Smartphone Offers: ಒಪ್ಪೋ ಕಂಪೆನಿಯ ಈ ಸ್ಮಾರ್ಟ್​​ಫೋನ್​ ಮೇಲೆ ಬಂಪರ್ ಆಫರ್​! ಇಂದೇ ಖರೀದಿಸಿ

ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್​​ಫೋನ್​ (Smartphone)​ ಬಹಳಷ್ಟು ಮುಖ್ಯ ಸಾಧನವಾಗಿಬಿಟ್ಟಿದೆ. ಇನ್ನು ಇತ್ತೀಚೆಗಂತೂ ಕಂಪೆನಿಗಳು ಸಹ ಹೊಸ ಹೊಸ ಮೊಬೈಲ್​ಗಳನ್ನು ಬಿಡುಗಡೆ ಮಾಡುತ್ತಲೇ ಇದೆ. ಇದನ್ನು ಗಮನಿಸಿದ ಗ್ರಾಹಕರು ಸಹ ಹೊಸ ಸ್ಮಾರ್ಟ್​​ಫೋನ್​ ಬಂದಾಗ ಖರೀದಿಸಲು ಮುಂದಾಗುತ್ತಾರೆ. ಯಾರೇ ಆಗಲಿ ಹೊಸ ಸ್ಮಾರ್ಟ್​ಫೋನ್​ ಖರೀದಿ ಮಾಡ್ಬೇಕಾದ್ರೆ ಅದರ ಫೀಚರ್ಸ್​ ಜೊತೆಗೆ ಬೆಲೆಯನ್ನೂ ನೋಡುತ್ತಾರೆ. ಎಷ್ಟೇ ಬೆಲೆ ಹೊಂದಿದ್ದರೂ ಜನರು ಮುಖ್ಯವಾಗಿ ಫೀಚರ್ಸ್​ಗಳನ್ನು ನೋಡೇ ನೋಡುತ್ತಾರೆ. ಇದೀಗ ಇತ್ತೀಚೆಗೆ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದ್ದ ಒಪ್ಪೋ ಕಂಪೆನಿಯ (Oppo Company) ಸ್ಮಾರ್ಟ್​​ಫೋನ್​ ಮೇಲೆ ಫ್ಲಿಪ್​ಕಾರ್ಟ್ (Flipkart)​ ಭರ್ಜರಿ ರಿಯಾಯಿತಿಯನ್ನು ಘೋಷಿಸಿದೆ. ಈ ಮೂಲಕ ಹೊಸ ಫೋನ್ ಖರೀದಿಸುವ ಪ್ಲ್ಯಾನ್​​ನಲ್ಲಿರುವವರಿಗೆ ಇದು ಉತ್ತಮ ಆಯ್ಕೆಯಾಗಲಿದೆ.

ಒಪ್ಪೋ ಕಂಪೆನಿಯಿಂದ ಇತ್ತೀಚೆಗೆ ಬಿಡುಗಡೆಯಾಗಿದ್ದ ಒಪ್ಪೋ A77s ಸ್ಮಾರ್ಟ್​​ಫೋನ್​ನಲ್ಲಿ ಬಂಪರ್​ ಆಫರ್​​ ಅನ್ನು ಘೋಷಿಸಿದೆ. ಈ ಆಫರ್​ ಕೇವಲ ಫ್ಲಿಪ್​ಕಾರ್ಟ್​​ನಲ್ಲಿ ಮಾತ್ರ ಲಭ್ಯವಿದ್ದು ಹೊಸ ಸ್ಮಾರ್ಟ್​ಫೋನ್​ ಖರೀದಿಸುವ ಯೋಜನೆಯಲ್ಲಿದ್ದವರಿಗೆ ಇದು ಉತ್ತಮ ಆಯ್ಕೆಯಾಗಿದೆ.

ಏನೆಲ್ಲಾ ರಿಯಾಯಿತಿ ಲಭ್ಯ?

ಒಪ್ಪೋ ಕಂಪೆನಿಯಿಂದ ಇತ್ತೀಚೆಗೆ ಒಪ್ಪೋ ಎ77ಎಸ್​ ಸ್ಮಾರ್ಟ್​​ಫೋನ್ ಬಿಡುಗಡೆಯಾಗಿತ್ತು. ಈ ಸ್ಮಾರ್ಟ್​ಫೋನ್​ನ ಮೂಲ ಬೆಲೆ 22,999 ರೂಪಾಯಿಯಾಗಿದೆ. ಆದರೆ ಈಗ ಕೇವಲ 17,999 ರೂಪಾಯಿಯಲ್ಲಿ ಖರೀದಿಗೆ ಲಭ್ಯವಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ ಮೇಲೆ ವಿಶೇಷವಾಗಿ ಎಕ್ಸ್​​ಚೇಂಜ್ ಆಫರ್​, ಬ್ಯಾಂಕ್​ ರಿಯಾಯಿತಿಗಳು ಸಹ ಲಭ್ಯವಿದೆ.

