Best Smartphones: 20 ಸಾವಿರದೊಳಗಿನ, ಮಾರುಕಟ್ಟೆಯಲ್ಲಿರುವ ಬೆಸ್ಟ್​​ ಸ್ಮಾರ್ಟ್​​​ಫೋನ್​ಗಳಿವು!

ಭಾರತೀಯ ಮೊಬೈಲ್​​ ಮಾರುಕಟ್ಟೆಯಲ್ಲಿ (Indian Mobile Market) ಹೊಸ ಹೊಸ ಸಾಧನಗಳು ಬಿಡುಗಡೆಯಾಗುತ್ತಿರುತ್ತದೆ. ಸ್ಮಾರ್ಟ್​​​​ಫೋನ್​ಗಳಂತೂ ಈಗಿನ ಕಾಲಮಾನದಲ್ಲಿ ಪ್ರತಿಯೊಬ್ಬರಿಗೂ ಅಗತ್ಯ ಸಾಧನವಾಗಿಬಿಟ್ಟಿದೆ. ಗ್ರಾಹಕರಿಗೆ ಅನುಕೂಲವಾಗುವಂತೆ ಬಜೆಟ್​ ಬೆಲೆಯಿಂದ ಹಿಡಿದು ದುಬಾರಿ ಬೆಲೆಯವರೆಗೂ ಕಂಪೆನಿಗಳು ಮೊಬೈಲ್​ಗಳನ್ನು ಪರಿಚಯಿಸುತ್ತಿರುತ್ತದೆ. ಅದ್ರಲ್ಲೂ ಬಜೆಟ್​​ ಬೆಲೆಯ ಸ್ಮಾರ್ಟ್​​ಫೋನ್​ಗಳಿಗೆ ಮಾರುಕಟ್ಟೆಯಲ್ಲಿ ಎಲ್ಲಿಲ್ಲದ ಬೇಡಿಕೆ. ಯಾವುದೇ ಒಂದು ಸ್ಮಾರ್ಟ್​​ಫೋನ್ (Smartphones)​​ ಖರೀದಿ ಮಾಡಬೇಕಾದರೆ ಅದರ ಫೀಚರ್ಸ್​ಗಳನ್ನು ನೋಡಿಯೇ ನಂತರ ಬೆಲೆಯನ್ನು ಅಂದಾಜು ಮಾಡುತ್ತಾರೆ. ಅದರಲ್ಲಿ ಮುಖ್ಯವಾಗಿ ಉತ್ತಮ ಕ್ಯಾಮೆರಾ ಹೊಂದಿರುವ ಮೊಬೈಲ್​​ಗಳನ್ನೇ ಜನರು ನೋಡುತ್ತಾರೆ. ಇದೀಗ ಮಾರುಕಟ್ಟೆಯಲ್ಲಿ 108 ಮೆಗಾಪಿಕ್ಸೆಲ್ (108 Megapixel)​ ಸೆನ್ಸಾರ್​ನ ಕ್ಯಾಮೆರಾ ಹೊಂದಿದ ಸ್ಮಾರ್ಟ್​​​ಫೋನ್​ಗಳು 20 ಸಾವಿರ ರೂಪಾಯಿಯ ಅಡಿಯಲ್ಲಿ ಲಭ್ಯವಿದೆ.

ಭಾರತದ ಮಾರುಕಟ್ಟೆಯಲ್ಲಿ ಹಲವಾರು ಗುಣಮಟ್ಟದ ಸ್ಮಾರ್ಟ್​​ಫೋನ್​ಗಳು ಲಭ್ಯವಿದೆ. ಅದ್ರಲ್ಲೂ 108 ಮೆಗಾಪಿಕ್ಸೆಲ್​​ ಕ್ಯಾಮೆರಾ ಹೊಂದಿದ ಸ್ಮಾರ್ಟ್​​​ಫೋನ್​ಗಳಿಗೆ ತುಂಬಾನೇ ಬೇಡಿಕೆಯಿದೆ. ಹಾಗಿದ್ರೆ ಮಾರುಕಟ್ಟೆಯಲ್ಲಿ 20 ಸಾವಿರ ರೂಪಾಯಿ ಒಳಗಿನ, ಉತ್ತಮ ಫೀಚರ್ಸ್​ ಹೊಂದಿರು ಸ್ಮಾರ್ಟ್​​ಫೋನ್​ಗಳು ಯಾವುದೆಲ್ಲಾ ಇದೆ ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

