• Home
  • »
  • News
  • »
  • tech
  • »
  • BSNL Recharge Offers: ಬಿಎಸ್​​ಎನ್​ಎಲ್​ ಗ್ರಾಹಕರಿಗೆ ಗುಡ್​ ನ್ಯೂಸ್​! ಈ ರೀಚಾರ್ಜ್​ನಲ್ಲಿ 200 ರೂಪಾಯಿ ಡಿಸ್ಕೌಂಟ್​

BSNL Recharge Offers: ಬಿಎಸ್​​ಎನ್​ಎಲ್​ ಗ್ರಾಹಕರಿಗೆ ಗುಡ್​ ನ್ಯೂಸ್​! ಈ ರೀಚಾರ್ಜ್​ನಲ್ಲಿ 200 ರೂಪಾಯಿ ಡಿಸ್ಕೌಂಟ್​

ಬಿಎಸ್​ಎನ್​ಎಲ್​ ಟೆಲಿಕಾಂ ಕಂಪನಿ

ಬಿಎಸ್​ಎನ್​ಎಲ್​ ಟೆಲಿಕಾಂ ಕಂಪನಿ

ಇದೀಗ ಬಿಎಸ್​ಎನ್​ಎಲ್​ ತನ್ನ ಗ್ರಾಹಕರಿಗೆ ಭರ್ಜರಿ ಆಫರ್ಸ್​ ಅನ್ನು ಘೋಷಿಸಿದೆ. ಭಾರತ ಸಂಚಾರ ನಿಗಮ ಲಿಮಿಟೆಡ್ ತನ್ನ ಬ್ರಾಡ್‌ಬ್ಯಾಂಡ್ ಗ್ರಾಹಕರಿಗೆ ಹೊಸ ವರ್ಷದ ಕೊಡುಗೆಯನ್ನು ಘೋಷಿಸಿದೆ. ಈ ಮೂಲಕ ಅವರು ವರ್ಷಕ್ಕೆ ಬರೋಬ್ಬರಿ 1200 ರೂ. ಗಳನ್ನು ಉಳಿಸಬಹುದಾಗಿದೆ.

  • Share this:

    ಟೆಲಿಕಾಂ ಕಂಪನಿಗಳು (Telecom Company) ತನ್ನ ರೀಚಾರ್ಜ್​ ಆಫರ್ಸ್​ (Recharge Offers) ಮೂಲಕವೇ ಗ್ರಾಹಕರನ್ನು ತನ್ನತ್ತ ಸೆಳೆಯುವಂತೆ ಮಾಡುತ್ತದೆ. ಆದರೆ ಟೆಲಿಕಾಂ ಕಂಪನಿಗಳಲ್ಲಿ ಜಿಯೋ, ಏರ್​​ಟೆಲ್​, ವೊಡಫೋನ್ ಐಡಿಯಾ ಈ ರೀತಿಯ ಹಲವಾರು ಖಾಸಗಿ ಕಂಪನಿಗಳಿವೆ. ಆದರೆ ಇವೆಲ್ಲದಕ್ಕೆ ಪೈಪೋಟಿ ನೀಡುವಂತಹ ಸರ್ಕಾರಿ ಕಂಪನಿಯೆಂದರೆ ಬಿಎಸ್​​ಎನ್​ಎಲ್​ ಕಂಪನಿ (BSNL Company). ಇದು ಒಂದು ಸರ್ಕಾರಿ ಕಂಪನಿಯಾಗಿದ್ದು. ಎಷ್ಟೇ ಹೊಸ ಕಂಪನಿಗಳು ಮಾರುಕಟ್ಟೆಗೆ ಕಾಲಿಟ್ಟರು ಈ ಕಂಪನಿಯ ಗ್ರಾಹಕರು ಹಾಗೇ ಇದ್ದಾರೆ. ಹಿಂದಿನಿಂದಲೂ ಭಾರೀ ಜನಪ್ರಿಯತೆಯನ್ನು ಪಡೆದ ಟೆಲಿಕಾಂ ಕಂಪನಿಯೆಂದರೆ ಅದು ಬಿಎಸ್​​ಎನ್​ಎಲ್ ಅಂತಾನೇ ಹೇಳ್ಬಹುದು. ಇದರ ರೀಚಾರ್ಜ್​ ಬೆಲೆಗಳು ಕೂಡ ಗ್ರಾಹಕರಿಗೆ ಕೈಗೆಟಕುವ ಬೆಲೆಯಲ್ಲಿರುವುದರಿಂದ ಇದು ಇನ್ನಷ್ಟು ಜನಪ್ರಿಯತೆಯನ್ನು ಪಡೆದಿದೆ.


