Apple IPhone: ಐಫೋನ್​ 12 ಮೇಲೆ ಅಮೆಜಾನ್​ನಲ್ಲಿ ಬಂಪರ್ ಆಫರ್​! ಕೆಲವು ದಿನಗಳವರೆಗೆ ಮಾತ್ರ

ದೇಶದಲ್ಲಿ ಹಲವಾರು ಸ್ಮಾರ್ಟ್​ಫೋನ್ (Smartphones)​ ಕಂಪೆನಿಗಳಿವೆ. ಇವುಗಳು ದಿನ ಹೋದಂತೆ ಮಾರುಕಟ್ಟೆಗೆ ಹೊಸ ಹೊಸ ರೀತಿಯಲ್ಲಿ ಮೊಬೈಲ್​ಗಳನ್ನು ಬಿಡುಗಡೆ ಮಾಡುತ್ತಿರುತ್ತನೇ ಇರುತ್ತದೆ. ದುಬಾರಿ ಬೆಲೆಯಲ್ಲಿ, ಉತ್ತಮ ಫೀಚರ್ಸ್​ಗಳನ್ನು ಹೊಂದಿದ ಸ್ಮಾರ್ಟ್​ಫೋನ್​ಗಳು ಹಲವಾರು ಇದೆ. ಅದರಲ್ಲಿ ಬಹಳಷ್ಟು ಜನಪ್ರಿಯತೆ ಪಡೆದ ಕಂಪೆನಿಯೆಂದರೆ ಅದು ಆ್ಯಪಲ್ ಕಂಪೆನಿ. ಈ ಕಂಪೆನಿ ಪ್ರತಿ ವರ್ಷ ಯಾವುದಾರೊಂದು ವಿಶೇಷ ಫೀಚರ್ಸ್​​​ನೊಂದಿಗೆ ಹೊಸ ಸ್ಮಾರ್ಟ್​​ಫೋನ್​ ಅನ್ನು ಪರಿಚಯಿಸುತ್ತಾ ಇರುತ್ತದೆ. ಇನ್ನು ಹಲವರಿಗೆ ಒಮ್ಮೆಯಾದರು ಐಫೋನ್ ಖರೀದಿಸಬೇಕೆಂಬ ಆಸೆ ಇದ್ದೇ ಇರುತ್ತದೆ. ಆದರೆ ಅದರ ದುಬಾರಿ ಬೆಲೆಯಿಂದಾಗಿ ಖರೀದಿಸಲು ಮುಂದಾಗುವುದಿಲ್ಲ. ಆದರೆ ಐಫೋನ್ (IPhone) ಪ್ರಿಯರಿಗೆ ಇದೀಗ ಅಮೆಜಾನ್​ (Amazon) ಕಂಪೆನಿ ಗುಡ್​ ನ್ಯೂಸ್​ ನೀಡಿದೆ.

ಜನಪ್ರಿಯ ಇ-ಕಾಮರ್ಸ್​ ಕಂಪೆನಿಯಾಗಿರುವ ಅಮೆಜಾನ್​ ಸದ್ಯ ಆಫರ್​ ಸೇಲ್​ ಅನ್ನು ಆರಂಭಿಸಿದೆ. ಈ ಸೇಲ್​ನಲ್ಲಿ ಹಲವಾರು ಗ್ಯಾಜೆಟ್ಸ್​​ಗಳ, ಸ್ಮಾರ್ಟ್​ಫೋನ್​ಗಳ, ಎಲೆಕ್ಟ್ರಾನಿಕ್ಸ್​ ಸಾಧನಗಳ ಮೇಲೆ ಭರ್ಜರಿ ಆಫರ್ಸ್​​ಗಳು ಲಭ್ಯವಿದೆ. ಇದರ ಜೊತೆಗೆ ಐಫೋನ್​ 12 ಮೇಲೆಯೂ ಬಂಪರ್​ ರಿಯಾಯಿತಿ ಲಭ್ಯವಿದೆ.

ಏನೆಲ್ಲಾ ಆಫರ್ಸ್​​ಗಳು ಲಭ್ಯ?