108 ಮೆಗಾಪಿಕ್ಸೆಲ್​ ಮತ್ತು 20000 ರೂ. ಒಳಗಿನ ಸ್ಮಾರ್ಟ್​​ಫೋನ್​ಗಳು:

ಮೊಟೊ ಜಿ60

ಮೊಟೊ ಜಿ60 ಸ್ಮಾರ್ಟ್​​ಫೋನ್ ಬಜೆಟ್​ ಬೆಲೆಯಲ್ಲಿ ಖರೀದಿಸುವ ಪ್ಲ್ಯಾನ್​​ನಲ್ಲಿದ್ದವರಿಗೆ ಉತ್ತಮ ಆಯ್ಕೆಯಾಗಿದೆ. ಇನ್ನು ಈ ಸ್ಮಾರ್ಟ್​​ಫೋನ್​​ 6.8 ಇಂಚಿನ ಫುಲ್​​ಹೆಚ್​​ಡಿ+ ಅಮೋಲ್ಡ್​ ಡಿಸ್​ಪ್ಲೇಯನ್ನು ಹೊಂದಿದೆ. ಇದು ಆಕ್ಟಾಕೋರ್ ಸ್ನಾಪ್​​ಡ್ರಾಗನ್ 732ಜಿ ಪ್ರೊಸೆಸರ್ ಸಾಮರ್ಥ್ಯವನ್ನು ಒಳಗೊಂಡಿದೆ.  ಆಂಡ್ರಾಯ್ಡ್ 11 ಮೂಲಕ ಈ ಸ್ಮಾರ್ಟ್​​​​ಫೋನ್​ ಕಾರ್ಯನಿರ್ವಹಿಸುತ್ತದೆ.

ಮೊಟೊ ಜಿ60 ಫೋನ್​ 6000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ವಿಶೇಷವಾಗಿ ಇದರ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ 108 ಮೆಗಾಫಿಕ್ಸೆಲ್​ನ ಕ್ಯಾಮೆರಾವನ್ನು ನೀಡಲಾಗಿದೆ. ಇನ್ನು ಇದರಲ್ಲಿ 8 ಮೆಗಾಪಿಕ್ಸೆಲ್ ಮತ್ತು 2 ಮೆಗಾಪಿಕ್ಸೆಲ್​​ನ ಕ್ಯಾಮೆರಾ ಕೂಡ ಇದೆ. ಇನ್ನು 32 ಮೆಗಾಪಿಕ್ಸೆಲ್​ ಸೆನ್ಸಾರ್​​ ಸಾಮರ್ಥ್ಯದಲ್ಲಿ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ರೆಡ್​ಮಿ ನೋಟ್​​ 10 ಪ್ರೋ ಮ್ಯಾಕ್ಸ್​

