BSNL Recharge Plan: ಬಿಎಸ್​​ಎನ್​ಎಲ್​ ಬಂಪರ್​ ರೀಚಾರ್ಜ್ ಪ್ಲ್ಯಾನ್​, ಕೇವಲ 797 ರೂಪಾಯಿಗೆ ವಾರ್ಷಿಕ ವ್ಯಾಲಿಡಿಟಿ!

ಭಾರತೀಯ ಟೆಲಿಕಾಂ ವಲಯದಲ್ಲಿ (Indian Telecom Company) ಹಲವಾರು ಖಾಸಗಿ ಕಂಪೆನಿಗಳಿವೆ. ಆದರೆ ಸರ್ಕಾರಿ ಒಡೆತನದಲ್ಲಿರುವ ಕಂಪೆನಿಗಳಿರುವುದು ಕೆಲವೇ ಕೆಲವು. ಈ ಕಂಪೆನಿಗಳು ಭಾರತದ ಮಾರುಕಟ್ಟೆಯಲ್ಲಿ ಅಗ್ರಸ್ಥಾನವನ್ನು ಗಿಟ್ಟಿಸಿಕೊಳ್ಳುವ ದೃಷ್ಟಿಯಿಂದ ತನ್ನ ಗ್ರಾಹಕರಿಗಾಗಿ ಹೊಸ ಹೊಸ ರೀಚಾರ್ಜ್ ಪ್ಲ್ಯಾನ್​ಗಳನ್ನು (Recharge Plans) ಪರಿಚಯಿಸುತ್ತಿರುತ್ತದೆ. ಸರ್ಕಾರಿ ಟೆಲಿಕಾಂ ಕಂಪೆನಿಗಳಲ್ಲಿ ಮುಂಚೂಣಿಯಲ್ಲಿರುವ ಕಂಪೆನಿಯೆಂದರೆ ಅದು ಬಿಎಸ್​ಎನ್​ಎಲ್ (BSNL)​. ಇದು ಅಗ್ಗದ ಬೆಲೆಯಲ್ಲಿ ರೀಚಾರ್ಜ್​ ಯೋಜನೆಗಳನ್ನು ಗ್ರಾಹಕರಿಗಾಗಿ ಪರಿಚಯಿಸುತ್ತಲೇ ಇರುತ್ತದೆ. ಭಾರೀ ಹಿಂದಿನಿಂದ ತನ್ನದೇ ಆದ ಶೈಲಿಯಲ್ಲಿ ಗ್ರಾಹಕರನ್ನು ಹೊಂದಿದ್ದು, ಖಾಸಗಿ ಕಂಪೆನಿಗಳ ಬೆಳವಣಿಗೆಯಿಂದ ಈ ಕಂಪೆನಿ ಗ್ರಾಹಕರು ಸ್ವಲ್ಪ ಮಟ್ಟಿಗೆ ಕಡಿಮೆಯಾಗಿದ್ದಾರೆ. 

ಬಿಎಸ್​ಎನ್​ಎಲ್​ ಕಂಪೆನಿ ಇದೀಗ ತನ್ನ ಗ್ರಾಹಕರಿಗಾಗಿ ಹೊಸ ಪ್ರೀಪೇಯ್ಡ್​ ರೀಚಾರ್ಜ್​ ಯೋಜನೆಯನ್ನು ಪರಿಚಯಿಸಿದೆ. ಇದು ವಾರ್ಷಿಕ ವ್ಯಾಲಿಡಿಟಿಯನ್ನು ಹೊಂದಿದ್ದು, ಭಾರೀ ಅಗ್ಗದ ಬೆಲೆಯನ್ನು ಇದು ಹೊಂದಿದೆ. ಹಾಗಿದ್ರೆ ಇದರ ಬೆಲೆ ಎಷ್ಟು? ಏನೆಲ್ಲಾ ಪ್ರಯೋಜನಗಳು ಲಭ್ಯವಿದೆ ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.

ಯಾವುದು ಆ ಯೋಜನೆ?

ಸರ್ಕಾರಿ ಸ್ವಾಮ್ಯದಲ್ಲಿರುವ ಬಿಎಸ್‌ಎನ್‌ಎಲ್‌ ಟೆಲಿಕಾಂ ಕಂಪೆನಿ ಇದೀಗ ತನ್ನ ಗ್ರಾಹಕರಿಗಾಗಿ 797 ರೂಪಾಯಿಗಳ ಪ್ರೀಪೇಯ್ಡ್‌ ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯನ್ನು ರೀಚಾರ್ಜ್ ಮಾಡಿದ ಗ್ರಾಹಕರಿಗೆ 365 ದಿನಗಳ ವ್ಯಾಲಿಡಿಟಿ ಪ್ರಯೋಜನ ಲಭ್ಯವಾಗಲಿದೆ. ಇದರೊಂದಿಗೆ ಹೆಚ್ಚುವರಿ ಸೌಲಭ್ಯಗಳು ಸಿಗುತ್ತದೆ.

ಬಿಎಸ್​ಎನ್​ಎಲ್​ನ 797 ರೂಪಾಯಿ ರೀಚಾರ್ಜ್ ಯೋಜನೆಯ ಲಾಭಗಳು

ಬಿಎಸ್‌ಎನ್‌ಎಲ್‌ ಸಂಸ್ಥೆಯ ಹೊಸ 797 ರೂಪಾಯಿ ಪ್ರಿಪೇಯ್ಡ್ ರೀಚಾರ್ಜ್​ ಯೋಜನೆಯಲ್ಲಿ ಪ್ರತಿದಿನ 2 ಜಿಬಿ ಡೇಟಾವನ್ನು ಬಳಕೆ ಮಾಡಬಹುದಾಗಿದೆ. ಇದರೊಂದಿಗೆ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​ ಮಾಡುವಂತಹ ಪ್ರಯೋಜನ ಸಹ ಸಿಗಲಿದೆ. ಇದಲ್ಲದೇ ಪ್ರತಿದಿನ 100 ಉಚಿತ ಎಸ್‌ಎಮ್ಎಸ್‌ ಅನ್ನು ಮಾಡಬಹುದು. ಇನ್ನು ಈ ಯೋಜನೆಯಲ್ಲಿ ನೀಡಿದ ಡೇಟಾವು ದಿನದಲ್ಲಿ ಮುಗಿದ ನಂತರ, ಇಂಟರ್ನೆಟ್‌ ವೇಗವು 40kpbs ಗೆ ಇಳಿಕೆಯಾಗುತ್ತದೆ.

60 ದಿನಗಳವರೆಗೆ ಮಾತ್ರ  ಡೇಟಾ

ಬಿಎಸ್​​ಎನ್​ಎಲ್​ ಪರಿಚಯಿಸಿದ ಹೊಸ ಪ್ರೀಪೇಯ್ಡ್​ ರೀಚಾರ್ಜ್​ ಪ್ಲ್ಯಾನ್​ 365 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದೆ. ಆದರೆ ಇದರಲ್ಲಿ ರೀಚಾರ್ಜ್​ ಮಾಡಿದ ಮೊದಲ 60 ದಿನಗಳಿಗೆ ಡೇಟಾ ಸೌಲಭ್ಯ, ಎಸ್​ಎಮ್​ಎಸ್​ ಹಾಗೂ ವಾಯ್ಸ್​ ಕಾಲ್​ ಸೌಲಭ್ಯ ದೊರೆಯುತ್ತದೆ. ಹಾಗಿದ್ರೆ ಈ ಯೋಜನೆಯಿಂದ ಬೇರೇನು ಪ್ರಯೋಜನ ಇದೆ ಎಂದು ಪ್ರಶ್ನೆ ಮೂಡಬಹುದು, ಈ ಯೋಜನೆಯಿಂದ ನಿಮ್ಮ ಸಿಮ್​ ಅನ್ನು ಆ್ಯಕ್ಟಿವ್ ಆಗಿ ಇಟ್ಟುಕೊಳ್ಳಬಹುದು ಹಾಗೂ ಕಡಿಮೆ ಬೆಲೆಯಲ್ಲಿ ಹೆಚ್ಚು ವ್ಯಾಲಿಡಿಟಿ ಬಯಸುವವರಿಗೆ ಈ ಯೋಜನೆ ಉತ್ತಮವಾಗಿದೆ.

ಬಿಎಸ್​ಎನ್​ಎಲ್​

ಇತರೆ ಯೋಜನೆಗಳು

ಬಿಎಸ್​ಎನ್​ಎಲ್​ನ 299 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​

ಬಿಎಸ್‌ಎನ್‌ಎಲ್ ಟೆಲಿಕಾಂನ 299 ರೂಪಾಯಿ ಪ್ಲ್ಯಾನ್ ಅಗ್ಗದ ಬೆಲೆಯ ಯೋಜನೆಯಾಗಿದ್ದು, ಇದು ಒಟ್ಟು 30 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಒಳಗೊಂಡಿದೆ. ಈ ಪ್ಲ್ಯಾನ್​ನಲ್ಲಿ ಗ್ರಾಹಕರಿಗೆ ಪ್ರತಿದಿನ 3 ಜಿಬಿ ಡೇಟಾ ಸೌಲಭ್ಯ ದೊರೆಯುತ್ತದೆ. ಇದರೊಂದಿಗೆ ಪ್ರತಿದಿನ 100 ಎಸ್‌ಎಮ್‌ಎಸ್‌ ಹಾಗೂ ಅನಿಯಮಿತ ವಾಯ್ಸ್​ ಕಾಲ್​ ಮಾಡುವ ಪ್ರಯೋಜನ ಸಿಗುತ್ತದೆ. ಇನ್ನು ದಿನದಲ್ಲಿ 3 ಜಿಬಿ ಡೇಟಾವನ್ನು ಬಳಕೆ ಮಾಡಿ ಮುಗಿದ ನಂತರ ಇಂಟರ್ನೆಟ್ ವೇಗವು 80 Kbps ಗೆ ಕಡಿಮೆಯಾಗುತ್ತದೆ.

ಇದನ್ನೂ ಓದಿ: ಸ್ಯಾಮ್​ಸಂಗ್ ಕಂಪೆನಿಯ ಬಹುನಿರೀಕ್ಷಿತ ಎರಡು ಸ್ಮಾರ್ಟ್​​ಫೋನ್​ಗಳ ಅನಾವರಣ! ಹೇಗಿದೆ ಫೀಚರ್ಸ್​?

ಬಿಎಸ್​ಎನ್​ಎಲ್​ನ 347 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​

ಬಿಎಸ್‌ಎನ್‌ಎಲ್‌ ಟೆಲಿಕಾಂನ 347 ರೂಪಾಯಿ ಯೋಜನೆಯು 56 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿಕೊಂಡಿದೆ. ಈ ಯೋಜನೆಯು ಗ್ರಾಹಕರಿಗೆ 2 ಜಿಬಿ ದೈನಂದಿನ ಡೇಟಾ, ದೈನಂದಿನ 100 ಉಚಿತ ಎಸ್‌ಎಮ್‌ಎಸ್‌ ಸೌಲಭ್ಯವನ್ನು ನೀಡುತ್ತದೆ. ಇದರೊಂದಿಗೆ ಅನಿಯಮಿತ ವಾಯ್ಸ್​ ಕಾಲ್​ ಮಾಡುವ ಪ್ರಯೋಜನ ಸಹ ಒಳಗೊಂಡಿದೆ. ಈ ಯೋಜನೆಯಲ್ಲೂ ಸಹ ನಿಗದಿತ ಡೇಟಾ ಮುಗಿದ ಬಳಿಕ ಇಂಟರ್ನೆಟ್ ವೇಗವು 80 Kbps ಇಳಿಕೆಯಾಗುತ್ತದೆ.