ಇನ್ನು ಅಮೆಜಾನ್​ ಘೋಷಿಸಿರುವ ಈ ಆಫರ್​ನಲ್ಲಿ 64ಜಿಬಿ ಸ್ಟೋರೇಜ್​ ಹೊಂದಿರುವ ಐಫೋನ್​ 12 ನ ಮೂಲ ಬೆಲೆ 53,999 ರೂಪಾಯಿಯಾಗಿದೆ. ಆದರೆ ಈಗ ಈ ಸ್ಮಾರ್ಟ್​​ಫೋನ್​ ಮೇಲೆ ಬರೋಬ್ಬರಿ 5,901 ರೂಪಾಯಿಗಳಷ್ಟು ರಿಯಾಯಿತಿಯನ್ನು ಘೋಷಿಸಲಾಗಿದೆ. ಹಾಗೆಯೇ ಈ ಸ್ಮಾರ್ಟ್​ಫೋನ್​ ಮೇಲೆ ಬ್ಯಾಂಕ್​ ಆಫರ್ಸ್​, ಎಕ್ಸ್​ಚೇಂಜ್​ ಆಫರ್ಸ್​​ಗಳು ಸಹ ಲಭ್ಯವಿದೆ.

ಇದನ್ನೂ ಓದಿ: ಈ ಒಂದು ಪ್ಲ್ಯಾನ್​ನಲ್ಲಿ ವರ್ಷವಿಡೀ ರೀಚಾರ್ಜ್​ ಮಾಡೋ ಅಗತ್ಯನೇ ಬರಲ್ಲ! ಹೊಸ ಯೋಜನೆ ಪರಿಚಯಿಸಿದ ಕಂಪೆನಿ

ಎಕ್ಸ್​​ಚೇಂಜ್ ಆಫರ್ಸ್​

ಅಮೆಜಾನ್​​ ಇದೀಗ ಐಫೋನ್​ 12 ಖರೀದಿಸುವವರಿಗೆ ಭರ್ಜರಿಯಾಗಿ ಎಕ್ಸ್​ಚೇಂಜ್​ ಆಫರ್​ ಅನ್ನು ಸಹ ಘೋಷಿಸಿದೆ. ಇನ್ನು ನಿಮ್ಮ ಹಳೆಯ ಸ್ಮಾರ್ಟ್​​ಫೋನ್​ ಅನ್ನು ಕೊಟ್ಟು ಹೊಸ ಐಫೋನ್ 12 ಫೋನ್​ ಅನ್ನು ಖರೀದಿ ಮಾಡಬೇಕು ಅಂದುಕೊಂಡ್ರೆ 19 ಸಾವಿರದವರೆಗೆ ಎಕ್ಸ್​​ಚೇಂಜ್ ಆಫರ್​ ಅನ್ನು ಪಡೆಯಬಹುದಾಗಿದೆ. ಆದರೆ ಈ ಆಫರ್ ಕೆಲವೊಂದು ಪ್ರದೇಶಗಳಿಗೆ ಮಾತ್ರ ಸೀಮಿತವಾಗಿದ್ದು, ಜೊತೆಗೆ ನೀವು ಎಕ್ಸ್​​ಚೇಂಜ್ ಮಾಡಲು ಬಯಸುವಂತಹ ಸ್ಮಾರ್ಟ್​​ಫೋನ್​ನ ಮಾದರಿ ಮತ್ತು ಗುಣಮಟ್ಟದ ಮೇಲೆ ನಿರ್ಧರಿಸಲಾಗುತ್ತದೆ.

ಇಎಮ್​​ಐ ಆಫರ್​

ಐಫೋನ್​ 12 ಅನ್ನು ಖರೀದಿ ಮಾಡುವವರಿಗೆ ಅಮೆಜಾನ್​ ವಿಶೇಷವಾಗಿ ಬ್ಯಾಂಕ್​ ಆಫರ್ಸ್​​ಗಳನ್ನು, ಕಡಿಮೆ ವೆಚ್ಚದ ಇಎಮ್​ಐ ಆಯ್ಕೆಗಳನ್ನು ನೀಡಿದೆ. ಇನ್ನು ಇಎಮ್​ಐ ಮೂಲಕ ಖರೀದಿ ಮಾಡುವವರಿಗೆ ಯಾವುದೇ ಬಡ್ಡಿಯಿಲ್ಲದೇ ಈ ಸ್ಮಾರ್ಟ್​​ಫೋನ್ ಅನ್ನು ಅಮೆಜಾನ್ ಮೂಲಕ ಖರೀದಿ ಮಾಡಬಹುದು. ಜೊತೆಗೆ ಸ್ಪಾಟಿಫೈ ಚಂದಾದಾರಿಕೆಯನ್ನೂ 6 ತಿಂಗಳವರೆಗೆ ಪಡೆಯಬಹುದಾಗಿದೆ.

ಐಫೋನ್

ಐಫೋನ್​ 12 ಫೀಚರ್ಸ್​ ಹೇಗಿದೆ?

