ಸ್ಮಾರ್ಟ್​ಫೋನ್​ ಖರೀದಿಸುವ ಐಡಿಯಾ ಇದೆಯಾ? ಇಲ್ಲಿದೆ 20 ಸಾವಿರಕ್ಕಿಂತ ಕಡಿಮೆ ಬೆಲೆಯ ಬೆಸ್ಟ್ 5G ಫೋನ್

ಒಂದಕೊಂದು ವಿಭಿನ್ನವಾದ ಹಾಗೂ ಆಕರ್ಷಕವಾದ ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಗೆ ಧಾವಿಸುತ್ತಿವೆ. ಗ್ರಾಹಕರ ಗಮನ ಸೆಳೆಯುವ ಮೂಲಕ ಕೊಂಡುಕೊಳ್ಳುವಂತೆ ಮಾಡುತ್ತಿದೆ. ಒಪ್ಪೊ, ಸ್ಯಾಮ್​ಸಂಗ್​, ಒನ್​ಪ್ಲಸ್​, ರಿಯಲ್​ಮಿ ಹೀಗೆ ನಾನಾ ಕಂಪನಿಗಳು 5ಜಿ ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸುತ್ತಿದ್ದು, ಅದರ ಜತೆಗೆ ಅಲ್ಟ್ರಾ ಫಾಸ್ಟ್​​ ಸಾಮರ್ಥ್ಯದಲ್ಲಿ ಬಿಡುಗಡೆ ಮಾಡುತ್ತಿದೆ. ಅದರಂತೆ ಇದೀಗ ಗ್ರಾಹಕರು ಖರೀದಿಸಬಹುದಾದ 20 ಸಾವಿರಕ್ಕಿಂತ ಕಡಿಮೆ ಬೆಲೆಯ ಸ್ಮಾರ್ಟ್​ಫೋನ್​ ವಿವರಗಳು ಇಲ್ಲಿದೆ.

Moto G60: ಮೊಟೊರೊಲಾ ಮೊಟೊ ಜಿ60 ಸ್ಪೋರ್ಟ್ಸ್​​​ 6.8 ಇಂಚಿನ ಫುಲ್​ ಹೆಚ್​ಡಿ+ ಐಪಿಎಸ್​ ಡಿಸ್​​ಪ್ಲೇ ಜತೆಗೆ 120ಹೆಚ್​ಝೆಡ್​ ರಿಫ್ರೆಶ್​​ ರೇಟ್​ ಒಳಗೊಂಡಿದೆ. ಆ್ಯಂಡ್ರಾಯ್ಡ್​​ 11ನಲ್ಲಿ ಕಾರ್ಯನಿರ್ವಹಿಸುವ ಈ ಸ್ಮಾರ್ಟ್​ಫೋನ್​ ಒಕ್ಟಾಕೋರ್​​ ಕ್ವಾಲ್​ಕ್ಯಾಮ್​ ಸ್ನಾಪ್​​ಡ್ರಾಗನ್​ 732 ಎಸ್​ಒಸಿ ಪ್ರೊಸೆಸರ್​ ಒಳಗೊಂಡಿದೆ. ಜತೆಗೆ 108 ಮೆಗಾಫಿಕ್ಸೆಲ್​ ಪ್ರೈಮರಿ 6 ಸಾವಿರ ಎಮ್​ಎಹೆಚ್​ ಬ್ಯಾರಿ ಇದರಲ್ಲಿದ್ದು, ಟರ್ಬೊ ಪವರ್​ 20 ಫಾಸ್ಟ್​ ಚಾರ್ಜಿಂಗ್​ ಸಪೋರ್ಟ್​ ಹೊಂದಿದೆ.ಇದರ ಬೆಲೆ 18 ಸಾವಿರ ರೂ ಆಗಿದೆ.

iQ Z ​3 5G: ಈ ಸ್ಮಾರ್ಟ್​ಫೋನ್​ 6.58 ಇಂಚಿನ ಫೂಲ್​ ಹೆಚ್​ಡಿ ಎಲ್​ಸಿಡಿ ಡಿಸ್​ಪ್ಲೇ ಜತೆಗೆ ಒಕ್ಟಾ ಕೋರ್-ಕ್ವಾಲ್​ಕ್ಯಾಮ್​ ಸ್ನಾಪ್​​ಡ್ರಾಗನ್​ 768ಜಿ​ ಪ್ರೊಸೆಸರ್​ ಹೊಂದಿದೆ. ಸ್ಮಾರ್ಟ್​ಫೋನ್​ ಹಿಂಭಾಗದಲ್ಲಿ 64 ಮೆಗಾಫಿಕ್ಸೆಲ್​ ಪ್ರೈಮರಿ ಕ್ಯಾಮೆರಾ ನೀಡಲಾಗಿದೆ. ಇದರ ಬೆಲೆ 19,990 ರೂ ಆಗಿದೆ.