    ಇದೀಗ ಬಿಎಸ್​ಎನ್​ಎಲ್​ ತನ್ನ ಗ್ರಾಹಕರಿಗೆ ಭರ್ಜರಿ ಆಫರ್ಸ್​ ಅನ್ನು ಘೋಷಿಸಿದೆ. ಭಾರತ ಸಂಚಾರ ನಿಗಮ ಲಿಮಿಟೆಡ್ ತನ್ನ ಬ್ರಾಡ್‌ಬ್ಯಾಂಡ್ ಗ್ರಾಹಕರಿಗೆ ಹೊಸ ವರ್ಷದ ಕೊಡುಗೆಯನ್ನು ಘೋಷಿಸಿದೆ. ಈ ಮೂಲಕ ಅವರು ವರ್ಷಕ್ಕೆ ಬರೋಬ್ಬರಿ 1200 ರೂ. ಗಳನ್ನು ಉಳಿಸಬಹುದಾಗಿದೆ.


    ಬ್ರಾಂಡ್​ಬ್ಯಾಂಡ್​ ಗ್ರಾಹಕರಿಗಾಗಿ ಆಫರ್ಸ್​ ಬಿಡುಗಡೆ


    ಬಿಎಸ್​​​ಎನ್​ಎಲ್​ ಟೆಲಿಕಾಂ ಕಂಪನಿ ಬಿಡುಗಡೆ ಮಾಡಿರುವ ಈ ವರ್ಷದ ರೀಚಾರ್ಜ್​ ಆಫರ್​ ಬಿಎಸ್​​ಎನ್​ಎಲ್​ ಫೈಬರ್​ ಇಂಟರ್ನೆಟ್​​ ಸೇವೆ ಪಡೆಯುವವರಿಗೆ ಸಂಭಂಧಿಸಿದೆ. ಇದು ಡಿಜಿಟಲ್​​ ಚಂದಾದಾರಿಕೆ ಲೈನ್​ (ಢಿಎಸ್​​​ಎಲ್​) ನೆಟ್​​ವರ್ಕ್​ ಅನ್ನು ಹೊಂದಿದವರಿಗೆ ಮಾತ್ರ ಅನ್ವಯವಾಗುತ್ತದೆ ಎಂದು ಕಂಪನಿ ಹೇಳಿದೆ.


    ಇದನ್ನೂ ಓದಿ: ಜಿಯೋ ಜೊತೆ ಪಾಲುದಾರಿಕೆ ಮಾಡಿಕೊಂಡ ಶಿಯೋಮಿ ಕಂಪನಿ! ಕಾರಣವೇನು ಗೊತ್ತಾ?


