• Home
  • »
  • News
  • »
  • tech
  • »
  • Bluetooth Neckbands: ಕೇವಲ 899 ರೂಪಾಯಿಗೆ ಸಿಗಲಿದೆ ಬ್ಲೂಟೂತ್​ ನೆಕ್​ಬ್ಯಾಂಡ್​! ಫೀಚರ್ಸ್‌ ಹೇಗಿದೆ ಅಂತ ಇಲ್ಲಿ ತಿಳಿದುಕೊಳ್ಳಿ

Bluetooth Neckbands: ಕೇವಲ 899 ರೂಪಾಯಿಗೆ ಸಿಗಲಿದೆ ಬ್ಲೂಟೂತ್​ ನೆಕ್​ಬ್ಯಾಂಡ್​! ಫೀಚರ್ಸ್‌ ಹೇಗಿದೆ ಅಂತ ಇಲ್ಲಿ ತಿಳಿದುಕೊಳ್ಳಿ

ನೆಕಾನ್​ 102 ಬ್ಲೂಟೂತ್​ ನೆಕ್​ಬ್ಯಾಂಡ್

ನೆಕಾನ್​ 102 ಬ್ಲೂಟೂತ್​ ನೆಕ್​ಬ್ಯಾಂಡ್

ಇತ್ತೀಚೆಗೆ ಮಾರುಕಬಟ್ಟೆಗಳಲ್ಲಿ ಹೆಚ್ಚು ಬೇಡಿಕೆಯಲ್ಲಿರುವಂತಹ ಸಾಧನಗಳೆಂದರೆ ಬ್ಲೂಟೂತ್​ ನೆಕ್​ಬ್ಯಾಂಡ್​ಗಳು. ಈ ಎಲ್ಲಾ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಭಾರತದ ಕಂಪನಿಯೊಂದು ಈ ಬಾರಿ ಹೊಸ ಬ್ಕೂಟೂತ್​​ ನೆಕ್​ಬ್ಯಾಂಡ್​ ಅನ್ನು ಬಿಡುಗಡೆ ಮಾಡುತ್ತಿದೆ. ಇದರ ಫೀಚರ್ಸ್​ ಮತ್ತು ಬೆಲೆಯ ಬಗ್ಗೆ ಮಾಹಿತಿ ಇಲ್ಲಿದೆ.

ಮುಂದೆ ಓದಿ ...
  • Share this:

    ಇತ್ತೀಚೆಗೆ ವೈರ್​ಲೆಸ್ ((Wireless)​ ಸಾಧನಗಳು ಬಹಳ ಪ್ರಸಿದ್ಧಿಯಲ್ಲಿ. ಟೆಕ್ನಾಲಜಿ (Technology) ಯುಗದಲ್ಲಿ ಈ ಮ್ಯೂಸಿಕ್​ ಗ್ಯಾಜೆಟ್ಸ್​ಗಳು (Music Gadgets) ಅಗ್ರಸ್ಥಾನವನ್ನು ಗಳಿಸಲು ಮುಂದಾಗುತ್ತಿದೆ. ಭಾರತೀಯ ಟೆಕ್ನಾಲಜಿ ಕಂಪನಿಗಳಲ್ಲಿ ಹಲವಾರು ಉತ್ತಮ ಗುಣಮಟ್ಟದ ಕಂಪನಿಗಳಿವೆ. ಈ ಕಂಪನಿಗಳು ದಿನದಿಂದ ದಿನಕ್ಕೆ ಹೊಸಹೊಸ ಸಾಧನಗಳನ್ನು ದೇಶದ ಮಾರುಕಟ್ಟೆಗಳಿಗೆ ತರಲು ಪ್ರಯತ್ನಿಸುತ್ತಿದೆ. ಇತ್ತೀಚೆಗೆ ಸ್ಮಾರ್ಟ್​ಫೋನ್​ಗಳ ಜೊತೆ ಒಂದು ಇಯರ್​ಫೋನ್​ ಅಥವಾ ಬ್ಲೂಟೂತ್​ ನೆಕ್​ಬ್ಯಾಂಡ್​ಗಳನ್ನು (Bluetooth Neckbands), ಹೆಡ್​ಫೋನ್​ಗಳನ್ನು (Headphones) ಇಟ್ಟುಕೊಂಡಿರುತ್ತಾರೆ. ಇದೀಗ ದೇಶದಲ್ಲಿ SWOTT ನೆಕಾನ್​ 102 (SWOTT Neckon 102) ಎಂಬ ಬ್ಲೂಟೂತ್​ ನೆಕ್​ಬ್ಯಾಂಡ್ (Bluetooth Neckband)​ ಬಿಡುಗಡೆಯಾಗುತ್ತಿದ್ದು ಗ್ರಾಹಕರಿಗೆ ಕೈಗೆಟಕುವ ಬೆಲೆಯಲ್ಲಿ ಇದನ್ನು ಖರೀದಿಸಬಹುದಾಗಿದೆ. 


    ಹೌದು, ಇತ್ತೀಚೆಗೆ ಮಾರುಕಟ್ಟೆಗಳಲ್ಲಿ ಹೆಚ್ಚು ಬೇಡಿಕೆಯಲ್ಲಿರುವಂತಹ ಸಾಧನಗಳೆಂದರೆ ಬ್ಲೂಟೂತ್​ ನೆಕ್​ಬ್ಯಾಂಡ್​ಗಳು. ಈ ಎಲ್ಲಾ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಭಾರತದ ಕಂಪನಿಯೊಂದು ಈ ಬಾರಿ ಹೊಸ ಬ್ಕೂಟೂತ್​​ ನೆಕ್​ಬ್ಯಾಂಡ್​ ಅನ್ನು ಬಿಡುಗಡೆ ಮಾಡುತ್ತಿದೆ. ಇದರ ಫೀಚರ್ಸ್​ ಮತ್ತು ಬೆಲೆಯ ಬಗ್ಗೆ ಮಾಹಿತಿ ಇಲ್ಲಿದೆ.


    Swott ನೆಕಾನ್​ 102 ನೆಕ್​ಬ್ಯಾಂಡ್​ನ ಸ್ಪೆಷಲ್​ ಫೀಚರ್ಸ್:


    ಈ ಬ್ಲೂಟೂತ್ ನೆಕ್‌ಬ್ಯಾಂಡ್ ಅನ್ನು ಸಿಲಿಕಾನ್​ನಿಂದ ತಯಾರಿಸಲಾಗಿದೆ. ಆದ್ದರಿಂದ ಇದು ಬಳಕೆದಾರರ ಚರ್ಮಕ್ಕೆ ಹಾನಿಯಾಗುವುದಿಲ್ಲ. ಅಲ್ಲದೆ, ಬಳಕೆದಾರರು ಇದನ್ನು ದೀರ್ಘಕಾಲದವರೆಗೆ ಹಾಕಿಕೊಳ್ಳಬಹುದಾಗಿದೆ.


    ಇದನ್ನೂ ಓದಿ: 200 ಮೆಗಾಪಿಕ್ಸೆಲ್​ ಕ್ಯಾಮೆರಾ ಇರುವ ಎರಡು ಸ್ಮಾರ್ಟ್​ಫೋನ್ಸ್​ ಬಿಡುಗಡೆ! 12 ನಿಮಿಷದಲ್ಲಿ ಫುಲ್ ಚಾರ್ಜ್


    ವ್ಯಾಯಾಮಗಳು, ಜಾಗಿಂಗ್, ಓಟ ಮತ್ತು ಕ್ರೀಡಾ ಅವಧಿಗಳಲ್ಲಿ ನೀವು ಈ ನೆಕ್‌ಬ್ಯಾಂಡ್ ಅನ್ನು ಆರಾಮವಾಗಿ ಬಳಸಬಹುದು. ಈ ನೆಕ್​ಬ್ಯಾಂಡ್​ ಅನ್ನು ನಿಮ್ಮ ಸ್ಮಾರ್ಟ್​​ಫೋನ್​ಗೆ ಒಮ್ಮೆ ಕನೆಕ್ಟ್​ ಮಾಡಿದರೆ ನಂತರ ಮ್ಯೂಸಿಕ್​ ಕೇಳುವಾಗ, ಕಾಲ್ ಸ್ವೀಕರಿಸುವಾಗ, ಮಾತನಾಡುವಾಗ ಇದರಿಂದ ಯಾವುದೇ ಸಮಸ್ಯೆಗಳಾಗುವುದಿಲ್ಲ.


    ನೆಕಾನ್​ 102 ಬ್ಲೂಟೂತ್​ ನೆಕ್​ಬ್ಯಾಂಡ್


    ಬ್ಯಾಟರಿ ಸಾಮರ್ಥ್ಯ


    ನೆಕಾನ್ 102 ದೀರ್ಘ ಬ್ಯಾಟರಿ ಬಾಳಿಕೆಯನ್ನು ಹೊಂದಿದೆ. ಈ ನೆಕಾನ್​ 102 ನೆಕ್‌ಬ್ಯಾಂಡ್ 40 ನಿಮಿಷಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ ಮತ್ತು 40 ಗಂಟೆಗಳವರೆಗೆ ನಿರಂತರವಾಗಿ ಈ ಬ್ಲೂಟುತ್​ ಅನ್ನು ಬಳಸಬಹುದಾಗಿದೆ. ಇನ್ನು ಈ ಬ್ಲೂಟೂತ್ ನೆಕ್‌ಬ್ಯಾಂಡ್ ಗೂಗಲ್ ಅಸಿಸ್ಟೆಂಟ್​ ಮತ್ತು ಸಿರಿ ಎರಡರಲ್ಲೂ ಕಾರ್ಯನಿರ್ವಹಿಸುತ್ತದೆ. ಬಳಕೆದಾರರು 2 ಸೆಕೆಂಡುಗಳ ಕಾಲ ಪವರ್ ಬಟನ್ ಅನ್ನು ಹಿಡಿದಿಟ್ಟುಕೊಳ್ಳುವ ಮೂಲಕ ಸೌಂಡ್​ ಅಸಿಸ್ಟೆಂಟ್​ ಅನ್ನು ಆನ್​ ಮಾಡಬಹುದಾಗಿದೆ.


    ನಾಯ್ಸ್​ ಕ್ಯಾನ್ಸಲೇಶನ್ ಫೀಚರ್ಸ್


    ಇನ್ನು ಈ ನೆಕಾನ್ 102 ಬ್ಲೂಟೂತ್​ ಕಾಲ್​ನಲ್ಲಿ ಮಾತಾಡಬೇಕಾದರೆ ಸ್ಪಷ್ಟವಾಗಿ ಕೇಳುವಂತಹ ಫೀಚರ್ಸ್ ಅನ್ನು ಹೊಂದಿದೆ. ನಾವು ಕೂಡ ಮಾತಾಡಬೇಕಾದರೆ ಕೇಳುವವರಿಗೆ ಸರಿಯಾಗಿ ಅರ್ಥೈಸುತ್ತದೆ. ಈ ಬ್ಲೂಟೂತ್​ ಮ್ಯಾಗ್ನಟಿಕ್​ ಮೆಟಲ್​ ಇಯರ್​​ಬಡ್​ಗಳನ್ನು ಒಳಗೊಂಡಿದ್ದು ಬ್ಲೂಟೂತ್​ 5.0 ದಲ್ಲಿ ಕಾರ್ಯನಿರ್ವಹಿಸುತ್ತದೆ.


    ನೆಕಾನ್​ 102 ಬ್ಲೂಟೂತ್​ ನೆಕ್​ಬ್ಯಾಂಡ್


    ಎರಡು ಡಿವೈಸ್​ಗಳಿಗೆ ಕನೆಕ್ಟ್​ ಆಗುತ್ತದೆ


    ಇನ್ನು ಈ ನೆಕಾನ್​ 102 ಬ್ಲೂಟೂತ್​ ನೆಕ್​ಬ್ಯಾಂಡ್​ನ ವಿಶೇಷತೆಯೆಂದರೆ ಏಕಕಾಲದಲ್ಲಿ ಎರಡು ಸಾಧನಗಳಿಗೆ ಕನೆಕ್ಟ್​ ಆಗುವಂತಹ ಸಾಮರ್ಥ್ಯವನ್ನು ಇದು ಹೊಂದಿದೆ.


    ಬೆಲೆ ಮತ್ತು ಲಭ್ಯತೆ


    ಈ ನೆಕಾನ್​ 102 ಬ್ಲೂಟೂತ್​ ನೆಕ್​ಬ್ಯಾಂಡ್​ ಅನ್ನು ಗ್ರಾಹಕರು ಪ್ರಮುಖ ಇಕಾಮರ್ಸ್​ ವೆಬ್​​ಸೈಟ್​ ಆಗಿರುವಂತಹ ಅಮೆಜಾನ್​ ಮತ್ತು ನೆಕಾನ್​ ಕಂಪನಿಯ ಅಧಿಕೃತ ವೆಬ್​ ಸೈಟ್​ನಿಂದ ಖರೀದಿಸಬಹುದು. ಕಂಪನಿಯು ಈ ಬ್ಲೂಟೂತ್ ನೆಕ್​ಬ್ಯಾಂಡ್​ ಅನ್ನು 899 ರೂಪಾಯಿಯ ಆರಂಭಿಕ ಬೆಲೆಯಲ್ಲಿ ಪರಿಚಯಿಸಿದೆ. ಇದು ಗ್ರೇ ಮತ್ತು  ಕಪ್ಪು ಬಣ್ಣಗಳಲ್ಲಿ ಲಭ್ಯವಿದೆ.


    ಇದು ಭಾರತದಲ್ಲಿ ಬಿಡುಗಡೆಯಾಗುತ್ತಿರುವಂತಹ ವಿಶೇಷ ಫೀಚರ್ಸ್​​ ಹೊಂದಿದ 1 ಸಾವಿರ ರೂಪಾಯಿಗಿಂತ ಕಡಿಮೆ ಬೆಲೆ ಹೊಂದಿರುವ ಬ್ಲೂಟೂತ್ ನೆಕ್​ಬ್ಯಾಂಡ್​ ಆಗಿದೆ. ಈ ಬ್ಲೂಟೂತ್​ 10 ಎಮ್​ಎಮ್​ ಡ್ರೈವರ್​ನೊಂದಿಗೆ ಕಾರ್ಯನಿರ್ವಹಿಸುತ್ತದೆ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು