Smartphones Updates: ಸ್ಯಾಮ್​​ಸಂಗ್​ ಸ್ಮಾರ್ಟ್​ಫೋನ್​ ಅಪ್ಡೇಟ್​​ ಮಾಡುವಾಗ ಎಚ್ಚರ! ಫೋಟೋ, ವಿಡಿಯೋ ಎಲ್ಲವೂ ಡಿಲೀಟ್ ಆಗ್ಬಹುದು

ಸ್ಮಾರ್ಟ್​ಫೋನ್​ಗಳು (Smartphones) ಎಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಎಲ್ಲರಿಘೂ ಇಷ್ಟನೇ. ಆದರೆ ಪ್ರತಿಯೊಬ್ಬರು ಸ್ಮಾರ್ಟ್​ಫೋನ್​ಗಳನ್ನು ಖರೀದಿ ಮಾಡಬೇಕಾದರೆ ಅದರ ಫೀಚರ್ಸ್​ಗಳನ್ನೇ ನೋಡಿ ಖರೀದಿ ಮಾಡುತ್ತಾರೆ. ಅದೇ ರೀತಿ ಟೆಕ್​ ಕಂಪನಿಗಳು ಯಾವುದೇ ಸ್ಮಅರ್ಟ್​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುವಾಗ ಗುಣಮಟ್ಟವನ್ನು ನೋಡಿಕೊಂಡೇ ಬಿಡುಗಡೆ ಮಾಡುತ್ತದೆ. ಇತ್ತೀಚೆಗೆ ಸ್ಮಾರ್ಟ್​​ಫೋನ್​ಗಳು ಮಾತ್ರ ಹೊಸ ಹೊಸ ರೀತಿಯ ಫೀಚರ್ಸ್ (Features)​ಗಳೊಂದಿಗೆ ಬಿಡುಗಡೆಯಾಗುತ್ತಿದೆ. ಹೀಗಿರುವಾಗ ಗ್ರಾಹಕರು ಕೂಡ ಇನ್ನಷ್ಟು ಹೊಸತನವನ್ನು ಬಯಸುವುದು ಸಾಮನ್ಯ. ಇದೀಗ ಜನಪ್ರಿಯ ಸ್ಮಾರ್ಟ್​​ಫೋನ್ ಕಂಪನಿ ಸ್ಯಾಮ್​​ಸಂಗ್​ನ (Samsung) ಸ್ಮಾರ್ಟ್​​ಫೋನ್ ಅನ್ನು ಅಪ್ಡೇಟ್​​ ಮಾಡಲು ಹೋಗಿ ಜನರು ಪರದಾಟುತ್ತಿದ್ದಾರೆ. ಅಪ್ಡೇಟ್ (Update) ಮಾಡಲು ಹೋಗಿ ಮೊಬೈಲೇ ಗ್ಲಿಚ್​ ಆಗಿದೆ.

ಇದೀಗ ಸ್ಯಾಮ್​ಸಂಗ್​ ಕಂಪನಿಯ ಸ್ಮಾರ್ಟ್​ಫೋನ್​ ಕೆಲ ಬಳಕೆದಾರರಿಗೆ ಮೊಬೈಲ್​ ಅನ್ನು ಅಪ್ಡೇಟ್​​ ಮಾಡಲು ವಿನಂತಿಸಿತ್ತು. ಅದೇ ರೀತಿ ಬಳಕೆದಾರರು ಅಪ್ಡೇಟ್ ಮಾಡಿದಾಗ ನಂತರ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇದಕ್ಕೆ ಕಂಪನಿ ಫ್ಯಾಕ್ಟರಿ ರೀಸೆಟ್​ ಮಾಡಬೇಕೆಂದು ಹೇಳಿದ್ದಾರೆ. ಇದರಿಂದ ಫೋಟೋ, ವಿಡಿಯೋ, ಕಾಂಟ್ಯಾಕ್ಟ್​ ಫುಲ್ ಡಿಲೀಟ್ ಆಗಬಹುದು.

