನ್ನೂ ಓದಿ: 2022 ಟಾಪ್​ 5 ಸ್ಮಾರ್ಟ್​​​ವಾಚ್​ಗಳು ಯಾವುದು? ಇಲ್ಲಿದೆ ಕಂಪ್ಲೀಟ್​ ಮಾಹಿತಿ

ನೆಕ್​ಬ್ಯಾಂಡ್​ ಫ್ರೀ

ಡಿಸೆಂಬರ್ 20 ರಂದು ಫೋನ್ ಅನ್ನು ಮುಂಗಡವಾಗಿ ಆರ್ಡರ್ ಮಾಡುವ ಗ್ರಾಹಕರು 2,999 ರೂಪಾಯಿ ಮೌಲ್ಯದ ಲಾವಾ ಪ್ರೋಬಡ್ಸ್​ ಎನ್​11 ನೆಕ್‌ಬ್ಯಾಂಡ್ ಅನ್ನು ಉಚಿತವಾಗಿ ಪಡೆಯುತ್ತಾರೆ. ಇನ್ನು ಲಾವಾ ಎಕ್ಸ್​3 ಸ್ಮಾರ್ಟ್​​ಫೋನ್​ ನೀಲಿ, ಕಪ್ಪು ಮತ್ತು ಹಸಿರು ಈ ರೀತಿ ನಾಲ್ಕು ಬಣ್ಣದ ಆಯ್ಕೆಗಳಲ್ಲಿ ಬರುವ ನಿರೀಕ್ಷೆಯಿದೆ.

ಡಿಸ್​​ಪ್ಲೇ ಫೀಚರ್ಸ್​

ಲಾವಾ ಎಕ್ಸ್​3 ಸ್ಮಾರ್ಟ್​ಫೋನ್ ಹೆಚ್​​ಡಿ ಪ್ಲಸ್​ ರೆಸಲ್ಯೂಶನ್ ಜೊತೆಗೆ 6.5-ಇಂಚಿನ ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಇದು ಬಜೆಟ್ ಸ್ಮಾರ್ಟ್‌ಫೋನ್ ಆಗಿರುವುದರಿಂದ, ಇದು ವಾಟರ್-ಡ್ರಾಪ್ ನಾಚ್ ಪ್ಯಾನೆಲ್ ಅನ್ನು ಒಳಗೊಂಡಿದೆ. ಕ್ಯಾಮೆರಾಗಳ ಬಗ್ಗೆ ಹೇಳುವುದಾದರೆ, ಸೆಲ್ಫಿಗಳನ್ನು ತೆಗೆದುಕೊಳ್ಳಲು ಮುಂಭಾಗದಲ್ಲಿ 5ಮೆಗಾಪಿಕ್ಸೆಲ್​ ಸಿಂಗಲ್ ಶೂಟರ್ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಇದರ ಹಿಂಭಾಗದಲ್ಲಿ 8 ಮೆಗಾಪಿಕ್ಸೆಲ್​ ಪ್ರಾಥಮಿಕ ಲೆನ್ಸ್ ಮತ್ತು AI ಸೆನ್ಸಾರ್​​ನೊಂದಿಗೆ ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ನೀಡಲಾಗಿದೆ.

ಸ್ಟೋರೇಜ್​

ವರದಿಗಳಲ್ಲಿ ಸ್ಮಾರ್ಟ್​​ಫೋನ್​ನಲ್ಲಿ ಕಾರ್ಯನಿರ್ವಹಿಸುವಂತಹ ಪ್ರೊಸೆಸರ್​ ಬಗ್ಗೆ ಯಾವುದೇ ಮಾಹಿತಿಯನ್ನು ನೀಡಿಲ್ಲ. ಆದರೆ ಕೆಲವೊಂದು ವರದಿಯ ಪ್ರಕಾರ, ಇದು ಯುನಿಸೊಕ್ ಅಥವಾ ಮೀಡಿಯಾ ಟೆಕ್ ಚಿಪ್‌ಸೆಟ್ ಅನ್ನು ಹೊಂದಿರುತ್ತದೆ. ಇದಲ್ಲದೆ, ಲಾವಾ ಸ್ಮಾರ್ಟ್​​ಫೋನ್ ಮೀಡಿಯಾ ಟೆಕ್ ಹೆಲಿಯೊ ಚಿಪ್‌ಸೆಟ್ ಅನ್ನು ಹೊಂದಿರುವ ಸಾಧ್ಯತೆಯಿದೆ. ಇದು 3ಜಿಬಿ ರ್‍ಯಾಮ್ ಅನ್ನು ಹೊಂದಿರುತ್ತದೆ ಮತ್ತು 32ಜಿಬಿ ಇಂಟರ್ನಲ್​ ಸ್ಟೋರೇಜ್​ ಅನ್ನು ಹೊಂದಿರಬಹುದು ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಬ್ಯಾಟರಿ ಫೀಚರ್ಸ್

ಸಾಧನವು 4,000mAh ಬ್ಯಾಟರಿಯನ್ನು ಹೊಂದಿರುತ್ತದೆ. ಮತ್ತು ವೇಗದ ಚಾರ್ಜಿಂಗ್ ಬೆಂಬಲವನ್ನು ಈ ಸ್ಮಾರ್ಟ್​​ಫೋನ್​ ಹೊಂದಿಲ್ಲ. ಇನ್ನು ಈ ಸ್ಮಾರ್ಟ್​​ಫೋನ್​ನ ಭದ್ರತೆಗಾಗಿ ಹಿಂಭಾಗದಲ್ಲಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಅನ್ನು ಅಳವಡಿಸಲಾಗಿದೆ ಎಂದು ವರದಿ ಹೇಳಿದೆ.