ಇದನ್ನೂ ಓದಿ: ಮೊಬೈಲ್​ ನೀರಿಗೆ ಬಿದ್ದಾಗ ಯಾವತ್ತೂ ಈ ರೀತಿ ಮಾಡ್ಬೇಡಿ! ಅಪಾಯ ಗ್ಯಾರಂಟಿ

ಎಕ್ಸ್​​ಚೇಂಜ್​ ಆಫರ್​ 

ಇನ್ನು ಒಪ್ಪೋ ಎ77ಎಸ್​ ಸ್ಮಾರ್ಟ್​​​ಫೋನ್​ ಮೇಲೆ ವಿಶೇಷವಾಗಿ ಎಕ್ಸ್​ಚೇಂಜ್ ಆಫರ್​ ಸಹ ಲಭ್ಯವಿದ್ದು, ಈ ಮೂಲಕ ಕೇವಲ 2 ಸಾವಿರ ರೂಪಾಯಿಗೆ ಈ ಹೊಸ ಸ್ಮಾರ್ಟ್​ಫೋನ್ ಅನ್ನು ಖರೀದಿ ಮಾಡ್ಬಹುದು. ಅಂದರೆ ಈ ಸ್ಮಾರ್ಟ್​​ಫೋನ್​ನಲ್ಲಿ ಬರೋಬ್ಬರಿ 16 ಸಾವಿರದವರೆಗೆ ವಿನಿಮಯ ಆಫರ್​ ನೀಡಲಾಗಿದೆ. ನಿಮ್ಮ ಹಳೆಯ ಫೋನ್​ ಅನ್ನು ಈ ಸ್ಮಾರ್ಟ್​​ಫೋನ್ ಜೊತೆ ಎಕ್ಸ್​ಚೇಂಜ್​ ಮಾಡುವ ಮೂಲಕ ಈ ಹೊಸ ಫೋನ್ ಅನ್ನು ಖರೀದಿ ಮಾಡಬಹುದು. ಆದರೆ ಈ ಆಫರ್​ ನೀವು ವಿನಿಮಯ ಮಾಡಲು ಬಯಸುವ ಸ್ಮಾರ್ಟ್​ಫೋನ್​ನ ಮಾದರಿ ಮತ್ತು ಗುಣಮಟ್ಟದ ಮೇಲೆ ನಿರ್ಧಾರವಾಗುತ್ತದೆ.

ಒಪ್ಪೋ ಎ77ಎಸ್​ ಸ್ಮಾರ್ಟ್​​ಫೋನ್​

ಏನೆಲ್ಲಾ ಬ್ಯಾಂಕ್​ ಆಫರ್ಸ್​ಗಳಿವೆ?

ಒಪ್ಪೋ ಎ77ಎಸ್​ ಸ್ಮಾರ್ಟ್​ಫೋನ್​ನಲ್ಲಿ ಬ್ಯಾಂಕ್​ ಆಫರ್ಸ್​ಗಳನ್ನು ಸಹ ನೀಡಲಾಗಿದೆ. ಈ ಮೂಲಕ ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ ಬಳಕೆ ಮಾಡಿಕೊಂಡು ಈ ಮೊಬೈಲ್ ಅನ್ನು ಖರೀದಿ ಮಾಡಿದರೆ ಈ ಫೋನ್‌ ಮೇಲೆ 1,500 ರೂಪಾಯಿಗಳ ರಿಯಾಯಿತಿ ಸಿಗುತ್ತದೆ. ಇನ್ನು ಎಸ್‌ಬಿಐ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ ಬಳಸಿ ಈ ಫೋನ್‌ ಖರೀದಿಸಿದರೂ 1,500 ರೂಪಾಯಿ ರಿಯಾಯಿತಿ ಲಭ್ಯವಾಗಲಿದೆ. ಇನ್ನು ಈ ಸ್ಮಾರ್ಟ್​ಫೋನ್​ ಮೇಲೆ ಹೆಚ್‌ಡಿಎಫ್‌ಸಿ ಬ್ಯಾಂಕ್ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ನಲ್ಲಿಯೂ 1,500 ರೂಪಾಯಿಗಳ ರಿಯಾಯಿತಿ ನೀಡಲಾಗಿದೆ.

ಫೀಚರ್ಸ್ ಹೇಗಿದೆ?

ಡಿಸ್​ಪ್ಲೇ ವಿನ್ಯಾಸ

ಒಪ್ಪೋ A77s ಸ್ಮಾರ್ಟ್‌ಫೋನ್‌ 6.56 ಇಂಚಿನ ಹೆಚ್‌ಡಿ+ ಡಿಸ್‌ಪ್ಲೇಯನ್ನು ಒಳಗೊಂಡಿದೆ. ಈ ಡಿಸ್​ಪ್ಲೇಯು 90Hz ರಿಫ್ರೆಶ್ ರೇಟ್ ಬೆಂಬಲಿಸಲಿದೆ. ಹಾಗೆಯೇ ಇದು 1,612x720 ಪಿಕ್ಸೆಲ್‌ ರೆಸಲ್ಯೂಶನ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ.

ಪ್ರೊಸೆಸರ್ ಸಾಮರ್ಥ್ಯ

ಈ ಸ್ಮಾರ್ಟ್​ಫೋನ್​ ಆಂಡ್ರಾಯ್ಡ್‌ 12 ಆಧಾರಿತ ಕಲರ್‌ ಓಎಸ್‌ 12.1 ನಲ್ಲಿ ರನ್‌ ಆಗಲಿದೆ. ಜೊತೆಗೆ ಈ ಫೋನ್ ಸ್ನಾಪ್‌ಡ್ರಾಗನ್ 680 ಎಸ್​ಓಸಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ.  ಇನ್ನು ಈ ಸ್ಮಾರ್ಟ್​ಫೋನ್​ನ ಸ್ಟೋರೇಜ್​ ಸಾಮರ್ಥ್ಯದ ಬಗ್ಗೆ ಹೇಳುವುದಾದರೆ, ಇದು 8ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್​ ಸ್ಟೋರೇಜ್‌ ನಲ್ಲಿ ಕಾಣಿಸಿಕೊಂಡಿದೆ.