ರೆಡ್​ಮಿ ನೋಟ್​​ 10 ಪ್ರೋ ಮ್ಯಾಕ್ಸ್​ ಸ್ಮಾರ್ಟ್​​ಫೋನ್ ಕೂಡ 6.67 ಇಂಚಿನ ಫುಲ್​​ ಹೆಚ್​​ಡಿ+ ಅಮೋಲ್ಡ್​ ಡಿಸ್​ಪ್ಲೇಯನ್ನು ಹೊಂದಿದೆ. ಇನ್ನು ಇದು ಅಕ್ಟಾಕೋರ್ ಸ್ನಾಪ್​​ಡ್ರಾಗನ್ 732ಜಿ 8nm ಪ್ರೊಸೆಸರ್ ಸಾಮರ್ಥ್ಯವನ್ನು ಒಳಗೊಂಡಿದೆ. ಇದು ಆಂಡ್ರಾಯ್ಡ್ 11 ಅಪರೇಟಿಂಗ್ ಸಿಸ್ಟಮ್​ನಲ್ಲಿ ಕಾರ್ಯನಿರ್ವಹಿಸುತ್ತದೆ.

20 ಸಾವಿರದೊಳಗಿನ ಬೆಸ್ಟ್​ ಸ್ಮಾರ್ಟ್​​​ಫೋನ್​ಗಳಿವು

ರೆಡ್​​ಮಿ ಕಂಪೆನಿಯ ಈ ಸ್ಮಾರ್ಟ್​​​ಫೋನ್​ 5020mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ಈ ಸ್ಮಾರ್ಟ್​​ಫೋನ್​ನ 108 ಮೆಗಾಪಿಕ್ಸೆಲ್​ನ ಕ್ಯಾಮೆರಾವನ್ನು ಹೊಂದಿದೆ. ಇದರ ಜೊತೆಗೆ 8 ಮೆಗಾಪಿಕ್ಸೆಲ್ ಮತ್ತು 2+5 ಮೆಗಾಪಿಕ್ಸೆಲ್​​ನ ಕ್ಯಾಮೆರಾgಳನ್ನು ಅಳವಡಿಸಲಾಗಿದೆ. ಇನ್ನು ಸೆಲ್ಫಿಗಾಗಿ ಮತ್ತು ವಿಡಿಯೋ ಕಾಲ್​ಗಾಗಿ 16 ಮೆಗಾಪಿಕ್ಸೆಲ್​ ಕ್ಯಾಮೆರವನ್ನು ಅಳವಡಿಸಿದ್ದಾರೆ. ಇದರ ಬೆಲೆ 19,999 ರೂಪಾಯಿಯಾಗಿದೆ.

ರಿಯಲ್​ಮಿ 9 ಸ್ಮಾರ್ಟ್​​ಫೋನ್​

ರಿಯಲ್​ಮಿ 9 ಸ್ಮಾರ್ಟ್​​ಫೋನ್​ನ ಡಿಸ್​​ಪ್ಲೇ ವಿನ್ಯಾಸದಲ್ಲಿ ಇದು 6.4 ಇಂಚಿನ ಫುಲ್​ ಹೆಚ್​ಡಿ+ ಅಮೋಲ್ಡ್​ ಡಿಸ್​ಪ್ಲೇಯನ್ನು ಹೊಂದಿದೆ. ಈ ಮೊಬೈಲ್​ ಅಕ್ಟಾಕೋರ್ ಸ್ನಾಪ್​​ಡ್ರಾಗನ್ 680 6nm ಪ್ರೊಸೆಸರ್ ಸಾಮರ್ಥ್ಯವನ್ನು ಹೊಂದಿದ್ದು, ಇದು ಆಂಡ್ರಾಯ್ಡ್ 12 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ರಿಯಲ್​​ಮಿ 9 ಸ್ಮಾರ್ಟ್​​​​ಫೋನ್​ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ.