ಐಫೋನ್ 12 ಸ್ಮಾರ್ಟ್​​ಫೋನ್​ 6.ಇಂಚಿನ ಓಎಲ್​ಇಡಿ ಡಿಸ್‌ಪ್ಲೇ ಹೊಂದಿದ್ದು, ಇದು 1170 x 2532 ಪಿಕ್ಸೆಲ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಹೊಂದಿದೆ.

ಪ್ರೊಸೆಸರ್ ಸಾಮರ್ಥ್ಯ

ಇನ್ನು ಈ ಐಫೋನ್ 12 ಬಯೋನಿಕ್ A14 ಪ್ರೊಸೆಸರ್‌ ಮೂಲಕ ಕಾರ್ಯನಿರ್ವಹಿಸಲಿದ್ದು, 4 ಜಿಬಿ ರ್‍ಯಾಮ್ ಹಾಗೂ 64 ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ನೀಡಲಾಗಿದೆ.ಇನ್ನು ಗುಣಮಟ್ಟದ ಕ್ಯಾಮೆರಾಗಳನ್ನು ಸಹ ಇದರಲ್ಲಿ ನೀಡಲಾಗಿದೆ.

ಆ್ಯಪಲ್​ ಕಂಪೆನಿಯ ಐಫೋನ್​ಗಳು ಇನ್ಮುಂದೆ ಹೊಸ ಕಲರ್​ನಲ್ಲಿ ಲಭ್ಯ

ಯಾವಾಗದಿಂದ ಲಭ್ಯ?

ಐಫೋನ್​​ನ ಈ ಹೊಸ ಹಳದಿ ಬಣ್ಣದ ಮಾದರಿಯನ್ನು ಮಾರ್ಚ್ 10 ರಿಂದ ಪ್ರೀಬುಕಿಂಗ್​ ಮಾಡುವ ಮೂಲಕ ಖರೀದಿಗೆ ಲಭ್ಯಗೊಳಿಸಲಾಗಿದೆ. ಅದೇ ರೀತಿ ಮಾರ್ಚ್ 14 ರಂದು ರೀಟೇಲ್​ ಶಾಪ್​ಗಳಲ್ಲಿ ಮಾರಾಟ ಆರಂಭವಾಗಲಿದೆ. ಐಫೋನ್ 14 ಹಳದಿ ರೂಪಾಂತರದ ಬೆಲೆ ರೂ 79,990 ಮತ್ತು ಐಫೋನ್ 14 ಪ್ಲಸ್ ಹಳದಿ ರೂಪಾಂತರದ ಆರಂಭಿಕ ಬೆಲೆ ರೂ 89,990 ಎಂದು ನಿಗದಿ ಮಾಡಲಾಗಿದೆ.

ವಿಶೇಷ ಆಫರ್​

ವಿಶೇಷವೆಂದರೆ ಈ ಹೊಸ ಐಫೋನ್ ರೂಪಾಂತರಗಳು ಉತ್ತಮ ಡೀಲ್‌ನಲ್ಲಿ ಲಭ್ಯವಾಗುತ್ತಿವೆ. ಈ ಸಂದರ್ಭದಲ್ಲಿ ಆ್ಯಪಲ್​ನ ವಿತರಕರಲ್ಲಿ ಒಬ್ಬರಾದ ರೆಡಿಂಗ್‌ಟನ್ ದೊಡ್ಡ ಘೋಷಣೆಯನ್ನು ಮಾಡಿದ್ದಾರೆ. ಈ ಎರಡೂ ಸ್ಮಾರ್ಟ್‌ಫೋನ್‌ಗಳ ಮೇಲೆ 15,000 ರೂಪಾಯಿಗಳವರೆಗೆ ರಿಯಾಯಿತಿ ನೀಡಲಾಗುವುದು ಎಂದು ವಿತರಕರು ಹೇಳಿದ್ದಾರೆ. ಸ್ಟೋರ್ ರಿಯಾಯಿತಿಗಳು, ಬ್ಯಾಂಕ್ ಕೊಡುಗೆಗಳು ಮತ್ತು ಹಳೆಯ ಐಫೋನ್‌ಗಳ ವಿನಿಮಯವನ್ನು ಪಡೆಯುವ  ಮೂಲಕ ಗ್ರಾಹಕರು ಈ ರಿಯಾಯಿತಿಯನ್ನು ಪಡೆಯಬಹುದು. ವಿಶೇಷವೆಂದರೆ ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್​​ನಲ್ಲಿ ಈ ಸ್ಮಾರ್ಟ್​​ಫೋನ್​ಗಳನ್ನು ಖರೀದಿಸಿದರೆ ಈ ರಿಯಾಯಿತಿ ಲಭ್ಯವಿದೆ.