ಆಸ್ಟ್ರೇಲಿಯನ್​ ಸ್ಯಾಮ್​ಸಂಗ್​ ಬಳಕೆದಾರರು

ಇತ್ತೀಚೆಗೆ ಹಲವಾರು ಆಂಡ್ರಾಯ್ಡ್​ ಸ್ಮಾರ್ಟ್​ಫೋನ್​ ಬಳಕೆದಾರರು ಸಾಫ್ಟ್​ವೇರ್​ ಅಪ್ಡೇಟ್​​ನಿಂದ ಬಹಳಷ್ಟು ಸಮಸ್ಯೆಯನ್ನು ಎದುರಿಸಿದ್ದಾರೆ. ಇದೀಗ ಆಸ್ಟ್ರೇಲಿಯನ್ ಸ್ಯಾಮ್​ಸಂಗ್​ ಬಳಕೆದಾರರು ಸಾಫ್ಟ್​ವೇರ್​ ಅಪ್ಡೇಟ್​​ ಮಾಡುವ ಮೂಲಕ ಬಹಳ ಅಗತ್ಯವಿರುವ ಫೋಟೋಗಳನ್ನು, ವಿಡಿಯೋಗಳನ್ನು, ಮತ್ತು ಪ್ರಮುಖ ಕಾಂಟ್ಯಾಕ್ಟ್​​ಗಳನ್ನು ಕಳೆದುಕೊಳ್ಳುವ ಅಪಾಯವನ್ನು ಎದುರಿಸುತ್ತಿದ್ದಾರೆ.

ಇದನ್ನೂ ಓದಿ: ವಿಶ್ವದಲ್ಲೇ ಅತ್ಯಂತ ವೇಗದ ಚಾರ್ಜಿಂಗ್ ಫೋನ್: ಸಾಮರ್ಥ್ಯ ಊಹಿಸೋಕೂ ಸಾಧ್ಯವಿಲ್ಲ!

ಮೊಬೈಲ್ ಸ್ಕ್ರೀನ್​​ ಬ್ಲ್ಯಾಂಕ್​

ಮೊಬೈಲ್​ ಬಳಕೆದಾರರು ಕಂಪನಿಗಳು ಈ ಅಪ್ಡೇಟ್​​ ಅನ್ನು ವಿನಂತಿಸಿದಾಗ ತಮ್ಮ ಸಾಫ್ಟ್​ವೇರ್​ ಅನ್ನು ಅಪ್ಡೇಟ್​ ಮಾಡಿದ್ದಾರೆ. ಆದರೆ ತದನಂತರದಲ್ಲಿ ಅವರ ಸ್ಮಾರ್ಟ್​​ಫೋನ್​ಗಳು ಫುಲ್​ ಬ್ಲ್ಯಾಂಕ್​ ಆಗಿದೆಯಂತೆ. ಇದನ್ನು ತಮ್ಮ ಟೆಕ್ನಾಲಜಿ ಕಂಪನಿಗಳಲ್ಲಿ ಕೇಳಿದಾಗ ತಂತ್ರಜ್ಞರು ಕಂಪ್ಲೀಟ್ ಫ್ಯಾಕ್ಟರಿ ರೀಸೆಟ್​ ಅನ್ನು ನೀಡಬೇಕು ಎಂದು ಸಲಹೆ ನೀಡಿದ್ದಾರೆ.

ಸಾಂಕೇತಿಕ ಚಿತ್ರ

ಟೆಕ್​ ಸೇವಾ ಕೇಂದ್ರಗಳಿಗೆ ಭೇಟಿ

ಕಳೆದ ವಾರ ತಮ್ಮ ಆಂಡ್ರಾಯ್ಡ್​ ಸಾಧನಗಳಲ್ಲಿ ಸ್ಯಾಮ್​ಸಂಗ್ ವಿನಂತಿಸಿದ ಅಪ್ಡೇಟ್​​​ ಅನ್ನು ಬಳಕೆದಾರರು ಸ್ವೀಕರಿಸಿದ ನಂತರ ತೊಂದರೆಗೆ ಸಿಲುಕಿ ಪರದಾಡಿದ ಗ್ರಾಹಕರು ಇದಕ್ಕೆ ಕಾರಣವನ್ನು ಕೇಳುವ ನಿಟ್ಟಿನಲ್ಲಿ ಟೆಕ್ ದೈತ್ಯ ಸೇವಾ ಕೇಂದ್ರಗಳಿಗೆ ಭೇಟಿ ನೀಡಿದ್ದಾರೆ.

ಎಲ್ಲಾ ಸ್ಯಾಮ್​ಸಂಗ್​ ಬಳಕೆದಾರರಿಗೆ, ದಯವಿಟ್ಟು ನಿಮ್ಮ ಫೋನ್ ಅನ್ನು ಯಾವುದೇ ಕಾರಣಕ್ಕೂ ಅಪ್ಡೇಟ್​ ಮಾಡಬೇಡಿ. ತೀರಾ ಇತ್ತೀಚಿನ ಸಾಫ್ಟ್‌ವೇರ್ ಅಪ್‌ಡೇಟ್ ನಿಮ್ಮ ಫೋನ್ ಹ್ಯಾಂಗ್ ಆಗಲು, ಗ್ಲಿಚ್​ ಆಗಲು ಕಾರಣವಾಗಬಹುದು, ”ಎಂದು ವ್ಯಕ್ತಿಯೊಬ್ಬರು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಇನ್ನೊಬ್ಬರು ಸ್ಯಾಮ್‌ಸಂಗ್ ಬಳಕೆದಾರರನ್ನು "ನಿಮ್ಮ ಫೋನ್ ಅನ್ನು ನವೀಕರಿಸಬೇಡಿ" ಅಥವಾ ಬ್ಯಾಕಪ್ ಮಾಡಲು ಹೋಗ್ಬೇಡಿ ಎಂದಿದ್ದಾರೆ.

ಸಾಂಕೇತಿಕ ಚಿತ್ರ

ಇನ್ನೊಬ್ಬರು, ’ನಾನು ಇಂದು ಬೆಳಿಗ್ಗೆ ಸ್ಮಾರ್ಟ್​​ಫೋನ್​ನ ಸಾಫ್ಟ್​ವೇರ್​ ಅನ್ನು ಅಪ್ಡೇಟ್​​ ಮಾಡಿದ್ದೇನೆ, ಈಗ ನನ್ನ ಮೊಬೈಲ್​​ನ ಸ್ಕ್ರೀನ್​ನಲ್ಲಿ​ ಸ್ಯಾಮ್​ಸಂಗ್​ ಲೋಗೋ ಮಾತ್ರ ಕಾಣುತ್ತಿದೆ.

ಟೆಕ್​ ಕಂಪನಿಯ ವರದಿ

ಟೆಕ್ ಬೆಂಬಲಕ್ಕಾಗಿ ಒಂದು ಗಂಟೆಗೂ ಹೆಚ್ಚು ಕಾಲ ಸರತಿ ಸಾಲಿನಲ್ಲಿ ನಿಂತಿದ್ದ ಕೆಲವರಿಗೆ ನಿಮ್ಮ ಮೊಬೈಲ್ ಅನ್ನು ಸಂಪೂರ್ಣವಾಗಿ ಫ್ಯಾಕ್ಟರಿ ರೀಸೆಟ್​ ಮಾಡುವುದು ಮಾತ್ರ ಏಕೈಕ ಆಯ್ಕೆಯಾಗಿದೆ ಎಂದು ತಳಿಸಿದ್ದಾರೆ. ಆದರೆ ಇದರಿಂದ ನಿಮ್ಮ ಮೊಬೈಲ್​ನ ಫೋಟೋಗಳು, ವಿಡಿಯೋಗಳು, ಕಾಂಟ್ಯಾಕ್ಟ್​ಗಳು ಹೀಗೆ ಎಲ್ಲಾ ಡಾಕ್ಯುಮೆಂಟ್​ಗಳು ಡಿಲೀಟ್​ ಆಗುತ್ತದೆ ಎಂಬ ಮಾಹಿತಿಯನ್ನು ನೀಡಿದೆ.

ಈ ಸಮಸ್ಯೆಯ ಬಗ್ಗೆ ಸ್ಯಾಮ್​ಸಂಗ್​ ಕಂಪನಿ 7ನ್ಯೂಸ್​ ಎಂಬ ಸಂಸ್ಥೆಗೆ ವರದಿ ಮಾಡಿದ್ದು, ಇದರಲ್ಲಿ ಸ್ಯಾಮ್​ಸಂಗ್​ನ ಅಪ್ಡೇಟ್​​ ಸಮಸ್ಯೆಯ ಬಗ್ಗೆ ಕಂಪನಿ ಸರಿಪಡಿಸುತ್ತಿದೆ ಎಂದು ವರದಿ ಮಾಡಿದೆ.