ಕೈಗೆಟಕುವ ದರದಲ್ಲಿ ಸಿಗುವ ಬೆಸ್ಟ್​ 5G ಸ್ಮಾರ್ಟ್​ಫೋನ್​ಗಳು ಇಲ್ಲಿದೆ

ದೇಶಿಯ ಮಾರುಕಟ್ಟೆಗೆ ಒಂದಕ್ಕಿಂತ ಒಂದು ವಿಶೇಷತೆಯಿಂದ ಕೂಡಿದ ಸ್ಮಾರ್ಟ್​ಫೋನ್​ಗಳು ಧಾವಿಸುತ್ತಿರುತ್ತದೆ. ಕಡಿಮೆ ಬೆಲೆಯಿಂದ ಹಿಡಿದು ಅಧಿಕ ಬೆಲೆ ಸ್ಮಾರ್ಟ್​ಫೋನ್​ಗಳು ಬರುತ್ತಿರುತ್ತವೆ. ಅದರಂತೆ ಸದ್ಯ 5ಜಿ ಸ್ಮಾರ್ಟ್​ಫೋನ್​ಗಳ ಹವಾ ಜೋರಾಗಿದೆ. ನಾನಾ ವಿಶೇಷತೆಯನ್ನು ಹೊಂದಿರುವ ಬಜೆಟ್​ ಬೆಲೆಯ 5ಜಿ ಸ್ಮಾರ್ಟ್​ಫೊನ್​ಗಳು ಮಾರುಕಟ್ಟೆಯಲ್ಲಿದೆ. ಹಾಗಾಗಿ ಗ್ರಾಹಕರಿಗೆ ಕೈಗೆಕುವ ದರದಲ್ಲಿ ಸಿಗವ 5ಜಿ ಸ್ಮಾರ್ಟ್​ಫೋನ್​ಗಳ ಬಗ್ಗೆ ಮಾಹಿತಿ ಇಲ್ಲಿ ನೀಡಲಾಗಿದೆ.

Realme narzo 30 pro

ರಿಯಲ್​ಮಿ ನಾರ್ಜೋ 30 ಪ್ರೊ ಸ್ಮಾರ್ಟ್​ಫೋನ್​ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಈ ನೂತನ ಸ್ಮಾರ್ಟ್​ಫೋನ್​ ಮಾರುಕಟ್ಟೆಗೆ ಧಾವಿಸಿ 2 ದಿನ ಕಳೆದಿದೆ. ಈಗಾಗಲೇ ಗ್ರಾಹಕರಿಗೆ ಮೆಚ್ಚುಗೆಯಾಗಿದೆ. ಅಂದಹಾಗೆಯೇ, ರಿಯಲ್​ಮಿ ನಾರ್ಜೋ 30 ಪ್ರೊ ಸ್ಮಾರ್ಟ್​ಫೋನ್​  5ಜಿ ಸ್ಮಾರ್ಟ್​ಫೋನ್​ ಆಗಿದ್ದು, 6,5 ಇಂಚಿನ ಫುಲ್​ ಹೆಚ್​ಡಿ ಡಿಸ್​ಪ್ಲೇ ಹೊಂದಿದೆ. ಮೀಡಿಯಾ ಟೆಕ್​ ಡಿಮೆನ್ಸಿಟಿ 800ಯು ಪ್ರೊಸೆಸರ್​ನಲ್ಲಿ ಕಾರ್ಯನಿರ್ವಹಿಸುತ್ತಿದೆ.

ಇನ್ನು ಸ್ಮಾರ್ಟ್​ಫೋನ್​ ಮುಂಭಾಗದಲ್ಲಿ 16 ಮೆಗಾಫಿಕ್ಸೆಲ್​ ಡ್ಯುಯೆಲ್​ ಕ್ಯಾಮೆರಾ ಮತ್ತು ಸೆಲ್ಫಿಗಾಗಿ 8 ಮೆಗಾಫಿಕ್ಸೆಲ್​ ಕ್ಯಾಮೆರಾ ಇದರಲ್ಲಿದೆ. ರಿಯಲ್​ಮಿ ನಾರ್ಜೋ 30 ಪ್ರೊ ಸ್ಮಾರ್ಟ್​ಫೋನ್​ ಬೆಲೆ 16,999 ರೂ ಆಗಿದ್ದು, 6 ಸಾವಿರ ಎಮ್​ಎಹೆಚ್​ ಬ್ಯಾಟರಿ ಸಾಮರ್ಥ್ಯ ಹೊಮದಿದೆ.

Xiaomi mi 10i

ಶಿಯೋಮಿ ಮಿ 10ಐ ಸ್ಮಾರ್ಟ್​ಫೋನ್​ 5ಜಿ ನೆಟ್​ವರ್ಕ್​ನಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಈ ಸ್ಮಾರ್ಟ್​ಫೋನ್​ 6.67 ಇಂಚಿನ ಫುಲ್​ ಹೆಚ್​ಡಿ+ ಡಿಸ್​​ಪ್ಲೇ ಜೊತೆಗೆ ಒಕ್ಟಾಕೋರ್​ ಸ್ನಾಪ್​ಡ್ರಾಗನ್​ 750ಜಿ ಎಸ್​ಒಸಿ ಪ್ರೊಸೆಸರ್​ನಿಂದ ಕಾರ್ಯನಿರ್ವಹಿಸುತ್ತದೆ. ಆ್ಯಂಡ್ರೋನೊ 619 ಬೆಂಬಲ ಪಡೆದಿದೆ.

ಅಂದಹಾಗೆಯೇ ಈ ಸ್ಮಾರ್ಟ್​ಫೋನ್​ 6ಜಿಬಿ+ 64ಜಿಬಿ ಮತ್ತು 128ಜಿಬಿ ಸ್ಟೊರೇಜ್​ ಆಯ್ಕೆಯಲ್ಲಿ ಪರಿಚಯಿಸಿದೆ. ಜೊತೆಗೆ 8ಜಿಬಿ ರ್ಯಾಮ್​+ 128ಜಿಬಿ ಆಯ್ಕೆಯಲ್ಲಿ ನೀಡುತ್ತಿದೆ. ಶಿಯೋಮಿ ಮಿ 10ಐ ಸ್ಮಾರ್ಟ್​ಫೋನ್​ 5ಜಿ ಬೆಲೆ 20,999 ರೂ ನಿಂದ ಪ್ರಾರಂಬವಾಗಿದೆ.

Motorola G 5G

ಮೊಟೊರೊಲಾ G 5G ಹೆಸರಿನ ಕ್ವಾಲ್​ಕ್ಯಾಂ ಸ್ನಾಪ್​ಡ್ರಾಗನ್​​​ 750G ಚಿಪ್​ಸೆಟ್​ ಅಳವಡಿಸಿಕೊಂಡಿದ್ದು, 5 ಸಾವಿರ mAh​ ಬ್ಯಾಟರಿಯನ್ನು ಹೊಂದಿದೆ. ತ್ರಿವಳಿ ಕ್ಯಾಮೆರಾವಿರುವ ನೂತನ ಸ್ಮಾರ್ಟ್​ಫೋನ್​ ಬೆಲೆಗೆ ತಕ್ಕಂತೆ ಫೀಚರ್ ಇದರಲ್ಲಿ​ ನೀಡಲಾಗಿದೆ.

ಮೊಟೊರೊಲಾ G 5G ಸ್ಮಾರ್ಟ್​ಫೊನ್​ 6.7 ಇಂಚಿನ ಫುಲ್​ಹೆಚ್​ಡಿ+ ಡಿಸ್​ಪ್ಲೇ ಜೊತೆಗೆ 394ಪಿಪಿಐ ಪಿಕ್ಸೆಲ್​ ಡೆನ್ಸಿಟಿ ಹೊಂದಿದ್ದು, ಕ್ವಾಲ್​ಕ್ಯಾಂ ಸ್ನಾಪ್​ಡ್ರಾಗನ್​ 750ಜಿ ಚಿಪ್​​ಸೆಟ್​ ಅಳವಡಿಸಲಾಗಿದೆ. 4GB RAM​ ಮತ್ತು 64GB ಸ್ಟೊರೇಜ್​ ಆಯ್ಕೆಯಲ್ಲಿ ಪರಿಚಯಿಸಿದೆ. ಇನ್ನು 1TB ತನಕ ಮೆಎರೊಯನ್ನು ವೃದ್ಧಿಸುವ ಆಯ್ಕೆಯನ್ನು ಇದರಲ್ಲಿ ನೀಡಿದೆ.