Realme 8 5G: ಈ ಸ್ಮಾರ್ಟ್​ಫೋನ್ ಕೇವಲ 15 ಸಾವಿರಕ್ಕೆ ಗ್ರಾಹಕರ ಖರೀದಿಗೆ ಸಿಗುತ್ತಿದೆ. 6.5 ಇಂಚಿನ ಫುಲ್​ ಹೆಚ್​ಡಿ+ ಡಿಸ್​ಪ್ಲೇ ಜತೆಗೆ ಮೀಡಿಯಾಟೆಕ್​ ಡೈಮೆನ್ಸಿಟಿ 700 ಎಸ್​ಒಸಿ ಮತ್ತು 48 ಮೆಗಾಫಿಕ್ಸೆಲ್​ ಪ್ರೈಮರಿ ಕ್ಯಾಮೆರಾ ಅಳವಡಿಸಿದೆ, 5 ಸಾವಿರ ಎಮ್ಎಹೆಚ್​ ಬ್ಯಾಟರಿ ಒಳಗೊಂಡಿದೆ.

Redmi Note 10T 5G: ಶಿಯೋಮಿ ಉಪ ಬ್ರಾಂಡ್​ ಆಗಿರುವ ರೆಡ್​ಮಿ ಇತ್ತೀಚೆಗೆ 5ಜಿ ನೋಟ್​ ಸಿರೀಸ್​ ಅನ್ನು ಪರಿಚಯಿಸಿತು. ಅದರಲ್ಲಿ ಪರಿಚಯಿಸಿದೆ ರೆಡ್​ಮಿ ನೋಟ್​ 10ಟಿ 5ಜಿ ಸ್ಮಾಟ್​ಫೋನ್​ 6.5 ಇಂಚಿನ ಫುಲ್​ ಹೆಚ್​ಡಿ+ ಸ್ಕ್ರೀನ್​ ಜತೆಗೆ 90ಹೆಚ್​ಝೆಡ್​ ರಿಫ್ರೆಶ್​​ ರೇಟ್​ ಹೊಂದಿದೆ.  ಮೀಡಿಯಾಟೆಕ್​ ಡೈಮೆನ್ಸಿಟಿ 700 ಎಸ್​ಒಸಿ ಮತ್ತು 48 ಮೆಗಾಫಿಕ್ಸೆಲ್​ ಪ್ರೈಮರಿ ಕ್ಯಾಮೆರಾ ಇದರಲ್ಲಿದೆ. ದೀರ್ಘ ಕಾಲದ ಬಾಳಿಗೆಗಾಗಿ 5 ಸಾವಿರ ಎಮ್​ಎಹೆಚ್​ ಬ್ಯಾಟರಿ ಜತೆಗೆ 18 ವ್ಯಾಟ್​ ಫಾಸ್ಟ್​ ಚಾರ್ಜಿಂಗ್ ಒಳಗೊಂಡಿದೆ. ಇದರ ಬೆಲೆ 13,999 ರೂ ಆಗಿದೆ.

POCO M3 5G: 6.53 ಇಂಚಿನ ಡಿಸ್​ಪ್ಲೇ ಹೊಂದಿರುವ ಈ ಸ್ಮಾರ್ಟ್​ಫೋನ್​ ಮೀಡಿಯಾಟೆಕ್​ ಡೈಮೆನ್ಸಿಟಿ 700 ಎಸ್​ಒಸಿ ಒಳಗೊಂಡಿದೆ. 6GB RAM ಹೊಂದಿರುವ ಈ ಸ್ಮಾರ್ಟ್​ಫೋನ್​ 48 ಮೆಗಾಫಿಕ್ಸೆಲ್​ ತ್ರಿವಳಿ ಕ್ಯಾಮೆರಾ ಅಳವಡಿಸಿದೆ. 5 ಸಾವಿರ ಎಮ್​ಎಹೆಚ್​ ಬ್ಯಾಟರಿ ಇದರಲ್ಲಿ. ಪೊಕೊ ಎಮ್​3 5ಜಿ ಬೆಲೆ 13,999 ರೂ ಆಗಿದೆ.