ಇನ್ನು ಈ ಸ್ಮಾರ್ಟ್​​​​ಫೋನ್​ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಈ ಸ್ಮಾರ್ಟ್​​​ಫೋನ್​ನಲ್ಲಿ ಮುಖ್ಯ ಕ್ಯಾಮೆರಾ 108 ಮೆಗಾಪಿಕ್ಸೆಲ್ ಸೆನ್ಸಾರ್​​ ಅನ್ನು ಒಳಗೊಂಡಿದೆ. ಇದರ ಜೊತೆಗೆ 8 ಮೆಗಾಪಿಕ್ಸೆಲ್​ ಮತ್ತು 2+2 ಮೆಗಾಪಿಕ್ಸೆಲ್​ ಕ್ಯಾಮೆರಾ ಸೆಟಪ್​ ಅನ್ನು ಸಹ ಹೊಂದಿದೆ. ಇನ್ನು ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್​​ ಸಾಮರ್ಥ್ಯದ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಈ ಸ್ಮಾರ್ಟ್​​​ಫೋನ್​ ಅನ್ನು ಮಾರುಕಟ್ಟೆಯಲ್ಲಿ 18,999 ರೂಪಾಯಿಗೆ ಖರೀದಿ ಮಾಡಬಹುದು.

ರೆಡ್​​ಮಿ ನೋಟ್​ 10ಎಸ್​ ಸ್ಮಾರ್ಟ್​​​ಫೋನ್​

ರೆಡ್​​ಮಿ ನೋಟ್​ 10ಎಸ್ ಸ್ಮಾರ್ಟ್​​ಫೋನ್ 6.43 ಇಂಚಿನ ಫುಲ್​ ಹೆಚ್​​ಡಿ+ ಅಮೋಲ್ಡ್​ ಡಿಸ್​ಪ್ಲೇ ಹೊಂದಿದೆ. ಈ ಸ್ಮಾರ್ಟ್​​ಫೋನ್​ ಆಕ್ಟಾಕೋರ್ ಮೀಡಿಯಾ ಟೆಕ್ ಹೀಲಿಯೊ ಜಿ96 12nm ಪ್ರೊಸೆಸರ್ ಸಾಮರ್ಥ್ಯವನ್ನು ಹೊಂದಿದ್ದು, ಇದು ಆಂಡ್ರಾಯ್ಡ್ 11 ಮೂಲಕ ಕಾರ್ಯನಿರ್ವಹಿಸುತ್ತದೆ. ರೆಡ್​​ಮಿ ನೋಟ್​ 10ಎಸ್​​ ಸ್ಮಾರ್ಟ್​​​ಫೋನ್​ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ.

ಇದನ್ನೂ ಓದಿ: ಫ್ಲಿಪ್​ಕಾರ್ಟ್​​ನಲ್ಲಿ ಪೋಕೋ ಸ್ಮಾರ್ಟ್​​ಫೋನ್​ಗಳ ಮೇಲೆ ಭರ್ಜರಿ ರಿಯಾಯಿತಿ!

ಈ ಸ್ಮಾರ್ಟ್​​​ಫೋನ್​​ನ ಕ್ಯಾಮೆರಾ ಫೀಚರ್ಸ್​ ಅನ್ನು ನೋಡುವುದಾದರೆ, ಇದು 108 ಮೆಗಾಪಿಕ್ಸೆಲ್​​​ನ ಕ್ಯಾಮೆರಾವನ್ನು ಒಳಗೊಂಡಿದೆ. ಇದರ ಜೊತೆಗೆ 8 ಮೆಗಾಪಿಕ್ಸೆಲ್​​ ಮತ್ತು 2+2 ಮೆಗಾಪಿಕ್ಸೆಲ್​​​​ನ 3 ಕ್ಯಾಮೆರಾಗಳು ಕೂಡ ಇದೆ. ಸೆಲ್ಫಿಗಾಗಿ ಇದರಲ್ಲಿ 16 ಮೆಗಾಪಿಕ್ಸೆಲ್​​ ಸೆನ್ಸಾರ್​​ ಸಾಮರ್ಥ್ಯದ ಕ್ಯಾಮೆರಾವನ್ನು ನೀಡಲಾಗಿದೆ. ಈ ಸ್ಮಾರ್ಟ್​​​ಫೋನ್​ನ ಬೆಲೆ 17,499 ಆಗಿದೆ.