ಮೊಟೊರೊಲಾ G 5G ಸ್ಮಾರ್ಟ್​ಫೋನ್​ ಹಿಂಭಾಗದಲ್ಲಿ 48 ಮೆಗಾಫಿಕ್ಸೆಲ್​ ಕ್ಯಾಮೆರಾ, 8 ಮೆಗಾಫಿಕ್ಸೆಲ್​ ಸೆಕೆಂಡರಿ ಕ್ಯಾಮೆರಾ ಜೊತೆಗೆ ವೈಡ್​ ಆ್ಯಂಗಲ್​ ಶೂಟರ್​, 2 ಮೆಗಾಫಿಕ್ಸೆಲ್​​ ಮ್ಯಾಕ್ರೊ ಕ್ಯಾಮೆರಾ ಅಳವಡಿಸಲಾಗಿದೆ. ಸೆಲ್ಫಿಗಾಗಿ 16 ಮೆಗಾಫಿಕ್ಸೆಲ್​ ಕ್ಯಾಮೆರಾವನ್ನು ನೀಡಲಾಗಿದೆ.

ಇನ್ನು 5 ಸಾವಿರ mAh​​ ಬ್ಯಾಟರಿ ಹೊಂದಿರುವ ಈ ಸ್ಮಾರ್ಟ್​ಫೋನ್​ 20 ವ್ಯಾಟ್ ಚಾರ್ಜಿಂಗ್​ ಸಪೋರ್ಟ್​ ಇದರಲ್ಲಿ ನೀಡಲಾಗಿದೆ. 5G, ಎನ್​ಎಫ್​ಸಿ, ಬ್ಲೂಟೂತ್​ 5.1, ವೈ-ಫೈ, ಯುಎಸ್​ಬಿ ಟೈಪ್​ ಸಿ ಪೊರ್ಟ್​, ಜಿಪಿಎಸ್​ ಆಯ್ಕೆ ಇದರಲ್ಲಿದೆ. ಈ ಸ್ಮಾರ್ಟ್​ಫೋನ್​ ಬೆಲೆ 19,999 ರೂ ಆಗಿದೆ.

Oneplus Nord

ಒನ್​​ಪ್ಲಸ್​ ನೋರ್ಡ್​ ಸ್ಮಾರ್ಟ್​ಫೊನ್​ 6.5 ಇಂಚಿನ ಡಿಸ್​ಪ್ಳೆ ಹೊಂದಿದ್ದು, ಸ್ನಾಪ್​ಡ್ರಾಗ್ಯನ್​ 765ಜಿ ಪ್ರೊಸೆಸರ್​ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಸ್ಮಾರ್ಟ್​ಫೊನ್​ನಲ್ಲಿ 48 ಮೆಗಾಫಿಕ್ಸೆಲ್​, 8 ಮೆಗಾಫಿಕ್ಸೆಲ್​ ಅಲ್ಟ್ರಾ-ವೈಡ್​ ಆ್ಯಂಗಲ್​ ಲೆನ್ಸ್ ಮತ್ತು 8 ಮೆಗಾಫಿಕ್ಸೆಲ್​​ ಹೊಂದಿದೆ. ಮುಂಬಾಗದಲ್ಲಿ ಎರಡು ಕ್ಯಾಮೆರಾ ಅಳವಡಿಸಲಾಗಿದೆ. ಇನ್ನು ಈ ಸ್ಮಾರ್ಟ್​ಫೋನ್​ ಬೆಲೆ 27,999 ರೂ ಆಗಿದೆ