Smartphone Offers: ರೆಡ್​ಮಿ ಕಂಪೆನಿಯ ಈ ಸ್ಮಾರ್ಟ್​​​ಫೋನ್​ ಮೇಲೆ ಬಿಗ್​ ಡಿಸ್ಕೌಂಟ್​! ಇಂದೇ ಖರೀದಿಸಿ

ಸ್ಮಾರ್ಟ್​​ಫೋನ್​ಗಳು (Smartphones) ಇಂದಿನ ದಿನದಲ್ಲಿ ಪ್ರತಿಯೊಬ್ಬರರಿಗೂ ಅಗತ್ಯ ಸಾಧನವಾಗಿಬಿಟ್ಟಿದೆ. ಇನ್ನು ಕೆಲವೊಂದು ಕಂಪೆನಿಗಳು ತನ್ನದೇ ಆದ ಮಾದರಿಯಲ್ಲಿ ಸ್ಮಾರ್ಟ್​​​ಫೋನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಬಹಳಷ್ಟು ಗ್ರಾಹಕರನ್ನು ಹೊಂದಿದೆ. ಇದೀಗ ಜನಪ್ರಿಯ ಸ್ಮಾರ್ಟ್​​ಫೋನ್​ ತಯಾರಿಕ ಕಂಪೆನಿಗಳಲ್ಲಿ ಒಂದಾಗಿರುವ ರೆಡ್​ಮಿ ಕಂಪೆನಿ (Redmi Company) ಇದೀಗ ತನ್ನ ಬ್ರಾಂಡ್​​ನ ಹೊಸ ಸ್ಮಾರ್ಟ್​ಫೋನ್​ ಅನ್ನು ಅನಾವರಣ ಮಾಡಿದೆ. ಈ ಬಗ್ಗೆ ಇತ್ತೀಚೆಗ ಕೆಲದಿನಗಳ ಹಿಂದೆ ಶಿಯೋಮಿ ಕಂಪೆನಿ (Xiaomi Company) ತನ್ನ ಬ್ರಾಂಡ್​ನಿಂದ ಬಜೆಟ್​ ಬೆಲೆಯ ಮೊಬೈಲ್​ ಬಿಡುಗಡೆ ಮಾಡುವುದಾಗಿ ಹೇಳಿತ್ತು. ಅದೇ ರೀತಿ ಇದೀಗ ಆ ಸ್ಮಾರ್ಟ್​ಫೋನ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ಜನಪ್ರಿಯ ಸ್ಮಾರ್ಟ್​​ಫೊನ್ ತಯಾರಕ ಕಂಪೆನಿಯಾಗಿರುವ ಶಿಯೋಮಿ ಕಂಪೆನಿಯಿಂದ ಇದೀಗ ರೆಡ್​ಮಿ 12ಸಿ ಎಂಬ ಸ್ಮಾರ್ಟ್​​ಫೋನ್ ಲಾಂಚ್​ ಆಗಿದೆ. ಈ ಸ್ಮಾರ್ಟ್​​ಫೋನ್​ ಆರಂಭದಲ್ಲಿ ಭಾರೀ ಅಗ್ಗದಲ್ಲಿ ದೊರೆಯುತ್ತಿದ್ದು, ಕೆಲವೇ ದಿನಗಳಲ್ಲಿ ಖರೀದಿ ಮಾಡಬಹುದಾಗಿದೆ.

ಡಿಸ್​ಪ್ಲೇ ವಿನ್ಯಾಸ

ರೆಡ್​​ಮಿ 12ಸಿ ಸ್ಮಾರ್ಟ್​​ಫೋನ್ ವಿಶೇಷವಾಗಿ 1650 x 720 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ಹೊಂದಿದೆ. ಈ ಸ್ಮಾರ್ಟ್​ಫೋನ್ 6.71 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇಯು 20.6:9 ರಚನೆಯ ಅನುಪಾತವನ್ನು ಒಳಗೊಂಡಿದೆ.

ಇದನ್ನೂ ಓದಿ: Electricity Bill: ಬೇಸಿಗೆಯಲ್ಲಿ ಎಸಿ ಬಳಸುವಾಗ ಈ ಟಿಪ್ಸ್​ ಫಾಲೋ ಮಾಡಿದ್ರೆ, ಕರೆಂಟ್​ ಬಿಲ್​ ಬಗ್ಗೆ ಚಿಂತೆನೇ ಇರಲ್ಲ

ಪ್ರೊಸೆಸರ್​ ಸಾಮರ್ಥ್ಯ

ಇನ್ನು ಈ ಸ್ಮಾರ್ಟ್​​ಫೋನ್​ನ ಪ್ರೊಸೆಸರ್​​ ಸಾಮರ್ಥ್ಯದ ಬಗ್ಗೆ ಹೇಳುವುದಾದ್ರೆ, ಇದು ಮಿಡಿಯಾಟೆಕ್‌ ಹಿಲಿಯೋ G85 ಎಸ್​ಓಸಿ ಪ್ರೊಸೆಸರ್‌ ವೇಗವನ್ನು ಪಡೆದುಕೊಂಡಿದ್ದು, ಇದು ಆಂಡ್ರಾಯ್ಡ್‌ 12 ಆಧಾರಿತ MIUI 13 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ.  ಈ ಸ್ಮಾರ್ಟ್​​ಫೋನ್​ ಎರಡು ವರ್ಷಗಳ ಆಂಡ್ರಾಯ್ಡ್‌ ಅಪ್ಡೇಟ್ಸ್‌ ಮತ್ತು ಮೂರು ವರ್ಷಗಳ ಸೆಕ್ಯುರಿಟಿ ಅಪ್ಡೇಟ್‌ ಅನ್ನು ಸಹ ಪಡೆದಿದೆ. ಹಾಗೆಯೇ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ಒಳಗೊಂಡಿದೆ.

ರೆಡ್​ಮಿ 12ಸಿ ಸ್ಮಾರ್ಟ್​​​ಫೋನ್​

ಕ್ಯಾಮೆರಾ ಫೀಚರ್ಸ್

ರೆಡ್​ಮಿ 12ಸಿ ಸ್ಮಾರ್ಟ್​ಫೋನ್​ ವಿಶೇಷವಾಗಿ ಡ್ಯುಯಲ್‌ ರಿಯರ್‌ ಕ್ಯಾಮೆರಾ ಸೆಟಪ್‌ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಸೆನ್ಸಾರ್‌, 5 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗಿದೆ. ರಿಯರ್‌ ಕ್ಯಾಮೆರಾ ಮೂಲಕ ಪ್ರತಿ ಸೆಕೆಂಡಿಗೆ 30 ಫ್ರೇಮ್‌ಗಳಲ್ಲಿ (fps) 1080p ವರೆಗಿನ ವಿಡಿಯೋ ರೆಕಾರ್ಡ್ ಮಾಡಬಹುದು ಎಂದು ಕಂಪೆನಿ ಹೇಳಿದೆ.

ಬ್ಯಾಟರಿ ಸಾಮರ್ಥ್ಯ

ರೆಡ್​ಮಿ 12ಸಿ ಸ್ಮಾರ್ಟ್​ಫೋನ್​ 10W ವೇಗದ ಚಾರ್ಜಿಂಗ್ ಸಾಮರ್ಥ್ಯದೊಂದಿಗೆ 5000mAh ಸಾಮರ್ಥ್ಯ ಬ್ಯಾಟರಿ ಬ್ಯಾಕಪ್​ ಅನ್ನು ಒಳಗೊಂಡಿದೆ.

ಬೆಲೆ ಮತ್ತು ಲಭ್ಯತೆ

ಈ ರೆಡ್​ಮಿ 12C ಸ್ಮಾರ್ಟ್‌ಫೋನ್‌ ಸದ್ಯಕ್ಕೆ ಒಂದೇ ಸ್ಟೋರೇಜ್​ ಮಾದರಿಯಲ್ಲಿ ಇಂಡೋನೇಷ್ಯಾದಲ್ಲಿ ಮಾತ್ರ ಬಿಡುಗಡೆಯಾಗಿದೆ. ಅಲ್ಲಿ ಇದರ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್​ ಸ್ಟೋರೇಜ್ ವೇರಿಯಂಟ್‌ ಆಯ್ಕೆಗೆ IDR 1,599,000. ಅಂದರೆ ಭಾರತದಲ್ಲಿ ಅಂದಾಜು 8,500 ರೂಪಾಯಿಯಷ್ಟು ಇರಬಹುದು ಎಂದು ಅಂದಾಜಿಸಲಾಗಿದೆ. ಈ ಸ್ಮಾರ್ಟ್‌ಫೋನ್‌ ಶ್ಯಾಡೋ ಬ್ಲಾಕ್, ಸೀ ಬ್ಲೂ, ಮಿಂಟ್ ಗ್ರೀನ್ ಮತ್ತು ಲ್ಯಾವೆಂಡರ್ ಕಲರ್‌ಗಳ ಆಯ್ಕೆಗಳಲ್ಲಿ ಬಿಡುಗಡೆಯಾಗಿದೆ. ಇನ್ನು ಭಾರತದಲ್ಲಿ ಈ ಸ್ಮಾರ್ಟ್​ಫೋನ್ ಕೆಲವೇ ದಿನಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಕಂಪೆನಿ ಹೇಳಿದೆ.

ಫೋಲ್ಡಬಲ್​ ಸ್ಮಾರ್ಟ್​​ಫೋನ್

ಒಪ್ಪೋ ಕಂಪೆನಿಯಿಂದ ಒಂದು ಮಹತ್ತರವಾದ ಘೋಷಣೆಯಾಗಿತ್ತು. ಅದೇ ಫೋಲ್ಡಬಲ್​ ಸ್ಮಾರ್ಟ್​​ಫೋನ್ ಅನ್ನು ಬಿಡುಗಡೆ ಮಾಡುವುದಾಗಿ ಹೇಳಿತ್ತು, ಅದೇ ರೀತಿ ಈ ಸ್ಮಾರ್ಟ್​​ಫೋನ್​ ಕೆಲವು ದಿನಗಳ ಹಿಂದೆ ಜಾಗತಿಕ ಮಾರುಕಟ್ಟೆಯಲ್ಲಿ ಲಾಂಚ್ ಆಗಿತ್ತು. ಆದರೆ ದೇಶೀಯ ಮಾರುಕಟ್ಟೆಯಲ್ಲಿ ಲಾಂಚ್ ಆಗಿರಲಿಲ್ಲ. ಇದೀಗ ಭಾರತೀಯ ಗ್ರಾಹಕರಿಗೆ ಕಂಪೆನಿ ಗುಡ್​ ನ್ಯೂಸ್ ನೀಡಿದೆ.

ಒಪ್ಪೋ ಕಂಪೆನಿಯಿಂದ ಇತ್ತೀಚೆಗ ಮಾರುಕಟ್ಟೆಯಲ್ಲಿ ಭಾರೀ ಸಂಚಲನ ಮೂಡಿಸಿದ್ದ ಒಪ್ಪೋ ಫೈಂಡ್​ ಎನ್​2 ಫ್ಲಿಪ್​ ಸ್ಮಾರ್ಟ್​​ಫೋನ್ ಕೆಲವೇ ದಿನಗಳಲ್ಲಿ ಭಾರತದ ಮಾರುಕಟ್ಟೆಗೆ ಎಂಟ್ರಿ ನೀಡಲಿದೆ. ಒಪ್ಪೋ ಫೈಂಡ್‌ ಎನ್​2 ಫ್ಲಿಪ್ ಬೆಲೆ ಯುರೋಪ್‌ನಲ್ಲಿ EUR 849 ಆಗಿದೆ. ಇನ್ನು ಭಾರತದಲ್ಲಿ ಈ ಫೋನಿನ ಆರಂಭಿಕ ವೇರಿಯಂಟ್‌ ಬೆಲೆ 80,000 ರೂಪಾಯಿಗಳ ಆಸುಪಾಸಿನಲ್ಲಿ ಇರಬಹುದು ಎಂದು ನಿರೀಕ್ಷಿಸಲಾಗಿದೆ.