    ಈ ಆಫರ್ಸ್​ನ ಮುಖ್ಯ ಉದ್ದೇಶವೆಂದರೆ ಇದುವರೆಗೂ ಹೆಚ್ಚಿನ ಜನರು ಬಿಎಸ್​​ಎನ್​ಎಲ್​ನ ಡಿಎಸ್​ಎಲ್​ ನೆಟ್​ವರ್ಕ್​ ಸೇವೆಗಳನ್ನೇ ಬಳಸುವ ಚಂದಾದಾರರೂ ಹೆಚ್ಚಾಗಿದ್ದಾರೆ, ಆದರೆ ಬಿಎಸ್​ಎನ್​ಎಲ್​ ಫೈಬರ್​ ನೆಟ್​ವರ್ಕ್​ ಸೇವೆಯನ್ನು ಯಾರೂ ಬಳಸುತ್ತಿಲ್ಲ. ಆದ್ದರಿಂದ ಫೈಬರ್​ ನೆಟ್​ವರ್ಕ್​ ಸೇವೆಗೆ ಚಂದಾದಾರರನ್ನು ಹೆಚ್ಚಿಸುವ ಕಾರಣಕ್ಕೆ ಈ ರೀತಿಯ ಆಫರ್ಸ್​ ಅನ್ನು ಕಂಪನಿ ಘೋಷಿಸಿದೆ.


    ಈ ಬ್ರಾಡ್​ಬ್ಯಾಂಡ್​ ಕೊಡುಗೆಯ ಉದ್ದೇಶ


    ಬಿಎಸ್‌ಎನ್‌ಎಲ್‌ ತನ್ನ ಭಾರತ್ ಫೈಬರ್ ಸೇವೆಗಳನ್ನು ಭಾರತದ ಹೆಚ್ಚಿನ ನಗರಗಳಲ್ಲಿ ಆರಂಭಿಸಿದೆ. ಆದರೂ ಡಿಎಸ್‌ಎಲ್‌ನ ಸಂಪರ್ಕಗಳನ್ನು ಬಳಸುವ ಇಂಟರ್ನೆಟ್ ಚಂದಾದಾರರು ಭಾರತ್ ಫೈಬರ್ ಸೇವೆಗಳ ಕಡೆಗೆ ಮುಖ ಮಾಡುತ್ತಿಲ್ಲ. ಈ ಎಲ್ಲಾ ವಿಷಯಗಳನ್ನು ಗಮನಿಸಿದ ಕಂಪನಿ, ಫೈಬರ್ ನೆಟ್​ವರ್ಕ್​ ಸೇವೆ ಕಡೆ ಸೆಳೆಯಲು ಈ ರೀತಿಯ ಯೋಜನೆಯನ್ನು ಬಿಡುಗಡೆ ಮಾಡಿದೆ.


    ಈ ಯೋಜನೆ ಮೂಲಕ 200 ರೂ. ರಿಯಾಯಿತಿ ಪಡೆಯಬಹುದು


    ಬಿಎಸ್​​ಎನ್​ಎಲ್​ ಕಂಪನಿ ಇದೀಗ ರಿಯಾಯಿತಿ ಕೊಡುಗಡ ಬಿಡುಗಡೆ ಮಾಡಿದ್ದು, ಈ ಮೂಲಕ ಡಿಎಸ್​ಎಲ್​ ಬ್ರಾಡ್​ಬ್ಯಾಮಡ್​ ಗ್ರಾಹಕರು ಭಾರತ್​ ಫೈಬರ್​ ಸೇವೆಗಳನ್ನು ಬಳಸಲು ಆರಂಭಿಸಿದರೆ, ಈ ಮೂಲಕ ಅವರು ವಿಶೇಷ ರಿಯಾಯಿತಿಯನ್ನಬು ಪಡೆಯಬಹುದು. ಅಂದರೆ ಡಿಎಸ್​ಎಲ್​ನಿಂದ ಭಾರತ್​ ಫೈಬರ್ ಸೇವೆಗೆ ಬದಲಾಯಿಸಿದ ಗ್ರಾಹಕರು ತಿಂಗಳ ಪ್ರತೀ ರೀಚಾರ್ಜ್​ನಲ್ಲಿ 6 ತಿಂಗಳವರೆಗೆ 200 ರೂಪಾಯಿ ರಿಯಾಯಿತಿಯನ್ನು ಪಡೆಯಬಹುದಾಗಿದೆ. ಈ ಮೂಲಕ ಒಟ್ಟು 1200 ರೂ. ಗಳನ್ನು ಉಳಿಸಬಹುದಾಗಿದೆ.


    ಬ್ರಾಂಡ್​ಬ್ಯಾಂಡ್​ ಸೇವೆ ಕೇವಲ 275 ರೂ.ಗಳಿಂದ ಪ್ರಾರಂಭ


    ಇನ್ನು ಪ್ರತಿ ತಿಂಗಳು 300Mbps ವರೆಗಿನ ಇಂಟರ್ನೆಟ್ ವೇಗ ಮತ್ತು ಓಟಿಟಿ ಪ್ಲಾಟ್​​ಫಾರ್ಮ್​ಗಳ ಪ್ರಯೋಜನ ಪಡೆದುಕೊಳ್ಳಲು ಕೇವಲ 275 ರೂ. ಗಳನ್ನು ಮಾತ್ರ ಪಾವತಿ ಮಾಡಬೇಕಿದೆ. ಇದರಿಂದ ಕಡಿಮೆ ಹಣದಲ್ಲಿ ಹೆಚ್ಚಿನ ಸೌಲಭ್ಯ ಪಡೆದುಕೊಳ್ಳುವ ಅವಕಾಶ ಕಲ್ಪಿಸಲಾಗಿದೆ. ಅದರಲ್ಲೂ ಫೈಬರ್‌ ಸೇವೆಗಳ ಬೆಲೆ 275 ರೂ. ಗಳಿಂದಲೂ ಆರಂಭವಾಗುತ್ತವೆ.


    ಬಿಎಸ್​ಎನ್​ಎಲ್​ ಬ್ರಾಂಡ್​ಬ್ಯಾಂಡ್ ಬಳಕೆಯಲ್ಲಿ ಕುಸಿತ


    ಬ್ರಾಂಡ್​ಬ್ಯಾಂಡ್​ ವಿಷಯದ ಬಗ್ಗೆ ಮಾತಾಡುವುದಾದರೆ ಬಿಎಸ್​ಎನ್​ಎಲ್​ ಮಾರುಕಟ್ಟೆಯಲ್ಲಿ ತನ್ನ ನೆಲೆಯನ್ನು ನಿಧಾನವಾಗಿ ಕಳೆದುಕೊಳ್ಳುತ್ತಿದೆ. ಇದಕ್ಕೆ ಮುಖ್ಯ ಕಾರಣವೆಂದರೆ ಜಿಯೋ ಮತ್ತು ಏರ್​ಟೆಲ್​ ಟೆಲಿಕಾಂ ಕಂಪನಿಗಳ ಬೆಳವಣಿಗೆ ಅಂತಾನೆ ಹೇಳ್ಬಹುದು. ಯಾಕೆಂದರೆ ಹೆಚ್ಚಿನ ಜನರು ಇತ್ತೀಚೆಗೆ ಜಿಯೋ ಮತ್ತು ಏರ್​ಟೆಲ್​ನ ಫೈಬರ್​​​ ನೆಟ್​ವರ್ಕ್​ ಸೇವೆಗಳನ್ನು ಬಳಸಲು ಪ್ರಾರಂಭಿಸಿದ್ದಾರೆ. ಇದು ಕೂಡ ಉತ್ತಮ ಸೇವೆಯನ್ನು ನೀಡುತ್ತಿದೆ. ಅದರಲ್ಲೂ ಇತ್ತೀಚಿನ ಮಾಹಿತಿಯ ಪ್ರಕಾರ ವಾಯರ್‌ಲೆಸ್‌ ವಿಭಾಗದಲ್ಲಿ ಜಿಯೋ ಬಿಎಸ್‌ಎನ್‌ಎಲ್‌ ಅನ್ನು ಹಿಂದಿಕ್ಕಿದೆ. ಹಾಗೆಯೇ ಏರ್‌ಟೆಲ್ ಸಹ ಬಿಎಸ್‌ಎನ್‌ಎಲ್‌ ಮೀರಿಸುವ ಹಂತದಲ್ಲಿದೆ.

    Published by:Prajwal B
    First published: